Ис28
1Ойго кугешнымашым лукшо вуйшӱдышлан,кудын дене Ефремын йӱшӧ эргыже-влак моктанат,ойго тиде лывыжгыше мотор-сӧрал пеледышлан!Тудыжо саскам пуышо лапвер ӱмбалне нӧлталтын,а тушто илыше-влакым йошкар арака сеҥен.2Господьын виян патырже уло,тудо шолеман кугу йӱр да тӱтан мардеж гай,шарлыше кугу вӱд ташлем гай.Кидше дене нуным мландыш налын кудалта,3йолжо дене вуйшӱдышым тошка,кудыж дене Ефремын йӱшӧ эргыже-влак кугешнат.4Жап деч ончыч шушо смоква саска дене мо лиеш,тидак саскам пуышо лапвер ӱмбалне нӧлталтшеты лывыжгыше мотор-сӧрал пеледыш денат лиеш:кӧ тудым ужеш – тунамак кӱрлын налеш да кочкеш.5Тудо кечын Господь Саваоф утлен кодшо шке калыкшылансӧрал вуйшӱдыш, мотор вуйшӱдыш лиеш.6Судитлышылан Тудо чын судым ыштен моштымо шӱлышым пуа,капка воктене тушманым чактарыше-влаклан Тудо вий-куат лиеш.7Но ниныштат йошкар арака деч тайныштыт,лӱҥгыштыт пӱрӧ деч –иерей ден пророк арака деч тайныштыт,йошкар арака нуным аҥыртен.Лӱҥгыштыт нуно пӱрӧ деч –ужмо кончымашышт чын огыл,луктыт нуно йоҥылыш пунчалым.8Чыла ӱстелым йырнык укшинчыш леведын,ару вер кодын огыл.9Ойлат нуно: «Кӧм тудо туныкташ тӧча?Кӧлан тудо умылтарынеже?Ава чызе деч ойырымо,эше шукерте огыл ава шӧрым кочшо азалан мо?10Вет тиде – кӱштымаш почеш кӱштымаш,ик кӱштымашлан вес кӱштымаш,правил почеш правил,ик правиллан вес правил,тыште изишак, тушто изишак».11Садлан Господь тиде калыкланвудыматыше умша, йот йылме дене ойлаш тӱҥалеш.12Ончыч Тудо нунылан ойлен:«Тыште ласкалык вер, тек нойышо-влак каналтат.Тиде каныме вер».Но нунын Тудым колыштмышт шуын огыл.13Ынде нунылан Господьын тыгай шомакше лиеш:«Кӱштымаш почеш кӱштымаш,ик кӱштымашлан вес кӱштымаш,правил почеш правил,ик правиллан вес правил,тыште изишак, тушто изишак».Сандене нуно каят, комдык камвозыт да шаланат,оптышыш логалыт да кучымо лийыт.14Сандене колыштса Господьын шомакшымте, мыскылыше-влак, Иерусалим калыкым вуйлатыше-влак!15Те ойледа: «Ме колымаш дене ушемым,вес тӱня дене ойпидышым ыштенна.Кунам чыла пытарыше лупш эрта,тудо мемнам ок тӱкӧ,вет шоякым ме шкаланна куржын утлымо верым ыштенна,ондалчык – мемнан шылме верна».16Сандене Господь Юмо тыге ойла:«Теве Мый Сионышто кӱм пыштем,тиде – тергыме кӱ, чоткыдо негызыш пыштыме шергакан пусак кӱ,тудлан ӱшаныше намысыш ок пуро.17Чын судым Мый висыме кандырам ыштем,чын ыштымаш лиеш воткандыра .Шолем пытара шоякын илыме вержым,вӱд мушкын колта тендан шылме вердам.18Колымаш дене ыштыме ушемда пудырга,вес тӱня дене ыштыме ойпидышда кӱрлеш.Кунам чыла пытарыше сола лупшаш тӱҥалеш,те кырыме лийыда.19Кажне лупшалмыж годым тудо тендам солалтен наҥгая –кажне эрдене, кечывалым да йӱдымат».Кунам ты уверым колыда, тендам кугу лӱдмаш авалта.20Малымвер пеш изи – ок лий шуйналтын кияш,да леведыш пеш аҥысыр – ок лий тудын дене пӱтырналт возаш.21Перацим курык воктене кынел шогалме семын кынелеш Господь,Гаваон лапверыште шыдешкымыж семын Тудо шыдешка –ышта шке пашажым, тыглай огыл пашажым,мом ыштымыжым, ӧрыктарыше пашажым ончыкта.22Тыгеракын, игылтмыдам чарныза,уке гын кепшылда эшеат неле лиеш.Колынам мый Господь Юмо Саваоф деч:уло мландым пытараш палемдыме.23Савырыза пылышдам да мыйым колыштса,тӱткӧ лийза, мыйын ойлымем колыштса.24Мландым ӱдаш манын, куралше эре куралеш мо,кажне кечын мо тудо тырмала-пушкыдемда?25Уке! Мландым тӧремдымеке,тудо укропым ӱда, каламбырым шава.Ӱда тудо рат дене шыдаҥым,шке верышкыже шожым да пасу тӱрыш – вистым.26Тыге ышташ тудым Юмо туныкта,Юмо тудлан шинчымашым пуа.27Вет огыт ший каламбырым шийме оҥа дене,укроп ӱмбачын шийме оравам огыт коштыкто,но шийыт каламбырым тоя дене,укропым – пондо дене.28Киндылык пырчым шийыт, но огыт тыгыдемде,ӱмбачынже имне-влак шийме орвам коштыктат,но ложаш гайым огыт ыште.29Чыла тиде – Господь Саваоф деч:ӧрыктарыше Тудын уш-акылже, мунлылыкшо Тудын кугу!
Institute for Bible Translation, Finland