Ис22
1Кончымаш лапвер нерген пророклен ойлымаш.«Мо тый денет, молан еҥет-влак леведыш ӱмбаке кӱзеныт?2Йомартлын гӱжлышӧ, куанен йӱкланыше ола!Тыйын еҥет-влак керде деч огыл пытеныт,сӧйыштӧ огыл коленыт.3Он-влакет чылан пырля куржыныт,пикшым лӱйыде, кучымо лийыныт.Тендам чыладам, кӧм муыныт, руалтен кученыт,кеч-мыняр умбаке куржында гынат.4Сандене мый каласенам:Кодыза мыйым, мый кочын шорташ тӱҥалам.Мыйым лыпландараш ида тӧчӧ,вет мыйын калыкем пытен.5Вет Господь, Саваоф Юмо, Кончымаш лапверланпудыраныме, шалатыме, аптыраныме кечым палемден.Ола пырдыжым сӱмырат, кычкырыме йӱк курык вуй марте шокта.6Еламын сарзыже-влак сакеныт пикш лодакыштым,сарлык орва да имнешке дене толыт,Кир гыч толшо сарзе-шамыч авыртышым нӧлтат.7Тыйын эн сай лапверет-влак орва дене темыныт,ола капка воктене имнешке-шамыч рат дене шогат.8Иуда ӱмбач аралтыш кидым кораҥдыме!Тудо кечын те Кедр полатысе саргуралым ончалында9да Давид-Оласе пырдыжыште шуко рожым ужында,Ӱлыл пӱяште шапаш вӱдым погенда.10Иерусалимысе пӧрт-влакым ончен лекмеке,ола пырдыжым тӧрлаш манын,те южо пӧртшым ронченда.11Кок пырдыж коклаште теТошто пӱян вӱдшылан аралыме верым ыштенда.Но Кӧ чыла тидым шукташ палемден,Тудын дек шинчадам савырен огыдал.Кӧ шукертак тидым ышташ шонен пыштен,Тудым ончен огыдал.12Господь, Господь Саваоф,тудо кечын тендам шорташ да ойгыраш,вуйысо ӱпым нӱжаш да чоштыра вургемым чияш ӱжеш.13Но тендан дене – йывыртымаш, куан:те ӱшкыж ден шорыкым шӱшкылыда,шылым кочкыда, йошкар аракам йӱыда.Ойледа: ”Кочкаш да йӱаш тӱҥалына,вет эрла садак колена!”14Господь Саваофын мылам ойлымыжым колынам:”Тиде сулыкда колымешкыда кудалтыме ок лий!”»Тыге Господь, Господь Саваоф, ойлен.15Тыге каласен Господь, Господь Саваоф:«Кугыжан тӧраже да полат вуйлатыше Севна дек вигак кай[да тудлан каласе]:16Тый тыште кӧ улат, шкендым кӧлан шотлет?Кузе тый тыште шкаланет чапле шӱгарым ыштет?Кӱшнӧ тый шӱгарым руэнат,кӱ курыкышто шкаланет кийыме верым ыштенат.17Но Господь тыйым, виян айдеме,руалтен куча да луктын кудалта!18Тудо тыйым вӱдылкаш пӱтыралешда мундыра семын кумда мландыш кудалта.Тушто тый колет, чапле орват-влакозатын пӧртшылан мыскылымашым кондат.19Мый тыйым шинчыме верет гыч сӱмырен кудалтем,тетла тый вуйлатыше от лий.20Тудо кечын Мый шке Елиаким тарземым, Хелкий эргым, ӱжам.21Тудлан Мый вургемет чиктем, ӱштетым ӱшталтем, кучемвиетым пуэм. Тудо Иерусалимыште илыше-влак ден Иуда калыкын ачашт лиеш.22Давид пӧрт деч сравочым Мый тудын вачышкыже сакалтем. Мом тудо почеш – нигӧ ок петыре, мом тудо петыра – нигӧ ок поч.23Мый Елиакимым чоткыдын пудален шындыме пуда гайым ыштем, тудо ачажын тукымжылан чап престол лиеш.24Тиде пудаште ачажын пӱтынь тукымжо уло нелытше дене кечаш тӱҥалеш: тушто йоча ден уныкаже-влак – изи ате-шамыч, – тыгак моло ате, корка гыч кувшин марте лийыт.25Тудо кечын, – Господь Саваоф ойла, – чоткыдын пудален шындыме пуда лӱҥгаш тӱҥалеш. Тудо лукмо лиеш да камвозеш, а тушто мо кечен – чыла пыта». Тыге Господь ойла.
Institute for Bible Translation, Finland