Ис23
1Тир нерген пророклен ойлымаш.«Фарсис корабль-влак, шортса!Вет Тир олам шалатыме,пӧрт-влак ден гаваньжым пытарыме.Тидын нерген тыланда Киттим мландыште увертареныт.2Шыпланыза, сер ден отролаште илыше-влак,да те, сидон купеч-влак!Теҥызым вончен коштшо-влак, Сидон, тыйым пойдареныт:3кугу вӱд дене конденыт Сихор воктене куштымо пырчым,Нил сер гыч – мо тӱредмым;тый калык-влакын торгайыме верышт лийынат.4Вожыл, Сидон, теҥызын карманже!Вет теҥыз тыйын шотышто тыге ойла:”Мый азам ыштыме орлыкым пален омылда азам ыштен омыл,мый эрге-влакым куштен омыл,ӱдыр-шамычым ончен омыл”.5Кунам египтян-влак Тир нерген тыгайым колыт,нуным орлык авалта.6Фарсисыш вончыза, шкендам утарыза,теҥыз серыште илыше-влак, шортса!7Тиде мо тендан куанен йӱкланыше олада,эше акрет жапыштак шочшо?Йолда тендам наҥгаен мӱндыр эллашке илаш.8Кӧ тыгайым Тирлан палемден?Тудыжо кугыжа-влакым шогалтылын,купечше-шамыч он лийыныт,сатучыжо-влак уло тӱнялан чапланеныт.9Господь Саваоф тудлан тыге лияш палемден:чапым лукшо пашаж дене кугешнымыжлан мучашым пышташ,мландымбалне чапланыше-влакым ӱҥышемдаш.10Фарсисыште илыше-влак, йогын семын мландыда мучко шаланыза,вет гавань тетла уке.11Господь шке кидшым теҥыз ӱмбак шуялтенда кугыжаныш-влакым чытырыктен налын.Ханаан шотышто Тудо кӱштымашым пуэн –карманже-влакым шалаташ.12Тудо каласен:”Намыслалтше Сидон ӱдыр, тетла тый от куане!Кынел, Киттимыш кай,но туштат тый ласкалыкым от уж”.13Теве халдей-влакын мландышт,но тиде калык тетла уке.Ассириян-влак тудымир мландысе янлыкын илыме верышкыже савыреныт.Нуно олам авырен налаш чоҥежым нӧлталыныт,тусо полат-влакым шалатеныт,чыла сӱмырен кудалтеныт. 14Шортса, Фарсис корабль-влак –тендан карманда шалатыме!15Тудо кече гыч Тирым шымле ийлан – ик кугыжан илыме жапшылан – мондат. Шымле ий эртымеке, яжар ӱдырамаш нерген кузе мурат, тидак Тир дене лиеш:16”Мондалтше яжар ӱдырамаш,нал кӱслем да ола мучко кошт!Сайын шокто, шуко мурым муро –ала тыйым шарналтат!”17Шымле ий эртымеке, Господь Тир деке поро кумылжым ончыкта. Тунам ола угыч торгайыме пашаж деке пӧртылеш да мландымбалне улшо чыла кугыжаныш дене яжарланаш тӱҥалеш.18Но торгайыме деч налме парышыже Господьлан пӧлек семын ойырымо лиеш: тудым клатыш огыт пыште да тушто огыт арале – чыла парыш Господь чурий ончылно илыше-влаклан теммеш кочкашышт да сай вургемым чияшышт кая».
Institute for Bible Translation, Finland