Ис21
1Теҥыз воктене улшо ир мланде нерген пророклен ойлымаш.«Кузе Кечывалвел мландыште тӱтан мардеж чоҥештылеш,туге ир мланде гыч, шучко мланде гыч пытарымаш толеш.2Шучко кончымаш мылам ончыктымо лийын:элым ужалыше ужала, мландым пустаҥдыше пустаҥда!”Керылт, Елам! Авырен нал, Мидий!Чыла йӧсын йыҥысымылан Мый мучашым пыштем”.3Тиде кончымашлан кӧра кӧргем чытырналтын,азам ыштышын орлыкшо мыйым авалтен.Мом колмем деч мый тӱҥгылгенам,мом ужмем деч ӧрткенам.4Шӱмем вургыжеш, капем чытырыкта,ласкалыкым кондышо рӱмбалге кызыт мыйым лӱдыкта.5Ӱстелым погат, ковёрым шарат да кочкын-йӱыт.Кынелза, сарзывуй-влак, шке авыртышдам шӱрыза!6Вет мыланем Господь тыге каласен:”Кай, шогалте оролым – тек мом ужмыжым ойла!7Ужеш гын тудо мужыр дене толшо сарзе-влакым:имне, осёл да верблюд ӱмбалне шинчыше-шамычым –тек тӱткын эскера, чот тӱткын!”8Орол кычкыралын: ”Озам, мый кечыгут оролем,йӱдымат шке верыштем шогем.9Теве нуно лишемыт – мужыр дене толшо имнешке-влак!”Вара тудо увертарен кычкыралын:”Пытен, пытен Вавилон!Тудын шояк юмыжо-влак мландымбалне шалатыме кият!”10О, идымыште шийме мыйын калыкем!Мом мый Израильын Господь Саваоф Юмыж деч колынам,лач тудымак тыланда увертарем».11Дума кундем нерген пророклен ойлымаш.«Сеир гыч мыланем кычкырат:”Орол, вашке мо йӱд пыта?Орол, вашке мо йӱд пыта?”12Орол вашешта: ”Эр шуэш, но эше йӱд.Угыч йоднеда гын, мӧҥгеш толза да йодса”».13Аравий нерген пророклен ойлымаш.«Деданыште илыше калыкын ӱштыганже-влак,Аравийысе чашкерыште йӱдым эртарыза!14Фема мландыште илыше-влак!Сусынышо-шамычлан вӱдым наҥгайыза,куржшо-влакым кинде дене вашлийза!15Вет нуно керде деч, лодак гыч лукмо керде деч куржыт,куржыт чымалтарыме йоҥеж деч, шучко сар деч.16Господь мыланем тыге каласен: ”Ик ий гычын, тарлалтме ий-влакым шотлымо семын шотлаш гын, Кедарын чапшылан мучаш толеш.17Кедарын тале пикшызыже-влак шагалын кодыт”».
Тыге Господь, Израильын Юмыжо, каласен.
Тыге Господь, Израильын Юмыжо, каласен.
Institute for Bible Translation, Finland