Авв2
1Мый оролаш шогалынамда башне ӱмбалне шогымем годым эскеренам:мом мылам Господь каласа,вуйшиймем шотышто мылам мом эше ойлаш.2Господь мылам вашештен:«Кончымашым возен нал,изоҥаш сайын возен шынде –тудым лудаш куштылго лийже.3Вет тиде кончымаш – палемдыме пагыт нерген,тудо пытартыш жапыште мо лийшаш нерген ойла да ок ондале.Кончымаш вашке шукталтдымыла чучеш гынат, вучо –тудо, юватылде, чынжымак шукталтеш.4Теве тырга айдемын шӱм-чоныштыжо чынлык уке,а чын ыштыше еҥ ӱшанымашыж дене илаш тӱҥалеш.5Кугешныше айдеме – йошкар арака гай ондалчык,тудын шӱм-чоныштыжо тыныс уке.Вес тӱня гай тудо умшажым кара,колымаш семын тудо темын кертдыме.Чыла калыкым шкаланже колыштара,чыла тукымым кид йымакше налеш.6Но нунышт тудын нерген мыскылен ойлатда тыге койдарен мурат:”Ойго тудлан, кӧ весын погыж дене пояда шуко залогым пога!”Кужун мо тиде шуйна?7Кенета огыт кынел мо еҥ-влак арымеш налметым тӱлыкташ?Толын огыт шогал мо тыйым лӱдыкташ?Нуно тый дечет чыла шупшын налыт.8Тый шуко калыкым агенат,сандене тыйымат моло калык ага –тый вӱрым йоктаренат,мландым, олалам пустаҥденат,тушто илыше-влакым пытаренат.9Ойго тудлан, кӧ шке пӧртшылан погымчын огыл паша дене ыштен налеш,азап деч утлаш манын,шке пыжашыжым кӱшан вераҥда!10Пӧртыштет илыше-влакым намысыш пуртенат,калык-влакым пытарымет дене илышетлан лӱдыкшым конденат.11Пырдыж кӱ-влак кычкыраш тӱҥалыт,пу кашта-влак нунылан вашештат:12”Ойго тудлан, кӧ вӱрым йоктарен олам чоҥа,негызшылан закондымылыкым пышта!”13Господь Саваоф деч огыл мо тиде:калык-влакын пашашт туллан кочкыш лийыт,тукым-шамыч шкештым арам улныктарат?14Кузе вӱд теҥызым тема,туге Господьын чапшым палымаш мландым тема.15Ойго тудлан, кӧ лишылъеҥже-влаклан шке коркаж гычужмышудымаш дене йӧрымӧ йошкар аракам йӱкта,чара капыштым ужаш манын,нуным руштмешкышт йӱкта!16Тый чап дене огыл, а вожылмаш дене темат!Ынде шкежат йӱ да намысле веретым ончыкто!Господьын пурла кидыштыже улшо чашетыйымат эртен огеш кай,да чапетым намыс вашталта.17Ливан курыклаште ыштыме осал пашат шке ӱмбакетак толеш:янлыкым чаманыде пуштедыметлан,айдеме вӱрым йоктарыметлан,мландым, олалам пустаҥдыметлан,тушто илыше-влакым пытарыметлантый лӱдын чытыраш тӱҥалат.18Могай пайда кидмастарын ыштыме шояк юмыж деч,велен ыштыме тиде статуй деч,кудо лач шояклан туныкта?Мастар инана шке ыштыме юмыжлан,а тудыжо – лач йылмыдыме полган.19Ойго тудлан, кӧ пулан ойла: ”Кынел!”да кутырен кертдыме кӱлан: ”Помыжалт!”Туныкта мо тудо иктаж-молан?Тудо шӧртньӧ да ший дене комыжлымо,кӧргыштыжӧ шӱлыш уке».20А Господь – шке святой храмыштыже:тек уло мланде Тудын ончылныжо шыплана!
Institute for Bible Translation, Finland