Авв1
1Пророк шомак, тудо пророк Аввакумлан кончымаш гоч пуымо лийын.2О Господь, Тый дечет полышым эше мыняр йодман,Тый мыйым от кол мо?Шыгыремдыме нерген эше мыняр кычкырыман,Тый от утаре мо?3Молан Тый мылам осал пашам ужыктет,тиде неле-йӧсылыкым кузе ончен кертат?Шинча ончылнем – пызырымаш ден пытарымаш,вуйым нӧлтат келшыдымаш ден ужмышудымаш.4Тидлан кӧра закон вийжым йомдарен, чын суд уке:осал еҥ титакдымым сеҥа,чынлык деч посна суд ышталтеш.5«Ончалза тӱткын калык-влак ӱмбаке,те пеш чот ӧрыда!Мый тендан кечылаште ӧрыктарыше пашам ыштем,тидын нерген тыланда каласат ыле гын,огыда ӱшане ыле.6Теве Мый халдей-влакым,ажгын да чаманыдыме калыкым, нӧлталам.Йот калыкын илемлажым руалташ манын,тудо тӱня мучко кая.7Тиде калык лӱдыкшӧ да шучко,шкаланже шке – закон да кучемвий.8Улыт имньыже-влак леопард деч писырак,йӱд пире деч чулымрак.Имнян сарзывийже уло вийын чыма,имнешкыже-влак умбачын кудал толыт.Кучышаш янлык ӱмбак куткыж семын чоҥештен толыт,9толыт нуно руалтен налаш.Эрвел мардеж гай чыма сарзывийже, ошма пырче наре еҥым пленыш налеш.10Кугыжа-влак тудлан улыт воштылчык,вуйлатыше-шамыч – мыскылтыш,карман-влак ӱмбаке тудо воштылын онча,мланде кӱкшака-шамычым нӧлтен, нуным сеҥен налеш.11Кугешныше чон шӱлышыжӧ эшеат чот кугешна, кайымыж годым тудо чыла пустаҥда,тудын юмыжо – шке вийже».12Но Тый огыл мо ожнысек Господь улат?Святой Юмем, ме огына коло!Господь, Тый тиде калыкым мут кучыкташ колтенат.Кӱ курыкем! Шке судетым ышташ Тый тудым ойыренат.13Тыйын яндар, святой шинчат осал пашам ончен ок керт,пызырымашым Тый чытен от керт.Молан Тый ондален илыше-влак ӱмбаке ончетда, кунам осал еҥ шкеж деч чынрак ыштышым пӧжга, шып улат?14Тый еҥ-шамычым вуйлатыше деч посна илыше теҥыз кол гайым,вӱдысӧ тыгыде чонан-влак гайым ыштенат.15Тушман нуным эҥыр дене луктеш,вапш дене куча, шӧрӧка дене пога –тидлан йывырта да куана.16Садлан тудо шке вапшыжлан надырым конда,шке шӧрӧкажлан тӱтыра,вет нунылан кӧра тудын пайже чапледа ӱстелже пеш поян.17Ок тол мо мучаш вапшыж гыч ястаркалымылан,калык-влакым чаманыде пытарымыжлан?
Institute for Bible Translation, Finland