Авв3
1Пророк Аввакумын кумалме мутшо. Муро семын мурашлан.2Господь, мый Тыйын пашат нерген колынам,мом ыштыметым пален налынам да лӱдынам. Господь, мемнан илыме кечылаште шке пашатым угыч ончыкто,мемнан жапыште тыгайымак ыште,шыдешкет гынат, мемнан деке поро лий.3Феман гыч Юмо лишемеш,Фаран курык деч Святой толеш.Тудын кӱдыратлыкше кавам леведын,Тудым моктымаш дене мланде темын.4Тудын йолгалтмыже – пуйто кече волгыдо,кидше гыч тулйол-влак лектыт,тушто – Тудын вий-куатше.5Чурийже ончыч шучко чер кая,йолтаганже почеш – когартыше шокшымужо.6Кунам Тудо шогалеш, мланде чытырналтеш,ончалеш – калык-шамыч лӱдын пырткат.Курымашле курык-влак шелалтыт,акрет кӱкшака-шамыч лапемыт.Но Тудын коштмо корныжо-влак курымашле улыт!7Ужам мый: эфиоп омаш-влак туткарыш логалыныт,Мадиам мландысе илем-влак чытырат.8Эҥер-шамычлан мо, Господь,йогын-влаклан мо ылыжын Тыйын шыдет?Але теҥызлан ылыжын кугу шыдет?Сандене мо Тый шке имнет-влак,сеҥымашым кондышо орват-влак ӱмбак шинчынат?9Израиль тукым-шамычлан пуымо товатмутет почешТый шке пикшйоҥежетым чымалтаренат.Мландым Тый эҥер-влак дене шелынат.10Тыйым ужын, курык-шамыч чытырнат,кугу вӱд йога, вӱд келгыт гӱжла,толкынжым кӱшкӧ нӧлталеш.11Кунам пикшет-влак чолгыжытда волгенчетын умдыжо-влак йылгыжыт,кече ден тылзе шке верыштышт чарнен шогалыт.12Шыдет дене Тый мланде мучко эртет,кугун сырымет дене калык-влакым тошкет.13Лектат Тый шке калыкетым утараш,шӱрен палемдыметым саклен кодаш.Осал калыкын вуйлатышыжым Тый кырен шалатет,тудым чараҥден, пӱтынек пытарет.14Кунам тудын сарзывуйжо-влак,пуйто шолып верыште йорло еҥым нелаш шонымылан куанен,мыйым тӱтан мардеж гай кырен шалаташ лупшалтыт,Тый тудын умдыж дене нунын вуйыштым шӱтет.15Теҥыз гоч Тый шке имнет-влак ӱмбалнекугу вӱдлам шоҥештарен кудалат.16Мый тидым кольым, да шӱмем пырткаш тӱҥале,гӱжлымӧ йӱкым колын, тӱрвем чытырналте.Луэм-влак коршташ тӱҥальыч,йолем йымалне мландым мый ом шиж.Но, шӱм-чон ласкалыкым йомдарыде,вучаш тӱҥалам тудо кечым,кунам тушманем-влак ӱмбак туткар толеш.17Кеч смоква пушеҥге ок пелед,виноград вондерыште саска огеш лий,олив саска ок шоч, пасу лектышым ок пу,кеч шорыквечыште шорык-влакда вӱташте ушкал-влак огыт код,18тунамат мый Господьлан йывырташ,утарыше Юмемлан куанаш тӱҥалам.19Господь Юмо – мыйын вием:йолемым пӱчын гайым ыштада мыйым кӱкшака верыш кӱзыкта!Хор вуйлатышылан. Кылан семӱзгар дене.
Institute for Bible Translation, Finland