Езд10
1Кунам Ездра Юмын пӧрт ончылно кумык возын кумалын да шортын-шортын калыкын языкшым почын ойлен, тудын йыр израильтян-влак – пӧръеҥ, ӱдырамаш да йоча-шамыч – шукын погыненыт. Нунат мӱгырен шортыныт.2Шеханий, Иехиилын эргыже, Елам тукым гыч иктыже, Ездралан каласен: «Тиде мландысе йот калык кокла гыч ватым налын, ме шке Юмына ончылно титакыш пуренна. Но тиде пашаште Израильлан эше ӱшан уло.3Айста кызыт шке Юмына дене ойпидышым ыштена да мыйын озамын да Юмынан кӱштымашыже-влакым кугун пагален илыше-шамычын каҥашышт почеш нине вате ден нунын деч шочшо йоча-влакым шкенан деч колтена. Тек чылажат закон почеш лиеш!4Кынел, тиде пашам тылат шуктыман, ме тый денет пырля лийына – чолга лий да пашалан пиж!»5Ездра кынелын. Иерей ден левит-влакын да уло Израильын вуйлатышышт тидым шуктышт манын, тудо нунылан товатлаш кӱштен. Вуйлатыше-шамыч товатмутым пуэныт.6Вара Ездра Юмын пӧрт деч Иегохананын, Елиашив эргын, пӧлемышкыже каен. Тушто тудо пленыште лийше-влакын осал пашам ыштымыштлан шортын, кочкынат, йӱынат огыл.7Иуда мланде ден Иерусалимыште увертареныт: тек пленыште лийше-шамыч Иерусалимыште погынат.8Кӧ кум кече жапыште ок тол, калык вуйлатыше ден кугурак-влакын пунчалышт почеш тыгай еҥын погыжым шупшын налыт, а шкенжым плен гыч пӧртылшӧ калык тӱшка гыч ойырен кораҥдат.9Кум кече жапыште Иуда ден Вениамин мландыште илыше-влак Иерусалимыш погыненыт. Тиде индешымше тылзын колымшо кечынже лийын. Уло калык, тиде паша деч, тыгак кугу йӱр деч чытырен, Юмын пӧрт ончылнысо кудывечыште шинчен.10Иерей Ездра ончыко лектын да каласен: «Шкаланда йот калык кокла гыч ватым налын, осал пашам ыштенда – тидын дене Израильын титакшым кугемденда.11Шке сулыкдам ача-кочада-влакын Господь Юмыжо ончылно почын ойлыза да Тудын кумылжым шуктыза – тысе калык деч ойырлыза да нунын кокла гыч налме ватыда дене кылым кӱрлза».12Погынышо уло калык кугу йӱкын вашештен: «Тый чын улат, сандене кузе каласышыч, тыгак ыштена.13Но тыште калык шуко да жапшат йӱран – ме уремыште шоген огына керт. Пашажат ик-кок кечаш огыл, вет тиде сулыкым шукынжо ыштенна.14Тек тиде пашам уло калык лӱм дене вуйлатышына-влак шуктат. Тек олалаштына илыше, йот калык гыч ватым налше-шамыч палемдыме жапыште тышке толыт, тек кажне олан калык кугуракше ден судьяже-влакат толыт. Тунам Юмынан тиде пашалан кӧра ылыжше кугу шыдыже мемнан деч кораҥеш».15Тидын дене лач Ионафан, Асаил эрге, да Яхзеий, Фиква эрге, кӧнен огытыл. Нунын велыште тыгак Мешуллам ден левит Шавтай лийыныт.16Плен гыч пӧртылшӧ-влак каласыме семынак ыштеныт. Иерей Ездра кажне урлык гыч вуйлатыше-шамычым ойырен налын, нуно чыланат лӱмышт дене ончыктымо лийыныт. Луымшо тылзын икымше кечынже нуно погыненыт да тиде пашам лончылаш тӱҥалыныт,17икымше тылзын икымше кечыжлан йот калык гыч ватым налше кажне еҥым рашемден шуктеныт.18Иерей-влак коклаште йот калык гыч ватым налше-шамыч теве кӧмыт лийыныт: Иисусын, Иоседек эргын, да тудын иза-шольыжо-влакын урлыкышт гыч – Маасей, Елиезер, Иарив да Гедалий.19Нуно шке ватыштым ойырен колташ товатмутым пуэныт, да кажныже сулыкшылан тагам конден.20Иммер урлык гыч – Ханани ден Зевадий,21Харим урлык гыч – Маасей, Елий, Шемай, Иехиил да Уззий,22Пашхур урлык гыч – Елиоенай, Маасей, Измаил, Нафанаил, Иозавад да Елеас.23Левит кокла гыч: Иозавад, Шимей, Келаий – тудак Клита, Петахий, Иуда да Елиезер.24Мурызо кокла гыч – Елиашив, капка орол кокла гыч – Шаллум, Телем да Урий.25Моло израильтян кокла гыч: Парош урлык гыч – Рамаий, Иззий, Малхий, Миямин, Елеазар, Малхий да Ваней.26Елам урлык гыч – Матфаний, Захарий, Иехиил, Авдий, Иремоф да Елий.27Затту урлык гыч – Елиоенай, Елиашив, Матфаний, Иремоф, Завад да Азиса.28Бевай урлык гыч – Иегоханан, Хананий, Забвай да Афлай,29Ваний урлык гыч – Мешуллам, Маллух, Адай, Иашув, Шеал да Иерамоф.30Пахаф-Моав урлык гыч – Адна, Хелал, Ваней, Маасей, Матфаний, Веселеил, Биннуй да Манассий,31Харим урлык гыч – Елиезер, Ишший, Малхий, Шемай, Симеон,32Вениамин, Маллух, Шемарий.33Хашум урлык гыч – Мафнай, Мафафа, Завад, Елифелет, Иеремай, Манассий да Шимей,34Ваний урлык гыч – Маадай, Амрам, Уел,35Ваней, Бидья, Келуги,36Ваней, Меремоф, Елиашив,37Матфаний, Мафнай, Иаасай,38Ваний, Биннуй, Шимей,39Шелемий, Нафан, Адай,40Махнадбай, Шашай, Шарай,41Азариил, Шелемий, Шемарий,42Шаллум, Амарий да Иосиф.43Нево урлык гыч – Иеиел, Маттифий, Завад, Зевина, Иаддай, Иоиль да Бенаий.44Нине еҥ-влак чыланат шкаланышт ватым йот калык гыч налыныт, южо ватыже нунылан йочамат ыштен улмаш.
Institute for Bible Translation, Finland