Неем1
1Неемийын, Гахалий эргын, каласкалымыже.
Кислев тылзын, колымшо ийын мый Суза оласе карманыште лийынам.2Тунам иза-шольым кокла гыч иктыже, Ханани, да эше икмыняр еҥ Иуда мланде гыч тольыч. Мый нунын деч илыше кодшо, плен гыч пӧртылшӧ иудей-влак да Иерусалим нерген йодыштым.3Нуно мылам каласышт: «Плен гыч илыше пӧртылшӧ-влак тушанак, шкенан кундемешак, кодыныт, но пеш кугу азапыш логалыныт да мыскылалт илат. Иерусалимын пырдыжшым шалатыме, капкажым йӱлалтыме».4Тыгай уверым колын, мый шинчым да шортын колтышым. Икмыняр кече ойгырен коштым, пӱтым кучышым да кавасе Юмылан кумальым.5Мый тыге каласышым:
«Господь, кавасе Юмо, лӱдмашым лукшо кугу Юмо! Тыйым йӧратыше да кӱштымашет-влакым шуктышо-шамыч дене ыштыме ойпидышетлан Тый ӱшанле кодат, нунын деке поро кумылетым ончыктет!6Тек пылышет тӱткын колыштшо да шинчат почмо лийыт! Колышт шке тарзетын кумалмыжым! Мый кызыт йӱдшӧ-кечыже Израиль калык верч, Тыйын тарзет-влак верч, кумалам. Израиль калыкын ыштыме сулыкшым почын ойлем: ме, Израиль калык, тыгак мыят, ачамын ешыжат, Тыйын ончылнет сулыкым ыштенна.7Ме Тыйын ончылнет титакыш пуренна: Моисей тарзетлан кӱштен кодымо пунчал, кӱштымаш да уставет-влакым шуктен шоген огынал.8Шарналте Моисей тарзетлан каласыме шомакетым: ”Те Мый дечем кораҥыда гын, Мый тендам вес калык-влак коклашке шалатен пытарем.9Но Мый декем мелын савырнеда да Мыйын кӱштымаш-влакем шуктен шогаш тӱҥалыда гын, мланде тӱрыш поктен колтымо лийыда гынат, тушечынат Мый тендам иквереш чумырем да шке лӱмемлан илаш ойырен налме верыш кондем”.10Вет Израиль калык Тыйын тарзет да Тыйын калыкет улеш, тудым Тый шке кугу виет дене, шке куатан кидет дене утаренат.11Господь, Тыйым сӧрвалем! Тек Тыйын пылышет тарзетын кумалмыжым, тыгак моло тарзетын кумалмыштым тӱткын колыштеш. Ме Тыйын лӱметым куан дене шотлен илена. Шке тарзетлан таче полшо: саде еҥын кумылжым мый декем савыре».
Тунам мый кугыжан аракатемкалышыже лийынам.
Кислев тылзын, колымшо ийын мый Суза оласе карманыште лийынам.2Тунам иза-шольым кокла гыч иктыже, Ханани, да эше икмыняр еҥ Иуда мланде гыч тольыч. Мый нунын деч илыше кодшо, плен гыч пӧртылшӧ иудей-влак да Иерусалим нерген йодыштым.3Нуно мылам каласышт: «Плен гыч илыше пӧртылшӧ-влак тушанак, шкенан кундемешак, кодыныт, но пеш кугу азапыш логалыныт да мыскылалт илат. Иерусалимын пырдыжшым шалатыме, капкажым йӱлалтыме».4Тыгай уверым колын, мый шинчым да шортын колтышым. Икмыняр кече ойгырен коштым, пӱтым кучышым да кавасе Юмылан кумальым.5Мый тыге каласышым:
«Господь, кавасе Юмо, лӱдмашым лукшо кугу Юмо! Тыйым йӧратыше да кӱштымашет-влакым шуктышо-шамыч дене ыштыме ойпидышетлан Тый ӱшанле кодат, нунын деке поро кумылетым ончыктет!6Тек пылышет тӱткын колыштшо да шинчат почмо лийыт! Колышт шке тарзетын кумалмыжым! Мый кызыт йӱдшӧ-кечыже Израиль калык верч, Тыйын тарзет-влак верч, кумалам. Израиль калыкын ыштыме сулыкшым почын ойлем: ме, Израиль калык, тыгак мыят, ачамын ешыжат, Тыйын ончылнет сулыкым ыштенна.7Ме Тыйын ончылнет титакыш пуренна: Моисей тарзетлан кӱштен кодымо пунчал, кӱштымаш да уставет-влакым шуктен шоген огынал.8Шарналте Моисей тарзетлан каласыме шомакетым: ”Те Мый дечем кораҥыда гын, Мый тендам вес калык-влак коклашке шалатен пытарем.9Но Мый декем мелын савырнеда да Мыйын кӱштымаш-влакем шуктен шогаш тӱҥалыда гын, мланде тӱрыш поктен колтымо лийыда гынат, тушечынат Мый тендам иквереш чумырем да шке лӱмемлан илаш ойырен налме верыш кондем”.10Вет Израиль калык Тыйын тарзет да Тыйын калыкет улеш, тудым Тый шке кугу виет дене, шке куатан кидет дене утаренат.11Господь, Тыйым сӧрвалем! Тек Тыйын пылышет тарзетын кумалмыжым, тыгак моло тарзетын кумалмыштым тӱткын колыштеш. Ме Тыйын лӱметым куан дене шотлен илена. Шке тарзетлан таче полшо: саде еҥын кумылжым мый декем савыре».
Тунам мый кугыжан аракатемкалышыже лийынам.
Institute for Bible Translation, Finland