Эккл2
1Мый шкаланем каласышым: «Терген ончем-ян куанле илышым, пален налам пиалым». Но тидат арамыш лекте.2Воштылмаш нерген каласышым: «Ушдымылык!», а веселалык нерген – «Мом тудо пуа?»3Шӱмемым мунлылык виктарен шоген гынат, мый йошкар арака дене капем эмраташ да ушдымылык дене палыме лияш шонен пыштышым. Мый ужаш шонышым: мо айдеме эрге-влаклан сай, кӱчык ӱмырыштышт кава йымалне мом нуно ыштышаш улыт.4Кугу пашам мый ыштышым: шкаланем пӧрт-влакым чоҥышым, виноград аҥа ден5сад-пакчам шукемдышым, саскан тӱрлӧ пушеҥгым шындышым.6Сад-пакчасе пушеҥгым вӱдыжтараш манын, пӱя-влакым кӱнчышым.7Шкаланем пӧръеҥ ден ӱдырамаш кул-шамычым нальым, мыйын шке пӧртыштем шочшо кул-влакат лийыныт. Шолдыра ден тыгыде вольыкем Иерусалимыште мый дечем ончыч илыше кеч-могай еҥын деч шукырак лийын.8Мый шкаланем кугыжа-влак деч да тӱрлӧ кундем гыч ший ден шӧртньым, поянлыкым погышым. Тыгак шкаланем пӧръеҥ ден ӱдырамаш мурызо-влакым да шуко тӱрлӧ семӱзгарым – айдемын куанжым – муым.9Тыге мый Иерусалимыште ончыч илыше чыла еҥ деч кугурак да поянрак лийым. Тыгодым мунлылыкем пеленемак кодын.10Мо мыйын шинчамлан келшен, нимом шӱкалын омыл – шӱмем чыла семын куандаренам. Чыла тидын деч шӱмем куанен – мыйын тыршымемлан тыгай саска лийын.11Но кунам ыштыме чыла пашам да тыршымем ончальым, мый ужым: чылажат – арам, чылажат – мардежым поктылмо дене иктак, да кече йымалне тидын деч нимогай пайда уке.12Вара мый мунлылык, окмаклык да ушдымылык нерген шонкалаш тӱҥальым. Мом ышташ тӱҥалеш ик кугыжа деч вара вуйлаташ тӱҥалше вес кугыжа? Мо тудын деч ончыч ышталтын, тидымак огыл мо?13Мый ужым: кузе волгыдо пычкемыш деч сайрак, тыгак мунлылык ушдымылык деч сайрак.14Мунло еҥ кушко кайымыжым ужеш, а ушдымо еҥ пычкемыште коштеш. Но мый умылышым: когыньыштымат ик пӱрымаш вуча.15Тунам мый шкаланем каласышым: «Мыйымат ушдымо еҥын пӱрымашыже вуча. Молан тугеже мылам мунлылык кӱлеш?» Каласышым шкаланем: «Чыла тидат – арам».16Вет мунло еҥымат, ушдымо еҥымат курымеш шарнаш огыт тӱҥал, ончыкшым чылажат мондымо лиеш. Мунло еҥ ушдымо семынак кола!17Илыш мыланем ужмышудымо лие, кече йымалне ышталтше чыла паша осалын чучо. Чылажат – арам, чылажат – мардежым поктылмо дене иктак!18Ужмышудымо лие мыланем кече йымалне чыла тыршымем, вет чыла ыштен налмем мый дечем вара лийше еҥлан кодышаш улам.19Да кӧ пала: тудо мунло лиеш але ушдымо? А вет мом мый кече йымалне шке кидем да мунлылыкем дене ыштен налынам, чыла тидын дене тудо озаланаш тӱҥалеш. Чыла тидыжат – арам!20Тунам кече йымалне тыршен ыштыме чыла пашам деч мый ойгаҥым,21вет южо айдемыже пашам мунлын, шинчен да устан ышта, а вара чыла тидым тугай еҥлан кодышаш, кудыжо тышке нимогай надырым пыштен огыл. Тидат – кӱлдымаш да кугу чындымылык!22Кече йымалне ыштыме чыла пашаж ден азапланымыж деч айдеме мом налеш?23Чыла тудын илыме кечыже – лач орлык, пашам ыштымыже – лач тургыжланымаш, эсогыл йӱдымат тудын шӱмжӧ ласкалыкым ок пале. Тидыжат – чыла арам!24Кочкаш, йӱаш да шке пашаж деч куаным налаш – теве айдемылан пиал. Тыгак умыленам: тидымат Юмын кидше пуа.25Тудын деч посна кочкын да куаным муын кӧ кертеш?26Кӧ Юмылан келша, тыгай еҥлан Тудо мунлылыкым, шинчымашым да куаным пуа, а сулыкан еҥлан – погаш, чумыраш да варажым Юмылан келшыше еҥлан пуаш. Тидат – арам, мардежым поктылмо дене иктак!
Institute for Bible Translation, Finland