Эккл1
1Мунло туныктышын, Давид эргын, Иерусалимысе кугыжан, мутшо-влак.2Арам, чыла арам, – каласен мунло туныктышо, – чылажат арам!3Кече йымалне ыштыме чыла пашаж дечайдемылан могай пайда?4Ик тукым весым вашталта,а мланде курымеш шога.5Кече лектеш, кече шинчеш –лекме верышкыже угыч вашка.6Чоҥешта мардеж кечывалвелыш,вара йӱдвелыш савырна,корныштыжо пӧрдын-пӧрдын,йыр савырнен пӧртылеш.7Чыла эҥер теҥызыш йога,но тудыжо садак тӱргоч ок тем:угыч йогаш манын,вӱд йоген лекме верышкыже пӧртылеш.8Муаш ок лий кӱлеш шомакым,да чылажым ойленат от пытаре.Мом ужмо дене шинча ок тем,мом колмо дене пылыш ок тем.9Мо лийын – тудак лиеш,мо ышталтын – тудак ышталтеш:кече йымалне нимо у уке.10Иктаж-мо нерген ойлат: ончо, тиде ала-мо у,но лийын тудо мемнан деч ончычат,кодшо курымлаште.11Ончыч илыше-влакым огыт шарне,да кӧмыт ончыкшым илаш тӱҥалыт,нунымат вара илыше-шамыч огыт шарналте.12Мый, мунло туныктышо, Иерусалимыште Израильын кугыжаже лийынам.13Кыртмен пижынам мый кава йымалне чыла мо ышталтмым шымлаш да тидым мунлылык дене терген лекташ. Тиде неле сомылым Юмо айдеме эрге-влаклан пуэн.14Мо кече йымалне ышталтеш, мый чыла ужынам: чылажат – арам, чылажат – мардежым поктылмо дене иктак.15Кадырым ок лий тураҥдаш,а мо укем ок лий шотлаш.16Каласенам шкаланем: «Теве мый кугу еҥ лийынам да мый дечем ончыч Иерусалимым вуйлатыше-влак деч шукырак мунлылыкым погенам. Мыйын шӱмем шуко мунлылык ден шинчымашым поген».17Вара мый мо тыгай мунлылык да мо тыгай окмаклык ден ушдымылык улмым пален налаш кыртмен пижым. Умылышым, тидат – мардежым поктылмо дене иктак.18Вет кушто шуко мунлылык,тушто шуко тургыжланымаш,да кӧ шинчымашым шукемда – орлыкым шукемда.
Institute for Bible Translation, Finland