Эккл3
1Чылалан шке жапше уло,кава йымалне чыла мо улылан шке пагытше уло:2жап шочаш да жап колаш,жап шындаш да жап шындымым куклаш;3жап пушташ да жап паремдаш,жап шалаташ да жап чоҥаш;4жап шорташ да жап воштылаш,жап ойгыраш да жап мурен-кушташ;5жап кӱм кышкаш да жап кӱм погаш,жап ӧндалаш да жап ӧндалме деч кораҥаш;6жап кычалаш да жап йомдараш,жап аралаш да жап луктын кудалташ;7жап кушкедаш да жап урген шындаш,жап шып лияш да жап кутыраш;8жап йӧраташ да жап ужмышудымо лияш,жап сарлан да жап тыныслан.9Могай пайдам айдеме ыштыме пашаж деч налеш?10Мый ужынам тиде сомылым, Юмо тудым айдеме эрге-влаклан пуэн.11Чылажымат Тудо шке жапыштыже сӧралым ыштен. Тудо тыгак еҥ-влакын шӱмышкышт курымашлык нерген умылымашым пыштен, но Юмын пашажым айдеме тӱҥалтыш гыч мучаш марте садак умылен ок керт.12Мый ужынам: илыме годым илышлан куанаш да ракатланаш – айдемылан тидын деч сайракше уке.13Айдеме кочкеш, йӱэш да пашаж деч куаным налеш гын, тиде – Юмо деч пӧлек.14Мый умыленам: чыла, мом Юмо ышта, курымешлан кодеш – тышке нимом от ешаре, тышеч нимом от кораҥде. Тудын деч лӱдын илышт манын, Юмо тыге ышта.15Мо кызыт уло – тиде ондакат лийын,мо варажым лиеш – тидат ончыч лийын,вет Юмо эртышым мӧҥгеш пӧртылта. 16Эше теве мом мый кече йымалне ужым:судитлыме вер, а тушто закондымылык озалана,чынлыкын верже, а тушто – чындымылык.17Каласышым мый шкаланем:«Чын ыштыше еҥат, осал еҥат Юмын суд ончыкшо шогалыт,вет кажне пашалан шке жапшым палемдыме».18А еҥ-влак шотышто мый шоналтышым: «Вольык дене иктак улмыштым палышт манын, нуным Юмо терга.19Вет айдемынат, вольыкынат пӱрымашышт икгай – чылан ик семынак колат, нунын илыш шӱлышышт икгай. Айдеме вольык деч нимо денат ок ойыртемалт, вет чылажат – арам.20Чылажат ик верыш кая: чылажат мланде пурак гыч лийын да пуракыш савырна.21Кӧ пала – айдемын шӱлышыжӧ кӱшкӧ кӱза мо да вольыкын шӱлышыжӧ ӱлыкӧ, мландыш, вола мо?»22Мый умыленам: айдемылан шке пашаж деч куаным налме деч нимо сайрак уке – тыге тудлан пӱралтын. Мо тудын деч вара лиеш – тидым ончалаш тудым кӧ конда?
Institute for Bible Translation, Finland