Зак.уш32
1«Колышт, кава, мый ойлаш тӱҥалам.Колышт, мланде, умшам гыч лекше мутым.2Йогаш тӱҥалеш туныктымем йӱр семын,мутемже йогалеш лупс семын,ужар шудыш йогышо изи йӱр гай,озым ӱмбак велалтше тале йӱр гай.3Господьын лӱмжым ӱжын кумалам!Мемнан Юмылан пуыза чапым!4Тудо – чоткыдо кӱ курык,ыштыме пашаштыже уке ситыдымаш,чыла корныжо чынле!Юмо – ӱшанле, уке Тудын дене шояк.Тудо – чынле, чыным ыштыше.5Но Тудын ончылно нуно пужленыт,осал пашаштлан кӧра Тудын шочшыжо огытыл,нуно локтылалтше, пужлышо тукым улыт.6Аҥыра, шонен моштыдымо калык!Тыге мо тӱледа Господьлан?Ачат огыл мо Тудо тылат, тыйым Шочыктышо,тыйым Ыштыше, тыйым Пеҥгыдемдыше?7Шарналте ожнысо жапым,ончычсо тукым-влакын ийлашт нерген шоналте.Йод ачат деч – тылат тудо каласа,йодышт шоҥгыеҥ-влакет деч – тылат нуно ойлат:8кунам Чыла деч Кӱшылысӧ калык-влаклан мландым пуэден,да айдеме тукымым тӱрлӧ верыш вераҥден,тунам Тудо, Израиль эрге-влакын чотышт дене келшышын,калык-влаклан чекым пыштен.9Вет Израиль калык – Господьын ужашыже,Иаков – Тудын налшаш пайже.10Господь тудым ир мландыште,мардежан пуста ирверыште муын,тудым ончен, тудын верч азапланен,шке шинчасортаже семын арален шоген.11Кузе арыслангайык пыжашыжым арала,шулдыржым шаралтен, игыж-влак ӱмбалне чоҥештылеш,нуным шулдырешыже шынден наҥгая,12тугак Господь шке калыкшым Шкетын коштыктен,нимогай вес юмо пеленже лийын огыл.13Мландысе кӱкшакалашке тудым кӱзыктен,пасу лектышым тудлан кочкаш пуэн.Пукшен тудлан курыкоҥысо мӱйым,кӱан мландыште шочшо олив ӱйым.14Господь тудлан ушкал ӱй ден каза шӧрым,тага ден пача коям,Васанысе ӱшкыж ден каза-влакым,эн сай шыдаҥым пуэн.Йӱынат тый йошкар аракам, виноград саскан вӱржым.15[Иаков кочкын,] Израиль ӧрден да ӱскырт лийын,шарлен, кӱжгемын, коя лийын.Юмо дек, тудым Ыштыше дек, тупынь савырнен,утарыше Курыкшым кӱлдымыш луктын.16Вес юмо-влаклан кумалмышт дене нуно Тудым сырыктеныт,шке йырнык пашашт дене Господьым шыдештареныт.17Надырым нуно Юмылан огыл, а ия-влаклан конденыт.Нуно ты юмо-влакым пален огытыл,ача-кочашт нунын нерген колынат огытыл,нине юмо-влак у, пошкудо калык деч пален налме лийыныт.18А тыйым шочыктышо Кӱ курыкым шарнен отыл,тыйым ыштыше Юмым тый монденат.19Господь тидым ужын [да шыдешкен],сырымыж дене шке эрге-ӱдыржӧ-влак деч кораҥын.20”Шке чурием Мый нунын деч шылтем, – Тудо каласен, –да ончалам: могай лиеш мучашышт.Нуно пужлышо тукым улыт, ӱшанле йоча-влак огытыл.21Мо юмо огыл, тудлан кумалмышт дене Мыйым сырыктеныт,полган юмышт дене луктыныт шыдем.Тугай калык дене, могайже чынжым калыкат огыл,Мый нуным кӧранаш таратем,шотдымо калык дене нуным шыдештарем.22Тул ылыжын Мыйын шыдем деч,вес тӱнян пундашыж марте тудо йӱлалтен пура,мландым да чыла мом шочыктымыжым когарта,курык негыз марте тудо йӱлалта.23Туткар почеш туткарым колтем Мый ӱмбакышт,пикш-влакем колтем нунын ӱмбакышт.24Нуно шужен каҥгешт пытат,шокшымужо ден моло шучко чер деч колат.Мый нунын ӱмбак ир янлык-влакым колтем,аяр кишке-влак нуным чӱҥгалыт.25Уремыште лийшым керде пуштеш,мӧҥгыштӧ кодшым лӱдмаш пытара,кеч лийже тиде самырык рвезе але ӱдыр,чызым кочшо аза але чал ӱпан шоҥгыеҥ.26Икте кодде, Мый нуным пытараш шоненам –айдеме тукым нунын нерген тек огешат шарналте, –27но тушман-влакын воштылмыштым колыштмем шуын огыл.Вес семын тидым умылен, нунышт каласат ыле:”Мемнан кидна нуным сеҥен,Господь огыл чыла тидым ыштен”.28Израиль – ушым йомдарыше калык,ок мошто тудо шонен.29Ушан лиеш гын, умыла ыле – могай мучаш тудым вуча!30Кузе ик еҥ тӱжемым поктен колтен кертешале кузе коктын лу тӱжемым мӧҥгеш куржыктат?Тугеже Кӱ курык нуным коден каен,Господь нуным тушман кидыш пуэн!31Тушманна-влакын юмышт мемнан Юмына гай огытыл,тидым нуно сайын палат.32Нунын виноград вондышт Содом гыч,Гоморрасе пакча гыч улыт:саскашт аяр дене темын,кочо улыт орлаҥгышт.33Нунын йошкар аракашт – кишке аяр,шемгишкын пуштшо аярже.34Теве мом Мый шапашлан пыштенам,аралыме верышкем печать дене петыренам.35Мый ӱчым шуктем, нунылан пӧртылтем.Толеш жап, да нунын йолышт шӱртня.Пытыме кечышт нунын лишне,мом нунылан ямдылыме – вашке шукталтеш.36Кунам Господь ужеш: пытен Израильын вийже,кодын огыл нигӧ – кулат, эрыкан еҥат –Тудо шке калыкшылан чын судым ышта,шке тарзыж-влакым чаманен налеш.37Тунам Господь каласа: ”Кушто тендан юмыда,инанен илыме кӱ курыкда?38Вет нине юмо-влак надыр вольыкдан кояштым кочкыныт,йӱыныт йошкар арака надырдам.Тек нуно кынелыт да тыланда полшат,тек нуно тендам аралат!39Ужыда кызыт, [ужыда]: тиде – Мый, Мый улам!Мый дечем моло вес Юмо уке.Мый колымашым колтем, Мыяк илышым пуэм,Мый сусыртем, Мыяк паремдем.Нигӧ Мыйын кидем деч ок керт утарен.40Кава деке [пурла] кидем нӧлталамда Шкем дене, курым-курымеш илымем дене товатлем:41йолгалтше кердем Мый пӱсемдем,да судым ышташ тӱҥалеш кидем –тушманем-влаклан Мый ӱчым шуктем,Мыйым ужмышудымо-влаклан чыла пӧртылтем.42Колышо ден пленыш налме-влакын вӱрыштым пикш-влакемлан йӱктем,айдеме кап, тушман вуйлатыше-влакын вуйышт кердемлан кочкыш лийыт.43[Куане, кава, Господь дене пырля,вуйдам савыза Тудлан, Юмын чыла Суксыжо!]Куаныза, вес калык-влак, Тудын калыкше дене пырля,[виян тек лийыт Юмын чыла эргыже]!Вет тарзыж-влакын вӱрышт верч Тудошке тушманже-влаклан ӱчым шукта,[Тудым ужмышудымо-влаклан мутым кучыкта].Шке мландыжын, шке калыкшын сулыкшым Господь касара».44[Тиде мурым Моисей тудо кечын возен да Израиль эрге-влаклан туныктен.] Моисей [калык деке] толын да нунылан тиде мурын чыла мутшым лудын пуэн. Тудын дене пырля Иисус, Навын эргыже, лийын.45Чыла тиде мутым уло Израильлан увертарымеке, Моисей46каласен: «Мыйын таче тыланда пуымо чыла шомакым шӱмышкыда пыштыза. Икшывыда-влаклан кӱштен ойлыза – тек нуно тиде законын чыла шомакшым шуктен шогат.47Тиде тыланда яра шомак-влак огытыл, тыште – тендан илышда. Нунылан кӧра те Иордан вес велысе мландыште, кудыжым сеҥен налаш каеда, кужун илаш тӱҥалыда».48Тудо кечынак Господь Моисейлан каласен:49«Аварим курыклашке кай, Моав мландыште Иерихон ваштареш улшо Нево курыкыш кӱзӧ да тушечын израиль эрге-влаклан Мыйын пуышаш Ханаан мландым ончал.50Тиде курыкышто тый колет да кугезе кочат-влак деке кает. Тыге Аарон изатат Ор курыкеш колен да шке кугезыж-влак деке ушнен.51Вет Син ир мландыште, Мерива-Кадес вӱд воктене, те израиль эрге-влак коклаште Мыйын ончылнем мут колыштдымо лийында – израиль эрге-влаклан Мыйын святой улмем ончыктен огыдал.52Мыйын израиль калыклан пуышаш мландым Тый умбачын ужат, но тушко от пуро».
Institute for Bible Translation, Finland