Зак.уш33
1Теве Моисейын, Юмын еҥын, колымыж деч ончыч израиль калыкым суапландарыме мутшо.2Тудо каласен:«Господь толын Синай гычын,Сеир гыч кече семын лектын,Фаран курык гыч Тудо волгалтын.Шуко тӱжем святой-влак дене Господь ошкылын,Тудын пурла велныже – законын тулжо.3Чынжымак Господь йӧрата шке калыкшым!Чыла святой-влак улыт Тыйын кидыштет,кумык возыт нуно Тыйын йол воктекетда Тыйын шомакет деч тунемыт.4Законым мыланна пуэн Моисей,Иаков тукымлан югыпогым пуэн.5Кунам калык вуйлатыше-влак чыла израиль тукым дене пырля погыненыт,тудо Израильын кугыжаже лийын.6Тек Рувим ила, ок коло.Шагал еҥан ынже лий [Симеонат]».7Иуда нерген тыге каласен:«Кол, Господь, Иудан йӱкшымда тудым шке калыкше деке кондо.Тек калык верч тудо кучедалеш,тушман ваштареш шогаш тудлан полшо».8Левий нерген тыге каласен:«Туммим ден урим Тыйын святой тарзет дене улыт.Тергенат Тый Левийым Массаште,Мерива вӱд воктене тудын дене ӱчашенат.9Ача-аваж нерген тудо ойла: ”Мый нуным ом пале”.Иза-шольыж-влакым шотыш ок нал,эргыж-влакым тудо онча йот еҥ семын.Вет нуно, левит-влак, Тыйын шомакетым шуктат,Тыйын ойпидышет почеш илат.10Нуно Тыйын законетлан Иаковым,кӱштымаш-влакетлан Израильым туныктат,Тыйын ончыкет тамлыпушан тӱтыртышым,жертвенникышкет йӱлалтен пуымо надырым пыштат.11Суапландаре, Господь, тудын вий-куатшым,чыла ыштыме пашаж дек поро лий.Кӧ тудын ӱмбак кержалтын, кӧ тудым ужмышудымын онча –нунын эрде луштым, Господь, пудырто,тек нуно огыт керт тетла кынелын».12Вениамин нерген каласен:«Господьын йӧратыме икшывыже лӱдыкшым палыде ила:Юмо тудым кажне кечын арален шога,Господьын вачыштыже тудо ласкан кана».13Иосиф нерген тыге каласен:«Тек Господь тудын мландыжым каван эн сай пӧлекше дене суапландара,суапландара тудым лупс дене, мланде келгыт гыч лекше вӱд дене,14кече ден тылзын куштымо эн сай лектышышт дене,15акрет курык-влакын эн чапле пӧлекышт дене,курымашле чоҥгата-влакын эн сай саскашт дене,16суапландара мланде поянлыкын эн чапле лектышыж дене.Тек йӱлышӧ вондерыште Кончышын суапландарымашыжеИосифын, иза-шольыж-влак коклаште он лийшын,вуй ӱмбакше толеш.17Куатше тудын икымше шочшо ӱшкыжын гай,тӱкыжӧ тудын ир ӱшкыжын гае.Тӱкыж дене тудо вес калык-влакым ӧргаш,мланде тӱр марте шыгыремдаш тӱҥалеш.Тиде – Ефрем тукымын шотлен пытарыдыме еҥышт,Манассий тукымын тӱжемле еҥышт».18Завулон нерген тыге каласен:«Куане, Завулон, корнышто улмет годымда тый, Иссахар, омашлаште улмет годым!19Нуно тукым-влакым курыкыш ӱжыт,тушто кӱлеш надырым кондат.Теҥыз нуным теммеш пукшен-йӱкта,ошмасе поянлыкым нуно кычал луктыт».20Гад нерген тыге каласен:«Чапландарыме улеш Гадын мландыжым кумдаҥдыше Юмо!Лев семын тушто Гад ила,кушкедеш тудо йол ден вуйым.21Шкаланже тудо эн сай мландым ойырен налын,тушто тудлан вуйлатышын ужашыжым пуымо.Калык вуйлатыше-влак погынымеке,тудо Господьын чынлыкшым шуктен –Израильлан чын судым ыштен».22Дан нерген тыге каласен:«Дан – самырык лев,Васан курык кокла гыч кудал лекше».23Неффалим нерген тудо каласен:«Неффалим Господьын порылыкшо дене,Тудын суапландарымыж дене темын.Теҥыз вел ден кечывалвел мланде тудын кидыште лийыт».24Асир нерген тудо каласен:«Эрге-влак коклаште Асир эн суапландарыме.Тек тудо иза-шольо коклаште йӧратыме лиеш,тек йолжо олив ӱйыштӧ мушкылтеш.25Капкаже тудын кӱртньӧ да той тӱкылтышан,вий-куатше эре пеҥгыде кодеш.26Израильын Юмыж гай нигӧ уке!Тылат полшаш манын, Тудо тый декет кава дене чыма,шке чапше дене тый декет пыл ӱмбалне толеш.27Акрет Юмо – тыйын аралтышет,тый курымашле кидыште улат.Поктен колта тый дечет тушманымда каласа: ”Тудым пытаре”.28Лӱдыкшӧ деч посна Израиль шкетын ила,ила Иаков тукым киндан да йошкар аракан мландыште,тушто кава гыч лупс вола.29Пиалан улат тый, Израиль! Кӧ уло весе тый гает?Улат тый Господьын утарыме калыкше,Тудо – тыйым арален шогышо авыртышет.Господь – тыйын сеҥымаш кердет.Ӱедылаш тӱҥалыт ончылнет тушман-влак,но тый нуным шӱйышт гыч тошкет».
Institute for Bible Translation, Finland