Зак.уш15
1Кажне шымше ийын тый парымым кудалтышаш улат.2Тидым теве кузе ыштыман: кажне, кӧ лишылъеҥжылан арымеш пуэн, тек тиде парымым кудалта. Тек тудо лишылъеҥже деч, шке иза-шольыж деч, парымым пӧртылташ ок йод, вет Господь Юмо лӱмеш парымым кудалтымашым увертарыме.3Йот калык еҥ деч парымым пӧртылташ йодын кертат, но шке иза-шольычын парымжым кудалте.4А такшым тендан коклаште йорло еҥ лийшаш огыл. Вет те Господь Юмыдам колышташ да мыйын таче тыланда пуымо чыла кӱштымашем шуктен шогаш тӱҥалыда гын, озаланаш пуымо мландыштыже Тудо тендам суапландара.6Тунам Господь Юмыда каласымыж семынак тендам суапландара – те шуко калыклан арымеш пуэда, а шкеже араш огыда тӱҥал. Те шуко калык дене озаланеда, а тендан дене нигӧат озаланаш ок тӱҥал.7Господь Юметын пуымо мландыштыже иктаж-кудо олаште шке калыкетын иктаж эргыже йорло лиеш гын, шӱмдымӧ ит лий, йорло иза-шольычлан пуаш ит чамане.8Тудлан уло кумылын полшо, тек тыйын кидет тудлан мо кӱлешым арымеш чаманыде пуа.9Шеклане, шӱмышкет уда шонымашым ит пурто: шымше ий – парымым кудалтыме ий – лишеммым пален, йорло иза-шольыч ӱмбаке шӧрын ит ончо, тудлан пуаш ит чамане. Вет тудо Господьлан тыйын шотышто вуйым шийын кумалеш гын, тыйын ӱмбалнет [кугу] сулык лиеш.10Пу тудлан [арымеш – кунар тудо йодеш, кунар тудлан кӱлеш]. Кунам тудлан пуэт, шӱм-чонет ынже ойгане: вет тидлан Господь Юмет шке кидет дене ыштыме чыла пашаштет тыйым суапландара.11Тиде мландыште йорло-влак эре лийыт, садлан тыланет кӱштен ойлем: тыйын мландыштет улшо иза-шольычлан, йорлылан да незер еҥлан чаманыде полшен шого.12Шке еврей калыкет гыч иктаж пӧръеҥ але ӱдырамаш тыланет шкенжым ужала гын, тудо куд ий тыйын кулет лийшаш, а шымше ийын ты еҥым эрыкыш колто.13Тудым эрыкыш яра кид дене ит колто.14Ты еҥлан шке тыгыде вольыкет, шурнет, йошкар аракат гыч ужашым пу – мо дене тыйым Господь, тыйын Юмет, суапландарен.15Шарне: тыят Египетыште кул лийынат, да Господь Юмет тыйым куллык деч утарен, садланак мый таче тыланет тыгай кӱштымашым пуэм.16Но кул ”мый тый дечет ынем кай” манеш гын, – вет тудо тыйым да ешетым йӧрата, тудлан тый денет илаш келша –17тудым омсат деке шогалте да пылышыжым вӱрж дене шӱтӧ. Тыге тудо курымешлан тыйын кулет лиеш. Ӱдырамаш кулет денат тыгак ыште.18Шке кулетым эрыкыш колташ кӱлмылан ит ойгаҥ, вет куд ий пашам ыштымыже тылат вес еҥым тарлыме деч кок пачаш шулдынрак лектын. Господь Юметат тыйым чыла пашаштет суапландара.19Шолдыра да тыгыде вольыкетын чыла икымше узо шочшыштым Господь Юметлан святитлен пу. Икымше шочшо ӱшкыжым пашалан ит кучылт, икымше шочшо тага ден казатаган межыштым ит тӱред.20Кажне ийын нуным Господьын, [тыйын Юметын], ойырен налме верыштыже Господь Юмет ончылно ешет да тарзет-влак дене пырля коч.21Вольыкын экшыкше лиеш – тудо окшак, сокыр але иктаж-могай вес кугу экшыкан гын, – тудым Господь Юметлан надыр шотеш ит кондо,22а илыме верыштет коч. Тудым аруат, ару огыл еҥат ирказа ден пӱчӧ шылым кочмо семын кочкын кертеш.23Лач вӱрым ит коч: тудым вӱд семын мландыш йоктаре.
Institute for Bible Translation, Finland