Зак.уш14
1Те Господьын, тендан Юмыдан, икшывыже улыда. Сандене колышо еҥлан кӧра капдам ида коркале, саҥга ӱмбалне ӱпдам ида нӱжӧ.2Вет те Господьын, тендан Юмыдан, святой калыкше улыда. Тудын калыкше лийза манын, тӱнясе чыла калык кокла гыч Господь тендам ойырен налын.3Нимогай йырныкым ида коч.4Теве тыланда кочкаш лийме вольык ден янлык: ушкал, шорык, каза,5пӱчӧ, ирказа, косульо, лань, тӱрлӧ урлык антилопо да курык тага.6Кеч-могай вольык ден янлыкым, кудышт йоҥыжат, кӱчышт кокыте ойырлышо да кӱч коклаштышт келге шелше уло – тыгайым кочкын кертыда.7Йоҥыжышо але кокыте ойырлышо кӱчан вольык-янлык кокла гыч верблюдым, мераҥым да даманым ида коч, вет нуно йоҥыжат гынат, кокыте ойырлышо кӱчан огытыл, садлан нуно тыланда ару огытыл.8Тыгак сӧснам ида коч: кӱчшӧ кокыте ойырлышо гынат, тудо огеш йоҥыжо. Тудат тыланда ару огыл. Нине вольык-янлыкын шылыштым ида коч, колышо капышт дек ида тӱкнӧ.9Вӱдыштӧ илыше чыла чонан гыч тугайым кочса, кудын шулдыржо да колшӱмжӧ уло.10А кудын шулдыржо да колшӱмжӧ уке, тыгайым ида коч – тудо тыланда ару огыл.11Кеч-могай ару кайыкым кочкын кертыда.12Но тыгай кайык-влакым ида коч: тиде – арыслан, гриф, теҥыз куткыж,13амырт, тӱлеген, тӱрлӧ колегуш,14чыла тӱрлӧ шем курныж,15страус, тумна, колшыре, тӱрлӧ вараш,16ӱҥгӧ, ибис, изи тумна,17пеликан, пӱркыт, баклан,18аист, чыла тӱрлӧ чарлаҥге, тӧтыреткайык, водывычыраҥге.19Шулдыран чыла тыгыде чонан-влак ару огытыл, нуным ида коч.20Но шулдыран-влак кокла гыч кудышт ару улыт, тыгайым кочкын кертыда.21Нимогай колышо вольыкым ида коч. Тудым олаштыда илыше йотъеҥлан пуэн але вес мланде гыч толшо еҥлан ужален кертыда, тек нуно кочкыт. А те Господь Юмыдан святой калыкше улыда.
Казапачам аважын шӧрешыже ида шолто.22Пасу лектышетын луымшо ужашыжым кажне ийын посна ойыро23да Господь Юметын шке лӱмжылан илаш ойырен налме верыште Тудын ончылныжо коч. Шурно лектышет, йошкар аракат да олив ӱет деч луымшо ужашым, тыгак шолдыра да тыгыде вольыкетын икымше шочшыштым [конден шого]. Тыге тый илыме чыла кечыштет Господь Юметым пагалаш да Тудын деч лӱдаш тунемат.24А Господь Юметын шке лӱмжылан илаш ойырен налме верышке каяш корно тора, да тый тушко чыла тиде луымшо ужашым, мо дене тыйым Господь суапландарен, намиен шуктен от керт гын,25чыла тидым шийлан вашталте да, тудым пеленет налын, Господьын ойырен налме верышкыже кай.26Тушто тиде ший дене мом шоныметым, чонетлан мо келшымым чыла нал: шолдыра ден тыгыде вольыкым, йошкар аракам але пӱрым. Вара Господь Юмет ончылно коч, шке ешет да тарзет-влак дене пырля куанен пайремле.27Тыгодым тыйын олаштет илыше левит-влакымат ит мондо, вет нунын тыйын семынет шке мланде пайышт уке.28Кажне кумшо ий мучаште лектышетын луымшо ужашыжым ойыро да ола-влакетын клатлашкыже опто.29Левит-влакын шке мланде пайышт уке, садлан тек нуно олаштет илыше йотъеҥ, тулык йоча да тулык вате-влак дене пырля тушко толыт, тек чыланат теммешкышт кочкыт. Тунам Господь Юмет тыйым чыла ыштыме пашаштет суапландара.
Казапачам аважын шӧрешыже ида шолто.22Пасу лектышетын луымшо ужашыжым кажне ийын посна ойыро23да Господь Юметын шке лӱмжылан илаш ойырен налме верыште Тудын ончылныжо коч. Шурно лектышет, йошкар аракат да олив ӱет деч луымшо ужашым, тыгак шолдыра да тыгыде вольыкетын икымше шочшыштым [конден шого]. Тыге тый илыме чыла кечыштет Господь Юметым пагалаш да Тудын деч лӱдаш тунемат.24А Господь Юметын шке лӱмжылан илаш ойырен налме верышке каяш корно тора, да тый тушко чыла тиде луымшо ужашым, мо дене тыйым Господь суапландарен, намиен шуктен от керт гын,25чыла тидым шийлан вашталте да, тудым пеленет налын, Господьын ойырен налме верышкыже кай.26Тушто тиде ший дене мом шоныметым, чонетлан мо келшымым чыла нал: шолдыра ден тыгыде вольыкым, йошкар аракам але пӱрым. Вара Господь Юмет ончылно коч, шке ешет да тарзет-влак дене пырля куанен пайремле.27Тыгодым тыйын олаштет илыше левит-влакымат ит мондо, вет нунын тыйын семынет шке мланде пайышт уке.28Кажне кумшо ий мучаште лектышетын луымшо ужашыжым ойыро да ола-влакетын клатлашкыже опто.29Левит-влакын шке мланде пайышт уке, садлан тек нуно олаштет илыше йотъеҥ, тулык йоча да тулык вате-влак дене пырля тушко толыт, тек чыланат теммешкышт кочкыт. Тунам Господь Юмет тыйым чыла ыштыме пашаштет суапландара.
Institute for Bible Translation, Finland