Ам2
1Господь тыге ойла:«Моав ик осал паша почеш весым ыштылын,сандене Мый тудым мут кучыктыде ом кодо.Тудо Едом кугыжан лужым йӱлалтен,татырыш савырен.2Моав ӱмбаке Мый тулым колтем,да тудо Кериофын полатше-влакым пӧжга.Кредалме йӱк-йӱан коклаште,пуч пуалтыме йӱк годым Моав пыта.3Мый тудын судьяжым пытарем,тудын дене пырля чыла онжым пуштам, –Господь ойла.4Тыге Господь ойла:Иуда ик осал паша почеш весым ыштылын,сандене Мый тудым мут кучыктыде ом кодо.Тудо Господьын законжым кӱлдымыш луктын,пунчалже-влакым шуктен шоген огыл.Ача-кочажын кумалме шояк юмыжо-влактудым чын корно гыч кораҥденыт.5Иуда ӱмбак Мый тулым колтем,да тудо Иерусалимын полатше-влакым пӧжга.6Господь тыге ойла:Израиль ик осал паша почеш весым ыштылын,сандене Мый тудым мут кучыктыде ом кодо.Тудо чын ыштыше еҥым шийлан,йорлым ик мужыр йолчиемлан ужала.7Тудо йорло-влакын вуйыштымпуйто мланде пуракым тошка,незер-влакын коштмо корныштым нелемда.Эрге ден ачаже ик ӱдырамаш деке коштыт,Мыйын святой лӱмем шакшылат.8Кажне жертвенник воктене нунозалог шотеш налме вургем ӱмбалне кият,титаклыме-влак деч штраф шотеш налме йошкар аракамшке юмыштын пӧртыштышт йӱыт.9А Мый чурий ончылнышт аморрей калыкым пытаренам.Тудыжо кедр гай кӱкшӧ, тумо гай пеҥгыде лийын.Кӱшнӧ Мый тудын саскажым, ӱлнӧ вожшым пытаренам.10Аморрей мландым тыланда пуаш манын,Мый тендам Египет гыч луктынамда ир мланде дене нылле ий вӱден наҥгаенам.11Эргыда кокла гыч пророклан,самырык рвезыда кокла гыч назорейлан шогалтенам.Тыге огыл мо, Израильын эргыже-влак? –ойла Господь Юмо. –12Но те назорей-влаклан йошкар аракам йӱктенда,пророк-шамычлан кӱштен ойленда:”Пророклен ида ойло”.13Сандене Мый тендамкылта-влакым оптымо орван тошкымыж семын тошкем –14писе айдеме куржын ок керт,виян еҥ куат деч посна кодеш,тале сарзе шке илышыжым ок утаре.15Пикшызе шоген ок керт,писе йолан куржын ок утло,имнешке утаралт ок код.16Эн виян сарзе тудо кечын чыла коден куржеш», –ойла Господь.
Institute for Bible Translation, Finland