Ам1
1Амосын, Фекойышто шорыкым ашныше-влак кокла гыч иктыжын, мутшо-влак. Нуно тудлан Израиль нерген ужмо кончымашыж гоч пуымо лийыныт. Тиде Иуда кугыжа Озийын да Израиль кугыжа Иеровоамын, Иоас эргын, вуйлатымышт годым, мланде чытырналтмаш деч кок ий ончыч лийын.2Тудо каласен:Господь Сион гыч кӱдырта,Иерусалим гыч шке йӱкшым пуа.Тунам кӱтӱчӧ-влакын кӱтымӧ верлашт кошкат,Кармил вуйысо шудо лывыжга.3Господь тыге ойла:«Дамаск ик осал паша почеш весым ыштылын,сандене Мый тудым мут кучыктыде ом кодо.Галаадым шийме оҥа дене шиймыжлан4Мый Азаилын пӧртышкыжӧ тулым колтем,тудо Венададын полатше-влакым пӧжга. 5Дамаскын капка тӱкылтышыжӧ-влакым Мый шалатем,Авен лапверыште илыше-шамычымда Бет-Еденыште кугыжан тоям кучышым пытарем.Арамей калык Кирыш пленыш кая, – ойла Господь.6Тыге Господь ойла:Газа ик осал паша почеш весым ыштылын,сандене Мый тудым мут кучыктыде ом кодо.Калык-влакым тудо пленыш налын да Едомлан ужален.7Газан пырдыжлашкыже Мый тулым колтем,да тудо полатше-влакым пӧжга.8Азотышто илыше-шамычымда Аскалонышто кугыжан тоям кучышым пытарем.Екрон ӱмбаке кидем нӧлталам,да утлен кодшо филистим-влак пытат, –ойла Господь Юмо.9Тыге ойла Господь Юмо:Тир ик осал паша почеш весым ыштылын,сандене Мый тудым мут кучыктыде ом кодо.Вет тудо пленыш налме-влакым Едомлан ужален,иза-шольо ойпидышым шарналтен огыл.10Тирын пырдыжлашкыже тулым колтем,да тудо полатше-влакым пӧжга.11Господь тыге ойла:Едом ик осал паша почеш весым ыштылын,сандене Мый тудым мут кучыктыде ом кодо.Вет тудо иза-шольыжо-влакым керде дене поктен,шке тукымжым чаманен огыл.Тудын шыдыже чарныде ажгынен,кугу шыдыже эре йӱлен.12Феманыш Мый тулым колтем,да тудо Восоран полатше-влакым пӧжга.13Господь тыге ойла:Аммон эрге-влак ик осал паша почеш весым ыштылыныт,сандене Мый нуным мут кучыктыде ом кодо.Мландыштым кумдаҥдаш манын, нуно Галаадыштемӱшкыран ӱдырамаш-влакын мӱшкырыштым пӱчкыныт.14Равван пырдыжлаштыже Мый тулым ылыжтем.Сӧй кечын кычкырлыме йӱк почеш,тӱтан кечын мардежын шӱшкымӧ йӱкшӧ почештудо полатше-влакым пӧжга.15Нунын кугыжаштым пленыш наҥгаят,тудын дене пырля – онжо-влакым», – Господь ойла.
Institute for Bible Translation, Finland