Ам3
1Колышт, Израиль калык, мом тыйын шотышто – Египет гыч лукмо шке тукымжо шотышто – Господь ойла:2«Мландымбалысе чыла тукым кокла гычМый лач тендам ойырен налынам,сандене чыла сулыкланда тендам мут кучаш шогалтем.3Каят мо коктын пырля,шке коклаштышт кутырен келшен огытыл гын?4Ырла мо чодыраште лев,кучышаш янлык ончылныжо уке гын?Урла мо пыжашыштыже самырык лев,нимом кучен огыл гын?5Логалеш мо лӧдышкӧ кайык,тушко иктаж кочкышым пыштыме огыл гын?Нӧлталтеш мо мландымбачын шӧрга,тушко нимат логалын огыл гын?6Олаште пуч тургыж йӱкым луктеш гын,калык ок лӱд мо?Лиеш мо олаште азап,тудым Господь ок колто гын?7Мом ышташ шонымыжым пророк тарзыж-влаклан ончыч почде,Господь Юмо нимом ок ыште.8Лев ырла гын, кӧ ок лӱд?Господь Юмо ойла гын, кӧ пророк шомакым ок каласе?9Азотын полатше-влакланда Египет мландын полатше-влаклан увертарыза:”Самарийын курыклашкыже погыныза,тушто могай шотдымылык да пызырымаш – ончалза”.10Кузе чын ышташ, нуно огыт пале, – ойла Господь, –темден да аген, полатлаштышт поянлыкым погат.11Сандене Господь Юмо тыге ойла:мландым тушман авыра,вий-куатетым тудо шалата,полат-влакетым ага.12Тыге Господь ойла:кузе кӱтӱчӧ лев умша гычкок йолвургым але пылыш ужашым луктын налеш,тугак Самарийыште вакшыш тӱрыштӧда Дамаск гыч кондымо диванын лукыштыжо шинчышеИзраиль эрге-влак утарыме лийыт.13Колыштса да Иаков тукымлан шижтарыза, –ойла Господь Юмо, Саваоф Юмо. –14Тудо кечын, кунам Мый Израильымосал пашажлан мут кучаш шогалтем,Вефильысе жертвенник-влакымат шалатем –жертвенник тӱкӧ-шамыч руал ойырымо лийытда мландымбаке камвозыт.15Теле пӧртым Мый кеҥеж пӧрт дене пырля шалатем,слон лу дене сӧрастарыме полат-влак пытат,шуко пӧрт шалатыме лиеш», – Господь ойла.
Institute for Bible Translation, Finland