2 Кур.кн3
1Господьлан пӧртым Соломон Иерусалимыште, Мориа курыкышто, чоҥаш тӱҥалын. Тушто Господь тудын Давид ачажлан кончен, да тудыжо ты верым ямдылен – тиде иевусей Орнан идым олмыжо лийын.2Чоҥымо пашам тудо кокымшо тылзын кокымшо кечынже, нылымше ий кугыжаланымыж годым, тӱҥалын.3Юмын пӧртым чоҥаш Соломон тыгай негызым пыштен: кужытшо – кудло кынергут, лопкытшо – коло кынергут. Чылажат ожнысо кынергут кутыш дене висыме лийын.4Пӧртыш пурымо кыдежын лопкытшо пӧртын лопкытшо гаяк коло кынергут, а кӱкшытшӧ коло кынергут лийыныт. Кӧргыжым яндар шӧртньӧ дене комыжлен.5Кугу залым кипарис пушеҥге дене комыжлен, кӧргӧ гыч эн сай шӧртньӧ дене леведын, пальме да шинчыр-влакын сӱретышт дене сӧрастарен.6Залым тудо шергакан кӱ да Парваим гыч кондымо шӧртньӧ дене сӧрастарен.7Тушто пырнямат, омсалондем ден пырдыжымат, [окна ден] омсамат Соломон шӧртньӧ дене комыжлен, а пырдыжлаште херувим-шамычын сӱретыштым пӱчкеден луктын.8Вара Святой деч святой верым ыштен: тудын кужытшо ден лопкытшо пӧртын лопкытшо гаяк коло кынергут лийыныт. Соломон тудым кудшӱдӧ талант эн сай шӧртньӧ дене комыжлен.9[Кажне] пудалан витле сикль шӧртньӧ каен. Кӱшыл пӧлем-влакымат шӧртньӧ дене комыжлен.10Святой деч святой верыште пӱчкын лукмо кок херувимым ыштен, нуным шӧртньӧ дене комыжлен.11Херувим-влакын шулдырыштын кужытшо чылаже коло кынергут лийын. Вич кынергут кужытан ик шулдыр пӧрт пырдыж дек тӱкнен, а вич кынергут кужытанак вес шулдыр вес херувимын шулдыржо дек тӱкнен шоген.12Вес херувимынат вич кынергут кужытан шулдыржо пӧрт пырдыж дек тӱкнен, а вич кынергут кужытанак вес шулдыржо икымше херувимын шулдыржо дек тӱкнен шоген.13Нине херувимын шаралтыме шулдырышт чылаже коло кынергут кужытан лийыныт. Нуно йол ӱмбалне шогеныт, чурийышт дене храмысе зал велыш онченыт.14Пӱрдышым тудо йошкар, шемалге-канде, шемалге-йошкар меж шӱртӧ да чапле йытын шӱртӧ дене ыштен, тушан херувим-влакым тӱрлен.15Храм ончылно кумло вич кынергут кӱкшытан кок колонным шогалтен. Нунын ӱмбалне вич кынергут кӱкшытан колонно вуй лийын.16Вара святой верысе гай шинчыр-влакым ыштен да нунын дене колонно вуй-шамычым сӧрастарен. Тыгак шӱдӧ гранат саскам ыштен да нуным шинчырлашке пижыктен.17Колонно-шамычым тудо храм ончылан шогалтен: иктым – пурла велке, весым – шола велке. Пурла колонныжым Яхин, а шолажым Воаз манын лӱмден.
Institute for Bible Translation, Finland