1 Куг18
1Давид ден Саулын кутырымышт деч вара Ионафан ден Давид пеш кугу йолташ лийыныт – Ионафан Давидым шкенжым йӧратыме семынак йӧратен.2Тиде кечын Саул Давидым пеленже коден, тудым ачажын суртышкыжо колташ келшен огыл.3Ионафан Давид дене келшымаш ойпидышым ыштен, вет тудым шкенжым йӧратыме семынак йӧратен.4Ионафан ӱмбал вургемжым кудашын да тудым Давидлан сарлык вургемже, кердыже, пикшйоҥежше да ӱштыж дене пырля пуэн.5Кушко гына Саул Давидым колтен огыл, тудо чылажымат шот дене ыштен. Саул тудым шке сарзывийжын тӧражлан шогалтен. Тидыже уло калыклан да Саулын тарзыж-влакланат келшен.6Давидын филистим еҥым сеҥымекше, сарзе-влакын мӧҥгеш пӧртылмышт годым Израильысе чыла ола гыч ӱдырамаш-влак Саул кугыжам вашлияш куанен мурен-куштен, тимпан ден кимвалым шоктен лектыныт.7Мурен-куштымышт годым ӱдырамаш-влак йывыртен кычкыреныт: «Саул тӱжемым пытарен, а Давид – лу тӱжемым!»8Тиде Сауллан келшен огыл, тудо чот сырен да каласен: «Давидлан лу тӱжемым ойленыт, а мылам – тӱжемым. Тудлан ынде кугыжа лияш веле кодын».9Тидын деч вара Саул Давид ӱмбаке шӧрын ончаш тӱҥалын.10Вес кечын Саулым Юмын колтымо осал шӱлыш авалтен. Тудо шке пӧртыштыжӧ ушдымыланен, а Давид ончычсо семынак кӱслем шоктен. Саулын кидыштыже умдо лийын.11Саул умдым кудалтен, тыгодым тыге шоналтен: «Давидым пырдыжыш кералын шындем». Но Давид тудын деч кок ганажат кораҥ шуктен.12Саул Давид деч лӱдаш тӱҥалын, вет Господь Давид пелен лийын, а Саул деч кораҥын.13Саул тудым шкеж деч кораҥден да тӱжемвуйлан шогалтен. Давид сарзе-влакым вуйлатен.14Тудо чыла пашажым шот дене ыштен, Господь Давид пелен лийын.15Тудын пеш ушан-шотан улмыжым ужын, Саул Давид деч лӱдын.16Уло Израиль ден Иуда Давидым йӧратеныт, вет сарыш коштмо годым тудо нуным вуйлатен шоген.17Саул Давидлан каласен: «Теве мыйын кугу ӱдырем – Мерова. Мый тудым тылат марлан пуэм. Тый лӱддымӧ гына лий да Господьын саржым виктарен шого». А шке семынже тыге шонен: «Тек Давид мыйын кидем деч огыл, а филистим-влакын кидышт деч кола».18Но Давид Сауллан вашештен: «Кугыжан веҥыже лияш кӧ мый улам? Вет мый шкежат, ачамын урлыкшат Израильыште пешыжак лӱмлӧ огынал».19А кунам Меровам, Саулын ӱдыржым, Давидлан марлан пуаш жап шуын, тудым Мехола гыч Адриэллан марлан пуэныт.20Но Давидым Саулын вес ӱдыржӧ, Мелхола, йӧратен шынден. Кунам тидын нерген Сауллан увертареныт, тудлан тиде келшен.21Саул шоналтен: «Тудлан Мелхолам марлан пуэм. Мелхола тудлан оптыш лиеш, да Давид филистим-влакын кидышт дене пытарыме лиеш». Саул Давидлан каласен: «Ынде мый денем вес ӱдырем гоч родо лият».22Саул шке тарзыже-влаклан кӱштен каласен: «Давидлан шолып каласыза: тый кугыжалан келшет, тудын чыла тарзыжат тыйым йӧратат. Кугыжан ӱдыржым марлан нал».23Саулын тарзыже-влак чыла тиде мутым Давидлан ойленыт. Давид каласен: «Кугыжан веҥыже лияш куштылго шонеда мо? Мый йорло да изи лӱмнеран улам».24Давидын мом ойлымыжым Сауллан тарзыже-влак увертареныт.25Тунам Саул каласен: «Давидлан тыге ойлыза: кугыжалан шӱдӧ филистим еҥын тарман мучашысе пӱчмӧ коваштышт деч моло олно огеш кӱл, тиде кугыжан тушманже-влаклан ӱчым шуктымаш лиеш». Саул тыге филистим-влакын кидышт дене Давидым пушташ шонен улмаш.26Кунам тарзе-влак нине мутым Давидлан каласеныт, тудлан кугыжан веҥыже лияш келшен.27Палемдыме кече деч ончычак Давид шке еҥже-влак дене каен да кокшӱдӧ филистимым пуштын. Тудо нунын тарман мучашысе коваштыштым пӱчкын налын да, кугыжан веҥыже лияш манын, чумыр чотым кугыжа ончыко конден. Тунам Саул тудлан шке Мелхола ӱдыржым марлан пуэн.28Господьын Давид дене улмыжым [да уло Израильын тудым йӧратымыжым,] тыгак шке Мелхола ӱдыржын Давидым йӧратымыжым ужмеке,29Саул Давид деч эшеат чот лӱдаш тӱҥалын да ӱмыр мучкылан тудын тушманышкыже савырнен.30Кунам филистим сартӧра-влак сар дене толыныт, Давид кажне гана Саулын моло сарзывуйжо деч поснак ойыртемалтын. Тудын лӱмжӧ пеш чот чапланен.
Institute for Bible Translation, Finland