1 Куг13
1Саулым кугыжалан шогалтыме деч вара ик ий эртен, тудо Израильым кокымшо ий вуйлатен. Тунам Саул шкаланже израильтян-влак кокла гыч кум тӱжем еҥым ойырен налын.2Кок тӱжемже Саул дене пырля Михмасыште да Вефиль курыклаште, а тӱжемже Вениамин мландысе Гиваште Ионафан дене лийыныт. Моло калыкым тудо мӧҥгышкыжӧ колтен.3Ионафан Геваште улшо филистим-влакын орол отрядыштым кырен шалатен. Тидын нерген филистим-влак колыныт, а Саул пӱтынь эл мучко пуч дене пуалташ кӱштен да каласен: «Тек еврей-влак колыт!»4Саулын филистим отрядым кырен шалатымыжым да Израильын филистим-влаклан ужмышудымо лиймыжым пален налмеке, сарзе калык Саул деке Галгалыш погынен.5Филистим-влак Израиль ваштареш сарлан погыненыт: кумло тӱжем сарлык орва, куд тӱжем имнешке да теҥыз серысе ошма пырче наре калык. Нуно толыныт да Михмасеш, Беф-Авенын эрвел могырешыже, стан дене верланеныт.6Лӱдыкшыш логалмым да тушманын шыгыремдылмыжым ужын, израильтян-влак курыкпомышыш, курыклоҥыш, курыкоҥ коклашке, кугу вынем ден тавыш шылын шинчыныт.7Южо еврейже Иордан эҥер вес могырыш, Гад ден Галаад мландышке, вончен.
Саул гын эше Галгалыштак лийын, а тудын дене улшо калык лӱдмыж дене чытырен шинчен.8Самуилын каласымыж семынак тудо шым кече вучен, но Самуил Галгалыш толын огыл. Калык Саул деч шаланен каяш тӱҥалын.9Тунам Саул каласен: «Йӱлалтен пуымо надыр ден татулык надыр-влакым тышке кондыза». Вара тудо йӱлалтен пуышаш вольыкым надырлан конден.10Надырым конден гына шуктен, Самуил толын. Саул тудын деке саламлалташ лектын.11Самуил каласен: «Мом тый ыштенат?!» Саул вашештен: «Мый ужым: калык мый дечем куржеш, тый каласыме жапетлан шыч тол, а филистим-влак Михмасыште погыненыт.12Тунам мый шоналтышым: ”Филистим-влак теве-теве мыйын ӱмбакем Галгалыш толыт, а мый эше Господь деч йодын омыл”, садлан йӱлалтен пуымо надырым шкеак кондаш тоштым».13Самуил Сауллан каласен: «Тый ушдымо пашам ыштенат. Господь Юметын тылат мом кӱштымыжым шуктен отыл. Господь кызыт Израильын кугыжаже улметым курымешлан пеҥгыдемда ыле,14но ынде кугыжаланымет кужун ок шуйно. Господь шке шӱмжылан келшыше еҥым муэш да тудлан шке калыкшын вуйлатышыже лияш кӱшта, вет тый Господьын кӱштымыжым шуктен отыл».15Самуил кынелын да Галгал гыч Вениамин мландысе Гиваш каен. [Кодшо еҥ-влак Саул дене пырля тушман сарзе-шамыч ваштареш тарваненыт. Тиде тушман сарзывий нунын ӱмбак Галгал гыч Вениамин мландысе Гиваш кайымышт годым кержалтын.] Саул пеленже улшо еҥ-влакым шотлен лектын, нунышт кудшӱдӧ наре лийыныт.16Саул, тудын Ионафан эргыже да пеленышт улшо еҥ-влак Вениамин мландысе Геваш верланеныт [да шортыныт], а филистим-шамыч стан дене Михмасыште шогеныт.17Йыр улшо кундемла ӱмбак керылташ да тушто агаш манын, филистим стан гыч кум отряд лектын: икте – Суаль кундемысе Офраш наҥгайыше корно дене,18весе – Беф-Орон корно дене, а кумшыжо ир мланде могырыш наҥгайыше корно дене Цевоим лапвер ӱмбалнысе чек деке каен.19Еврей-влак кердым але умдым ыштат манын, филистим-шамыч лӱдыныт, сандене пӱтынь израиль мландыште апшат-влак лийын огытыл.20Шогавуй кӱртньым, катманым, товарым, сорлам шумаш уло Израильлан филистим-влак деке кошташ кӱлын.21Шогавуй кӱртньӧ ден катманым шумаш сикльын кок кумшо ужашыжым, а товарым шумаш але ӱшкыж поктымо кӱртньӧ вуян тоям ачалаш сикльын ик кумшо ужашыжым тӱлыман улмаш. 22Сандене [Михмасыште] кредалме кечын Саул да Ионафан дене улшо пӱтынь калыкын кердыжат, умдыжат лийын огыл. Керде ден умдо Саул да Ионафан эргыжын гына лийыныт.23Филистим-влакын ончыл отрядше Михмас ола воктенысе курыклоҥ деке толын шогалын.
Саул гын эше Галгалыштак лийын, а тудын дене улшо калык лӱдмыж дене чытырен шинчен.8Самуилын каласымыж семынак тудо шым кече вучен, но Самуил Галгалыш толын огыл. Калык Саул деч шаланен каяш тӱҥалын.9Тунам Саул каласен: «Йӱлалтен пуымо надыр ден татулык надыр-влакым тышке кондыза». Вара тудо йӱлалтен пуышаш вольыкым надырлан конден.10Надырым конден гына шуктен, Самуил толын. Саул тудын деке саламлалташ лектын.11Самуил каласен: «Мом тый ыштенат?!» Саул вашештен: «Мый ужым: калык мый дечем куржеш, тый каласыме жапетлан шыч тол, а филистим-влак Михмасыште погыненыт.12Тунам мый шоналтышым: ”Филистим-влак теве-теве мыйын ӱмбакем Галгалыш толыт, а мый эше Господь деч йодын омыл”, садлан йӱлалтен пуымо надырым шкеак кондаш тоштым».13Самуил Сауллан каласен: «Тый ушдымо пашам ыштенат. Господь Юметын тылат мом кӱштымыжым шуктен отыл. Господь кызыт Израильын кугыжаже улметым курымешлан пеҥгыдемда ыле,14но ынде кугыжаланымет кужун ок шуйно. Господь шке шӱмжылан келшыше еҥым муэш да тудлан шке калыкшын вуйлатышыже лияш кӱшта, вет тый Господьын кӱштымыжым шуктен отыл».15Самуил кынелын да Галгал гыч Вениамин мландысе Гиваш каен. [Кодшо еҥ-влак Саул дене пырля тушман сарзе-шамыч ваштареш тарваненыт. Тиде тушман сарзывий нунын ӱмбак Галгал гыч Вениамин мландысе Гиваш кайымышт годым кержалтын.] Саул пеленже улшо еҥ-влакым шотлен лектын, нунышт кудшӱдӧ наре лийыныт.16Саул, тудын Ионафан эргыже да пеленышт улшо еҥ-влак Вениамин мландысе Геваш верланеныт [да шортыныт], а филистим-шамыч стан дене Михмасыште шогеныт.17Йыр улшо кундемла ӱмбак керылташ да тушто агаш манын, филистим стан гыч кум отряд лектын: икте – Суаль кундемысе Офраш наҥгайыше корно дене,18весе – Беф-Орон корно дене, а кумшыжо ир мланде могырыш наҥгайыше корно дене Цевоим лапвер ӱмбалнысе чек деке каен.19Еврей-влак кердым але умдым ыштат манын, филистим-шамыч лӱдыныт, сандене пӱтынь израиль мландыште апшат-влак лийын огытыл.20Шогавуй кӱртньым, катманым, товарым, сорлам шумаш уло Израильлан филистим-влак деке кошташ кӱлын.21Шогавуй кӱртньӧ ден катманым шумаш сикльын кок кумшо ужашыжым, а товарым шумаш але ӱшкыж поктымо кӱртньӧ вуян тоям ачалаш сикльын ик кумшо ужашыжым тӱлыман улмаш. 22Сандене [Михмасыште] кредалме кечын Саул да Ионафан дене улшо пӱтынь калыкын кердыжат, умдыжат лийын огыл. Керде ден умдо Саул да Ионафан эргыжын гына лийыныт.23Филистим-влакын ончыл отрядше Михмас ола воктенысе курыклоҥ деке толын шогалын.
Institute for Bible Translation, Finland