1 Кур.кн27
1Теве израиль эрге-влак – тукымвуй, тӱжемвуй, шӱдывуй да моло вуйлатыше-шамыч, – нуно талук мучко кажне тылзын шке сарзывий пӧлкашт дене толыныт да, икте-весыштым алмаштен, кугыжалан служитленыт. Кажне пӧлкаште коло ныл тӱжем еҥ лийын.2Икымше тылзын служитлыше икымше пӧлкам Иашовам, Завдиил эрге, вуйлатен шоген. Тудын пӧлкаштыже коло ныл тӱжем еҥ лийын.3Иашовам Фарес тукым гыч улмаш, икымше тылзын тудо чыла сарзывуйын вуйлатышыже лийын.4Кокымшо тылзын служитлыше пӧлкам Ахохий тукым гыч Додай вуйлатен, сарзывуй полышкалышыже Миклоф лийын. Тудын пӧлкаштыже коло ныл тӱжем еҥ лийын.5Кумшо тылзын – иерей Иодайын Ваней эргыже, кумшо сарзывуй. Тудын пӧлкаштыже коло ныл тӱжем еҥ улмаш.6Тиде Ваней кумло тале сарзе кокла гыч иктыже, нунын вуйлатышышт лийын. Тудын пӧлкаштыже Аммизавад эргыжат улмаш.7Нылымше тылзын – Иоавын Асаил шольыжо, нылымше сарзывуй, тудым вара Зевадий эргыже вашталтен. Тудын пӧлкаштыже коло ныл тӱжем еҥ лийын.8Визымше тылзын – Шамгуф, Изра эрге, визымше сарзывуй. Тудын пӧлкаштыже коло ныл тӱжем еҥ лийын.9Кудымшо тылзын – Фекой гыч Ира, Иккеш эрге, кудымшо сарзывуй. Тудын пӧлкаштыже коло ныл тӱжем еҥ лийын.10Шымше тылзын – Пелон гыч Хелец, Ефрем тукым эрге, шымше сарзывуй. Тудын пӧлкаштыже коло ныл тӱжем еҥ лийын.11Кандашымше тылзын – Хуша гыч Совохай, Зерах урлык эрге, кандашымше сарзывуй. Тудын пӧлкаштыже коло ныл тӱжем еҥ лийын.12Индешымше тылзын – Анафоф гыч Авиезер, Вениамин тукым эрге, индешымше сарзывуй. Тудын пӧлкаштыже коло ныл тӱжем еҥ лийын.13Луымшо тылзын – Нетофа гыч Магарай, Зерах урлык эрге, луымшо сарзывуй. Тудын пӧлкаштыже коло ныл тӱжем еҥ лийын.14Латикымше тылзын – Пирафон гыч Ваней, Ефрем тукым эрге, латикымше сарзывуй. Тудын пӧлкаштыже коло ныл тӱжем еҥ лийын.15Латкокымшо тылзын – Нетофа гыч Хелдай, Гофониил урлык эрге, латкокымшо сарзывуй. Тудын пӧлкаштыже коло ныл тӱжем еҥ лийын.16Израиль тукым-влакым теве кӧмыт вуйлатеныт: Рувим тукымым – Елиезер, Зихри эрге; Симеон тукымым – Сафатий, Мааха эрге;17Левий тукымым – Хашавий, Кемуил эрге; Аарон урлыкым – Садок;18Иуда тукымым – Елиав, Давидын изаже; Иссахар тукымым – Омри, Михаил эрге;19Завулон тукымым – Ишмаий, Овадий эрге; Неффалим тукымым – Иеримоф, Азриил эрге;20Ефрем тукымым – Осий, Азазий эрге; Манассийын пел тукымжым – Иоиль, Федаий эрге;21Манассийын Галаадыште илыше пел тукымжым – Иддо, Захарий эрге; Вениамин тукымым – Иасиил, Авенир эрге;22Дан тукымым – Азариил, Иерохам эрге. Теве Израильын тукымвуйжо-влак.23Коло ий деч изирак-шамычым Давид шотлен лукмашке пуртен огыл, вет Господь Израильым кавасе шӱдыр-влак наре шукемдаш сӧрен.24Иоав, Саруя эрге, шотлен лукмо пашам тӱҥалын, но мучаш марте шуктен огыл улмаш. Тиде шотлымашлан Израиль ӱмбаке Юмын шыдыже возын, да тиде шотлен лукмо чот Давид кугыжан курымсерышышкыже пурен огыл.25Кугыжан поянлыкшым аралыме верлан Азмавет, Адиил эрге, вуйын шоген. А Иерусалим деч ӧрдыжтӧ – моло олаште, ял ден башньылаште – улшо клат-влак Ионафанын, Уззий эргын, кидыштыже лийыныт.26Мландым курал-ӱдымӧ пашам Езрий, Хелув эрге, вуйлатен шоген.27Виноград аҥалан Рама гыч Шимей вуйын шоген, виноград аҥалаште верланыше йошкар арака клат-влаклан – Шефам гыч Завдий,28лапверысе олив ден ир смоква пушеҥге-влаклан – Гедер гыч Баал-Ханан, а олив ӱй клат-влаклан – Иоас.29Шаронышто кӱтымӧ шолдыра вольыклан Шарон гыч Шитрай вуйын шоген, а лапверласе шолдыра вольыклан – Шафат, Адлай эрге.30Верблюд-влаклан – Измаил тукым гыч Овил, ава осёл-шамычлан – Мероноф гыч Иехдий,31а тыгыде вольыклан – агарян Иазиз. Чыла нине еҥ-влак Давид кугыжан озанлык ден погыжлан вуйын шогеныт.32Ионафан, Давидын чузайже, ушан-шотан айдеме, каҥаш пуышо да возкалыше лийын. Иехиил, Хахмоний эрге, кугыжан эрге-влакым туныктымо пашалан вуйын шоген.33Кугыжан каҥашым пуышо еҥже Ахитофел лийын, а Архи тукым гыч Хусий – кугыжан йолташыже.34Ахитофел деч вара Ваней эрге Иодай ден Авиафар каҥашым пуышо лийыныт. Кугыжан сарзывийжым Иоав вуйлатен.
Institute for Bible Translation, Finland