1 Кур.кн26
1Теве капка орол-влак да нунын тӱшкашт. Корей урлык гыч – Коре эрге Мешелемий, тудо Асаф эрге-влак кокла гыч лийын.2Мешелемийын эргыж-влак: кугэрге – Захарий, кокымшо – Иедиаил, кумшо – Зевадий, нылымше – Иафниил,3визымше – Елам, кудымшо – Иегоханан, шымше – Елиегоэнай.4Овед-Едомын эргыж-влак: кугэрге – Шемай, кокымшо – Иегозавад, кумшо – Иоах, нылымше – Сахар, визымше – Нафанаил,5кудымшо – Аммиэл, шымше – Иссахар, кандашымше – Пеульфай. Юмо Овед-Едомым тыге суапландарен.6Тудын Шемай эргыжынат эргыже-влак шочыныт. Нуно шке урлыкыштын вуйлатышышт лийыныт, вет шӱвырлӧ еҥ лийыныт.7Шемайын эргыж-влак: Офни, Рефаил, Овед да Елзавад. Шемайын Елий, Семахий [да Исваком] тукым иза-шольыштат тале еҥ лийыныт.8Нине чыланат Овед-Едом урлык эрге-влак лийыныт. Нуно шкештат, эрге ден иза-шольыштат тале, пашам тыршен ыштыше еҥ-влак лийыныт. Овед-Едомын чылаже кудло кок еҥже улмаш.9Мешелемийын тале эргыж ден тукым иза-шольыжо-влак латкандашын лийыныт.10Мерари тукым Хосан эргыж-влак: кугурак – Шимри. Тудо кугэрге лийын огыл гынат, ачаже тудым кугураклан шогалтен.11Кокымшо – Хелкий, кумшо – Тевалий, нылымше – Захарий. Хосан эргыж ден тукым иза-шольыжо-влак чылаже латкумытын лийыныт.12Теве капка орол-влакым, нунын вуйлатышыштым шотыш налын, посна тӱшкалан шеледымаш. Нуно Господьын храмыште шке пашаштым тукым иза-шольышт-влак семынак шуктышаш улыт улмаш.13Кӧ могай капка дене служитлаш тӱҥалмым палаш манын, нуно урлык дене – кугуракшат, изиракшат – шеревам кышкеныт.14Шерева почеш Эрвел капка Шелемийлан логалын. Вара шеревам тудын ушан каҥашым пуышо Захарий эргыжлан кудалтеныт, тудлан Йӱдвел капка логалын.15Овед-Едомлан – Кечывалвел капка, а эргыж-влаклан – клат-шамыч.16Шупим ден Хосалан – Шаллехет капка воктенысе Касвел капка, тушечын корно кӱшкӧ кӱзен. Орол тӱшка-влак тыге шогеныт:17эрвелне – куд левит, йӱдвелне – нылыт, кечывалвелне – нылыт, а клат-шамыч воктене – кокыт дене.18Касвел кудывече дене: нылытын – корнышто да кокытын – кудывече кӧргыштӧ.19Теве Корей ден Мерари эрге-влак кокла гыч капка орол-шамычым посна тӱшкалан шеледымаш.20Левит-влакын моло иза-шольышт Юмын пӧртын поянлыкшым да Господьлан пӧлеклыме арверым аралыме верлам эскерен шогеныт.21Гирсон эрге Лаеданын тукымжо гыч – Иехиил. Тиде тукым еҥ-влак Гирсон деч лектыныт да Лаедан урлык-влакын вуйлатышышт лийыныт.22Иехиилын эргыж-влак: Зефам да тудын Иоиль шольыжо. Нуно Господьын пӧртшын поянлык аралыме вер-влаклан вуйын шогеныт.23Тушто Амрам, Ицгар, Хеврон, Узиил тукым эрге-шамычат пашам ыштеныт.24Моисейын Гирсам эргыжын урлыкшо гыч улшо Шевуил поянлыкым аралыме верыште тӱҥ лийын.25Гирсамын Елиезер шольыжын эргыже Рехавий, Рехавийын эргыже Исаий, Исаийын эргыже Иорам, Иорамын эргыже Зихри, Зихрин эргыже Шеломиф лийыныт.26Шеломиф да тудын иза-шольыжо-влак Господьлан пӧлеклыме арверым аралыме верлан вуйын шогеныт. Тушто Давид кугыжан, тыгак урлык вуйлатыше, тӱжемвуй, шӱдывуй да сарзывуй-шамычын Юмылан пуымо пӧлекышт лийын.27Сарыште поген налме гыч ужашым нуно Господьын пӧртшын кӱлешлыкшылан святитлен пуэныт.28Пророк Самуилын, Кис эрге Саулын, Нир эрге Авенирын, Саруя эрге Иоавын чыла мом пуымышт Шеломиф да тудын иза-шольыжо-влак кидыште лийын.29Ицгар тукым гыч Хенаний да тудын эргыже-влак мер пашам ыштеныт, нуно израиль калык коклаште возкалыше да судья лийыныт.30Хеврон тукым гыч Хашавий да тудын иза-шольыжо-влак – тӱжемат шымшӱдӧ чолга еҥ – Израильын Иордан деч касвелныла улшо ужашыште Господь да кугыжа дене кылдалтше тӱрлӧ пашам эскерен шогеныт.31Хеврон тукымын вуйлатышыже Иерий лийын. Давидын ныллымше ий кугыжаланымыж годым тиде тукымын лӱмержым шымленыт да нунын коклаште Галаадысе Иазерыште чолга еҥ-влакым муыныт.32Иерийын урлыкыштыжо чылаже кок тӱжемат шымшӱдӧ пӧръеҥ улмаш. Нуно чолга еҥ, урлык-влакын вуйлатышышт лийыныт. Давид нуным Юмо да кугыжа дене кылдалтше чыла пашаште Рувим, Гад да Манассийын пел тукымжым вуйлатен шогаш шогалтен.
Institute for Bible Translation, Finland