1 Кур.кн25
1Давид ден сарзывуй-влак Асаф, Еман да Идифун эрге-шамычым посна сомыллан ойыреныт. Нуно арфе, кӱсле да кимвал дене шоктымо сем почеш мурен увертарышаш улыт улмаш. Теве кӧмыт тиде пашалан ойырен налме лийыныт.2Асаф эрге кокла гыч – Заккур, Иосиф, Нефаний да Ашарела. Нуным Асаф шкежак вуйлатен, тудо кугыжан кӱштымыж почеш пророк шомакым мурен ойлен.3Идифунын эргыже-влак: Гедалий, Цери, Исаий, Семей, Хашавий да Маттафий – чылаже кудыт. Нуным Идифун ачашт вуйлатен шоген. Тудо шкеже, Господьым моктен да тауштен, арфе дене шоктен.4Еманын эргыже-влак: Буккий, Матфаний, Узиил, Шевуил, Иеримоф, Хананий, Ханани, Елиафа, Гиддалтий, Ромамти-Езер, Иошбекаша, Маллофи, Гофир да Махазиоф.5Тиде чыланат Еманын, кугыжан ончыкужшыжын, эргыже лийыныт. Сӧрымыж семынак Юмо Еманын чапшым нӧлталын да тудлан латныл эрге ден кум ӱдырым пӧлеклен.6Эрге-влакым ачашт вуйлатен шоген. Господьын пӧртыштӧ служитлыме годым нуно кугыжан але Асафын, Идифунын да Еманын кӱштымышт почеш кимвалым, кӱслем, арфым шоктен муреныт.7Тукым иза-шольышт дене пырля нуно Господь ончылно мураш туныктымо, тиде пашам сайын палыше лийыныт. Нунын чотышт чылаже кокшӱдӧ кандашле кандаш еҥ лийын.8Кӧ кунам служитлышашым палашлан шеревам кудалтеныт, тыгодым изирак-влакым кугурак дене, туныктышо-шамычым тунемше дене ик семын онченыт.9Икымше шерева Асаф урлык гыч Иосифлан лектын. Кокымшо – Гедалийлан да тудын иза-шольыж ден эргыж-влаклан, чылаже латкок еҥ.10Кумшо – Заккурлан да тудын эргыж ден иза-шольыжо-влаклан, чылаже латкок еҥ.11Нылымше – Ицрийлан да тудын эргыж ден иза-шольыжо-влаклан, чылаже латкок еҥ.12Визымше – Нефанийлан да тудын эргыж ден иза-шольыжо-влаклан, чылаже латкок еҥ.13Кудымшо – Буккийлан да тудын эргыж ден иза-шольыжо-влаклан, чылаже латкок еҥ.14Шымше – Иесарелалан да тудын эргыж ден иза-шольыжо-влаклан, чылаже латкок еҥ.15Кандашымше – Исаийлан да тудын эргыж ден иза-шольыжо-влаклан, чылаже латкок еҥ.16Индешымше – Матфанийлан да тудын эргыж ден иза-шольыжо-влаклан, чылаже латкок еҥ.17Луымшо – Шимейлан да тудын эргыж ден иза-шольыжо-влаклан, чылаже латкок еҥ.18Латикымше – Азарииллан да тудын эргыж ден иза-шольыжо-влаклан, чылаже латкок еҥ.19Латкокымшо– Хашавийлан да тудын эргыж ден иза-шольыжо-влаклан, чылаже латкок еҥ.20Латкумшо – Шуваиллан да тудын эргыж ден иза-шольыжо-влаклан, чылаже латкок еҥ.21Латнылымше – Маттафийлан да тудын эргыж ден иза-шольыжо-влаклан, чылаже латкок еҥ.22Латвизымше – Иремофлан да тудын эргыж ден иза-шольыжо-влаклан, чылаже латкок еҥ.23Латкудымшо – Хананийлан да тудын эргыж ден иза-шольыжо-влаклан, чылаже латкок еҥ.24Латшымше – Иошбекашалан да тудын эргыж ден иза-шольыжо-влаклан, чылаже латкок еҥ.25Латкандашымше – Хананилан да тудын эргыж ден иза-шольыжо-влаклан, чылаже латкок еҥ.26Латиндешымше – Маллофилан да тудын эргыж ден иза-шольыжо-влаклан, чылаже латкок еҥ.27Колымшо – Елиафалан да тудын эргыж ден иза-шольыжо-влаклан, чылаже латкок еҥ.28Коло икымше – Гофирлан да тудын эргыж ден иза-шольыжо-влаклан, чылаже латкок еҥ.29Коло кокымшо – Гиддалтийлан да тудын эргыж ден иза-шольыжо-влаклан, чылаже латкок еҥ.30Коло кумшо – Махазиофлан да тудын эргыж ден иза-шольыжо-влаклан, чылаже латкок еҥ.31Коло нылымше – Ромамти-Езерлан да тудын эргыж ден иза-шольыжо-влаклан, чылаже латкок еҥ.
Institute for Bible Translation, Finland