Ugubutulo10
1Hinu, nikamlola mtumikilia mghangi wa kundumba mweni makakala akihuluka kuhuma kundumba. Awelili kagubikwa lihindu, na upindi wa ndonya kumutu ghaki. Wusu ghaki ung'anyikili handa lijuwa, na maghulu ghaki yawelile handa mighomba zya lyoto.2Mumawuko ghaki awelile kakola kihitabu kinung'una kyeni kuwela kigubutulwa. Akavika lighulu lyaki lya mbandi gha kuliyila kunani gha bahali na lighulu lya shotu kumlima,3na akatova lilowi likulunga handa himba mweni kulindima. Paawelili akitova lilowi, malowi zya ladi isaba yakahyoghanika kwa lindimu.4Badili gha ladi isaba kuhumisa mlindimu, nenga nikapala kutumbula kuyandika, ila nikahyoghanila lilowi kuhuma kundumba, “Ukotoho kuyandika yala uhyoghanilile kuhuma kuladi isaba ila uyaleki yakotoho kumanyikana!”5Hinu, nikamlola yula mtumikila wa kundumba wa Sapanga mweni kugholoka kunani gha bahali na kumlima akiyinula liwoku lyaki kuyendela kundumba,6akalapa kwa Sapanga mweni kulikala machuwa hyogha bila mwihu, Sapanga mwenikulumba kundumba na vindu vyogha vyenikuwela, bahali na vyogha vyenikuwela mbahali, mlima wogha na vyogha vyenikuwela kumlimawogha. Akalonga, “Lipindi lya kuyendelela kulindila lipela kala!7Ila lipindi yula mtumikila wa kundumba wa Sapanga paatepulila lilowi lya lipembi lya limgambo lyaki, Sapanga atetimilisa mghalu ghaki wa kifisu handa vila awalongilile walota ghaki wamtumikilile.”8Na, yila lilowi niwelili niiyughanila kuhuma kundumba kula kuhyetu ikilonga na nenga kangi. “Uyendi ukaniyegheli kila kihitabu kigubutulilwi, kyeni kukolwa na yula mtumikila wa kundumba wa Sapanga mweni kugholoka kunani gha bahali na kumlima.”9Hinu, Nikamyendela yula mtumikila wa kundumba, nikamluwa anipeghi kila kihitabu kinung'una. Na mweni akanilongela, “Ukitoli, ukilyeghi. Mumlomu ghako kitewela kinogha handa bhuche, ila mumtima ghako kitewela kikalipa.”10Na nenga nikakitola kihitabu haki kinung'una kuhuma mumawoku gha yula mtumikila wa kundummba, nikakilyegha. Na kyeni kiwelili kinogha mumlomo ghangu handa bhuche, ila panikimila kikawela kikalipa mumtima ghangu.11Hinu, nikalongelwa “Ungupalwa kuyendelela kuwalongela wandu kila kitehumila kwa makabila matangala, wa milima na luga na wankosi!”
The Word for the World International