El Cantar de los Cantares1
1E'tb'itz Salomon tb'anilxi'x kyxol txqantl. Tnejel b'itz Tyol xu'jilb'aj2¡Chin tma'tzima b'a'nxi'x! majx b'a'n nela' ajttz'ulina kyetwitz b'in chi',3inxi'x che puk'chaju' tk'ok'sb'ila, Iky tb'iju'ya kse'n k'ok'sb'il in ok qi'j. ¡Qu'mtzun nxi'x che laqj qya ti'ja!4¡Lwix chin tiq'inxa tk'etza! ¡Chin tiq'inxa toju' tjaya, nimaqkawil! chij. Kyyol mojtzal Tzalajb'ilxi'x qotenb'ela'ye' tuk'i'la; kjawil qnima'xi'xe' ttz'uli'na kyetwitzju' b'in. ¡Qu'npe'natzunlo nxi'x che laqj qya ti'ja! chechij. Tyol xu'jilb'aj5Aye'ye' qya aj Jerusalen, q'eqinin qinwe', ex tb'anil chin ka'yine'; q'eqinin qine' kse'n che ka'yin xmuj toj kyedar, Tb'anilqine' kse'nqe' xb'alun ttzi tokext-spik'un Salomon.6Myate tu'n tok kyka'yi'ne' qa q'eqinin qine', ex myate' qa matxi' chin kub'q'eqaxe' tu'n q'ij. Tzaj toj kywitzju' nxib'ene' wi'je' in okkyq'o'ne' ka'yilte kyawal ub'a ¡Atzu'nwe' wawal kub' yajti!7Q'mantza weye' aya nxi'x chin laqje' ti'ja, ¿janche tk'ik'le'na'ju'ya trita?, ¿ja nche'xa' tiq'i'na tu'n kyojlan te wanq'ij? ¿Tiqu'n naqnchin takanjeye' jyolteya, kyxol kyritju' txqantl tuk'i'la k'ik'lelqe'? chij. Kyyol mojtzal8Qa min b'i'n tu'na, aya tb'anilxi'x ka'yina kyxolju' qya tb'anilqe', lpexa ti'j kyqanb'enju' rit ex k'ik'lemqe'ju'ya tal tchib'a tk'etz kyja k'ik'lel, chechij. Tyol chmilb'aj9Ikta' weye' qya, aya nxi'x chin laqje' ti'ja, kse'n tb'anil ttxu b'anchej jk'ul tkarwaj Paraon.10¡Majx tb'anilju' twitza kyoju' xpatx'b'ente twi'ya! ¡Tb'anilxi'x tka'yinxju' tqula kyu'nju' tuya!11¡Che b'elqb'incha'n toj t-ẍkyina q'anpwaqqe' b'incha'nqe'k saqpwaq kyi'j! chij. Tyol xu'jilb'aj12Ajtkub' qe nimaqkawil ti'j mes, nkub' puk'chaju' nk'ok'sb'ile'.13Iky nela' nchin laqju'ye' ti'j kse'n tk'ok'jil mir tku'x ttzi nk'u'je'.14Iky nela' nchin laqju'ye' ti'j kse'n jun pchoj b'ech toj tqan ub'a toj En-kadi, chij. Tyol chmilb'aj15¡Majx tb'anilxi'xa, aya nchin laqje' ti'ja, majx xa'wanku'xi'xa! ¡Naku'j kab'e' palomsqe' tb'aq' twitza! chij. Tyol xu'jilb'aj16¡Majx tb'anilxi'xa, aya nxi'x chin laqje' ti'ja, majx xa'wanku'xi'xa! chij. Tyol chmilb'aj ¡Majx cha'x k'ulju' qkuẍb'il!17K'ute tptzo'nilju' qja, atzun tzis te twi' qja. Tyol xu'jilb'aj1Ayine' b'ech toju' plan tx'otx' te Saron, ayine' rojs kyoju' b'ya', chij. Tyol chmilb'aj2Iky nchin laqju'ye' ti'j kyxol txqantl qya, kse'n jun rojs kyxol ch'i'x, chij. Tyol xu'jilb'aj3Iky nchin laqju'ye' ti'j kyxol txqantl ichan, kse'n junwi' mansan toj k'ul.
¡Majx tzalajb'il ajnkub' qeye' tjaq'ju' tewan! ¡Majx chi' nnela' tlob'jil weye'!4Inxi'tiq'i'ne' toju' tja kye nimaqwan intoq tzaj ka'yin weye' tuk'i'l tk'u'jlalil.5¡Chin tkuwsama tu'n wab'j b'incha'n ti'j ub'a, chin tk'a'chama tu'n lob'j mansan, qu'n naqx tu'n nkyimtle' tu'nju' nxi'x chin laqje' ti'ja!6¡Q'onku'ya tnayaj tq'ob'a tjaq' nwi'ye', ex chin tchleka tu'n tb'a'nq'ob'a! chij. Tyol chmilb'aj7Kytziyantze' weye', qya aj Jerusalen, tu'n t-xikyka'yi'ne' tal tojk'ul msat, tu'n lan tz'el twatlju' qya nchin laqje' ti'j. ¡Wtanku'j tzmaxi'j ajtel twatl! chij. Tkab' b'itz Tyol xu'jilb'aj8¡Luju' ichan nchin laqje' ti'j tzul! ¡Inxinb'i'ne' tq'ojq'ojel toj twi'! Lu tzul nxlik'pun kyib'aju' k'ul, lu tzul nxlik'pun kyib'aj witz.9Iky ichanju' nchin laqje' ti'j kse'n jun msat: kse'n jun tal msat. ¡Lu pena' atitl twitz tjpel ja, in ka'yinktz ttzi tokex spik'un, in ka'yinktz toj xopa'j!10Tzaj tma'n ichan nchin laqje' ti'j kjalu: We'ktza tal nmsat; lwixa, qo'ya, inxi'x chin laqje' ti'ja.11¡Ka'yinxpe'ya! Matxi' tzik'te' jb'alil majx matxitiq'i'n jb'al.12Matxi' che poq'chaju' b'ech toj kojb'il, matxi' pon tq'ijlalil tu'n qb'itzan, matxi' che aq' oq'ilju' tal paloms tzalu toju' qnajb'il.13Atitl twitzju' lob'j iw, ex nche puk'chajtlju' tqan ub'a.
We'ktza, tal nmsat; lwixa, qo'ya, inxi'x chin laqje' ti'ja.14Aya tal npalomse', nokx tewa'ntib'a toj kyk'atxub' piky, newanjxa kywitz nimaq pik, yek'untz twitza weye', wajb'ile' tu'n nb'inteye' toj twi'ya. ¡Majx tzalajb'ilte' ajtok nka'yi'na! ¡Majx tzalajb'il ajtyolina! chij. Kyyol kykab'il15Che kytzyume' chuẍ, aye' chuẍ b'o'sqe', qu'n ate'qe'k yajulkye qawale', aju' qawale' tzmaxi'x nub'chin, chechij. Tyol xu'jilb'aj16Wewe' ichan nchin laqje' ti'j, ex teqine'. Nk'ik'len kyi'j trit kyxol b'ech rojs.17Kutanjtz ti'ja, aya nchin laqje' ti'ja, akx njawu'l q'ij ex nkub'naj qxopin; kutetz oqa naku'j msat, naku'j jun tal b'o's msat kywitz nimaq k'ul.1Njoye' ichan nchin laqje' ti'j toj nkuẍb'ile' te qonik'an. Njoye' ex min knet wu'ne'.2Njawe'tzuntze' b'je'lpunx wu'ne' toj nintnam, tu'n tjoyliju' nchin laqje' ti'j kyoj b'e ex jachaq ta'qe' xjal. Njoye' ex min knet wu'ne'.3Xinqani'ne' kyeju' xq'uqil nche xq'uqin te qonik'a'n ti'jile nintnam: ¿Ma min xkyilkye' ichan nchin laqje' ti'j? nchije'.4Naqtzun ch'i'n wik'len b'ete' kyk'etz, tej tel yalju' nchin laqje' ti'j. Tzaj ntzyu'ne' tq'ob', ex min xintzaqpi'ne', xiwiq'i'ntzuntze' kyoju' tja ntxuye', chij. Tyol chmilb'aj5Kytziyantze' weye', qya aj Jerusalen, tu'n txi' kyka'yi'ne' tal toj k'ul msat, tu'n lalun tz'el twatlju' qya nchin laqje' ti'j. ¡Wtanku'j tzmax ajttzaj tna'ntib'! chij. Toxi'n b'itz Kyyol mojtzal6¿Ti'tzu'n xi' ttzaj toj chq'ajlaj xi' ttzaj toj jun tnej sib', toj jun tnej t-sb'el mir ex sturak, ex toj t-sb'el chukchaq k'ok'sb'il?7¡Ate iqalte Salomonju'! txoli'n ti'j kyu'n oxnaq (60) xjal te q'oj, aye' kuwqe'xi'x kyxol aj Israel;8kykyaqilx b'a'n che q'ojin tuk'i'l k'uẍtx'e'nb'il nimaq q'ojilqe'; K'lo'mile kyk'uẍtx'e'nb'il kyk'u'j, te kolb'ilkye toj qonik'an.9Matxi' kub' tb'incha'nte nimaqkawil Salomon jun iqb'ilte kyuk'i'l tz'umin tze toj Lib'ano.10Saqpwaqqe' tqan; q'anpwaq tqejb'il ttze'lti'j; ktxu'n jankub' qeya' tu'n xb'alun kyeq sq'ib'un; atzu'n tojxi' wiqo'n tb'anilxi'x kyu'n qya aj Jerusalen.11Aye'ye' qya aj Syon, ¡kukyetze' ka'yilte nimaqkawil Salomon! Tokx tkoron te oklenj ju' kub' tb'incha'n ttxu te, tej tmje, toju' q'ij majx tzalajb'ilxi'x toju' tchwinqlal, chechij. Tyol chmilb'aj1¡Majx tb'anilxi'xa qya, nchin laqje' ti'ja! ¡Majx tb'anilxi'xa! Tal palomsqe' tb'aq' twitza e'wa'n tu'n ttxo'wa toj twi'ya; ikytka'yinx t-smal twi'ya kse'nqe' tal chib' nche ẍchan twi' witz Kalaad.2B'a'nileqe' twitzteya kykyaqil, ikqe' kse'n jun tnej rit akxtoq kyb'aj ichet tu'n tel joyet kyi'j.3Ẍkyeqqe' ttziya kse'n q'in kyeqka'yin, majx tzalajb'ilqe' tyola. ẍkyaqqe' junjun plaj ttziya e'wa'n toju' kutxb'il twitza naku'j kranad ajtkub' aq'pet.4Tb'anilxi'xju' tqula kse'n tja Dab'i nimin twe'. b'incha'n kyuk'i'l ab'j jso'n kywitz Yob'a'nqe'k kab'k'al lajnaq (1,000) kolb'il ti'j, kykolb'ilju' xjal min nche xob'.5Ikyqe' timi'ẍju'ya kse'n kab'e' tal msat kab'e' tal msat yuẍqe' nche wan kyxol b'ech rojs.6Akx njawu'l q'ij ex nkub'naj qxopin, chin xe'le' twi' witz jata' mir, twi' witz jata' sturak.7¡Majx tb'anilxi'xa, aya nchin laqje' ti'ja; tb'anilxi'xa tzajx t-xe tqana japumnix toj twi'ya! ¡Mixti' junta ttzakajil!8Qoku'tz wuk'i'le' twi' witz Lib'ano, tal nxu'jil; qoku'tz wuk'i'le' twi' witz Lib'ano. Ka'yinxpe'ya b'ya' tzmax twi' witz Amana, tzmax twi' witz Senir ex Ermon; tzmax kyoj kyjul b'alun, tzmax twi' witz ja ta'qe' txkup leopa'rt kyb'i.9Inxi'x ẍilj wanmiye' ti'ja, tal wanab', tal nxu'jil; nxi'x ẍilj wanmiye' ti'ja naqx tu'n saj ka'yina wi'je' naqx tu'n jun taq'e'l tuya.10¡Tzalajb'ilxi'xte' ajttz'ulina tal wanab', tal nxu'jil! ¡Tzalajb'ilxi'xte' ajttz'ulina kyetwitz tchi'yal b'in, ex majx tk'ok'jalxi'xju' tk'ok'sb'ila kyetwitz tkyaqil k'ok'sb'il!11Tal nxu'jil, majx chi' ta'lkab' toj ttziya. ¡Ta'lkab' ex lech ati tjaq' taq'a! ¡Iky tk'ok'jal ti'ju'ya kse'n kyk'ok'jal tze toj Lib'ano!12Tal wanab', tal nxu'jil jun awalta ch'laji'n ti'j, t-xiklil a' jpu'n b'a'nxi'x; xoch tok techel,13jun awal toj tqan lob'j kranad toj kyqan tb'anil lob'j; jun awb'il ja ta'qe' b'ech alenya tb'i14b'ech nardo ex asapran kyb'i, ptz'an k'ok'j ex kanel, ex chukchaq tze tqan sturak, mir ex alowe; ¡kykyaqilxju' tb'anilxi'x k'ok'sb'il!15Ikyju'ya kse'n jun t-xiklil a' toj awb'il kse'n jun xoch janjatza' piq'chaj a' aju' a' nku'tz twi' witz Lib'ano.16¡Jub'ina kyq'iq'!, toj tb'a'nq'ob'kya'j. ¡Kutzaja!, kyq'iq' toj tnayajkya'j. ¡Kyxupinxe' toju' wawale' tu'nt-xi' puk'chaju' tk'ok'jal! chiju' chmilb'aj. Tyol xu'jilb'aj Kutzaja toju' tawala, aya nchin laqje' ti'ja, ex lo'na kyi'ju' twitz tb'anilqexi'x, chij. Tyol chmilb'aj1Atinqintlna'we' toju' wawale', tal wanab', tal nxu'jil. matxi' b'je'l wiq'i'ne' mir ex nk'ok'sb'ile', matxi' txinnik'b'e'ne' ta'lkab' toj aq, ex matxi' txi nk'wa'ne' b'in ex lech, chij. Kyyol mojtzal Che wanqe'tzune' ex che k'wanqe'ye', wamiw kyeqten kyuk'i'le', ¡kyk'wanxe' tkyaqilju' mab'aj kyu'ne'! chechij. Tkyaji'n b'itz Tyol xu'jilb'aj2Intoq chin wtane', atzu'n wanmiye' itz'. Ex nb'iye' intoq txokonju' nchin laqje' ti'j ttzija: ¡Jqo'nkxa ja, aya nchin laqje' ti'ja; wanab', q'poja, kse'n jun tal paloms! ¡Matxi' b'aj ak' nwi'ye' tu'n ta'l che'w! ¡Ntx'ab'u'n nwi'ye' tu'n ta'l che'w nkub' qonik'an! Chij.3Matxi' tz'el wiq'i'ne' wi'je'; ¡Oklo k'okyel nq'o'n jumajtle'! Matxi' tz'el ntx'jo'ne' nqane'; ¡oklo k'okyel jumajtl quq kyi'j! nchije'.4Atzunju' ichan nchin laqje' ti'j okxtq'o'n tq'ob' toj t-xopajil tjpel ja. ¡Majx njaw tzalaje' b'a'nxi'x tu'n!5Njawe'tzuntze' jqolte ja teju' nchin laqje' ti'j. El txatj ta'l mir kyi'ju' nq'ob'e' ex kyi'j twinq'ob'e' tib'aju' jupb'ilte ja. ¡Tej t-xinb'i'ne' tjaw yolin, majx nkub' b'aje'!
Okx njqo'ne' ja teju' nchin laqje' ti'j, atzunte mix-a'lo'tltoq. Njoye' ex min knet wu'ne', tzaj ntxko'ne' ex mix-a'lo'te tzaj tzaq'wi.7Nnelyale' kwitzju' xq'uqil nche xq'uqin qonik'a'n ti'jileju' nintnam; nb'aj kyjuma'ne', nk'ixb'iye' kyu'n; ¡aye'tzu'n nche xq'uqin ttzi nintnam elkyjk'u'n ntxo'we' tuk'i'l kytx'u'jil!8E'qya aj Jerusalen, qama tz'el yalju' nchin laqje' ti'j kywitze', kytziyantze' qa kxe'l kyma'n ch'i'ne' te qa ch'intl nkukyime' ti'j, chij. Kyyol mojtzal9¿Ti'xi'xtzu'n majx b'a'n ati teju' nlaqja ti'j, qya tb'anilxi'xa kyekywitzju' txqantl qya tb'anilqe'? ¿Ti'xi'xtzu'n majx b'a'n ati teju' nlaqja ti'j tu'nju' ntma'na tu'nqtziyanteye' yol lu teya? chechij. Tyol xu'jilb'aj10Qchulinwe' nchin laqj ti'j, q'ancha'lxi'x kyxol junmutx' jo'k'al (10,000) ichan.11Iky twi' kse'n q'anpwaq; ẍwilo'kyile t-xya'mal twi' ex q'eq kse'n ti'j jun joj;12Ikyqe' twitzju' kse'n kab'e' paloms ichi'nqe' toj lech, inche ojlan ttzi a';13naku'j awa'n b'echqe' junjun plaj ttzi ati b'ech tb'anil tk'ok'jal toj. Naku'j ros b'echu' ttzi k'ok'ju' ta'l ajtel tx'atj nakuj mir;14ikyqe' tq'ob'ju' kse'nqe' tqul q'ob'aj q'anpwaq ate'k ab'j topasyo ti'j; atzu'n t-xmilal naku'j tb'anil saqb'aq b'incha'nqe'k tal ab'j sapiro kyoj kykb'el ti'j;15ikyqe' tkuxju' kse'nqe' tqan ja saq ab'j awa'nqe' b'a'nxi'x kyib'aj kyq'uqlil q'anpwaqxi'x; q'ancha'lxi'xju' ka'yin kse'nqe' k'ute toj Lib'ano;16majx tchi'yalxi'x toj tk'o'n. ¡Tzalajb'ilxi'xju' ichan lu toj tkyaqil!
Ikytzunte ichanju' nchin laqje' ti'j, ikytzunte nxi'x chin laqju'ye' ti'j, qya aj Jerusalen, chi xu'jilb'aj. Kyyol mojtzal1¿Ja xxa'ju' k'u'jlalteya, qya majx xa'wanku'xi'xa kyekywitz txqantl qya xa'wanqeku'? ¿Jatzunlo jaxxa'? ¡Qo xe'le' tuk'i'la jyolte! chechij. Tyol xu'jilb'aj2Xi' xxa'te' nchin laqje' ti'j toju' tawal, toju' tawb'il npuk'chaj k'ok'sb'il toj, matxi' k'ik'lel kye trit ex k'usilkyeju' rojs b'ech.3Te qinweju'ye' nchin laqje' ti'j, ex ikxte weye'. Inche tk'ik'le'n trit kyxolju' rojs b'ech, chij. Tjwe'yi'n b'itz Tyol chmilb'aj4Qya, nchin laqje' ti'ja, xa'wanku'xi'xa ex inxi'x chin tzalaje' ajt-xinka'yina ikyju'ya kse'nqe' nimaqtnam Tirsa ex Jerusalen; lay mqet twitza kse'n jun tnej xjal nk'u'n kyten ljo'nkyxi' toj q'oj.5¡Lan tzaj ka'yina wi'je', qu'n matxi' kub'wi'je' kyu'n twitza!
Iky t-xya'mal twi'ju'ya kse'nqe' tal chib' nche saqchan kywi' witz toj Kalaad.6B'a'nileqe' twitzteya kykyaqil, ikyqe' kse'n jun tnej rit tzma ẍe b'aj ichi'n tu'n tel jon kyi'j.7Ikyqe' junjun plaj ttziju'ya kse'n nik'janchaq lob'j kranad e'wa'n toju' kutxb'il twitza.8Oxnaq (60) kyb'aj t-xu'jil nimaqkawil, kyajnaq (80) tqya, atzun txqan kyb'aju' tqpoj9atzunwe' naqjun tal nqpoj npalomse', naq o'kx kuxi'xte kye tilwi tu'n ttxu. Ky'i'wla'nxi'xta chechiju' txin te, ajt-xi' kyka'yi'n; njaw nima'n kyu'n kyxu'jil ex kyqya nimaqkawil, chij. Kyyol mojtzal10¿Alkyetzunte' xi' ttzaj kse'n ajttzaj t-xe kya'j? Xa'wanku'xi'x kse'n xjaw, nqoptz'aj kse'n q'ij, ¡layx mqettwiz kse'n jun tnej xjal nk'u'n kyten ljo'nkyxi' toj q'oj! chechij. Tyol xu'jilb'aj11Nxi'ye' toju' k'ul ja ta'qe' tze nokal kyb'i nlab'tiye' ti'ju' tcha'xil ttzi a'; wajb'iltoqe' tu'n nlonteye' se'n njawula' twi' ub'a, ex kyb'echil lob'j kranad.12Yajxi'tzuntl titi'lo b'ajweloye' o'kx nna'nteye' tinqinkxe' toj karwaj tk'etzju' tk'wal nnimaqkawil nchin laqje' ti'j, chij. Kyyol mojtzal13¡Kutanjtz ti'ja, txin aj Sulam, kutanjtz ti'ja! ¡Kutanjtzti'ja, qajb'ile' tu'n tokqka'yina! chechij. Tyol xu'jilb'aj ¿Titi'tzu'n kyajb'ile' tu'n kyka'yinteye' ti'j aj Sulam? chij. Kyyol mojtzal ¡Tu'n tb'ixana, kse'n nb'inchet kyoj xmuj! chechij. Tyol chmilb'aj1¡Xa'wanqeku'xi'xu' tqana kyoju' t-xajab'a, tmyal nimaqkawil! Majx tulin ti'ju' tal t-ẍo'pa, kse'nqe' tilb'ilal b'incha'n q'anpwaqqe', b'incha'n kyu'n xjal b'a'n kyb'inchante.2Iky tmuxju'ya kse'n jun tkb'el k'wab'j tulinti'j kukx tk'wet b'inju' toj; iky tk'u'ju'ya kse'n jun b'yoj triy txoli'n ti'j tu'n b'ech rojs.3Ikqe' timi'ẍju'ya kse'n kab'e' ttxu msat, kab'e' tal msat yuẍqe'.4Iky tqulju'ya kse'n jun ja nimin twe' ẍnu'lb'aqile ti'j; ikyqe' twitzju'ya kse'n kab'e' xoch ẍtilunqe' toju' nintnam Esb'on, tu'me'l ttzi nintnam B'at-rab'im; iky ttxa'na kse'n ja nimin twe' twi' Lib'ano, t'ikylo'ktz tu'me'l nintnam Damask.5Ikytka'yinx twi'ju'ya kse'n toktza' witz Karmelo; ikyqe' t-xya'mal twi'ya kse'n q'in kyeq smo'n tk'i' cha'x: ¡kyajni ye' jun nimaqkawil toju' xpatx'b'ente twi'ya!6Aya qya nchin laqje' ti'ja, qtze'tz kyoj twitza, ¡achb'ajila ex xa'wankuxi'xa!7iky tka'yinxju'ya kse'n tka'yinx jun tut; ikyqe' timi'ẍju'ya kse'n jun tq'ob' lob'j txijli twitz.8Wajb'ile' tu'n njaxpwe'tzane' ti'ju' tut tu'ntku'tz wiq'i'ne' tq'ob' txijli. Che okyeltzun timi'ẍtza kse'n tq'ob' ub'a txijli; iky t-xewju'ya kse'n mansan npuk'chaj;9iky toj tk'o'nju'ya kse'n tb'anil ta'l ub'a, chab'a nku'x b'ililin toj ttziya ex kyxe twitzteya, chij. Tyol xu'jilb'aj10Te qinwe' ichan nchin laqje' ti'j: tu'nju' nxi'x laqj wi'je' nula' nk'etze'.11¡Kuwxa, aya nchin laqje' ti'ja, qo'ya toj kojb'il! K'elix qonik'an qu'n kyxol b'ech alenya.12Qo xe'l toj tqan ub'a te prim, ka'yilte qa matxi' che b'echin, ka'yilte qa nche poq'chaj, qa matxi' che b'echinju' kranad. ¡Atzuntzu' kxe'la' nq'o'n nyole' teya!13Inxi'x che puk'chaju' lob'j mandrakora. Chukchaq lob'j ati ttzi qja: twitz lob'j tzqijsa'n ex tzmaxi'x ẍetzaj t'uxit, mache elnpa'ne' teya, aya nchin laqje' ti'ja.1¡Naqwit ikyj nxib'ena, awttzu' xch'u'na'ya kyi'j timi'ẍ ntxuye'! Ajwittzunlo tokyala wu'ne' toj b'e, jaku' tz'ok nma'tzina ex mix-a'lo' tu'n t-xmayin wi'je';2jaku'wtlo txiwiq'i'na tja ntxuye', jaku'wtlo tz'okx wiq'i'na tuja, tu'n toka xnaq'tzalweye'. Jaku'wtlo txinq'o'n tk'wa'ya tb'anil b'in ex ta'l lob'j kranad.3¡Q'onku' tnayaj tq'ob'a tjaq' nwi'ye', chin tchleku'tzunta tu'n tb'a'nq'ob'a! chi xu'jilb'aj. Tyol chmilb'aj4Kytziyantze', qya aj Jerusalen, tu'n lan txikyk'asu'ne' qya nchin laqje' ti'j. ¡Wtanku'j tzmax ajttzaj tna'ntib'! chij. Tqaqi'n b'itz Kyyol mojtzal5¿Alkyetzu'n tzul toj chq'ajlaj, kuẍlok ti'j t-semu'lju' nlaqj ti'j? chechij. Tyol chmilb'aj Tjaq' junwi' mansan xxa' nk'asu'na: ja oka' ttxuya toj k'ixk'oj; ja itz'ja'ya tu'n ttxuya, chij. Tyol xu'jilb'aj6Lalun chin ele' ti'j tanmiya, ¡chin tiq'ixa kse'n jun techil ti'j tq'ob'a! Lay b'entte' tk'u'jlalil tmyet kse'n kamik; ikyte tb'isju' kse'n muqb'il min yukchi. ¡Iky tk'u'jlalilju' kse'n q'aq' inxi'x ja'yun, kse'n jun taq' q'aq' te Dyos!7Lay b'ent tyupetju' tk'u'jlalil tu'n a' kyoj kykyaqilju' ninnjab'; ex lay b'ent tyupit kyu'n tnimal a'. Naqwit alkye jun txiq'onte tkyaqilju' tq'inumal te t-xelju' tk'u'jlalil, jaku'lo b'aj xmayi'n, chij. Kyyol mojtzal8Mixti'te' tal qanab' timi'ẍ. ¿Ti'tzu'n qse' ti'j ajtul qanb'aj?9Naqwit jun nintapi, jaku'wtlo jaw qb'incha'n jun b'o's ja saqpwaq tib'aj; naqwit tjpel ja, jaku'wtlo tz'ok qktxu'n tu'n tz'len k'ute, chechij. Tyol xu'jilb'aj10Ikqinwe' kse'n jun nintapi, aye'tzu'n wimi'ẍe' ikqe' kse'n ja nimaq kywe' te ka'yb'il. qu'mtzun toj twitz, qa matxi' tz'el yalju' tzalajb'il wu'ne'.11Atitoq jun tawal Salomon ub'a toj B'aal-amon. kyej tq'o'n toj kyq'ob' junjun xjal tu'n t-xikyka'yi'n, teyiletzun junjun tu'ntoq txi' tq'o'n kab'k'al lajnaq (1,000) saqpwaq te aj tjawju' twitz tawal.12Te teju'ya kab'k'al lajnaq (1,000) medi, Salomon, atzun lajnaq (100) kyeju' xq'uqil; ¡atzun nxq'uqinxwe' wawal! chij. Tyol chmilb'aj13¡Q'oma anb'il tu'n t-xinb'i'ne' toj twi'ya, t-xu'jil nimaqkawila toj awal! ¡Kyajb'ilju' qamiw tu'n t-xib'i'na kyu'n! chij. Tyol xu'jilb'aj14¡Ojqelxa nk'u'jlb'e'tz, tz'ojqelana kse'n jun msat, kse'n jun tal msat kywi' witz inxi'x che puk'chaj! chij.
¡Majx tzalajb'il ajnkub' qeye' tjaq'ju' tewan! ¡Majx chi' nnela' tlob'jil weye'!4Inxi'tiq'i'ne' toju' tja kye nimaqwan intoq tzaj ka'yin weye' tuk'i'l tk'u'jlalil.5¡Chin tkuwsama tu'n wab'j b'incha'n ti'j ub'a, chin tk'a'chama tu'n lob'j mansan, qu'n naqx tu'n nkyimtle' tu'nju' nxi'x chin laqje' ti'ja!6¡Q'onku'ya tnayaj tq'ob'a tjaq' nwi'ye', ex chin tchleka tu'n tb'a'nq'ob'a! chij. Tyol chmilb'aj7Kytziyantze' weye', qya aj Jerusalen, tu'n t-xikyka'yi'ne' tal tojk'ul msat, tu'n lan tz'el twatlju' qya nchin laqje' ti'j. ¡Wtanku'j tzmaxi'j ajtel twatl! chij. Tkab' b'itz Tyol xu'jilb'aj8¡Luju' ichan nchin laqje' ti'j tzul! ¡Inxinb'i'ne' tq'ojq'ojel toj twi'! Lu tzul nxlik'pun kyib'aju' k'ul, lu tzul nxlik'pun kyib'aj witz.9Iky ichanju' nchin laqje' ti'j kse'n jun msat: kse'n jun tal msat. ¡Lu pena' atitl twitz tjpel ja, in ka'yinktz ttzi tokex spik'un, in ka'yinktz toj xopa'j!10Tzaj tma'n ichan nchin laqje' ti'j kjalu: We'ktza tal nmsat; lwixa, qo'ya, inxi'x chin laqje' ti'ja.11¡Ka'yinxpe'ya! Matxi' tzik'te' jb'alil majx matxitiq'i'n jb'al.12Matxi' che poq'chaju' b'ech toj kojb'il, matxi' pon tq'ijlalil tu'n qb'itzan, matxi' che aq' oq'ilju' tal paloms tzalu toju' qnajb'il.13Atitl twitzju' lob'j iw, ex nche puk'chajtlju' tqan ub'a.
We'ktza, tal nmsat; lwixa, qo'ya, inxi'x chin laqje' ti'ja.14Aya tal npalomse', nokx tewa'ntib'a toj kyk'atxub' piky, newanjxa kywitz nimaq pik, yek'untz twitza weye', wajb'ile' tu'n nb'inteye' toj twi'ya. ¡Majx tzalajb'ilte' ajtok nka'yi'na! ¡Majx tzalajb'il ajtyolina! chij. Kyyol kykab'il15Che kytzyume' chuẍ, aye' chuẍ b'o'sqe', qu'n ate'qe'k yajulkye qawale', aju' qawale' tzmaxi'x nub'chin, chechij. Tyol xu'jilb'aj16Wewe' ichan nchin laqje' ti'j, ex teqine'. Nk'ik'len kyi'j trit kyxol b'ech rojs.17Kutanjtz ti'ja, aya nchin laqje' ti'ja, akx njawu'l q'ij ex nkub'naj qxopin; kutetz oqa naku'j msat, naku'j jun tal b'o's msat kywitz nimaq k'ul.1Njoye' ichan nchin laqje' ti'j toj nkuẍb'ile' te qonik'an. Njoye' ex min knet wu'ne'.2Njawe'tzuntze' b'je'lpunx wu'ne' toj nintnam, tu'n tjoyliju' nchin laqje' ti'j kyoj b'e ex jachaq ta'qe' xjal. Njoye' ex min knet wu'ne'.3Xinqani'ne' kyeju' xq'uqil nche xq'uqin te qonik'a'n ti'jile nintnam: ¿Ma min xkyilkye' ichan nchin laqje' ti'j? nchije'.4Naqtzun ch'i'n wik'len b'ete' kyk'etz, tej tel yalju' nchin laqje' ti'j. Tzaj ntzyu'ne' tq'ob', ex min xintzaqpi'ne', xiwiq'i'ntzuntze' kyoju' tja ntxuye', chij. Tyol chmilb'aj5Kytziyantze' weye', qya aj Jerusalen, tu'n txi' kyka'yi'ne' tal toj k'ul msat, tu'n lalun tz'el twatlju' qya nchin laqje' ti'j. ¡Wtanku'j tzmax ajttzaj tna'ntib'! chij. Toxi'n b'itz Kyyol mojtzal6¿Ti'tzu'n xi' ttzaj toj chq'ajlaj xi' ttzaj toj jun tnej sib', toj jun tnej t-sb'el mir ex sturak, ex toj t-sb'el chukchaq k'ok'sb'il?7¡Ate iqalte Salomonju'! txoli'n ti'j kyu'n oxnaq (60) xjal te q'oj, aye' kuwqe'xi'x kyxol aj Israel;8kykyaqilx b'a'n che q'ojin tuk'i'l k'uẍtx'e'nb'il nimaq q'ojilqe'; K'lo'mile kyk'uẍtx'e'nb'il kyk'u'j, te kolb'ilkye toj qonik'an.9Matxi' kub' tb'incha'nte nimaqkawil Salomon jun iqb'ilte kyuk'i'l tz'umin tze toj Lib'ano.10Saqpwaqqe' tqan; q'anpwaq tqejb'il ttze'lti'j; ktxu'n jankub' qeya' tu'n xb'alun kyeq sq'ib'un; atzu'n tojxi' wiqo'n tb'anilxi'x kyu'n qya aj Jerusalen.11Aye'ye' qya aj Syon, ¡kukyetze' ka'yilte nimaqkawil Salomon! Tokx tkoron te oklenj ju' kub' tb'incha'n ttxu te, tej tmje, toju' q'ij majx tzalajb'ilxi'x toju' tchwinqlal, chechij. Tyol chmilb'aj1¡Majx tb'anilxi'xa qya, nchin laqje' ti'ja! ¡Majx tb'anilxi'xa! Tal palomsqe' tb'aq' twitza e'wa'n tu'n ttxo'wa toj twi'ya; ikytka'yinx t-smal twi'ya kse'nqe' tal chib' nche ẍchan twi' witz Kalaad.2B'a'nileqe' twitzteya kykyaqil, ikqe' kse'n jun tnej rit akxtoq kyb'aj ichet tu'n tel joyet kyi'j.3Ẍkyeqqe' ttziya kse'n q'in kyeqka'yin, majx tzalajb'ilqe' tyola. ẍkyaqqe' junjun plaj ttziya e'wa'n toju' kutxb'il twitza naku'j kranad ajtkub' aq'pet.4Tb'anilxi'xju' tqula kse'n tja Dab'i nimin twe'. b'incha'n kyuk'i'l ab'j jso'n kywitz Yob'a'nqe'k kab'k'al lajnaq (1,000) kolb'il ti'j, kykolb'ilju' xjal min nche xob'.5Ikyqe' timi'ẍju'ya kse'n kab'e' tal msat kab'e' tal msat yuẍqe' nche wan kyxol b'ech rojs.6Akx njawu'l q'ij ex nkub'naj qxopin, chin xe'le' twi' witz jata' mir, twi' witz jata' sturak.7¡Majx tb'anilxi'xa, aya nchin laqje' ti'ja; tb'anilxi'xa tzajx t-xe tqana japumnix toj twi'ya! ¡Mixti' junta ttzakajil!8Qoku'tz wuk'i'le' twi' witz Lib'ano, tal nxu'jil; qoku'tz wuk'i'le' twi' witz Lib'ano. Ka'yinxpe'ya b'ya' tzmax twi' witz Amana, tzmax twi' witz Senir ex Ermon; tzmax kyoj kyjul b'alun, tzmax twi' witz ja ta'qe' txkup leopa'rt kyb'i.9Inxi'x ẍilj wanmiye' ti'ja, tal wanab', tal nxu'jil; nxi'x ẍilj wanmiye' ti'ja naqx tu'n saj ka'yina wi'je' naqx tu'n jun taq'e'l tuya.10¡Tzalajb'ilxi'xte' ajttz'ulina tal wanab', tal nxu'jil! ¡Tzalajb'ilxi'xte' ajttz'ulina kyetwitz tchi'yal b'in, ex majx tk'ok'jalxi'xju' tk'ok'sb'ila kyetwitz tkyaqil k'ok'sb'il!11Tal nxu'jil, majx chi' ta'lkab' toj ttziya. ¡Ta'lkab' ex lech ati tjaq' taq'a! ¡Iky tk'ok'jal ti'ju'ya kse'n kyk'ok'jal tze toj Lib'ano!12Tal wanab', tal nxu'jil jun awalta ch'laji'n ti'j, t-xiklil a' jpu'n b'a'nxi'x; xoch tok techel,13jun awal toj tqan lob'j kranad toj kyqan tb'anil lob'j; jun awb'il ja ta'qe' b'ech alenya tb'i14b'ech nardo ex asapran kyb'i, ptz'an k'ok'j ex kanel, ex chukchaq tze tqan sturak, mir ex alowe; ¡kykyaqilxju' tb'anilxi'x k'ok'sb'il!15Ikyju'ya kse'n jun t-xiklil a' toj awb'il kse'n jun xoch janjatza' piq'chaj a' aju' a' nku'tz twi' witz Lib'ano.16¡Jub'ina kyq'iq'!, toj tb'a'nq'ob'kya'j. ¡Kutzaja!, kyq'iq' toj tnayajkya'j. ¡Kyxupinxe' toju' wawale' tu'nt-xi' puk'chaju' tk'ok'jal! chiju' chmilb'aj. Tyol xu'jilb'aj Kutzaja toju' tawala, aya nchin laqje' ti'ja, ex lo'na kyi'ju' twitz tb'anilqexi'x, chij. Tyol chmilb'aj1Atinqintlna'we' toju' wawale', tal wanab', tal nxu'jil. matxi' b'je'l wiq'i'ne' mir ex nk'ok'sb'ile', matxi' txinnik'b'e'ne' ta'lkab' toj aq, ex matxi' txi nk'wa'ne' b'in ex lech, chij. Kyyol mojtzal Che wanqe'tzune' ex che k'wanqe'ye', wamiw kyeqten kyuk'i'le', ¡kyk'wanxe' tkyaqilju' mab'aj kyu'ne'! chechij. Tkyaji'n b'itz Tyol xu'jilb'aj2Intoq chin wtane', atzu'n wanmiye' itz'. Ex nb'iye' intoq txokonju' nchin laqje' ti'j ttzija: ¡Jqo'nkxa ja, aya nchin laqje' ti'ja; wanab', q'poja, kse'n jun tal paloms! ¡Matxi' b'aj ak' nwi'ye' tu'n ta'l che'w! ¡Ntx'ab'u'n nwi'ye' tu'n ta'l che'w nkub' qonik'an! Chij.3Matxi' tz'el wiq'i'ne' wi'je'; ¡Oklo k'okyel nq'o'n jumajtle'! Matxi' tz'el ntx'jo'ne' nqane'; ¡oklo k'okyel jumajtl quq kyi'j! nchije'.4Atzunju' ichan nchin laqje' ti'j okxtq'o'n tq'ob' toj t-xopajil tjpel ja. ¡Majx njaw tzalaje' b'a'nxi'x tu'n!5Njawe'tzuntze' jqolte ja teju' nchin laqje' ti'j. El txatj ta'l mir kyi'ju' nq'ob'e' ex kyi'j twinq'ob'e' tib'aju' jupb'ilte ja. ¡Tej t-xinb'i'ne' tjaw yolin, majx nkub' b'aje'!
Okx njqo'ne' ja teju' nchin laqje' ti'j, atzunte mix-a'lo'tltoq. Njoye' ex min knet wu'ne', tzaj ntxko'ne' ex mix-a'lo'te tzaj tzaq'wi.7Nnelyale' kwitzju' xq'uqil nche xq'uqin qonik'a'n ti'jileju' nintnam; nb'aj kyjuma'ne', nk'ixb'iye' kyu'n; ¡aye'tzu'n nche xq'uqin ttzi nintnam elkyjk'u'n ntxo'we' tuk'i'l kytx'u'jil!8E'qya aj Jerusalen, qama tz'el yalju' nchin laqje' ti'j kywitze', kytziyantze' qa kxe'l kyma'n ch'i'ne' te qa ch'intl nkukyime' ti'j, chij. Kyyol mojtzal9¿Ti'xi'xtzu'n majx b'a'n ati teju' nlaqja ti'j, qya tb'anilxi'xa kyekywitzju' txqantl qya tb'anilqe'? ¿Ti'xi'xtzu'n majx b'a'n ati teju' nlaqja ti'j tu'nju' ntma'na tu'nqtziyanteye' yol lu teya? chechij. Tyol xu'jilb'aj10Qchulinwe' nchin laqj ti'j, q'ancha'lxi'x kyxol junmutx' jo'k'al (10,000) ichan.11Iky twi' kse'n q'anpwaq; ẍwilo'kyile t-xya'mal twi' ex q'eq kse'n ti'j jun joj;12Ikyqe' twitzju' kse'n kab'e' paloms ichi'nqe' toj lech, inche ojlan ttzi a';13naku'j awa'n b'echqe' junjun plaj ttzi ati b'ech tb'anil tk'ok'jal toj. Naku'j ros b'echu' ttzi k'ok'ju' ta'l ajtel tx'atj nakuj mir;14ikyqe' tq'ob'ju' kse'nqe' tqul q'ob'aj q'anpwaq ate'k ab'j topasyo ti'j; atzu'n t-xmilal naku'j tb'anil saqb'aq b'incha'nqe'k tal ab'j sapiro kyoj kykb'el ti'j;15ikyqe' tkuxju' kse'nqe' tqan ja saq ab'j awa'nqe' b'a'nxi'x kyib'aj kyq'uqlil q'anpwaqxi'x; q'ancha'lxi'xju' ka'yin kse'nqe' k'ute toj Lib'ano;16majx tchi'yalxi'x toj tk'o'n. ¡Tzalajb'ilxi'xju' ichan lu toj tkyaqil!
Ikytzunte ichanju' nchin laqje' ti'j, ikytzunte nxi'x chin laqju'ye' ti'j, qya aj Jerusalen, chi xu'jilb'aj. Kyyol mojtzal1¿Ja xxa'ju' k'u'jlalteya, qya majx xa'wanku'xi'xa kyekywitz txqantl qya xa'wanqeku'? ¿Jatzunlo jaxxa'? ¡Qo xe'le' tuk'i'la jyolte! chechij. Tyol xu'jilb'aj2Xi' xxa'te' nchin laqje' ti'j toju' tawal, toju' tawb'il npuk'chaj k'ok'sb'il toj, matxi' k'ik'lel kye trit ex k'usilkyeju' rojs b'ech.3Te qinweju'ye' nchin laqje' ti'j, ex ikxte weye'. Inche tk'ik'le'n trit kyxolju' rojs b'ech, chij. Tjwe'yi'n b'itz Tyol chmilb'aj4Qya, nchin laqje' ti'ja, xa'wanku'xi'xa ex inxi'x chin tzalaje' ajt-xinka'yina ikyju'ya kse'nqe' nimaqtnam Tirsa ex Jerusalen; lay mqet twitza kse'n jun tnej xjal nk'u'n kyten ljo'nkyxi' toj q'oj.5¡Lan tzaj ka'yina wi'je', qu'n matxi' kub'wi'je' kyu'n twitza!
Iky t-xya'mal twi'ju'ya kse'nqe' tal chib' nche saqchan kywi' witz toj Kalaad.6B'a'nileqe' twitzteya kykyaqil, ikyqe' kse'n jun tnej rit tzma ẍe b'aj ichi'n tu'n tel jon kyi'j.7Ikyqe' junjun plaj ttziju'ya kse'n nik'janchaq lob'j kranad e'wa'n toju' kutxb'il twitza.8Oxnaq (60) kyb'aj t-xu'jil nimaqkawil, kyajnaq (80) tqya, atzun txqan kyb'aju' tqpoj9atzunwe' naqjun tal nqpoj npalomse', naq o'kx kuxi'xte kye tilwi tu'n ttxu. Ky'i'wla'nxi'xta chechiju' txin te, ajt-xi' kyka'yi'n; njaw nima'n kyu'n kyxu'jil ex kyqya nimaqkawil, chij. Kyyol mojtzal10¿Alkyetzunte' xi' ttzaj kse'n ajttzaj t-xe kya'j? Xa'wanku'xi'x kse'n xjaw, nqoptz'aj kse'n q'ij, ¡layx mqettwiz kse'n jun tnej xjal nk'u'n kyten ljo'nkyxi' toj q'oj! chechij. Tyol xu'jilb'aj11Nxi'ye' toju' k'ul ja ta'qe' tze nokal kyb'i nlab'tiye' ti'ju' tcha'xil ttzi a'; wajb'iltoqe' tu'n nlonteye' se'n njawula' twi' ub'a, ex kyb'echil lob'j kranad.12Yajxi'tzuntl titi'lo b'ajweloye' o'kx nna'nteye' tinqinkxe' toj karwaj tk'etzju' tk'wal nnimaqkawil nchin laqje' ti'j, chij. Kyyol mojtzal13¡Kutanjtz ti'ja, txin aj Sulam, kutanjtz ti'ja! ¡Kutanjtzti'ja, qajb'ile' tu'n tokqka'yina! chechij. Tyol xu'jilb'aj ¿Titi'tzu'n kyajb'ile' tu'n kyka'yinteye' ti'j aj Sulam? chij. Kyyol mojtzal ¡Tu'n tb'ixana, kse'n nb'inchet kyoj xmuj! chechij. Tyol chmilb'aj1¡Xa'wanqeku'xi'xu' tqana kyoju' t-xajab'a, tmyal nimaqkawil! Majx tulin ti'ju' tal t-ẍo'pa, kse'nqe' tilb'ilal b'incha'n q'anpwaqqe', b'incha'n kyu'n xjal b'a'n kyb'inchante.2Iky tmuxju'ya kse'n jun tkb'el k'wab'j tulinti'j kukx tk'wet b'inju' toj; iky tk'u'ju'ya kse'n jun b'yoj triy txoli'n ti'j tu'n b'ech rojs.3Ikqe' timi'ẍju'ya kse'n kab'e' ttxu msat, kab'e' tal msat yuẍqe'.4Iky tqulju'ya kse'n jun ja nimin twe' ẍnu'lb'aqile ti'j; ikyqe' twitzju'ya kse'n kab'e' xoch ẍtilunqe' toju' nintnam Esb'on, tu'me'l ttzi nintnam B'at-rab'im; iky ttxa'na kse'n ja nimin twe' twi' Lib'ano, t'ikylo'ktz tu'me'l nintnam Damask.5Ikytka'yinx twi'ju'ya kse'n toktza' witz Karmelo; ikyqe' t-xya'mal twi'ya kse'n q'in kyeq smo'n tk'i' cha'x: ¡kyajni ye' jun nimaqkawil toju' xpatx'b'ente twi'ya!6Aya qya nchin laqje' ti'ja, qtze'tz kyoj twitza, ¡achb'ajila ex xa'wankuxi'xa!7iky tka'yinxju'ya kse'n tka'yinx jun tut; ikyqe' timi'ẍju'ya kse'n jun tq'ob' lob'j txijli twitz.8Wajb'ile' tu'n njaxpwe'tzane' ti'ju' tut tu'ntku'tz wiq'i'ne' tq'ob' txijli. Che okyeltzun timi'ẍtza kse'n tq'ob' ub'a txijli; iky t-xewju'ya kse'n mansan npuk'chaj;9iky toj tk'o'nju'ya kse'n tb'anil ta'l ub'a, chab'a nku'x b'ililin toj ttziya ex kyxe twitzteya, chij. Tyol xu'jilb'aj10Te qinwe' ichan nchin laqje' ti'j: tu'nju' nxi'x laqj wi'je' nula' nk'etze'.11¡Kuwxa, aya nchin laqje' ti'ja, qo'ya toj kojb'il! K'elix qonik'an qu'n kyxol b'ech alenya.12Qo xe'l toj tqan ub'a te prim, ka'yilte qa matxi' che b'echin, ka'yilte qa nche poq'chaj, qa matxi' che b'echinju' kranad. ¡Atzuntzu' kxe'la' nq'o'n nyole' teya!13Inxi'x che puk'chaju' lob'j mandrakora. Chukchaq lob'j ati ttzi qja: twitz lob'j tzqijsa'n ex tzmaxi'x ẍetzaj t'uxit, mache elnpa'ne' teya, aya nchin laqje' ti'ja.1¡Naqwit ikyj nxib'ena, awttzu' xch'u'na'ya kyi'j timi'ẍ ntxuye'! Ajwittzunlo tokyala wu'ne' toj b'e, jaku' tz'ok nma'tzina ex mix-a'lo' tu'n t-xmayin wi'je';2jaku'wtlo txiwiq'i'na tja ntxuye', jaku'wtlo tz'okx wiq'i'na tuja, tu'n toka xnaq'tzalweye'. Jaku'wtlo txinq'o'n tk'wa'ya tb'anil b'in ex ta'l lob'j kranad.3¡Q'onku' tnayaj tq'ob'a tjaq' nwi'ye', chin tchleku'tzunta tu'n tb'a'nq'ob'a! chi xu'jilb'aj. Tyol chmilb'aj4Kytziyantze', qya aj Jerusalen, tu'n lan txikyk'asu'ne' qya nchin laqje' ti'j. ¡Wtanku'j tzmax ajttzaj tna'ntib'! chij. Tqaqi'n b'itz Kyyol mojtzal5¿Alkyetzu'n tzul toj chq'ajlaj, kuẍlok ti'j t-semu'lju' nlaqj ti'j? chechij. Tyol chmilb'aj Tjaq' junwi' mansan xxa' nk'asu'na: ja oka' ttxuya toj k'ixk'oj; ja itz'ja'ya tu'n ttxuya, chij. Tyol xu'jilb'aj6Lalun chin ele' ti'j tanmiya, ¡chin tiq'ixa kse'n jun techil ti'j tq'ob'a! Lay b'entte' tk'u'jlalil tmyet kse'n kamik; ikyte tb'isju' kse'n muqb'il min yukchi. ¡Iky tk'u'jlalilju' kse'n q'aq' inxi'x ja'yun, kse'n jun taq' q'aq' te Dyos!7Lay b'ent tyupetju' tk'u'jlalil tu'n a' kyoj kykyaqilju' ninnjab'; ex lay b'ent tyupit kyu'n tnimal a'. Naqwit alkye jun txiq'onte tkyaqilju' tq'inumal te t-xelju' tk'u'jlalil, jaku'lo b'aj xmayi'n, chij. Kyyol mojtzal8Mixti'te' tal qanab' timi'ẍ. ¿Ti'tzu'n qse' ti'j ajtul qanb'aj?9Naqwit jun nintapi, jaku'wtlo jaw qb'incha'n jun b'o's ja saqpwaq tib'aj; naqwit tjpel ja, jaku'wtlo tz'ok qktxu'n tu'n tz'len k'ute, chechij. Tyol xu'jilb'aj10Ikqinwe' kse'n jun nintapi, aye'tzu'n wimi'ẍe' ikqe' kse'n ja nimaq kywe' te ka'yb'il. qu'mtzun toj twitz, qa matxi' tz'el yalju' tzalajb'il wu'ne'.11Atitoq jun tawal Salomon ub'a toj B'aal-amon. kyej tq'o'n toj kyq'ob' junjun xjal tu'n t-xikyka'yi'n, teyiletzun junjun tu'ntoq txi' tq'o'n kab'k'al lajnaq (1,000) saqpwaq te aj tjawju' twitz tawal.12Te teju'ya kab'k'al lajnaq (1,000) medi, Salomon, atzun lajnaq (100) kyeju' xq'uqil; ¡atzun nxq'uqinxwe' wawal! chij. Tyol chmilb'aj13¡Q'oma anb'il tu'n t-xinb'i'ne' toj twi'ya, t-xu'jil nimaqkawila toj awal! ¡Kyajb'ilju' qamiw tu'n t-xib'i'na kyu'n! chij. Tyol xu'jilb'aj14¡Ojqelxa nk'u'jlb'e'tz, tz'ojqelana kse'n jun msat, kse'n jun tal msat kywi' witz inxi'x che puk'chaj! chij.
Bible Society in Guatemala