Gálatas1
1Ayine' Pawl, apostl qine', mya sk'o'n kyu'n xjal, tu'nku'te Jesukrist ex tu'n Dyos Manb'aj jaw anq'in Jesus tu'n,2qkyaqile' kyuk'i'l qtzik e'qitz'in, nche'x qq'olb'e'ne' okslalqe'ye' toj Kalasya.3Awt Qman Dyos ex Qajaw Jesukrist tzaj q'onte t-xtalb'il ex tnak'b'il kyib'aje'.4Taq'tib' Jesukrist tu'n tkyim tu'n tpaj qil, tu'n qklet te tkyaqilju' taq'wixil twitz tx'otx', kse'nx tajb'il Qman Dyos.5¡Ajwalinjtzxwit Qman Dyos kukxju'! Ikxwitju'. Mixti' juntl tpakb'al b'a'n6Matzaj nxime' kyi'je' tu'nju' selnaj kypa'n kyib'e' ti'j Dyos, ju' txkonkyeye' tu'n t-xtalb'il Krist, ex mache'xe' toj juntl tpakb'alil.7Mixnati'te juntl tpakb'al b'a'n. Ate nb'aju' ate' junjun kyajb'il tu'n kych'exb'enteju' tpakb'al b'a'n tu'n Qajaw ex ate'k chuksalkyeye'.8Qatzun ati jun xxiq'mante jun tpakb'al b'a'n kyeye' junxi'tl kyetwitzju' xiqpakb'a'ne', tzajxwit tq'o'n Dyos taq'wixil tib'aj, maskye qa ayinxe' mujqa jun anjl saj toj kya'j.9Matxi' txinma'ne' kyeye' nejtl, kxe'l nma'n jumajtle': Qa ati jun xxiq'mante jun tpakb'al kyeye' junxi'tl kyetwitzju' oje kk'ame', tzajxwit tq'o'n Dyos taq'wixil tib'aj.10Myawe' njyo'n tu'n kyolin xjal b'a'n wi'je', awe' njyo'n tu'n tmante Dyos qa b'a'n nb'incha'ne'. Myawe' njyo'n tu'n nkyaje' b'a'n kwitz xjal, ¡Naqwit aju', myatzun tmajin Krist qintze'! Aku' Jesukrist txkonte Pawl11Tz'elx knik'e' ti'j e'ntzik ex e'witz'in: ate' tpakb'al b'a'n xinpakb'a'ne' kyeye', mya jawni nab'le'n kyu'n xjal.12Min nk'amwe' kye xjal ex mya xjal saj xnaq'tzante weye', aku'te Jesukrist tzaj yek'unte weye'.13B'i'ntl kyu'ne' se'ntoq ntene' ojtxi' toj kyokslab'l aj Juda, ojexi'x chin q'ojine', oknljo'ne' toj kq'iju' okslal te Dyos ex oktilil wu'ne' tu'n kkub' nb'yo'ne'.14Tej atintoqe' toj kyokslab'l aj Juda, nejli qinxi'xtoqe' kwitzju' txqantl nxjalile' junx qab'q'iye' kyuk'i'l, qu'n intoq che japunxi'xju' yol kyajni kma'n ojtxi' qyajilb'ene' wu'ne'.15Atzunte Dyos, njaw t-sk'o'ne' na'mxtoq witz'jiye' ex inttxoke' tu'n t-xtalb'il, tzaj tyek'u'n Tk'wal weye' tu'n t-xinpakb'a'ne' tpakb'al b'a'n kye mya aj Juda. Ex min nxi'ye' xjelulte te jun xjal;17expe' min nxi'ye' Jerusalen qanilte kyeju' apostl nejtl kye nwitze'. Xi'pe' nxa'ye' lwiyxi'x toj tx'otx' Arab'ya, anjtltzun wi'jtze' Damask.18Tojtzun oxe' ab'q'i yajxi'tl nxi'ye' Jerusalen ka'yilte Sepas, nten o'lajoj q'ije' tk'etz.19Ex wile' Santyay titz'in Qajaw, o'kxtzu'n, mixti' wil juntlwe' apostl.20Axxi'x kxe'l nma'ne' kyeye' twitz Dyos, axte' nxi' ntz'ib'a'ne' kyeye'.21Yajxi'tzuntl nxi'ye' kyoj tx'otx' Sirya ex Silisya.22Aye'tzu'n okslal ti'j Krist ate'qe' Juda min ojtzqi'n toqxi'x nwitze' kyu'n.23Naq o'kx b'i'n kyu'n intoq q'manjtz wi'je' kjalu: Atej ljoltetoq toj qq'ij nejtl, intpakb'a'n tpakb'al b'a'n ja'lo, aj tajb'iltoq nejtl tu'n tkub' naj, chechij.24Ex intoq kyajwali'n Qman Dyos tu'n npaje'.1Tb'ajlenxi'tzun kyajlajoj ab'q'i yajxi'tl, nxi' jumajtle' Jerusalen tuk'i'l B'ernab'e, ex xiwiq'i'ne' Tito wuk'i'le'.2Nxi'ye' atzu' qu'n tma Dyos tu'n nxi'ye'. Atzuntzu' xa'ntx'olb'a'ne' kye okslal, aju' tpakb'al b'a'n nxinpakb'a'ne' kye mya aj Juda. Ex xinchik'b'a'ne' tpakb'al b'a'n npakb'a'ne' kye mya aj Juda kwitzku' nimaq kyoklen oqo'kxqeye' kyuk'i'l, tu'n tkyaj chik'e kye qa mya mixwitti'x tajb'enju' waq'une'.3Mixpeti' okkxla'ja'n Tito atitoq wuk'i'le' tu'n tok techel ti'j tchib'jil, extzun mya aj Juda.4Ate'toq junjun okkq'o'nkyib' te okslal ex mya okslalqe', eb'jo'kx jutzpaj qxole' b'ilteju' tzaqpib'l atitoq qeye' toj Krist Jesus ex tu'ntoq qkub' kjtz'o'n jumajtle' tjaq' kawb'il.5Ex mixti'x kub'qi'je' kyu'n tu'n qok junkmoje' tjaq' kkawb'il, qu'n atoq qajb'ile' tu'n ttenju' tpakb'al b'a'n axxi'x kukxju' kyuk'i'le'.6Ex mixti' juntl yol ak'a'j tzaj kma'n nimaq kyoklen kxol okslal weye', (maskye nimaq kyoklen toj kwitz, min nchin ximane' ti'j, qu'n junelnite' qoklen toj twitz Dyos).7Elpena knik' qa tzaj tq'o'n Dyos woklene' tu'n txi' npakb'a'ne' tpakb'al b'a'n kye mya aj Juda, se'nte Luch tzaj tq'o'n Dyos toklen tu'n txi' tpakb'a'n kye aj Juda.8Axju' Dyos tzaj q'onte toklen Luch te chq'o'n kye aj Juda, tzaj tq'o'n woklene' te chq'o'n kxol mya aj Juda.9Aye'toq Santyay, Sepas ex Xwan nimaqxi'x kyoklen kxol okslal, elkynik' se'n tzaja' tq'o'n Dyos woklene', tzaj kq'o'n kq'ob' weye' ex te B'ernab'e tejun yek'b'il tu'n quk'ilante qib'e' kyuk'i'l, ex b'a'n ela' toj kwitz nxi'we' tuk'i'l B'ernab'e pakb'alte tpakb'al b'a'n kye mya aj Juda, aye'tzunkye tu'n txi' kpakb'a'n kye aj Juda.10O'kxte tzaj kkub'sa'n qeye' tu'n qonine' kyi'ju' prow, ex a matxi' tz'ok tililju' wu'ne' tu'n tb'inchet.11Tetzunj tpon Sepas toj nintnam Antyokyiy, njaw tzaqpaje' ti'j, oknma'ne' tplajku', qu'n myatoq b'a'n ntb'incha'n.12Tnejel intoq wan kyuk'i'lju' okslal mya aj Juda, tetzunj kpon aj Juda e'pon tchq'o'n Santyay; eltpa'ntib' ex min wantl kyuk'i'l, qu'n intoq xob' kye aj Juda.13Ex axkyb'incha txqantl okslal aj Juda se'n t-xmletz'il Luch, axpe'jun B'ernab'e xilpe kyi'j14Qu'mtzun tej nka'yinteye' min nche anq'in kse'nxju' tpakb'al b'a'n, xinma'ne' te Sepas kwitz kkyaqil okslal kjalu: Aj Juda xjala, matxi' tz'anq'ina naku'j mya aj Juda; ¿tiqu'ntzun nche oka' tchq'o'ntla mya aj Juda tu'n kyanq'in se'nqe' aj Juda? nchije' te. Nche klet aj Juda tu'n kyokslab'l kse'nqe' txqantl xjal15Aj Juda qo'qe' qitz'jlenx, mya tzajniqo' kxol txqantl nimaqtnam aj il.16B'i'ntlte' qu'n qa mix-a'lo'te k'mo'n tu'n Dyos tu'nju' njapun kawb'il tu'n, k'mo'nqo'te' tu'n qokslab'l ti'j Jesukrist. Qu'mtzun matxi' qo okslan te Jesukrist tu'n qk'met tu'n Dyos, qu'n lay qok'met naq tu'n njapun kawb'il qu'n.17Tu'ntzu'n noktilil qu'n tu'n qk'met tu'n Dyos tu'nel Jesukrist, matz'el qnik' qa aj il qo', ¿ma tu'nlo Krist xqo oka' te aj il? ¡Mya!18Qama qma qa mixti' tajb'en kawb'il, extzun matz'ok qq'o'ntlqib' tjaq' tu'n tjapun qu'n, atitzun qiltz.19Qu'n kyimni qintlwe' teju' ojtxi' kawb'il tu'nxju' kawb'il, tu'ntzun wanq'ine' te Dyos. Machin jaw q'o'ne junx tuk'i'l Krist twitz krus, mya wu'nx wib'e' nchin anq'ine' ja'lo, ate Krist ati toj wanmiye'. Tu'n wokslab'le' ti'ju' Tk'wal Dyos nchin anq'ina'ye' ja'lo twitz tx'otx', qu'n machin tk'u'jlaye' ex taq'tib' tu'n tkyim twitz krus tu'npaje'.21Lay tz'el wik'o'ne' t-xtalb'il Dyos; naqwil maqo k'met tu'n Dyos tu'nju' njapun kawb'il qu'n, naqxtzun gantz kyimte Krist. Ma a b'a'nju' kawb'il mujqa a okslab'l1¡Mixti'xkye' knab'l aj Kalasya! ¿Alkye xa'kyq'a' sb'u'kyib'e'? Xiqchik'b'a'n ku'xi'xe' Jesukrist jaw twitz krus kyeye' tej txiqpakb'a'ne'.2O'kx wajb'ile' tu'n ttzaj ktzaq'we'ne' kxe'l nxjelu'ne' kyeye' lu: ¿Ma tu'nju' njapun kawb'il kyu'ne' kk'ama'ye' T-xew Dyos mujqa tu'nju' kk'ame' tpakb'al b'a'n tu'n okslab'l?3¿Tiqu'ntzun min nkane' toj kwitze'? Tzaj qe kyokslab'le' tnejelxi'x tu'n Xewb'aj Xjan, ¿tzun ja'lo maktzqetelxi'xtl tu'n kyaq'unb'ene' toj kwitze'?4¿Mamixti'x soka' tu'nju' mache yajtiye' ẍeokslane'? ¡Naqwit mya naqxgan!5Tzaj tq'o'nte Dyos T-xew kyeye' ex tb'incha b'a'nq'ob'aj kxole', tu'nju' kk'ame' tpakb'al b'a'n ex e'okslane', mya tu'nwtju' njapun kawb'il kyu'ne'. Tyol Dyos kyej b'entti'j tuk'i'l Ab'raam6Okslante Ab'raam te Dyos, ex k'met tu'n Dyos tu'n tokslab'l.7Tz'elxtzun knik'e' ti'j, aye'kye tyajajilxi'x Ab'raamju' aye' okslalqe' te Dyos.8Tz'ib'a'nte' toj Tu'jil atxi'x ojtxi' qatoq che tk'ma' Dyos mya aj Juda tu'n kyokslab'l ti'j Dyos, ojetoq tmaku' tpakb'al b'a'n te Ab'raam kjalu: Kkyaqil nimaqtnam kk'ma' ky'i'wb'il naq tu'nela, chij te.9Qu'mtzun ky'i'wla'nqe' ati kyokslab'l, junx tuk'i'l Ab'raam okslan te Dyos.10Ati qanb'en kyib'aju' q'uqli kk'u'j qa tu'n njapun kawb'il kyu'n che kletela', qu'n intma'n toj Tu'jil: Tzajx taq'wix tib'aju' xjal min njapun tu'n tkyaqilju' tz'ib'a'n toj tu'jil kawb'il, chij.11Mix-a'lo'te ktzalajel Dyos ti'j naq tu'n qama japun kawb'il tu'n; qu'n intma'n toj Tu'jil: Tu'n tokslab'lju' tnik'alti'j k'anq'ila', chij.12Mya ti'jte' okslab'l tzajna' kawb'il, qu'n intma'n toj Tu'jil: Alkye ma japun kawb'il tu'n, tu'ntz'u'n k'anq'ila', chij.13Ate Krist jaw iqanteju' qanb'en taq'wix tu'n qpaj naqx tu'n qkolpet tu'n tjaq'ju' kawb'il, qu'n intma'n toj Tu'jil: Ati qanb'en taq'wix kyib'aj kkyaqilju' nche kyim yob'a'nqe' twitz krus, chij.14Ik' Jesukrist toju' kamik lu tu'n tponju' ky'i'wb'il ttziya Dyos te Ab'raam kye mya aj Juda tu'nel Krist Jesus; ex tu'n qk'monte T-xew Dyos ttziya naq tu'n qokslab'l. Min kyej tnajsa'n kawb'ilju' yol tziya'n15E'ntzik ex e'witz'in, kxe'l nma'ne' jun techlal kyeye' kse'n nkb'incha'n xjal: Ajtkyaj b'ent jun yol tu'n jun xjal ex makyej t-sqitu'nti'j, mix-a'lo' kb'el xitunte ex mix-a'lo' k'okyel tz'aqtzante.16Kyajb'ant jun yol tu'n Dyos tuk'i'l Ab'raam ex tuk'i'l tyajajil. Min ntma'n toj Tu'jil: etyajajila chiwt te b'a'npun, te junte'; intma'n: ex te tyajajila, chij, ate Kristju'.17A nxinma'ne' lu: Kyejb'ent jun yol tu'n Dyos tuk'i'l Ab'raam ex kyej tkuwsa'n. Qu'mtzun lay xitetju' yol ttziya Dyos tu'n tkawb'il Moyses ul toj junk'al junaq lajoj (430) ab'q'i yajxi'tl.18Qana' tu'n qama japun kawb'il ktzajela' tq'o'n Dyos tziya'n tu'n, myatzun tziya'ntz; atzunte' tzajni ttziya'n Dyos te Ab'raam tu'n ttzaj tq'o'n, mixti'te tqanil ti'j.19¿Ti'tzun tajb'en kawb'iltz? yajxi'tl ttzaj q'o'n yek'b'ilte myab'a'n nkb'incha'n xjal, tzmax tej tulju' tyajajil ja tziyanjtza' yol. Tzaj q'o'n kawb'il tu'nel jun anjl, atzun Moyses xiq'mante kye xjal.20Atzu'n tej ttzaj ttziya'n Dyos yol te Ab'raam, min ajb'en jun sanjelal tu'n, aku' q'mante te Ab'raam. ¿Titi' tajb'en ojtxi' kawb'il?21¿Ma ntzun q'ojin kawb'il ti'ju' yol ttziya Dyos? ¡Minti'! Naqwit nb'e'nt tq'o'nte kawb'il chwinqlal, inwtlo qok'met tu'n Dyos qama japun kawb'il qu'n.22Ate ntma'n toj Tu'jil, kkyaqil jpu'nqe' tjaq' il, atzunte' tziya'ntl tu'n Dyos xi'ktzajela' q'o'n kyeju' nche okslan te Jesukrist.23Tej na'mxtoq tulju' okslab'l, jpu'nqo'toq tu'n kawb'il, intoq qo ayon tu'n tul yek'u'n okslab'l.24Ikte kawb'ilju' se'n majin qilkye k'wal, maqo pon tiq'i'n tk'etz Krist, tu'n qk'met tu'n Dyos tu'n qokslab'l.25Matxitzun tzul okslab'l ja'lo, mixti'qo'tl toj tq'ob' majin ka'yilqe', aju' kawb'il,26Kkyaqile' tk'wal Dyos qe'tle' ja'lo tu'n kyokslab'le' ti'j Krist Jesus,27qu'n tej tjaw a' kwi'ye' toj tb'i Krist, makmojb'a kyib'e' tuk'i'l Krist, ex matz'ok kyoksa'ne' Krist kyi'je' naku'j kxb'alune' ak'a'j.28B'a'ntzun aj Juda mo mya, lq'o'n majin mo tzaqpi'n, ichan mo qya; qu'n kkyaqile' junqe'tle' toj Krist.29Qatzun te Krist qe'ye', tyajajil Ab'raam qe'tzuntze' ex ati kyoklene' ti'ju' yol ttziya Dyos. K'walb'aj qo'tl ex mya lq'o'n majin1A kxe'l nma'ne' kyeye': qa b'o'sju' etzal ti'j jun etzb'il, ikx noka' se'n jun lq'o'n majin tojun ja, maskye a tajaw tkyaqilju' ati te tman.2Ate' xjal nche'x ka'yinte ex nk'ulteju' ati te tzmax ajtpon tq'ijlalil q'ma'n tu'n tman.3Ikxtzun nb'aju' qi'j: tej k'wal qo'toq, ato'toq kjaq' ipumalj nche yajun twitz tx'otx'.4Tetzunj tjapun tq'ijlalil, tzaj tchq'o'n Dyos Tk'wal, itz'ji tal jun qya tokxtoq tjaq' tkawb'il Moyses,5tu'n qtzaqpet ayo' ato'toq tjaq' kawb'il ex tu'n qok tq'o'n Dyos te tk'wal.6Tu'ntzu'n tk'wal qo'tl, tzaj tq'o'n Dyos T-xew Tk'wal toj qanmi; atzu'n Xewb'aj inq'mante kjalu: Taye chij.7Iktzu'n, mya lq'o'n majin qe'tle', tk'wal Dyos qe'tle'; tu'ntzu'n tk'wal Dyos qe'tle', a tajb'il Dyos tu'n kyetzanteye' t-xtalb'il.8Tej min kyojtzqi'n toqe' Dyos ojtxi', k'a'yi'nmajin qe'toqe' kyeju' mya dyosqe'.9Atzun ja'lo matxi' tz'el kynik'e' te Dyos, mujqa matxi' che ojtzqinjtze' tu'n Dyos, ¿Se'n taq'witzun tu'n kyoktle' te k'a'yi'nmajin kyeju' mixti' kyipumal ex mixti'x kyajb'en lu?10Inxi'x che kyik'sa'ne' q'ij, xjaw ex tajlal ab'q'i.11¡Nchin jaw sak'puje' kyeye' qa mixti'x soka' waq'unb'ene' kxole'!12Nchin kub'sane' kyeye' e'ntzik ex e'witz'in: che okxe' se'nwe', qu'n matz'ok nq'o'nwe' wib' se'nkye'. Mixti' junkye' taq'wix xkb'incha weye'.13Kanli kwitze', in pakb'ane' kxole' tnejel maj tu'n tpaj atitoq jun yab'il wi'je'.14Atzun yab'il lu ok te jun joyb'ilkyi'je', min nelkyik'u'ne' ex min nelkyi'jla'ne' tu'n tpaju' yab'il lu, in kyk'ampe'ye' naku'j tanjl Dyos qine', ¡naku'j aku' Krist Jesus!15¿Jatzunta' ktzalajb'ile' atitoq wi'je' nejtl? Naqpe'wtna' jaku'toq b'ent, jakutoq tz'etzkyiq'i'ne' kwitze' tu'n ttzaj kq'o'ne' weye'.16Tzun ja'lo, ¿mama'wttzunlo chin okye' ajq'oj kyi'je', naq tu'n nxinma'ne' ax kyeye'?17Inxi'x che laqjkye' xjal kyi'je', ju' kyajb'il tu'n t-xikyiq'i'ne' kawb'il kye aj Juda, mitzun myab'a'n kxim. Ate kyajb'ilu' tu'n tel kypa'n kyib'e' qi'je' tu'ntzun kyok klaqje' kyi'j.18B'a'nte' tu'n qok laqj kyi'j txqantl, qa tuk'i'l b'a'n xim; ex kukxju', mya o'kx tej antintoqe' kxole'.19E'nky'ajul, nchin yajti jumajtle' tu'n kpaje', kse'n jun txub'aj ajtb'anix, tzmaxi' k'elel k'ixk'oju' wi'je' ajttenxi'x Krist toj kyanmiye'.20¡Naqwit ikyj ntine' kxole' ja'lo tu'n nyoline' kyeye' tojuntl tu'me'l, min nkane toj nwitze' se'n tu'n nyolina'ye' kyeye'! Techlal kyi'j Sara ex Akar21Kmantz tzune' weye' aye'ye' kyajb'ile' tu'n ktene' tjaq' kawb'il: ¿Ma b'ajx kb'iya'ye' ntma'n kawb'il?22Intma'n toj tu'jil qa kab'e' tk'wal Ab'raam ten: jun tal jun lq'o'n majin, atzun juntl talku' t-xu'jil, tzaqpi'n.23A talju' qya lq'o'n majin, itz'ji kse'nx nche itz'ja' kyal xjal; atzu'n talju' tzaqpi'n, itz'ji tu'n tjapunju' ojetoq ttziya Dyos.24Ati jun tz'elpuna' ja'lu; aye' kab'e' qya lu nkyek'u'n kab'e' yol tziya'n: aju' jun aju' tzaj q'o'n twi' witz Sinayi, yek'u'n tu'n Akar, ttxuju' atitoq tu'n tok te lq'o'n majin.25Qu'n ate Akar witz Sinayi toj Arab'ya, aju' Jerusalen ati ja'lo, qu'n a nintnamju' tok te lq'o'n majin kyuk'i'lxi' tal, aye' xjal najlqe' toj.26Atzunte' Jerusalen te toj kya'j tzaqpi'nte', ex ayo' tal.27Qu'n intma'n toj Tu'jil kjalu:
Tzalajxa qya, min nalana, aya mixti' tala; ẍch'ina toj ttzalajb'ila, aya min tojtzqi'na k'ixk'oj ajtitz'ji jun k'wal. Qu'n nimxi'x talju' qya kyejni leb'a'n ktenb'el kyetwitzju' qya ati tk'etz tchmil.28E'ntzik ex e'witz'in, ikqe'ye' se'n Isaak: aye'ye' k'walb'aj tziya'n tu'n Dyos.29Kse'n ojtxi', ljo'ntoq toj tq'iju' k'wal itz'ji tu'n Xewb'aj tu'n k'wal itz'ji se'nxkye xjal.30¿Ti'tzu'n ntma'n toj Tu'jil? Ntma'n kjalu: Xla'jamixa lq'o'n majin tuk'i'lju' tal, qu'n lay txi' tetzb'il talju' qya lq'o'n majin ti'j tetzb'il talju' qya tzaqpi'n, chij.31E'ntzik ex e'witz'in, mya a'lb'ajqo' teju' qya lq'o'n majin, tal tzaqpi'nqo'. Tzaqpi'n qe'tle' tu'nel Krist1Maqo tzaqpet tu'n Krist tu'n qten tzaqpi'nqo'. Qu'mtzun che we'ku'xi'xe' toju' tzaqpib'l lu ex lalun tz'ok kq'o'ntl kyib'e' te lq'o'n majin.2Ayine' Pawl, kxe'l nma'ne' kyeye', qama tz'ok kq'o'n kyechele' ti'j kychib'jile', mixti' tajb'en Krist kyeye'.3Kxe'l nma'n junmajtle', alkyexku' xjal matz'ok techel ti'j tchib'jil, ilti'j tu'n tjapun tu'n tkyaqilju' ntma'n toj kawb'il.4Ti'jku' Krist sela' kypa'n kyib'ju' nkma'n qa che k'metel tu'n Dyos tu'nju' njapun kawb'il kyu'n; in elkyik'o'n t-xtalb'il Dyos.5Ayo'tzunqe, q'uqli qk'u'j tu'n Xewb'aj Xjan qa tu'n qokslab'l qo k'metela' tu'n Dyos.6Qu'n tu'n t-xtalb'il Krist, mixti'tlte' tajb'en qa tok qechel ti'j qchib'jil mujqa min. Ate ati toklen aju' qokslab'l ti'j Krist ati taq'unb'en.7Ljo'ntoq kyu'ne' toju' b'a'n b'e. ¿Alkye nmaqun kyeye' tu'n lalun knimaye' ax?8Myate Dyos nmaqun, ju' txkonkyeye' tu'n knimanteye'.9Chi jun yol: tu'nte' ch'i'n tx'am nchukji tkyaqil tq'otjil wab'j, ch,10ex q'uqliwe' nk'u'j ti'j Qajaw qa lay kxima juntlkye' tu'me'l; atzunte' tok chuksalkyeye' kb'el tz'e'ysa'n twitz tu'n Dyos, alkyexku'.11E'ntzik ex e'witz'in, naqwit nxinma'nwe' tu'n tok kyechel xjal ti'j kychib'jil, miwtlojun nkjyo'n aj Juda toj nq'ije', qu'n miwtlojun ntzaj ktx'u'jil tu'n pakb'ab'l ti'j tkamik Krist.12Aye'tzunkye' ate'k xitulkyeye' na'j, ¡naqwit ikj majx tz'el kkapari'n kyib'!13E'ntzik ex e'witz'in, oje che txketkye' tu'n ktzaqpete'. Lantzun tz'ajb'en tzaqpib'l lu kyu'ne' tu'n kb'inchanteye' tajb'il kychib'jile'. Kyonimkye' kyib' toj tk'u'jlalil.14Qu'n tkyaqil kawb'il nok toju' jun chaq'b'il lu: K'u'jlama twnaqila kse'nxta ntk'u'jla'n tib'a, chij.15Kka'yinx kyib'e', qu'n qa nkwan kyib'e' jun te juntel, aye'xe' che b'elxonte kyib'e'. Aju' tajb'il qchib'jil ex qchwinqlal tu'n Xewb'aj Xjan16Qu'mtzun nxinma'ne': Che anq'ine' se'nx tajb'il Xewb'aj Xjan, lalun kb'inchaye' tajb'il kychib'jile'.17Qu'n nche q'ojinju' tajb'il qchib'jil ti'ju' Xewb'aj Xjan, exju' Xewb'aj Xjan nq'ojin kyi'ju' tajb'il chib'j. Nq'ojinju' jun ti'ju' juntl, qu'mtzun lay b'ent kb'inchanteye' kyajb'ile'.18Qatzun a Xewb'aj q'elkyeye', mixti'qetzuntze' tjaq' kawb'il.19Q'ancha'l qexi'xkye' xjal nkb'incha'n tajb'il kychib'jil, aye': ajpajil, tz'ilxi'x kychwinqlal, majx q'o'nkyib' toj achb'il,20witzleb'il, ajk'ayil, tx'a'lti'jk'u'jb'aj, q'oj, xky'aqli'n, tx'u'jilj, nche ok ajq'oj kyi'j txqantl, q'ol pa'jtib'il ex nkb'uyi'nchaq kb'aj,21naq ntx'a'ltikyk'u'j, tx'ujte'n, jamjoni'n, ex nim ti'xti' myab'a'n nkb'incha'n. Kxe'l wab'tzi'ne' kyeye', kse'nx oje txinma'ne', aye' nche b'inchankye ja'lu, lay che okx toj tkawb'il Dyos.22Atzunte' ntq'o'n Xewb'aj Xjan aju' tk'u'jlalil, tzalajb'il, nak'b'il, pasens, b'a'nwnaqil, tu'n tb'inchet b'a'n kye txqantl, nqe qk'u'j ti'j Dyos,23me'sb'il ex tu'n qjk'unte qib'. Mixti'te kawb'il kyib'aju' lu.24Ayo'tzunqe te Krist Jesus qo', oje che kub' qb'yo'n tajb'il qchib'jil ex qachb'il, exju' npon qk'u'j ti'j twitz krus.25Qa nqo anq'in tu'n Xewb'aj Xjan, qb'inchanxju' tajb'il Xewb'aj Xjan.26Lalun jaw qnima'nqib', ex lalun kub' qq'o'n q'oj ex tx'a'ltik'u'jb'aj qxol. Tu'n qoninte qib' qxolx1E'ntzik ex e'witz'in, qama tz'el yal jun kyu'ne' makub' tz'aq tojun il, ati tu'n kyonine' ti'j aye'ye' kuwqe'ye' toj kyokslab'le'. Kyoninxe' tuk'i'l me'sb'il; naq o'kx kka'yinx kyib'e', tu'n lalun che kub' tz'aqe' toj joyb'ilkyi'je'.2Kyonim kyib'e' kxolxe' tu'n txi' kyiqa'ne' kyiqatz txqantl, kjapumeltzun tkawb'il Kristtz kyu'ne'.3Qa ati jun njaw tnima'ntib' extzun mixti'te toklen, ax nkusb'unte tib'.4Teyile junjun tu'n t-ximan ti'jxju' ntb'incha'n qa b'a'n, tzalajtzuntz ti'jxju' ntb'incha'n ex mya ti'j tb'inchb'aj juntl.5Teyilex junjun ti'j tb'inchb'aj twitz Dyos.6Aju' nk'mon xnaq'tzb'il ti'ju' tpakb'al b'a'n, ati tu'n txitq'o'n ch'i'n te nxnaq'tzante ti'j tkyaqilju' ati te.7Lalun ksb'u' kyib'e': mix-a'lo'te kb'antel t-xmayin ti'j Dyos. Axju' ma ku'x tawa'n junjun axtzun kjawil tchmo'nju'.8Aju' axntb'incha'nju' tajb'il tchib'jil, kxe'l toj kamik. Atzunju' ntb'incha'n tajb'il Xewb'aj Xjan, ktkanb'a' chwinqlal tejumajx.9Qu'mtzun lalun qosikti tu'n qb'inchante b'a'n; qu'n kpomel tq'ijlalil ajqk'monte tu'me'l t-xel.10Qu'mtzun, tkyaqil maj qa ati tu'me'l qe, qb'inchamju' b'a'n kye kkyaqil, axi'xpe' kyeju' qtzik mo qitz'in toj okslab'l. Nxitab'tzi'n Pawl kye okslal ex nche'x tq'olb'e'n11¡Nimaq tz'ib'b'enkyeju' yol nxi' ntz'ib'a'ne' kyeye' ja'lo tu'nku' nq'ob'e'!12Aye'kye' nche okchq'o'n kyeye' tu'n tok kyechele' ti'j kychib'jile', naq tu'n ktzalaj xjal kyi'j ex tu'n lalun ljonjtz toj kq'ij tu'n tpaj pakb'ab'lte tkurus Krist.13Mipena' jun njapun tkyaqil ntma'n kawb'il kyu'nju' tok kyechel ti'j kychib'jil. Kyajb'iltzun tu'n tok kyechele' naq tu'n tjaw knima'nkyib' qama che okchq'o'ne' kyu'n tu'n tok kyechele' na'j ti'j kychib'jile'.14Atzunwe' o'kxtzu' tu'n ntzalaja'we' tu'nju' matxi' wokslaye' tkamik Qajaw Jesukrist twitz krus. Tu'nju' tkamik Krist naku'j matxi' che kyim ti'xti' te twitz tx'otx' weye' ex naku'j matxi' chin kyime' kye.15Mixti'tl tajb'en tu'n tok qechel ti'j qchib'jil; ate nojqelan tu'n qok ak'a'j wnaq.16Che tenxwitju' nche b'et toju' xnaq'tzb'il nxinq'o'ne' toj tzalajb'il ex tzajxwit q'aq'an tk'u'j Dyos kyi'j ex kyi'j kkyaqilju' axxi'x ttanam Dyos qe'.17Kxel qextzun ja'lo, mix-a'lo'tl tu'n tokten ik'lelweye'; qu'n mab'aj kyej sleq'ix wi'je' tu'nju' matxi' chin yajtiye' tu'n tpaj te Krist Jesus qine'.18Tzajxwit tq'o'n Qajaw Jesukrist t-xtalb'il kyib'aje' kkyaqile' e'ntzik ex e'witz'in. Ikxwitju'.
Tzalajxa qya, min nalana, aya mixti' tala; ẍch'ina toj ttzalajb'ila, aya min tojtzqi'na k'ixk'oj ajtitz'ji jun k'wal. Qu'n nimxi'x talju' qya kyejni leb'a'n ktenb'el kyetwitzju' qya ati tk'etz tchmil.28E'ntzik ex e'witz'in, ikqe'ye' se'n Isaak: aye'ye' k'walb'aj tziya'n tu'n Dyos.29Kse'n ojtxi', ljo'ntoq toj tq'iju' k'wal itz'ji tu'n Xewb'aj tu'n k'wal itz'ji se'nxkye xjal.30¿Ti'tzu'n ntma'n toj Tu'jil? Ntma'n kjalu: Xla'jamixa lq'o'n majin tuk'i'lju' tal, qu'n lay txi' tetzb'il talju' qya lq'o'n majin ti'j tetzb'il talju' qya tzaqpi'n, chij.31E'ntzik ex e'witz'in, mya a'lb'ajqo' teju' qya lq'o'n majin, tal tzaqpi'nqo'. Tzaqpi'n qe'tle' tu'nel Krist1Maqo tzaqpet tu'n Krist tu'n qten tzaqpi'nqo'. Qu'mtzun che we'ku'xi'xe' toju' tzaqpib'l lu ex lalun tz'ok kq'o'ntl kyib'e' te lq'o'n majin.2Ayine' Pawl, kxe'l nma'ne' kyeye', qama tz'ok kq'o'n kyechele' ti'j kychib'jile', mixti' tajb'en Krist kyeye'.3Kxe'l nma'n junmajtle', alkyexku' xjal matz'ok techel ti'j tchib'jil, ilti'j tu'n tjapun tu'n tkyaqilju' ntma'n toj kawb'il.4Ti'jku' Krist sela' kypa'n kyib'ju' nkma'n qa che k'metel tu'n Dyos tu'nju' njapun kawb'il kyu'n; in elkyik'o'n t-xtalb'il Dyos.5Ayo'tzunqe, q'uqli qk'u'j tu'n Xewb'aj Xjan qa tu'n qokslab'l qo k'metela' tu'n Dyos.6Qu'n tu'n t-xtalb'il Krist, mixti'tlte' tajb'en qa tok qechel ti'j qchib'jil mujqa min. Ate ati toklen aju' qokslab'l ti'j Krist ati taq'unb'en.7Ljo'ntoq kyu'ne' toju' b'a'n b'e. ¿Alkye nmaqun kyeye' tu'n lalun knimaye' ax?8Myate Dyos nmaqun, ju' txkonkyeye' tu'n knimanteye'.9Chi jun yol: tu'nte' ch'i'n tx'am nchukji tkyaqil tq'otjil wab'j, ch,10ex q'uqliwe' nk'u'j ti'j Qajaw qa lay kxima juntlkye' tu'me'l; atzunte' tok chuksalkyeye' kb'el tz'e'ysa'n twitz tu'n Dyos, alkyexku'.11E'ntzik ex e'witz'in, naqwit nxinma'nwe' tu'n tok kyechel xjal ti'j kychib'jil, miwtlojun nkjyo'n aj Juda toj nq'ije', qu'n miwtlojun ntzaj ktx'u'jil tu'n pakb'ab'l ti'j tkamik Krist.12Aye'tzunkye' ate'k xitulkyeye' na'j, ¡naqwit ikj majx tz'el kkapari'n kyib'!13E'ntzik ex e'witz'in, oje che txketkye' tu'n ktzaqpete'. Lantzun tz'ajb'en tzaqpib'l lu kyu'ne' tu'n kb'inchanteye' tajb'il kychib'jile'. Kyonimkye' kyib' toj tk'u'jlalil.14Qu'n tkyaqil kawb'il nok toju' jun chaq'b'il lu: K'u'jlama twnaqila kse'nxta ntk'u'jla'n tib'a, chij.15Kka'yinx kyib'e', qu'n qa nkwan kyib'e' jun te juntel, aye'xe' che b'elxonte kyib'e'. Aju' tajb'il qchib'jil ex qchwinqlal tu'n Xewb'aj Xjan16Qu'mtzun nxinma'ne': Che anq'ine' se'nx tajb'il Xewb'aj Xjan, lalun kb'inchaye' tajb'il kychib'jile'.17Qu'n nche q'ojinju' tajb'il qchib'jil ti'ju' Xewb'aj Xjan, exju' Xewb'aj Xjan nq'ojin kyi'ju' tajb'il chib'j. Nq'ojinju' jun ti'ju' juntl, qu'mtzun lay b'ent kb'inchanteye' kyajb'ile'.18Qatzun a Xewb'aj q'elkyeye', mixti'qetzuntze' tjaq' kawb'il.19Q'ancha'l qexi'xkye' xjal nkb'incha'n tajb'il kychib'jil, aye': ajpajil, tz'ilxi'x kychwinqlal, majx q'o'nkyib' toj achb'il,20witzleb'il, ajk'ayil, tx'a'lti'jk'u'jb'aj, q'oj, xky'aqli'n, tx'u'jilj, nche ok ajq'oj kyi'j txqantl, q'ol pa'jtib'il ex nkb'uyi'nchaq kb'aj,21naq ntx'a'ltikyk'u'j, tx'ujte'n, jamjoni'n, ex nim ti'xti' myab'a'n nkb'incha'n. Kxe'l wab'tzi'ne' kyeye', kse'nx oje txinma'ne', aye' nche b'inchankye ja'lu, lay che okx toj tkawb'il Dyos.22Atzunte' ntq'o'n Xewb'aj Xjan aju' tk'u'jlalil, tzalajb'il, nak'b'il, pasens, b'a'nwnaqil, tu'n tb'inchet b'a'n kye txqantl, nqe qk'u'j ti'j Dyos,23me'sb'il ex tu'n qjk'unte qib'. Mixti'te kawb'il kyib'aju' lu.24Ayo'tzunqe te Krist Jesus qo', oje che kub' qb'yo'n tajb'il qchib'jil ex qachb'il, exju' npon qk'u'j ti'j twitz krus.25Qa nqo anq'in tu'n Xewb'aj Xjan, qb'inchanxju' tajb'il Xewb'aj Xjan.26Lalun jaw qnima'nqib', ex lalun kub' qq'o'n q'oj ex tx'a'ltik'u'jb'aj qxol. Tu'n qoninte qib' qxolx1E'ntzik ex e'witz'in, qama tz'el yal jun kyu'ne' makub' tz'aq tojun il, ati tu'n kyonine' ti'j aye'ye' kuwqe'ye' toj kyokslab'le'. Kyoninxe' tuk'i'l me'sb'il; naq o'kx kka'yinx kyib'e', tu'n lalun che kub' tz'aqe' toj joyb'ilkyi'je'.2Kyonim kyib'e' kxolxe' tu'n txi' kyiqa'ne' kyiqatz txqantl, kjapumeltzun tkawb'il Kristtz kyu'ne'.3Qa ati jun njaw tnima'ntib' extzun mixti'te toklen, ax nkusb'unte tib'.4Teyile junjun tu'n t-ximan ti'jxju' ntb'incha'n qa b'a'n, tzalajtzuntz ti'jxju' ntb'incha'n ex mya ti'j tb'inchb'aj juntl.5Teyilex junjun ti'j tb'inchb'aj twitz Dyos.6Aju' nk'mon xnaq'tzb'il ti'ju' tpakb'al b'a'n, ati tu'n txitq'o'n ch'i'n te nxnaq'tzante ti'j tkyaqilju' ati te.7Lalun ksb'u' kyib'e': mix-a'lo'te kb'antel t-xmayin ti'j Dyos. Axju' ma ku'x tawa'n junjun axtzun kjawil tchmo'nju'.8Aju' axntb'incha'nju' tajb'il tchib'jil, kxe'l toj kamik. Atzunju' ntb'incha'n tajb'il Xewb'aj Xjan, ktkanb'a' chwinqlal tejumajx.9Qu'mtzun lalun qosikti tu'n qb'inchante b'a'n; qu'n kpomel tq'ijlalil ajqk'monte tu'me'l t-xel.10Qu'mtzun, tkyaqil maj qa ati tu'me'l qe, qb'inchamju' b'a'n kye kkyaqil, axi'xpe' kyeju' qtzik mo qitz'in toj okslab'l. Nxitab'tzi'n Pawl kye okslal ex nche'x tq'olb'e'n11¡Nimaq tz'ib'b'enkyeju' yol nxi' ntz'ib'a'ne' kyeye' ja'lo tu'nku' nq'ob'e'!12Aye'kye' nche okchq'o'n kyeye' tu'n tok kyechele' ti'j kychib'jile', naq tu'n ktzalaj xjal kyi'j ex tu'n lalun ljonjtz toj kq'ij tu'n tpaj pakb'ab'lte tkurus Krist.13Mipena' jun njapun tkyaqil ntma'n kawb'il kyu'nju' tok kyechel ti'j kychib'jil. Kyajb'iltzun tu'n tok kyechele' naq tu'n tjaw knima'nkyib' qama che okchq'o'ne' kyu'n tu'n tok kyechele' na'j ti'j kychib'jile'.14Atzunwe' o'kxtzu' tu'n ntzalaja'we' tu'nju' matxi' wokslaye' tkamik Qajaw Jesukrist twitz krus. Tu'nju' tkamik Krist naku'j matxi' che kyim ti'xti' te twitz tx'otx' weye' ex naku'j matxi' chin kyime' kye.15Mixti'tl tajb'en tu'n tok qechel ti'j qchib'jil; ate nojqelan tu'n qok ak'a'j wnaq.16Che tenxwitju' nche b'et toju' xnaq'tzb'il nxinq'o'ne' toj tzalajb'il ex tzajxwit q'aq'an tk'u'j Dyos kyi'j ex kyi'j kkyaqilju' axxi'x ttanam Dyos qe'.17Kxel qextzun ja'lo, mix-a'lo'tl tu'n tokten ik'lelweye'; qu'n mab'aj kyej sleq'ix wi'je' tu'nju' matxi' chin yajtiye' tu'n tpaj te Krist Jesus qine'.18Tzajxwit tq'o'n Qajaw Jesukrist t-xtalb'il kyib'aje' kkyaqile' e'ntzik ex e'witz'in. Ikxwitju'.
Bible Society in Guatemala