Read Esdras 1

Esdras1

Taq' Siro anb'il tu'n tnajkyi'j aj Juda toj kytx'otx'

¹Tu'n tjapunju' tyol Qman Dyos q'ma'ntltoq tu'n Jeremiy, tzaj tq'o'n Qman Dyos tipumal Siro, nimaqkawil aj Persya, toju' tnejel ab'q'i nkawin, tu'n tex tq'o'n tqanil jun chaq'b'il toj tkyaqilju' tx'otx' tjaq' tkawb'il, ikjalu.

²Intma'n Siro, nimaqkawil toj Persya, kjalu:
Matxi' che kub' tq'o'n Qman Dyos te toj kya'j kykyaqilju' kawb'il twitz tx'otx' toj nq'ob'e', ex tzaj toqxena'n weye' tu'n tjaw nb'incha'ne' jun tja Dyos toj Jerusalen, toju' tx'otx' Juda.³Qu'mtzun, alkyexku' tzajni toju' ttanam Qman Dyos, awt Dyos tz'oninte, ex kutantlti'j toj Jerusalen, toj Juda, b'inchalteju' tja Qman Dyos ati toj Jerusalen.⁴Ex kykyaqilxju' xjal najlqe' jachaq ta'qe'ju' etzniqe' ti'jxi' ttanam Dyos, tu'n kyonin ti'ju' kyb'isin k'anjetlti'j Jerusalen tuk'i'l saqpwaq, q'anpwaq, alu'mj ex ti'xti', ex oyaj tu'n kyk'u'j tiju' tja Qman Dyos toj Jerusalen, chi nimaqkawil Siro. E'ul junmajtl aj Israel Jerusalen

⁵Aye'tzu'n nejenel kye kyyajajil Juda ex B'enjamin, e'pale exqe' aj Leb'i, mujqa kykyaqilju' atitltoq kyipumal tu'n Qman Dyos, kyb'inchakyib' tu'n kyantz toj Jerusalen b'inchalte jumajtl tja Qman Dyos.⁶Kykyaqilju' kyb'sin eb'aj onin kyi'j tuk'i'n saqpwaq, q'anpwaq, alu'mj ex e'ti'xti' twi' wi'yalqe', ex chukchaq oyaj tu'n kyk'u'j.⁷Atzunte nimaqkawil Siro, tzaj tanjsa'ntl kyi'ju' aq'unb'il toj tja Qman Dyos, ojetoq che b'je'tz tiq'in Nab'ukodonosor toj Jerusalen, ex eb'ajx tiq'i'n toju' tja kydyos.⁸Xitma'n nimaqkawil Siro te Mitridates k'u'l pwaq tu'n ttzaj tanjsa'ntlkyi'j, eb'aj tajla'n ex b'ajx tq'o'n te Sesb'asar, kawil toj Juda.⁹A kyajlal aq'unb'il ja'lu: junaq lajoj (30) nimaqlaq q'anpwaqqe', kab'k'al lajnaq (1,000) nimaqlaq saqpwaqqe', junaqb'eljoj (29) kuchil,¹⁰junaq lajoj (30) laq q'anpwaqqe', junk'al lajoj (410) laq saqpwaqqe' myaxi'x twi' wi'yal, ex txqantl ti'xti'.¹¹Oxlajk'al lajnaq (5,400) kyajlalju' aq'unb'il q'anpwaq ex saqpwaq. Tkyaqil ja'lu b'aj tzaj tiq'i'n jumajtl Sesb'asar toj Jerusalen, tej kyb'je'tz jumajtl toj B'ab'ilon kyuk'i'lju' b'ajxniqe' iq'i'n. Aye' anjtzkyi'j B'ab'ilon (Neh 7.5-73)

¹A kyajlal aj Israel ja'lu e'i'tz'ji toj Juda, ju' eb'ajx iq'i'n toj B'ab'ilon tu'n nimaqkawil Nab'ukodonosor, ex yajxi'tl anjtztlkyi'j toj Jerusalen ex toj junjuntl najb'il toj Juda, teyile junjun toj tnajb'il, aye' nejliqe'ju' kywitz: Sorob'ab'el, Joswe, Neemiy, Serayiy, Reelayiy, Mardokyey, B'ilsan, Mispar, B'iwb'ay, Rewum ex B'aana:³jok'al wajxaqnaq kab'lajoj (2,172) tyajajil Paros,⁴atzun wajxaqlajnaq kab'lajoj (372) tyajajil Sepatiy;⁵atzun junk'al wajxaqlajnaq o'lajoj (775) tyajajil Ara;⁶atzun wuqk'al kab'lajoj (2,812) tyajajil Paat-moab', mujqa kyyajajil Joswe ex Joab';⁷atzun oxk'al kab'naq kyajlajoj (1,254) ttyajajil Elam;⁸atzun kab'k'al wuqnaq jwe' (945) tyajajil Satu;⁹atzun junk'al wajxaqlajnaq (760) tyajajil Sakay;¹⁰atzun junk'al kab'lajnaq kab'e' (642) tyajajil B'inuy;¹¹atzun junk'al junlajnaq oxe' (623) tyajajil B'eb'ay;¹²atzun oxk'al junaq kab'e' (1,222) ttyajajil Askad;¹³atzun junk'al oxlajnaq qaq (666) tyajajil Adonikam;¹⁴atzun jok'al kab'naq qaqlajoj (2,056) tyajajil B'ikb'ay;¹⁵atzun junk'al kab'naq kyajlajoj (454) tyajajil Adin;¹⁶atzun kyajnaq wajxaqlajoj (98) tyajajil Ater;¹⁷atzun qaqlajnaq oxe' (323) tyajajil B'esay;¹⁸atzun jo'naq kab'lajoj (112) tyajajil Jora;¹⁹atzun junlajnaq oxe' (223) tyajajil Asum;²⁰atzun kyajnaq o'lajoj (95) tyajajil Kib'ar;²¹atzun qaqnaq (123) aj B'elen.²²Atzun kab'naq qaqlajoj (56) aj Netopa;²³atzun qaqnaq wajxaq (128) aj Anatot.²⁴Atzun kab'naq kab'e' (42) tyajajil B'et-asmab'et;²⁵atzun junk'al wuqlajnaq oxe' (743) aj Kyiryat-jearim, aj Kyepira ex aj B'eerot;²⁶atzun junk'al junlajnaq jun (621) aj Rama ex aj Kyeb'a.²⁷Atzun qaqnaq kab'e' (122) xjal aj Mikmas;²⁸atzun junlajnaq oxe' (223) aj B'etel ex aj Ay.²⁹Kab'naq kab'lajoj (52) tyajajil Neb'o;³⁰atzun wuqnaq qaqlajoj (156) tyajajil Makb'is;³¹atzun oxk'al kab'naq kyajlajoj (1,254) tyajajil juntl Elam;³²atzun qaqlajnaq (320) tyajajil Arim.³³Junk'al qaqlajnaq jwe' (725) aj Load, aj Adid ex aj Ono;³⁴atzun wuqlajnaq jwe' (345) aj Jeriko;³⁵atzun b'eljojk'al junaq lajoj (3,630) aj Senaa.³⁶Kab'k'al wajxaqnaq oxlajoj (973) pale tyajajil Jedayiy, kyxol toj tja Joswe.³⁷Atzun kab'k'al kab'lajnaq kab'lajoj (1,052) tyajajil Imer;³⁸atzun oxk'al kab'naq wuq (1,247) ttyajajil Pasur;³⁹atzun kab'k'al lajnaq wuqlajoj (1,017) tyajajil Arim.⁴⁰Oxnaq kyajlajoj (74) tyajajil Leb'i, tyajajil Joswe ex Kadmyel, ex tyajajil Odab'iy.⁴¹Atzun qaqnaq wajxaq (128) aj b'itzal, tyajajil Asap.

⁴²Aye'tzu'n xq'uqil ttzija, aye' tyajajil Salum, tyajajil Ater, tyajajil Talmon, tyajajil Akub', tyajajil Atita exqe' tyajajil Sob'ay. Qaqnaq b'eljlajoj (139) tu'n kykyaqil.

⁴³Aye'tzu'n ajb'el toj tja Dyos aye' kyyajajil Siya, Asupa, Tab'aot,⁴⁴Kyeros, Syaa, Padon,⁴⁵Leb'ana, Akab'a, Akub',⁴⁶Akab', Salmay, Anan,⁴⁷Kyidel, Kaar, Reayiy,⁴⁸Resin, Nekoda, Kasam,⁴⁹Usa, Pasea, B'esay,⁵⁰Asna, Newunim, Nepusim,⁵¹B'akb'uk, Akupa, Arur,⁵²B'aslut, Meyda, Arsa,⁵³B'arkos, Sisara, Tema,⁵⁴Nesiy ex Atipa.

⁵⁵Aye'tzu'n kyyajajilju' tmajen Salomon aye' kyyajajil Sotay, Soperet, Peruda,⁵⁶Jaala, Darkon, Kyidel,⁵⁷Sepatiy, Atil, Pokyeret-aseb'ayim ex Amon.⁵⁸Japun kyajlalju' ajb'el toj tja Dyos kyuk'i'lxi' tmajin Salomon toj b'eljlajnaq kab'lajoj (392).

⁵⁹Aye'tzu'n e'tzaj kyoju' tnam Tel-mela, Tel-arsa, Kyerub', Adon ex Imer, ex min elkynik'tzil qa aj Israel qe'xi'x mujqa kywitze'l kyib', aye':⁶⁰kyyajajil Delayiy, Tob'iy ex Nekoda, junk'al kab'lajnaq kab'lajoj (652) kyb'aj.⁶¹Aye'tzu'n kywitze'l kyyajajilu' pale: Aye' kyyajajil Ob'ayiy, Kos ex B'arsilay, ju' mje tuk'i'l jun tmyal B'arsilay, aj Kalaad, ex ax tb'iju' oktq'o'n.⁶²Kyjoy ju'lu kyb'i toju' u'j jatz'ib'ana'qe' ojtxi' kyyajilb'en, tu'ntzu'n min knet kyu'n, eb'je'ltzuntz ti'ju' kyoklen te pale.⁶³Expe' tchaq'ju' kawil tu'n miche wana' ti'ju' wab'j xjan qa min xtma jun pale kyu'nel Urim ex Tumim.

⁶⁴Japun tajlalju' tnam toj jo'mutx' jok'al wajxaqlajnaq (42,360) kyb'aj,⁶⁵extzun wajxaqlajk'al qaqnaq wuqlajoj (7,337) kymajin lq'o'n, ichan ex qya. Ex ate'toq lajnaq (200) ky-ajb'itzal ichan ex qya.⁶⁶Ex ate'toq junk'al qaqlajnaq qaqlajoj (736) kyb'a'nchej, kab'lajnaq jwe' (245) kymul,⁶⁷junk'al junaq o'lajoj (435) kamey ex qaqlajk'al qaqlajnaq (6,720) b'ur.⁶⁸Ate' junjun nejenel kye junjun ja xjal, xikyq'o'n oyaj b'inchb'il teju' tja Dyos tej kypon toju' tja Qman Dyos toj Jerusalen.⁶⁹Kub' kyq'o'n lajoj kyintal tk'i' ch'inxmi oxe' rob' (10.73.6) q'anpwaq, oxnaq kyintal tk'i' nik'jan (60.5) saqpwaq, ex jo'naq (100) kyxb'alu pale ku'j, kse'nxju' tu'me'l kyu'n tu'n tjaw b'inchet jumajtlju' tja Dyos.

⁷⁰E'kyaj tenju' pale aj Leb'i ex junjun xjal aj tnam najal toj Jerusalen, exqe' aj b'itzal, xq'uqil ttzija exqe' ajb'el toj tja Dyos, aye'tzu'n txqantl aj Israel, e'kyajte kyojilex nimaqkytanam. B'ajnk'et jumajtlju' k'u'lb'il

¹Tej tjapunju' twuqi'n xjaw, ex matxitoq b'entkyten aj Israel tojilex kynajb'il, b'aj kyb'u'yi'n kyib' tkyaqilju' tnam toj Jerusalen.²Aye'tzu'n Joswe, tk'wal Josadak, kyuk'i'lu' paleju' tuk'i'l, ex Sorob'ab'el, tk'wal Salatyel, exqe' twitze'l, e'okten b'inchalte q'olb'eb'l te Qman Dyos, tu'n kykub' q'etju' chojb'il k'ok'sb'il tib'aj, ju' ntma'n toj tkawb'il Moyses tmajin Dyos.³Jaw kyb'incha'n q'olb'eb'l axtzu' jatoq ta' nejtl, maskyepe' intoq che xob' kyeju' xjal najlqe' nqayin kyk'etz, ex intoq kub' kyq'o'n chojb'il k'ok'sb'il tib'aj atl prim ex atl qale te ninb'ilte Qman Dyos.⁴Expe' kub'kyik'sa'n tq'ij pach xb'alun, kse'nx tz'ib'a'n toj kawb'il, ex kub' kyq'o'n chojb'il k'ok'sb'il tkyaqil q'ij kse'nxju' nb'inchet, kse'nxju' nkub' q'o'n atl junjun q'ij,⁵kse'nqe' chojb'il k'ok'sb'il junjun q'ij ex te ak'a'j xjaw, kyexju' ninq'ij xjan te Qman Dyos, exju' nkub' tq'o'n junjun xjal tu'n tk'u'j te Qman Dyos.⁶Tzyet tkub' kyq'o'n chojb'il k'ok'sb'il te Qman Dyos toj tnejel q'ij teju' twuqi'n xjaw, na'mxtoqpe' ttzyet tjaw b'incha'n jumajtlu' tja Qman Dyos.⁷Xikyq'o'ntzun pwaqtz kye b'inchal ja ex aq'unal kyi'j tze, ex xikyq'o'n wab'j, k'wab'j ex aseyt kye xjal aj Tiro ex aj Sidon, tu'ntzun ttzaj kyiq'i'n tze k'ute tib'aj ninnjab', tzmax Lib'ano, tu'n tul Jope, kse'nxju' anb'il ojetoq taq' Siro, nimaqkawil aj Persya kye. Tzyet tjaw b'inchetl tja Dyos

⁸Toj tkab' xjaw te tkab' ab'q'i kyulen toj Jerusalen, tzyet tjaw b'incha'n jumajtlu' tja Dyos kyu'n Sorob'ab'el tk'wal Salatyel, ex Joswe tk'wal Josadak, junx kyuk'i'lu' kyuk'i'l pale ex tyajajil Leb'i, kyuk'i'l kykyaqilju' b'je'xni qe'toq' iq'i'n ex e'ul jumajtl toj Jerusalen, kyej kyq'o'n tiq'jiju' aq'untl toj kyq'ob'u' aj Leb'i ik'ni kyab'q'i tib'aj winqi'n.⁹Okkyb'u'yi'nkyib' Joswe kyuk'i'lju' tk'wal, e' ttzik ex titz'in junx k'loj kyuk'i'l Kadmyel kyuk'i'l tk'wal, tyajajil Judaqe', ex kyuk'i'lju' tyajajil Enadad, e'tk'wal, e'titz'in ex ttzik, aj Leb'iqe', tu'n tiq'et twitzju' aq'unal ti'j tja Dyos.

¹⁰Tetzunj tkuxkyq'o'n b'inchal ja tq'uqlil tja Dyos, e'kub' we' pale, toktoq kyi'j ex iq'i'n kychun teju' ninq'ij lu. Iq'i'ntoq txijtxij ajwalb'ilte Qman Dyos kyu'n aj Leb'i tyajajil Asap, kse'nx tchaq' Dab'i, nimaqkawil toj Israel.¹¹Intoq che b'itzan junjun, aye'tzu'n junjuntl intoq xikytzaq'we'n: Kyq'onx chjonteye' te Qman Dyos, qu'n majx b'a'n te, qu'n tejumajxju' tk'u'jlalil ti'j Israel, chechij. Tkyaqiltzu'n tnam intoq jaw toj kywi' tu'n kytzalajb'il ex inche b'itzan te Qman Dyos, tu'nju' matxi'toq tzyet tb'inchanjtz jumajtlu' tja Dyos.¹²Nimtzu'n pale, aj Leb'i ex nejenel kye k'loj kyyajajil, ti'jwnaqqe'tel, kyilju' tnejel tja Dyos, inxi'xtoq che oq' b'a'nxi'x tej tokkyk'a'yi'n intoq b'inchanjtz jumajtlu' tja Dyos. Ex ax kmoju', nim qe'toqtlju' nche ẍch'in tu'n tzalajb'il.¹³Mixtoqti'x inel kynik'tzilju' tq'ojq'ojel wi'y injaw, alkyeqe'toq inche oq' ex alkyeqe'toq inche ẍch'in tu'n kytzalajb'il, qu'n inxi'xtoq jaw toj kywi' b'a'nxi'x, ex q'ojq'oj qe'toq najchaq. Kub'toq kyxitu'n ajq'oj toju' aq'untl

¹Tetzunj kyb'inte' ajq'oj kyi'j aj Juda qa aye' b'je'xniqe' iq'i'n mache ul jumajtl, ntoq jaw kyb'incha'n jumajtlu' tja Dyos,²eb'aj pon kyk'etz Sorob'ab'el ex Joswe ex kyk'etzju' nejenel kye junjun ja:
—Kyq'ome' anb'il tu'n qonine' kyuk'i'le' tu'n tjaw b'inchetlu' tja Dyos, qu'n ikxqe' nqo k'ulune' te Qman Dyos kse'nkye', ex nqo q'on chojb'ile' te atxi'x atitoq Esaradon, nimaqkawil aj Asirya, ju' tzaj q'inqeye' tzmax tzalu, chechij.

³Atzunte Sorob'ab'el ex Joswe exqe' txqantl nejenel kye junjun ja Israel xikytzaq'we'n kye:
—Lay b'ent tjaw qb'incha'ntle' junx kyuk'i'le'. O'qo'kxqe' qo jawil b'inchante jumajtlu' tja Qman Dyos, qu'n iku' saj tma'n Siro, nimaqkawil toj Persya, qeye', chechij kye.

⁴E'oktzun ten xjaltz najlqe' kyi'jile xob'tzalkyeju' xjal aj Juda tu'n mitxa' kyljo'n aq'untl.⁵Expe' kub'kyi'j junjunju' nimaq kyoklen toju' kawb'il tu'n pwaq kyu'n, e'okmiltz'ujtzuntz ti'ju' tb'is kyk'u'j toj tkyaqilju' tq'ijlalil ten Siro nimaqkawil toj Persya, txmax toju' tq'ijlalil tkawin Dariy, nimaqkawil toj Persya. Tzaj wuljtib'il yajxi'tl tu'n tpaju' ntoq jaw b'inchetl nintapi

⁶Tojtzun jun tq'ijlalil yajxi'tl tzmatoq ntzyet tkawin Aswer, xikytz'ib'a'n ajq'oj jun poqb'ilkye aj Juda ex aj Jerusalen twitz.⁷Ikx toju' tq'ijlalil tten Artajerjes, nimaqkawil toj Persya, xikytz'ib'a'n B'islam, Mitridates, Tab'eel exqe'tzu'n txqantl kyuk'i'l, jun u'j te Artajerjes. Tz'ib'a'ntoq toj aramey, ex poq'i'n toj yol persa.⁸Atzu'n Rewum, chaq'ultoq, ex Simsay, ju' tz'ib'al, xikytz'ib'a'n jun u'j taq'wix te nimaqkawil Artajerjes kyi'ju' xjal aj Jerusalen.

⁹A u'j ja'lu xikytz'ib'a'n Rewum, chaq'ul, ex Simsay, tz'ib'al, exqe' kyuk'i'l ajkawilqe', e'nejenel kye xjal te q'oj exqe' nimaq kyoklen toj kykawb'il aj Persya, Erek, B'ab'ilon ex Susa, mujqa Elam, exqe' txqantl nimaqtnamju' eb'je'x tiq'i'n nimaqxjal Asnapar ex eb'aj kub' tq'o'n kyoju' nimaqtnam toj Samarya ex toju' txqantl tx'otx' toj tkub'exq'ij te nin a' Ewprates, intma'n kjalu:
Qman nimaqkawil Artajerjes, ayo'ye' ajb'el teya toju' tx'otx' toj tkub'exq'ij te nin a' Ewprates:¹²Nxiqq'o'ne' tqanil teya nimaqkawil qa aye'ju' aj Juda oje che anjtz toj nintnam jata'ya, oje che pon toj Jerusalen ex ate'k b'inchalte jumajtl ma' nintnam pi's ex tx'yan tuk'i'l. Matxi' tzyet tjaw kyb'incha'n nintapi ti'j ex ate'k xk'ojilteju' tq'uqlil.¹³Ex kxe'l qma'ne' teya nimaqkawil qama jaw b'incha'ntlju' nintnam lu exqa majawju' nintapi ti'j, lay kyaq'ju' xjal lu o'nb'il ex chojb'il ju' ilti'j tu'n kyq'onte, kb'eltzun tk'uwen kawb'iltz toj kub'l.¹⁴Ajb'elqo' na'qe' teya nimaqkawil, min qajb'ile' tu'n mitxa' nima'na'ya. Qu'mtzun xxa' qsma'ne' tqanil lu teya nimaqkawil,¹⁵tu'n t-xijyet tqanil kyoju' k'ub'l kyu'ju' ojtxi' tyajilb'ena nimaqkawil. Tu'ntzun tq'met qa matxi' tz'el tnik'a nimaqkawil qa njaw miltzuju' nintnam lu ex xob'ajilqe'x kyeju' nimaqkawil ex kyeju' najlqe' kyoju' txqantl tnej tx'otx', ex matxi' jawxi' kyiq'i'n kyib' kyoju' tq'ijlalil ojtxi', qu'mtzun kub'a' xitu'n.¹⁶Qu'mtzun nxiqma'ne' teya nimaqkawil, qama jaw b'incha'n jumajtlju' nintnam lu, exqa mab'aj b'incha'ntlu' nintapi ti'j, lay b'entl tkawina nimaqkawil tib'aju' tx'otx' toj tkub'exq'ij teju' nin a' Ewprates, chiju' xikytz'ib'a'n.

¹⁷Tzajtzun t-sma'n nimaqkawil Artajerjes tzaq'web'l te u'j lu kye:
Inche'x nq'olb'e'ne' Rewum, ju' chaq'ul, ex Simsay, tz'ib'al, exqe' kyuk'i'le' najlqe' toj Samarya ex toju' txqantl tx'otx' toj tkub'exq'ij teju' nin a' Ewprates:
ti'jtzunju' u'j¹⁸tzaj kysma'ne' weye', oje jaw ẍch'i'n poq'b'ente nwitze',¹⁹nchaq'e' tu'n tjyet tqanil. Matz'elyal qa intoq okmeltz'uju' nintnam lu kyi'ju' nimaqkawil ojtxi', ex matxi' che jawxi' miltz'uj nk'u'n kyten tuk'i'l kyxim taq'wix,²⁰ex e'ten nimaqkawil nim kyipumal toj Jerusalen, e'kawin kyib'aju' tx'otx' toj tkub'exq'ij te nin a' Ewprates, ex intoq q'onjtz chojb'il tuk'i'l oklenj kye.²¹Qu'mtzun, kymanxe' kye' xjal lu tu'n lalun txikyljo'n aq'untl, ex tu'n lalun jaw b'inchetlu' nintnam lu tzmaxi'j ajtex nq'o'n juntl chaq'b'ile'.²²Kyka'yinxju'ye' lu, tu'n lalun chmetju' taq'wixil ti'ju' nkawb'ile', chi nimaqkawil.

²³Tetzunj tjaw ẍch'in tuj nimaqkawil Artajerjes, kywitz Rewum, Simsay ju' tz'ib'al, ex kywitzju' tuk'i'l, lwiyxi'x eb'ajx kykyaqilx toj Jerusalen, ilxi'xti'j kub'kymqo'n kywitzu' aj Juda tu'n twe' kyaq'unan. Xi'ljet tjaw b'inchetlu' tja Dyos

²⁴Iktzu'n, kyeja tene tjaw b'inchetlu' tja Dyos toj Jerusalen tzmaxi'j tjapun toj tkab' ab'q'i nkawin Dariy nimaqkawil toj Persya.

¹Xikyma'n t-sanjelal Dyos Akey ex Sakariy tk'wal Ido, kye aj Juda ex aj Jerusalen, ju' matxi'toq tzaj tma'n Qman Dyos kye.²Aye'tzunkye Sorob'ab'el, tk'wal Salatyel, ex Joswe, tk'wal Josadak, eb'jo'kten jumajtl aq'unal tu'n tjaw b'inchetlu' tja Dyos toj Jerusalen, ex ate'toqju' t-sanjelal Dyos onilkye.³Atzunte Tatenay, kawil toju' tx'otx' tkub'exq'ij te nin a' Ewprates, ex Setar-b'osnay exqe' kyuk'i'l, e'pon q'malte kye toj Jerusalen: ¿Alkyetzu'n xq'mante kyeye' tu'n tjaw b'inchetlu' ja te k'u'lb'il lu, ex tu'n tjawx kyq'o'ne' tz'len tib'aj? ¿Titi' kyb'iju' xjal nche jaw b'inchante jumajtju' tja Dyos lu? chechij.⁵Atzunte Dyos kolon kyi'ju' nejenel kye aj Juda, qu'mtzun mixti'x e'myet ti'ju' aq'untl, tzmaxi'j txi' tqanil te Dariy ex tu'n tulju' tzaq'web'l tu'n.

⁶Ajun tilb'ilal u'j ja'lu xikytz'ib'a'n Tatenay, kawil toju' tx'otx' tkub'exq'ij te nin a' Ewprates, ex Setar-b'osnay exqe' kyuk'i'l, nim kyoklen toju' kawb'il tkub'exq'ij te nin a' Ewprates, ju' xikysma'n te nimaqkawil Dariy,⁷intma'n ikjalu:
Nxi qq'olb'e'nq nimaqkawil, b'a'nwt ta'ya toj tchwinqlala, nxiqq'o'ne' tqanil teya, oxt'anje' toju' tx'otx' Juda, ljo'n tb'inchanjtz jumajtl tjaju' Dyos nimxi'x toklen kyu'n txqan ab'j jso'n kywitz. Atzuntl ja'lo ljo'n tktxunjtzu' tapi tu'n tz'lan, inxi'x oktilil kyu'n ex lwiyxi'x nxilq'eju' aq'untl ti'j.⁹Xiqqani'ne' kyeju' kynejel aj Juda alkye xq'mante kye tu'n tjaw kyb'incha'n jumajtlju' tja Dyos, ex tu'n tb'aj kyktxu'n tu'n tz'lan,¹⁰ex ti'ti' kyb'iju' xjal q'ilte twitzju' aq'untl lu, tu'n tku'x tz'ib'itju' kyb'i ex tu'n t-xiq'met teya nimaqkawil.¹¹Aye'tzunkye tzaj kytzaq'we'n qa nche niman te Dyos te toj kya'j ex twitz tx'otx', qu'mtzun ljo'n tjaw kyb'incha'n jumajtlu' tja Dyos matxi' b'et b'a'npun ab'q'i tjawlen tb'incha'n jun nin kynimaqkawil aj Israel.¹²Ex kyma qa okkyq'o'n ojtxi' kyyajilb'en ttx'u'jil Dyos te toj kya'j, ex a Dyos kub'q'o'nkye toj tq'ob'u' nimaqkawil Nab'ukodonosor toj B'ab'ilon, aj kaldeytoq, ju' kub' xitunteju' ja te k'u'lb'il lu, ex eb'ax tiq'i'n tzmax B'ab'ilon.¹³Yajxi'tzuntel, tchaq' Siro, toju' tnejel ab'q'i nkawin toj B'ab'ilon, tu'n tjaw b'inchet jumajtlju' tja Dyos.

¹⁴Ex kymatl qeye' qa eb'je'tz tiq'i'n nimaqkawil Siro aq'unb'il q'anpwaq ex saqpwaqqe' toju' ja te k'u'lb'il toj B'ab'ilon, ju' eb'je'tz tiq'i'n Nab'ukodonosor toju' tja Dyos toj Jerusalen ex b'aj pon tiq'i'n toju' ja te k'u'lb'il B'ab'ilon, exqa e'xitq'o'n te Sesb'asar, ju' ojetoq tz'oktq'o'n te kawil.

¹⁵Tchaq' Siro te Sesb'asar tu'n kytzaj tiq'i'nju' aq'unb'il lu ex tu'n kyul tq'o'n jumajtl toju' tja Dyos toj Jerusalen, ex tu'n tjaw tb'incha'n jumajtlju' tja Dyos.¹⁶Tetzunj tul Sesb'asar ex eku'x tq'o'n tq'uqlilju' tja Dyos toj Jerusalen; atxi'xtzu'n tzyet tjaw b'inchet jumajtlu' tja Dyos, ex na'mx tb'ent ja'lo, chechij qeye'.

¹⁷Atzu'n ja'lo, qama kub' toj twitza nimaqkawil, inxiqqani'ne' tu'n tjyontz kyoju' k'ub'l tu'j nimaqkawil toj B'ab'ilon, ex tu'n tka'yit qa ax qa tchaq' nimaqkawil Siro tu'n tjaw b'inchet jumajtlju' tja Dyos toj Jerusalen, ex tu'n ttzaj tma'na t-xima nimaqkawil tib'aj ja'lu, chiju' xikytz'ib'a'n.

¹Tchaq'tzu'n nimaqkawil Dariy tu'n tjyonjtz kyoju' k'ub'l u'j janche k'u'njtza'ju' u'j nim kyoklen toj B'ab'ilon,²eltzun yal jun u'j toju' ja te kawb'il toj Ekb'atana, toju' tx'otx' Medya, ja tz'ib'a'na' kjalu:

³Etztq'o'n nimaqkawil Siro chaq'b'il lu, toju' tnejel ab'q'i nkawin, chij kjalu:
Ti'ju' tja Dyos toj Jerusalen: ati tu'n kyku'x q'etju' tq'uqlil ex tu'n tjaw b'inchet jumajtlju' ja, tu'n kykub' kyq'o'n xjal chojb'il atzu'. Ati tu'n tkub' junaq wuq (27) metr twe' ex junaq wuq (27) twitz;⁴tuk'i'l oxe' txol ab'j nimaq kypimal ex jun txol ak'a'j tze. Aju' tk'uwen nimaqkawil kchjolteju' kb'ajel ti'j.⁵Aye'tzu'n aq'unb'il q'anpwaqqe' ex saqpwaqqe' toju' tja Dyos, ju' b'je'tztiq'i'n Nab'ukodonosor toju' tja Dyos toj Jerusalen, ex eb'ju'l tiq'in B'ab'ilon, tu'ntanjl anjsetlkyi'j ex tu'n kyxi' iq'et toj Jerusalen, ex tu'n kyokxq'et to'ju' tja Dyos, jaxu' te'qe'toq, chiju' chaq'b'il tz'ib'a'n.

⁶Etztzun tq'o'n nimaqkawil Dariy chaq'b'il lu te Tatenay, kawil toju' tx'otx' toj tkub'exq'ij te nin a' Ewprates, ex te Setar-b'osnay ex kyeju' kyuk'i'l, nim kyoklen toju' kawb'il tojxju' t'xotx' lu:
Kukyetze' toj Jerusalen⁷ex kq'onxe' anb'il teju' kawil kye aj Juda ex kyeju' nejenel kyxol tu'n tjaw kyb'incha'n jumajtlju' tja Dyos toju' tkub'el.⁸Aye' nchaq'b'il ju'ye' lu tu'n kyonetju' nejenel kye aj Juda tu'n tjaw b'inchet jumajtlu' tja Dyos: Tu'n kychjetju' nb'aj ti'ju' aq'untl lu tojxi'x tq'ijlalil kyu'nju' chojb'il njaw b'uyet teju' kawb'il toju' tx'otx' toj tkub'exq'ij te nin a' Ewprates, tu'n mi kyeja' teneju' aq'untl.⁹Ex tu'n kyxi' q'et ilxi'xti'j tkyaqil q'ij titi' makyqaniju' pale toj Jerusalen, tkyaqilju' nojqelan, qa e'qpoj tma'n wakx, e'tman rit mo qpoj tman rit te chojb'il k'ok'sb'il teju' Qman Dyos te toj kya'j; mujqa triy, atz'an, b'in mo aseyt,¹⁰tu'n kyq'onte chojb'il k'ok'j te Dyos te toj kya'j ex tu'n kykub'san twitz Dyos tib'aju' nchwinqlale' ayine' nimaqkawil ex tib'aj kychwinqlalju' nk'wale'.¹¹Ex majx kxe'l nma'ne' qa ati jun min xtb'inchaju' nchaq'b'ile' lu, k'eletz qitpet jun tptz'o'milu' tja ex kb'ajel jumet toj; ex majx kjel xitetju' tja.¹²¡Ex awtju' Dyos jaw sk'onte Jerusalen jatu'n ttzaja' na'n tb'i, kub' xitunte alkyexku' nimaqkawil mujqa nimaqtnam, qama tz'oktq'o'ntib' maqul mujqa xitul ti'ju' tja Qman Dyos ati toj Jerusalen! Ayine', Dariy, ẍin q'onteju' chaq'b'il lu. Japunx kyu'ne' kse'nxju' xb'ajx ntz'ib'a'ne', chiju' tchaq'b'il nimaqkawil. Xiljo'n aq'untl ex japunb'aj

¹³Kyb'inchatzu'n Tatenay, kawil toju' tx'otx' toj tkub'exq'ij te nin a' Ewprates, ex Setar-b'osnay exqe' kyuk'i'l, kse'nxju' tchaq' nimaqkawil Dariy.¹⁴Iktzu'n b'enta' txi' kyljo'n nejenel kye aj Juda aq'untl tu'n tjaw b'inchet jumajtlju' tja Dyos, kse'nx kymaju' t-sanjelal Dyos Akey ex Sakariy, tk'wal Ido. Ex japunb'aj tb'inchet jumajtlju' tja Dyos kse'nxju' tchaq' Qman Dyos ex kse'n kychaq' Siro, Dariy ex Artajerjes, nimaqkawil aj Persya.¹⁵Japunb'aj tb'inchetju' tja Dyos toj oxe' tajlal xjaw Adar, toj twaqaqi'n ab'q'i nkawin Dariy, nimaqkawil aj Persya.

¹⁶Kub' kytzalajsa'n aj Israel, e'pale, tyajajil Leb'i exqe' txqantl b'je'xni qe'toq iq'i'n, tej tkub' xjansetju' tja Dyos.¹⁷Kub' kyq'o'n jo'naq (100) qpoj tman wakx te chojb'il toju' q'ij lu, ex lajnaq (200) tman rit ex junk'al (400) qpoj tman rit, extzun kab'lajoj (12) chib', jun tu'n junjun tnej tyajajil Israel, te oyaj tu'n tpaj kyil kykyaqil aj Israel.¹⁸Ekub'tzun kyq'o'n pale toj k'loji'n tu'n kych'exb'ente kyib', exqe' aj leb'i tojilex kyaq'un, tu'n kyajb'en toju' k'u'lb'il te Dyos toj Jerusalen, kse'nxju' tz'ib'a'n toju' tuj Moyses.¹⁹Expe' kub'kyik'sa'n b'je'xniqe'toq iq'i'n Tq'ij Tzaqpib'l toj kyajlajoj (14) tajlal tnejel xjaw.²⁰Matxitoq b'aj kyẍtilsa'n kyib'ju' pale ex aj Leb'i, qu'mtzun ẍtilsa'ntltoq kyib' twitz Dyos. Kub'tzun kyq'o'n chojb'il te Tq'ij Tzaqpib'l kye kykyaqilju' b'je'xniqe'toq iq'i'n, kyex ex kyeju' pale kyuk'i'l.²¹Kykyaqilu' aj Israel exniqe'toq iq'i'n ex eb'ju'l jumajtl, e'wan ti'ju' wab'j te Tzaqpib'l, junx kyuk'i'lju' ojetoq tz'el kypa'n kyib' ti'ju' taq'wix kyb'inchb'aju' nimaqtnam min nche niman te Dyos, ex kymujb'a kyib' kyuk'i'l toju' k'u'lb'il te Qman Dyos.²²Wuq q'ij kub'kyik'sa'n tq'ij wab'j mixti' ttx'amal tuk'i'l tzalajb'il, qu'n ojexi'x che tzalaj tu'n Qman Dyos tu'nju' tb'incha tq'onte tib'ju' nimaqkawil aj Persya kyuk'i'l ex matz'onin kyi'j tu'n tjw b'inchet jumajtlju' tja Qman Dyos. Eb'ju'l Esdras kyuk'i'lju' tuk'i'l toj Jerusalen

¹Yajxi'tzuntel, toju' tq'ijlalil nkawin Artajerjes, nimaqkawil aj Persya, ten jun xjal Esdras tb'i, tk'wal Serayiy, tk'wal Asariy, tk'wal Ilkyiy,²tk'wal Salum, tk'wal Sadok, tk'wal Aytub',³tk'wal Amariy, tk'wal Asariy, tk'wal Merayot,⁴tk'wal Serayiy, tk'wal Usi, tk'wal B'ukyi,⁵tk'wal Ab'isuwa, tk'wal Pinees, tk'wal Eleasar tk'wal Aaron, ju' tnejel pale.⁶Aju' Esdras jun xnaq'tzaltoq, xnaq'tza'nxi'x ti'ju' tkawb'il Qman Dyos tzaj tq'o'n te Moyses, ex q'o'ntoq tipumal tu'n Qman Dyos, qu'mtzun tzaj tq'o'n nimaqkawil Artajerjes te tkyaqilju' xitqani'n. Iktzu'n anjtza'kyi'j Esdras B'ab'ilon⁷ex e'pon toj Jerusalen toju' twuqi'n ab'q'i nkawin Artajerjes, kyuk'i'l jun b'yuj aj Israel, ate' pale kyxol, e'aj leb'i, e'aj b'itzal, e'xq'uqil ttzija ex e'ajb'el toj tja Dyos.⁸Tu'nju' to'nb'il Dyos ti'j Esdras, tzyet b'e tu'n kyetz toj B'ab'ilon toj tnejel q'ij teju' tnejel xjaw te twuqi'n ab'q'i nkawin Artajerjes, ex e'pon toj Jerusalen toju' tnejel q'ij te tjwe'yi'n xjaw texju' ab'q'i lu.¹⁰Atitoq tb'is tk'u'j Esdras tu'n t-xnaqtzante tkawb'il Qman Dyos ex tu'n tb'inchante, ex tu'n tb'ajx t-xnaq'tza'n tkawb'il Dyos ex tnuk'b'il kye aj Israel.

¹¹A tilb'ilal u'j ja'lu tzaj tq'o'n nimaqkawil Artajerjes te Esdras, ju' pale ex xnaq'tzal, xnaq'tza'n b'a'nxi'x ti'j tkyaqilju' tchaq'b'il ex tkawb'il Qman Dyos:

¹²Ayine' ninimaqkawil Artajerjes, nxinq'olb'e'na' Esdras, pale ex xnaq'tzal, xnaq'tza'na b'a'nxi'x ti'ju' tkawb'il Dyos toj kya'j.

¹³Matxi' nchaq'e qa ate' aj Israel toju' nkawb'ile' kyajb'il tu'n kyxi' Jerusalen tuk'i'la, b'a'n tu'n kyxi', exqa aj Leb'i mujqa pale.¹⁴Qu'n ayine' nimaqkawil kyuk'i'lju' wuq q'ol nab'l nqo'x chq'onteya ka'yilte qa nkyb'incha'n xjal toj Juda ex toj Jerusalen, kse'nx tkawb'il Dyos ojtzqi'n b'a'nxi'x tu'na.¹⁵Q'inxa saqpwaq ex q'anpwaq nxiqq'o'ne' tu'n qk'u'je', ayine' nimaqkawil exqe' q'ol nab'l, teju' Kydyos aj Israel, ju' ati toj Jerusalen.¹⁶Tkyaqiltzu'n saqpwaq ex q'anpwaq qama knet tu'na toj tkyaqilju' tx'otx' B'ab'ilon, tuk'i'lju' oyaj qa makyaq'ju' tnam kyuk'i'lju' pale tu'n kyk'u'j teju' tja Dyos toj Jerusalen.¹⁷K'ajb'el tu'na tu'n kylq'et qpoj tman wakx, tman rit, ex qpoj tman rit, junx kyuk'i'lju' kyoyaj twitz awal k'ok'e'kywitz ex b'in, tu'n kykub' q'et tib'aju' q'olb'eb'l toju' ja te k'u'lb'il teju' Dyos nche k'ulune' te toj Jerusalen.¹⁸Atzu'n q'anpwaq ex saqpwaq qa min xb'aj, axi'x titi' k'okyila' kyu'ne' kyuk'i'lju' tuk'i'la, kse'nxju' tajb'il Dyos.¹⁹Aye'tzu'n aq'unb'il ẍe'x q'o'n teya tu'n kyajb'en te k'u'lb'il toj tja Tdyosa, q'onxa te Dyos toj Jerusalen.

²⁰Alkyexku' juntl ti'xti' tu'n tq'o'n teya toju' tja Tdyosa nk'uluna te, b'a'n tu'n tjyonteya kyoju' k'ub'l toj kawb'il.²¹Ayine', nimaqkawil Artajerjes, manchaq'e' kye kykyaqilju' k'u'l pwaq toj tkub'exq'ij te nin a' Ewprates, tu'n txikyq'o'n ilxi'xti'j teya tkyaqilju' matqaniya, aya Esdras, pale ex xnaq'tzal, xnaq'tzanxi'xa toju' tkawb'il Dyos te toj kya'j,²²tzmax toj oxnaq kab'lajoj kyintal tk'i' oxnaq lib'r (72.60) saqpwaq, kab'mutx' o'lajk'al (22,000) litr triy, jok'al lajnaq (2,200) litr b'in, jok'al lajnaq (2,200) aseyt ex tkyaqil jni'xku' atz'an matqaniya.

²³Lwiyxi'x tu'n txiq'o'n tkyaqilju' ktqani' Dyos toj kya'j ti'ju' tja te k'u'lb'il, tu'ntzun mitzaja' jun yajb'il kyib'aju' nk'wale' ex kyib'aju' tnam ate'qe' tjaq' nkawb'ile'.²⁴Expe' b'a'n tu'n kyb'inteye' qa q'ma'n toj kawb'il tu'n lalun qanet o'nb'il chojb'il mo oklenj kye alkyexku' pale, aj Leb'i, aj b'itzal, xq'uqil ttzija, ajb'el toju' ja te k'u'lb'il mujqa alkyexku' junxi'tl xjal najb'en toj tja Dyos.

²⁵Atzunta Esdras, q'onqe'ka ajkawil ex kawil, kse'nxju' ojtzqib'l tzajni tq'o'n Dyos teya, tu'n kyb'inchante tnik'alilti'j kye kykyaqilu' xjal toju' tx'otx' toj tkub'exq'ij te nin a' Ewprates, aye' kykyaqilju' kyojtzqi'n tkawb'ilu' Dyos ntnima'na; aye'tzu'n min kyojtzqi'n xnaq'tzanxa kye.²⁶Kykyaqiltzu'n qa min xjapun tkawb'il Tdyosa kyu'n, exqe' nkawb'ile' ayine' nimaqkawil, lwiyxi'x ktchja' tu'n tkub' b'yet, mo k'elex xla'jet, mo ktchja' tu'n pwaq mo k'okyex jpet, chiju' xittz'ib'a'n Artajerjes te Esdras. Tna'j Dyos Esdras

²⁷Atzunte Esdras na'n Dyos ikjalu: Nimanjtzxwitju' Qman Dyos Kydyos ojtxi' qyajilb'ene', qu'n mataq' tipumalu' nimaqkawil tu'n tjaw tnima'n tja te k'u'lb'il toj Jerusalen,²⁸ex matye'k'uju' t-xtalb'il weye' twitzku' nimaqkawil kyuk'i'lju' q'ol nab'l te, exqe' xjal nimxi'x kyoklen toju' kawb'il, ex matzaj tq'o'n wipumale', qu'n machin toniye' tu'n tb'ent kyb'u'yetju' nimaqxi'x kyoklen kyxol aj Israel tu'n kyanj wuk'i'le', chij. Kyajlalju' Anjtzkyi'j B'ab'ilon

¹A kyb'i nejenel ja'lu, kse'nxju' tku'x toju' u'j ja tz'ib'a'na' kyb'i tojile tja junjun, ju' anjtzkyi'j B'ab'ilon tuk'i'l Esdras tej intoq kawin Artajerjes:²Werson, kyxol tyajajil Pinees; Danyel, kyxol tyajajil Itamar; Atus, tk'wal Sekaniy, kyxol tyajajil Dab'i; Sakariy, kyxol tyajajil Paros, kyuk'i'l wuqnaq lajoj (150) xjal tz'ib'a'nqe' toju' kyajlal;⁴Elyeoenay, tk'wal Serayiy, kyxol tyajajil Paat-moab', kyuk'i'l lajnaq (200) xjal;⁵Sekaniy, tk'wal Jaasyel, kyxol tyajajil Satu, kyuk'i'l o'lajnaq (300) xjal;⁶Eb'ed, tk'wal Jonatan, kyxol tyajajil Adin, kyuk'i'l kab'naqlajoj (50) xjal;⁷Isayiy, tk'wal Ataliy, kyxol tyajajil Elam, kyuk'i'l oxnaq lajoj (70) xjal;⁸Seb'adiy, tk'wal Mikael, kyxol tyajajil Sepatiy, kyuk'i'l kyajnaq (80) xjal;⁹Ab'diy, tk'wal Jeyel, kyxol tyajajil Joab', kyuk'i'l lajnaq wajxaqlaj (218) xjal;¹⁰Selomit, tk'wal Josipiy, kyxol tyajajil B'ani, kyuk'i'l wajxaqnaq (160) xjal;¹¹Sakariy, tk'wal B'eb'ay, kyxol tyajajil B'eb'ay, kyuk'i'l junaq wajxaq (28) xjaq;¹²Joanan, tk'wal Akatan, kyxol tyajajil Askad, kyuk'i'l, jo'naq lajoj (110) xjal;¹³Elipelet, Jeyel ex Semayiy, mank'b'il tyajajil Adonikam qe', kyuk'i'l oxnaq (60) xjal, e'anjtz yajxi'tl.¹⁴Utay ex Sab'ud, kyxol tyajajil B'iwb'ay, kyuk'i'l oxnaq lajoj (70) xjal. Ajb'el toju' Ja te k'u'lb'il

¹⁵Ayine', Esdras, inb'uyinkye kykyaqilju' xjal lu ttziju' tb'e a' inpon toju' nin a' Aab'a, ex o'kub'ten oxe' q'ije' atzu'. Tetzunj kyb'aj nka'yi'ne' xjal ex pale, mixti' elyal jun aj Leb'i kyxol wu'ne'.¹⁶Qu'mtzun exi' nchq'one' Elyeser, Aryel, Semayiy, Elnatan, Jarib', Elnata, Natan, Sakariy ex Mesulam, ju' nimaq kyoklen, exqe' xnaq'tzal Joyarib' ex Elnatan,¹⁷tu'n kyxi' nenulte Ido, nejenel toju' najb'il Kasipya, ex b'ajx nma'ne' kye titi'toq tu'n txikyma'n te Ido ex kyeju' kyuk'i'l, aye' ajb'el toj tja Dyos ate'toq toj Kasipya, tu'n kytzaj kyiq'in xjal onilqeye' toju' tja Qman Dyos.¹⁸Ex chjonte te Dyos, ul kyiq'in jun ichan atixi'x b'a'n tu'n, Sereb'iy tb'i, tyajajil jun aj leb'i Mali tb'i, wajxaqlajoj (18) kyb'aj kyuk'i'lxi' tk'wal e' ttzik ex titz'in.¹⁹Expe' eb'ju'l kyiq'i'ntlju' Asab'iy ex Isayiy, tyajajil Merari qe', junaq (20) kyb'aj kyuk'i'lxi' kyk'wal e'kyitz'in ex kytzik.

²⁰Aye'tzu'n ajb'el toj tja Dyos okniqe' tq'o'n Dab'i exqe' nejenel onilkye aj Leb'i, junlajnaq (220) kyb'aj.

²¹Yajxi'tzuntel nmaye' tu'n tok jun mewayi'n ttziju' nin a' Aab'a, tu'ntzun tok qq'o'ne' qile qi'je' twitz Qman Dyos, ex tu'n txi' qqani'ne' te tu'n qtzajtiq'i'ne' toj tzalajb'il toju' qb'eye' kyuk'i'lju' toj qjaye' exqe' ti'xti' qeye'.²²Qu'n inch'ixwiye' tu'n kyxinqani'ne' xjal te q'oj kyuk'i'lxi' kychej teju' nimaqkawil tu'n kytzaj tq'o'n xq'uqil qe'ye' kye ajq'oj toj b'e, qu'n ojetoqna' txiqma'ne' teju' nimaqkawil qa ate Dyos xq'uqilkyeju' nche niman te, aye'tzu'n mache kyej kolb'ente intzaj tq'o'n tipumal ex ttx'u'jil kyib'aj.²³Ikytzu'n omewayine' ex o'kub'sane' te Dyos tib'aj tkyaqil ja'lu, ex otzaj tb'i'ne'.

²⁴E' jawtzun nsk'o'ne' kab'lajoj (12) nuk'ul kyeju' pale: aye' Sereb'iy, Asab'iy ex lajojtl kyuk'i'l,²⁵b'ajtzun nmlo'ne' saqpwaq, q'anpwaq exqe' aq'unb'il e'tzaj tq'o'n nimaqkawil kyuk'i'lju' q'ol tnab'l exqe' ajb'el te, ex tkyaqilju' tzaj kyq'o'n aj Israel ate'toq atzu' te oyaj ti'ju' tja Dyos, ex b'ajx nq'o'ne' kyeju' eb'jaw nsk'o'ne'.²⁶B'aj nmlo'ne' ex xinq'o'ne' junk'al oxnaq junlajoj kyintal tk'i' kyajnaq lajoj lib'r (471.90) saqpwaq, jo'naq (100) aq'unb'il saqpwaqqe', ex oxnaq kab'lajoj kyintal tk'i' oxnaq lib'r (72.60) q'anpwaq;²⁷expe' junaq (20) laq q'anpwaqqe', masch'i'n wuqlajoj lib'r tk'i' nik'jan kyalal, ex kab'e' aq'unb'il q'ank'uxb'il b'incha'nqe' tb'anilxi'x, twi' wi'yal naku'j q'anpwaq.

²⁸Xi'tzun nma'ntle' kye: Xjansa'n qe'kye' twitz Qman Dyos, kse'nxqe' aq'unb'il. Te Qman Dyos qekye' saqpwaq ex q'anpwaq, aju' Dyos eniman ojtxi' qchman te.²⁹Ape' kyka'yi'xe' b'a'nxi'x ex kyk'u'nxe' tzmaxi'j ajkykub' kymlo'ne' kywitzju' kynejel pale, ex kywitz aj Leb'i ex nejenel kye toj kyja aj Israel, kyoju' ja ti'j tja Qman Dyos toj Jerusalen, nchije'.³⁰Xi'tzun kyk'mo'n pale ex aj Leb'i saqpwaq, q'anpwaq exqe' aq'unb'il ju' matxi'toq b'aj mlo'n, xikyiq'i'ntzuntz Jerusalen, toju' tja Qman Dyos.

³¹O ik'tzun b'ettze' ttziju' nin a' Aab'a, toj tkab'lajoji'n (12) tajlalju' tnejel xjaw, tu'n qule' Jerusalen. Ate Qman Dyos oninqeye', o'tkole' kye ajq'oj ex kye eleq' toj b'e.³²Tetzunj qule' toj Jerusalen o'ojlan oxe' q'ije'.³³Tojtzu'n tkyaji'n q'ij b'ajkub' mlrtju' saqpwaq, q'anpwaq exqe' aq'unb'il toju' tja Qman Dyos, b'ajx q'ettzuntz tkyaqil teju' pale Meremot, tk'wal Uriy. Atitoq Eleasar tk'wal Pinees tk'etz, exqe' aj Leb'i Josab'ad tk'wal Joswe, ex Noadiy tk'wal B'inuy.³⁴B'aj mlet ex b'aj ajlet tkyaqilju' iqtz texju' q'ij lu, ku'x tz'ib'ettzuntz toj jun u'j.

³⁵Yajxi'tzuntl, b'ajx kyq'o'n xjal, ju' anjtzkyi'j B'ab'ilon, chojb'il k'ok'sb'il te Qman Dyos, ex xikyq'o'n kab'lajoj (12) qpoj tman wakx, kyajnaq qaqlajoj (96) tman rit, oxnaq wuqlajoj (77) qpoj tman rit ex kab'lajoj (12) tman chib' toj kyb'i kykyaqil aj Israel, te oyaj tu'n tpaju' kyil. Kykyaqil e'kub' tz'e'ysa'n ninb'ilte Qman Dyos.³⁶Xi'tzun kyq'o'n tchaq'b'il nimaqkawb'il kyeju' ati kyoklen toju' kawb'ij ex kyeju' kawil toju' tx'otx' tkub'exq'ij te nin a' Ewprates, ex e'onin ti'ju' tnam ex ti'ju' tja Dyos. Kyilju' tnam ex tna'j Dyos Esdras

¹Tb'ajlenxi'tzun ja'lu, e'ul lq'eju' kynejel pale q'malte weye' ikjalu: Mya pa'nkyib'ju' aj Israel, exqe' pale kyuk'i'l aj Leb'i, kyi'ju' xjal najlqe' toju' tx'otx' lu, aye' aj Kanaan, itit, peresey, jeb'usey, amonit, aj Moab', aj Ejipt ex amorey, tu'npetzu'n taq'wixi'x kyb'inchb'aju' xjal na'j.²Matxi' che b'ajmje exqe' kyk'wal kyuk'i'l kymyalju' xjal lu; qu'mtzun, matxi' b'aj kysmo'n kyib'ju' ttanam Dyos kyuk'i'lju' xjal te junxi'tl tnam. Aye'ku'pe' nejenel exqe' kawil ẍekub'nej b'inchalteju' il lu, chechij.

³Tetzunj nb'inteju'ye' yol lu, kub'nlaqu'ne' wi'je', kub' ntzuqi'ne' nwi'ye' ex nxmatziye' te yek'b'il k'ixk'oj, ex nkub' qeye' numjniqinxi'xe'.⁴Kykyaqilju' intoq che xob' teju' tz'e'ysb'il witzb'aj tu'n Qman Dyos, tu'n tpaj kyilju' ojetoq che ul jumajtl, b'aj kyb'u'yi'n kyib' nk'etze'; ayintzunwe' q'uqlqinxtoqe' numjni qine' tzmax tponju' kmuj tu'n kykub'q'et chojb'il te qale.⁵Atzun kmoju' okjumajtl wipumale', noktene' k'ulul te Qman Dyos tuk'i'lxi' wi'je' ẍla'q,⁶xinma'ne' te Dyos: Nman Dyos, nchin ch'ixwi'ye' ex min nkane toj nwitze' tu'n nyoline' tuk'i'la. Matxi' chmet txqan qile' nimxi'x, exu' qpaje' njapun toj kya'j.⁷Matxi' b'et-xi' ab'q'i ex ljo'nx qanq'ine' ja'lo toju' il. Oje qo'x q'o'ne' tjaq' kykawb'il nimaqkawil kye txqantl tx'otx', tu'n tpaju' qb'inchb'ene' myab'a'n, e'qile' ex kyilu' qnimaqkawile' exqe' pale qxole'. Matxi' qo' b'aj k'ixb'iye', maqo' ex iq'i'ne' toj qtx'otx'e', matz'el iq'i'n tkyaqil qe'ye' ex maqo'el ik'u'ne', ex ato'xe' ja'lo toju' yajb'il qe'ye' lu.⁸Atzu'n ja'lo, Nman Dyos, tu'nju t-xtalb'ila maq'onjtz tzaqpib'l kye jun k'loj quk'i'le' ex matzaj q'o'n anb'il qe'ye' tu'ntkun qb'incha'ne' qjaye' toju' tx'otx' xjan; matzaj tq'o'na ak'a'j spik'un kye, matzaj tq'o'na ch'i'n ojlab'l toju' yajb'il qe'ye'.⁹B'a'ntzunqa maqo oke' k'a'yi'nmajin, min sik qna'le' tu'na tjaq'ju' yajb'il qe'ye'; matyek'u'ya t-xtalb'ila qeye' kywitzju' nimaqkawil aj Persya, matzaj tq'o'na qchwinqlale' tu'n tjaw qb'incha'n jumajtle' tjaya te k'u'lb'il kyoju' tik'len, ¡maqo tkola toj Juda ex toj Jerusalen!

¹⁰Atzu'n ja'lo, Taye, ¿titi' kxel qma'ne' tib'ajxi' tkyaqilju' matxi' b'aj qb'incha'ne'? Na'mx kyjapunju' chaq'b'il qu'ne'¹¹e'tchaq'a toj kytziju' t-sanjelala, ajb'elqe' teya. Tzajpena' toqxena'na qe'ye' qa aju' tx'otx' ja qo'pomila'toqe' ex ja qtzyu'ya'toq qtx'otx'e', nojnitoq tu'n kyb'inchb'aju' xjal taq'wixi'x, ju' najlqe'toq atzu', tu'nju' kyb'inchb'en myab'a'n matxi'toq noj twitzju' tx'otx' lu tu'n kytz'ilil.¹²Ex tmaya qe'ye' tu'n miche kub'a' qmujb'a'ne' qmyale' kyuk'i'lju' kyk'wal ex kymyal kyuk'i'lju' qk'wale', ex tu'n lalun qo onine' kyi'j tu'nwt kyten toj nak'b'il ex toj b'anil, tu'ntzun tten qipumale kukxju', tu'n qanq'ine' kyi'ju' ntq'o'nju' tx'otx' ex tu'n tkyaj qq'one' te kyetzb'ilju' qyajajile' che ul yajxi'tl tejumajx.

¹³Tib'ajxi'pe' tkyaqilju' yajb'il matxi' tzik'x qu'ne' tu'n tpaju' qb'inchb'aje' myab'a'n ex txqan qpaje', mixpenati' xkub' ttz'e'ysa'na qwitze' kse'nxtoqju' qile', mape' qokub' tq'o'na toj tzaqpib'l,¹⁴¿ma ktzunlo k'elel qik'o'n jumajtle' tchaq'b'ila ex tu'n tokqq'o'n jumajtl qib'e' kse'nqe' xjal mixyab'a'n nkyb'incha'n? ¿Ma laytzun tzaj ttx'u'jila qi'je' ex tu'n qkub' tb'ajsa'na qkyaqile'?

¹⁵Nman Dyos, majx tnik'altati'j qeye'; matb'inchaya tu'n qanq'ine' jun k'loj qb'aje', lu nqka'yi'ne' ja'lo. Axxi'x ayo'qe' ati qpaje' twitza; qu'mtzun lay b'ent qtene' twitza. Okkyq'o'n tnam kyil kyi'j

¹Tetzunj intoq na'n Dyos Esdras ex ntoq jatz tpa'n il lu, in oq'xi' ex mejli twitzu' tja Dyos, ex ate'toq jun k'loj aj Israel, ichan, qya ex k'wal, inxi'xtoq che oq' b'a'nxi'x, eb'jo'kten ttx'ukyile.²Atzunte Sekaniy, tk'wal Jeyel ex tyajajil Elam, yolin ex xitma'n te Esdras: Matxi' qo b'inchan ile' twitz Qman Dyos, qu'n maqo mjeye' kyuk'i'l qya najchaq xjal, te nimaqtnam nimalqe' kye txqantl dyos; maskyetzun ikju', atixnate' q'uqb'ab'l kyk'u'j aj Israel ja'lo.³Qtziyanxe' twitz Qman Dyos tu'n kyex qxla'ja'ne' qxu'jile' najchaq xjalqe' kyuk'i'lxi' kyal, ex tu'n tjapunju' kawb'il, kse'nxju' ntzajkyma'ne' kyuk'i'lju' nkub' kyb'i'n tchaq'b'il Qman Dyos qeye'.⁴Iq'i'nktz tib'a, qu'n taq'unteju'ya lu tu'n tb'inchanteya, qo onilqe' tuk'i'la. Kuwsam tib'a ex tzyunkju'ya aq'untl, chij te.

⁵Kub'tzun we' Esdras, ex tb'incha tu'n kymanteju' kynejel pale ex kynejel aj Leb'i, ex kykyaqil aj Israel, jun kyol ax tu'n tjapun kyu'n; xikytziyatzuntz.⁶Etztzun Esdras toj tja Dyos ex xi' tja Joanan, tk'wal Elyasib', ja exa' qonik'an tu'n, mixti'x wan ex mixti'x k'wan, qu'n intoq b'isun tu'n tpaj kypi'silju' eb'ju'l jumajtl Jerusalen.

⁷Yajxi'tzuntl ex tqanil toj Juda ex Jerusalen, tu'n kyb'u'yinte kyib'ju' eb'ju'l jumajtl.⁸Alkyetzunte min xpon toj toxi'n q'ij, kse'nxju' kyej b'entti'j kyu'n nejenel ex q'ol nab'l, k'elil iq'i'nju' ti'xti' te ex k'elex xlajet kyxolju' eb'ju'l jumajtl.⁹Qu'mtzun kykyaqilju' xjal kyyajajil Juda ex B'enjamin b'aj kyb'u'yi'n kyib' toj Jerusalen toj winqi'n tajlalju' tb'lejoji'n xjaw, mujqa, tej tb'aju' oxe' q'ij. Kykyaqilju' xjal lu eb'ajkub' qe twitzju' tja Dyos, intoq che lu'lun tu'n tpaju' atitoq tu'n tb'inchet ex tu'nju' jb'al intoq kub':¹⁰Kub'tzun we' Esdras, ju' pale, ex tma:
—Mache b'inchan ile' tu'nju' ẍe mjeye' kyuk'i'lju' qya najchaq xjal, iktzu'n xchmeta' kyil aj Israel kyu'ne'.¹¹Qu'mtzun ja'lo, twitzku' Qman Dyos, kyq'onke' kyi'je' qa aye'ye' ati kypaje' ex kyb'inchame' tajb'il Qman Dyos. Kypamilkyib'e' kyi'ju' xjal b'inchal taq'wix ex kyi'ju' kyxu'jile' najchaq xjal, chi Esdras.

¹²Kykyaqiltzu'n xjal jawkyma'n kuw:
—Okyi, kqb'incha'qeye' saj tma'na qeye'.¹³Naq o'kx nim qb'aje', ex lay we'ju' jb'al lwiy; expe' lay qokyaj we'ye' toj b'e, qu'n mya naq te jun q'iju' lu mujqa kab'e' q'ij, qu'n nim qb'aje' xb'inchanteju' il lu.¹⁴Ate b'a'nju' tu'n kykyajtenju' qnejele' tza'lu yolil qi'je', kykyaqiltzu'n najlqe' kyoju' nimaqqtaname' e'mje kyuk'i'lu' qya najchaq xjal b'a'n kyul toj jun q'ij aj kytxkonjtz, k'le'nqe' kyu'n ajb'el toj kawb'il ex ajkawil te ninkytanam, tzmax ajtik' ttx'u'jil Qman Dyos qi'je' tu'n tpaju' lu, chechij.

¹⁵B'a'n ela' toj kywitz kykyaqilju' eb'ju'l jumajtl tu'n kyb'inchante ikju', naq o'kx Jonatan, tk'wal Asael, ex Jaasiy, tk'wal Tikb'a, min kub' toj kywitz, o'ni'nqe' kyu'n Mesulam ex Sab'tay aj Leb'i. Ejawtzun t-sk'o'n Esdras, ju' pale, jte xjal, nejenelqe'toq kyxolu' toj kyja ex aku' okq'onkye, tojtzun tnejel q'ij teju' tlajoji'n xjaw, b'ent jun k'loj kawil kyu'n kykyaqilju' eb'jaw sk'on tu'n tb'aj kyka'yi'n atl junjun b'inchb'en.¹⁷Tojtzu'n tnejel q'ij teju' tnejel xjaw b'je'lpun b'aj tnuk'li kyb'inchb'aju' ichan e'mje kyuk'i'lju' qya najchaq xjal.

¹⁸Aye' pale ja'lu e'elyal mjeb'niqe'toq kyuk'i'l qya najchaq xjal:
Kyxol tyajajil Joswe, a tk'wal Josadak, ex kyxolu' kywitze'l: aye' Maasiy, Elyeser, Jarib' ex Wedaliy,¹⁹kytziya axxi'x tu'n tkub' kypa'n kyib' kyuk'i'lju' kyxu'jil ex tzaj kyiq'i'n jun rit te chojb'il tu'n tpaju' kyil.

²⁰Kyxol tyajajil Imer: aye' Anani ex Seb'adiy.

²¹Kyxol tyajajil Arim: aye' Maaseyiy, Eliy, Semayiy, Jeyel ex Osiy.

²²Kyxol tyajajil Pasur: aye' Elyoenay, Maaseyiy, Ismael, Natanael, Josab'ad ex Elasa.

²³Kyxol kyyajajil aj Leb'i: aye' Josab'ad, Simi, Kyelayiy (mujqa kyelita), Petayiy, Juda ex Elyeser.

²⁴Kyxol aj b'itzal: a Elyasib'.
Kyxol xq'uqil ttzija: aye' Salum, Telem ex Uri.

²⁵Aye'tzu'n txqantl aj Israel ikxtoq te'qe'ju', aye' ja'lu:
Kyxol tyajajil Paros: Ramiy, Jesiy, Malkyiy, Mijamin, Eleasar, Malkyiy ex B'enayiy.

²⁶Kyxol tyajajil Elam: aye' Mataniy, Sakariy, Jeyel, Ab'di, Jeremot ex Eliy.

²⁷Kyxol tyajajil Satu: aye' Elyoenay, Elyasib', Mataniy, Jeremot, Sab'ad ex Asisa.

²⁸Kyxol tyajajil B'eb'ay: aye' Joanan, Ananiy, Sab'ay ex Atlay.

²⁹Kyxol tyajajil B'ani: aye' Mesulam, Maluk, Adayiy, Jasub', Seal ex Ramot.

³⁰Kyxol tyajajil Paat-moab': aye' Adna, Kyelal, B'enayiy, Maaseyiy, Mataniy, B'esalel, B'inuy ex Manases.

³¹Kyxol tyajajil Arim: aye' Elyeser, Isyiy, Malkyiy, Semayiy, Simeon,³²B'enjamin, Maluk ex Semariy.

³³Kyxol tyajajil Asum: aye' matenay, Matata, Sab'ad, Elipelet, Jeremay, Manases ex Simi.

³⁴Kyxol tyajajil B'ani: aye' Maday, Amram, Wel,³⁵B'enayiy, B'ediy, Kyeluu,³⁶B'aniy, Meremot, Elyasib',³⁷Mataniy, Matenay, Jaasay.

³⁸Kyxol tyajajil B'inuy: aye' Simi,³⁹Selemiy, Natan Adayiy,⁴⁰Maknadb'ay, Sasay, Saray,⁴¹Asarel, Selemiy, Semariy,⁴²Salum, Amariy ex Jse.

⁴³Kyxol tyajajil Neb'o: aye' Jeyel, Matatiy, Sab'ad, Seb'ina, Jadaw, Joel ex B'enayiy.

⁴⁴Kykyaqil ja'lu ojetoq che mje kyuk'i'l qya najchaq xjal, ex b'ajkub' kypa'n kyib' kyuk'i'l ex eb'ajx kylipb'a'nju' kyal kyi'j.

Bible Society in Guatemala

https://app.library.bible/content/aea9d9099feb3a24