2 Timoteo1
1Ayine' Pawl, apostl qine' te Jesukrist, tu'n tajb'il Dyos chq'o'n qina'ye' tu'n txi' npakb'a'ne' tyol ex tzaj ttziya'n tu'n kyk'monte xjal chwinqlal tu'n kyokslab'l ti'j Krist Jesus,2nxi' nq'olb'e'na Timotey, tal nky'ajul. Awt Qman Dyos ex Qajaw Krist Jesus tzaj q'onte t-xtalb'il, tlaqb'il tk'u'j ex tnak'b'il teya. Tu'n qq'on tziyb'il ti'j Krist3Kukx ttzaj nna'nju'ya toj nna'j Dyose' q'ijtl ex qonik'an, ex nchin q'on chjonteye' ti'ja te Dyos, janchin ajb'ena'ye' axxi'x tu'n tkyaqil nk'u'je', kse'nx e'ajb'ena' nyajilb'ene' te.4Ajttzaj nna'ne' tej inxi'xntoq oq'a, wajb'ile' tu'n tok nka'yi'na tu'n ntzalaje'.5Qu'n ntzaj nna'ne' axxi'xju' tokslab'la. Tnejel tenju' okslab'l lu toj tanmi Loyda ju' tyaya ex toj tanmi Ewnise ju' ttxuya, ex q'uqli nk'u'je' qa ax atiju' toj tanmiya.6Qu'mtzun nxi' woqxena'ne' teya, q'onk tilila toju' toklena tzaj tq'o'n Dyos tejtkub' nq'o'ne' nq'ob'e' toj twi'ya.7Qu'n mya te xob'elte' xewb'aj xqk'am te Dyos, te ipumaljte', tu'n tten qk'ujlalil kyi'j txqantl ex tu'n tb'ent qanq'in b'a'n twitz Dyos.8Qu'mtzun lalun ch'ixwiya tu'n tyolina b'a'n ti'j Qajaw; ex lalun ch'ixwiya tu'nju' jpu'nqine' tu'n tpaj nchin ajb'ene' te Qajaw. Atipena' tu'n tik'xtu'na tu'n tpaj pakb'ab'lte tpakb'al b'a'n, inpe' tzajku' q'o'n tipumala tu'n Dyos tu'n tik'xtu'na.9Maqo klet tu'n Dyos ex maqo ttxok tu'n qok toju' ttanam xjan, mya tu'nwt qaq'unb'en xqo ttxoka', tu'nte' b'a'n tb'is tk'u'j Dyos ex tu'n t-xtalb'il qi'j tu'nel Jesukrist ttzajlenx t-xetnejel.10Matzaj tyek'u'n Dyos t-xtalb'il qe ja'lo tu'n Jesukrist Klolqe, qu'n makub' t-xitu'n tipumal kamik, ex ma tyek'uju' chwinqlal lay b'aj tu'n tpakb'al b'a'n.11Tzaj tq'o'n Dyos woklene' pakb'alte tpakb'al b'a'n, te chq'o'n ex xnaq'tzal, kye xjal kyoj nimaqtnam.12Tu'ntzunju' nchin yajta'ye'. Ex min nchin ch'ixwiye' toju' yajb'il, qu'n b'i'n wu'ne' ja q'uqla' nk'u'je'; ex q'uqli nk'u'je' ati tipumal tu'n tk'u'nteju' tzaj toqxena'n weye' tzmax ajtjapun tq'ijlalil.13Ljonxa tu'me'l xnaq'tzb'il xinq'o'ne' teya, tz'anq'ina toju' okslab'l tuk'i'lju' tk'u'jlalil tu'n Jesukrist.14Ka'yinxa b'a'n xnaq'tzb'il tzaj toqxena'n Dyos teya, ex k'oninjtzela tu'n Xewb'aj Xjan.15B'i'ntl tu'na, inkyaj leb'a'ne' kyu'n kykyaqilju' ate' toj tx'otx' Asya; aye' jun Pikelo ex Ermokenes kyxol.16Tzajxwit q'aq'an tk'u'j Dyos kyi'ju' toj tja Onesiporo, b'a'npunxi'maj tzaj tq'uqb'a'n nk'u'je' ex min nch'ixwi tu'n jpu'nqine'.17Naqpe' inul toj Rom, okten jyolweye' tzmax nknete' tu'n.18Tzajxwit q'aq'an tk'u'j Qajaw ti'j toju' tq'ijlalil tzul. Kanli twitza onin quk'i'l tej qten Epeso. Jun b'a'n q'ojil te Qajaw1Nky'ajul, kuwsam tib'a toju' t-xtalb'il Dyos tu'n tokslab'la ti'j Jesukrist.2Aju' matxi' tb'iya b'ajx nxnaq'tza'ne' kye nim xjal, q'manxa kye okslal q'uqli kyk'u'jlalil, ju' kb'antel txi' kyxnaq'tza'n kye txqantl.3Tzik'xtu'na toju' yajb'il kse'n jun q'ojil te Qajaw Jesukrist.4Mixti' jun xjal te q'oj ati toj toklen inwt b'aj t-sku'ntltib' toju' taq'un tja, o'kxtzu' tu'n t-ximana'te' ti'ju' nxiq'ma'n te tu'n ati toklen tib'aj.5Ex ikxju' xjal ojqelal, ajtokx kyxol ojqelal, lay b'ent tk'monte oyaj qa min sojqelan kse'nxju' nuk'b'il tib'aju' ojqela'n.6Exju' aq'unal toj kojb'il, ati tu'n taq'unan nejtl tu'n tk'monte twitz taq'unb'en.7Ximana ti'ju' nxinma'ne' teya lu, ex k'oninjtzela tu'n Qajaw tu'n tkane tyaqil toj twitza.8Na'ntza Jesukrist, jaw anq'in kyxol kyimni ex tyajajil nimaqkawil Dab'i, kse'nxju' tpakb'al b'a'n npakb'a'ne'.9Tu'ntzu'n npakb'a'ne' tpakb'al b'a'n nchin yajta'ye', expe' jpu'nqine' toj xpatx'i'n k'uxb'il ku'xi'xtej nim wile'; atzunte' tyol Dyos mya xmo'nte' toj xpatx'i'n k'uxb'il.10Qu'mtzun nik'x tkyaqil yajb'il wu'ne' tu'n kykletju' sk'o'nqe' tu'n Dyos ex tu'n tten kychwinqlal tejumajx tu'n Jesukrist.11Axxi'xte' yol lu:
Qama qokyim tuk'i'l Krist, ex qo anq'il tuk'i'l;12qama tzik'xju' yajb'il qu'n, qo tenb'el toju' tkawb'il; qama kub' qewa'n extzun qojtzqi'n, ex kb'el tewa'n qa ojtzqi'nqo' tu'n;13qatzun min xjapun qokslab'l ti'j Krist, kjapumelte' Krist tyol, qu'n lay kub' ttoqi'nte Krist tyol. Jun b'a'n aq'unal14Na'nxa kye txqantl ex q'manxa kyetwitz Dyos tu'n lalun che wulj. Mixti'te wulje'n tajb'en. A nb'aju' nt-xitu'n kynab'lju' nche b'in.15Q'onk tilila tu'n ttena b'a'n twitz Dyos, kse'n jun aq'unal mixti' tu'n tkub' ch'ixwi, nxi' t-xnaq'tza'n tpakb'al b'a'n axxi'x.16Lalun taq'a anb'il kyeju' yol mixti'x kyajb'en, qu'n aye' nche yolin ikju' nche'xxi'xtl toj il17extzu'n kyxnaq'tzb'il nkub' puqli kse'n jun yab'il nq'ayj kychib'jil xjal tu'n. Ikytzun matxi' kyb'incha Imeney ex Pilet,18mache eltxalpuj ti'ju' ax, nkyma'n qa majx matxi' qo ik' toju' kamik tu'n qten toju' chwinqlal, ex ate'k xitulkye junjun toj kyokslab'l.19Atzunte Dyos oje kub' tq'o'n tq'uqlil ja layx yukchi, tz'ib'a'n yol ti'j kjalu: Tojtzqi'n Dyos alkyeqe'ju' te, ex Kykyaqilju' nche na'nte tb'i Qajaw lalun che b'inchantl il, chij.20Mya tkyaqilju' ti'xti' ati tojun nin ja q'anpwaqqe' ex saqpwaqqe', ex ate' tze ex tx'otx'qe'; ate' junjun tb'anil kyajb'eb'l kyoj q'ij nim kyoklen, atzun txqantl myaxi'x tb'anilqe' nche ajb'en tkyaqil q'ij.21Ikytzun qeju', qama qẍtilsaqib' te il ex te xnaq'tzb'il mya ax, qo okyel se'n jun ti'xti' tb'anil tajb'eb'l, qo ajb'el te Qajaw, b'a'nqo' tu'n tb'inchet tkyaqil b'a'n aq'untl.22Pa'mil tib'a ti'ju' kyachb'il ku'xun, q'onk tilila tnik'alilti'j, okslab'l, tk'u'jlalil ex nak'b'il, junx kyuk'i'lju' nche k'ulun te Qajaw tu'n tkyaqil kyk'u'j.23Lalun taq' anb'ila kye wulje'n mixti'x kynab'l; qu'n naq toj q'oj npona' b'aj.24Jun tmajin Dyos mixti' tu'n tokten q'ojil; atipe' tu'n tok b'a'n xjal kyuk'i'l kykyaqil. B'a'nxi'x tu'n tq'on xnaq'tzb'il; ati tu'n tten tpasens.25Ati tu'n ttzak'una toj me'sb'il kyeju' pi's, qaj xtaq' Dyos anb'il kye tu'n tanjtzti'j kyanmi ex tu'n telkynik' teju' ax,26tu'n tel spiky'e' kyuk'i'l ex tu'n kytzaqpaj toju' xpatxab' jatzyu'na'qe' tu'n tajaw il tu'n kyb'inchante tajb'il. Tqanilju' kyb'incha' xjal toj mankb'il tq'ijlalil1Ex ati tu'n teltnik'a ti'j, tzul nim yajb'il toju' mankb'il tq'ijlalil.2O'kxtzun kb'ajexa' kyk'u'j xjal ti'ju' kyajb'il, o'kx k'okyela'ten kyk'u'j ti'j pwaq, nimal kyib', k'okyel kyq'o'n kyib' nim kyoklen kywitz txqantl. Yasulqe' ti'j Dyos, mib'a'n che b'in kye kyman, mib'a'n che q'on chjonte ex mixti' tchi Dyos kye.3Layx laqjch'i'n kyk'u'j kyi'j xjal, jk'ul yolqe', lay kyjuk' kyib', tx'yanqe' ex ajq'ojqe' ti'j tkyaqil b'a'n.4Che okyel miltz'uj kyi'j kyuk'i'l ex tx'u'j kywi', nimal kyib' ex lay che jyon ti'j Dyos, o'kx kyjya' tajb'il kychib'jil.5K'okyel kyq'o'n kyib' kuxi'xtej okslalqe', atzu'n kyb'inchb'aj mixya okslalqe'.
Lalun tuk'ila tib'a kyuk'i'lju' xjal lu.6Kyuk'i'l qetzun xjal ja'lu aye' nokx kyq'o'n kyib' toj kyja xjal sb'ul kyeju' qya q'o'nkyib' toj il min nkyjk'u'nkyib' tu'n kyachin,7ljo'n kyxnaq'tzan, layxtzun che kane ti'ju' ax.8Kse'n Janes ex Jamb'res e'q'ojin ti'j Moyses, ikyqe'xtzun xjal ja'lu nche q'ojin ti'j pakb'ab'lte ax. Tzkaj kynab'l ex mya okslalqe' te Dyos.9Lay che chmet toju' kyxna'tzb'il, qu'n kykyaqil xjal k'elelkynik' kyi'j qa mixti' kynab'l, ikyqe'xju' se'nqe' kab'e' e'q'ojin ti'j Moyses. B'ajsb'il oqxenb'il te Timotey10Atzunta Timotey, matz'ok lpeya ti'ju' nxinxnaq'tza'ne', ex ti'ju' se'n chin anq'ine', ti'ju' tb'is nk'u'je', ti'ju' wokslab'le', inik'x wu'ne', ati nk'u'je' kyi'j txqantl ex ati nkuwale' tu'n tik'x yajb'il wu'ne',11ex oje yajtiya wuk'i'le' kse'n yajb'il ik'x wu'ne' toj Antyokyiy, Ikonyo es Listra. ¡Ojexi'x chin yajtiye'! Ex ate Qajaw klonweye' tij tkyaqil ja'lu.12Axte', ati tu'n tljonjtz toj kyq'iju' kyajb'il tu'n kyanq'in toj okslab'l ti'j Jesukrist;13aye'tzu'n b'inchal myab'a'n exqe' sb'ul, che b'el b'o'ljxi'xtl toj il, che sb'ul kyi'j xjal ex che b'elsb'u'n kyu'n txqantl.14Atzunta ljonxa toju' matxi' xnaq'tzeta'ya, ex matxi' tz'el tnik'a ti'j. Kanli twitza alkyeqe' e'xi xnaq'tzanteya.15Na'ntza tojtzqiya Xjan Tu'jil atxi'x k'wal toqa, atzun q'olte tnab'lju'ya tu'n tkleta tu'n tokslab'la ti'j Krist Jesus.16Tkyaqilju' tz'ib'a'n toj Xjan Tu'jil a Dyos q'mante ex ati tajb'en te xnaq'tzb'il qe, juk'b'ilqe, tzak'b'il qe ex q'ob'lte qnab'l tu'n qb'inchante tnik'alilti'j,17tu'ntzun b'a'ntl tu'nju' ajb'el te Dyos, b'antnitl tten tu'n, tu'n tb'inchante tkyaqilju' b'a'n.1Kxe'l woqxenine' teya twitz Dyos ex twitz Jesukrist, ju' nimaqkawil tzul toj tajwalil tu'n kyok kykyaqil xjal toj xjel tu'n, e' itz'qe'x exqe' kyimniqe'tl2tu'n txi' tpakb'a'na tpakb'al b'a'n, q'manxa kye xjal qa ati anb'il ex maskye mixti' anb'il teya. Kub'sama ti'j kynab'l, tzak'unqe'xa ex kuwsanqe'xa, lalun siktiya tu'n t-xnaq'tzana kye.3Qu'n kpomel tq'ijlalil mya kyajb'il xjal tu'n kyb'inteju' b'a'n xnaq'tzb'il; a kyajb'ilu' tu'n kyb'inte junxi'tl xnaq'tzb'il, che kyjya' txqantl kyxnaq'tzal tu'n kyq'on xnaq'tzb'il kye axju' kyajb'il tu'n kyb'inte.4Kb'el kyẍkyinsa'n kyib' teju' ax, aju' la'j kxe'l kyb'i'n.5Atzunta tenx tnab'la toj tkyaqil, tzik'xku' yajb'il tu'na, q'onk tilila tu'n tpakb'etju' tpakb'al b'a'n, japunxju' taq'una tu'na.6Naqch'inxtl nkub'yo'nwe' kse'n chojb'il, ch'inxtl tpon kmuj tu'n wik'e' twitz tx'otx'.7Matxi' kub'ti'ju' q'oj wu'ne' tu'n tb'inchet tajb'il Dyos, matxi' japunju wojqeli'ne', machin tene' kukxju' toju' okslab'l.8Tu'ntzunju' machin nimane' te, ati jun oyaj ktzajel tq'o'n Qajaw, Ajkawil tnik'alxi'xti'j, weye' toju' tq'ijlalil tzul. Ex myanaq o'kx weye' ktzajela' tq'o'n, ex ktzajel tq'o'n kye kykyaqilju' nxi'x che ayon te tu'n tkyaqil kyk'u'j ajtul. Chik'b'ab'l tu'n tb'inchante Timotey9Lwix kuttzaja ka'yilweye';10machin kyej tleb'a'ne' Demas, xi' soka' t-xon tk'u'j ti'ju' te twitz tx'otx' ex matxi' Tesalonik. Atzunte Kresent matxi' toj tx'otx' Kalasya, atzun Tito matxi' Dalmasya.11O'kx Lukas ati wuk'i'le'. Jyoma Kuẍ ex k'lentza tuk'i'la, qu'n ati tajb'en tu'n tonin wuk'i'le'.12Matxi nchq'o'ne' Tikyiko toj tnam Epeso.13Ajttzaja, a tzik'a q'ilte npinpa'te' kyej nq'o'ne' tja Karpo toj tnam Troade; exqe' u'j, aye'xi'xpe' wuje' tz'u'n u'j.14Nim taq'wix matxi' tb'incha Ljantr tx'nol k'uxb'il weye'; ate Qajaw kq'olte tu'me'l t-xel te tu'nju' tb'inchb'aj.15Ex ka'yinxtib'a te, qu'n ajq'ojxi'x ti'ju' qpakb'ab'l.16Mix-a'lo'xte jun oninweye' tej txinma'ne' kolb'ilweye' tnejel maj kywitz tzyul kawb'il aj Rom; kykyaqil nkyaj kyleb'ane'. Naqwit lay tz'e'ysa'njtz kywitz tu'n Dyos tu'n tpaju' lu.17Atzunte Qajaw Jesukrist onin wi'je' ex tzaj tq'o'n wipumale' tu'n tb'ent txi' npakb'a'ne' tpakb'al b'a'n te kolb'ilkye xjal min nche niman te Dyos. Ikytzu'n ntkole' Qajaw toj ttzi b'alun,18ex chin tkla'ye' te tkyaqil myab'a'n, chin tkla'ye' ex chin xel tiq'i'ne' toju' tkawb'il toj kya'j. ¡Ajwalinjtzwit tejumajx! Ikxwitju'. Q'olb'eb'l te b'ajsb'il19Q'onxa q'olb'eb'l kye Priska ex Akyila, ex kye toj tja Onesiporo.20Xi'xkyaja' Erast toj Korint, atzun Tropimo yab', makyej nq'o'ne' toj tnam Milet.21Qonk tilila tu'n tula namxku' tetz jb'alil. Nxi' q'olb'e'na kyu'n Ewb'ulo, Pudent, Lino, Klawdyo ex kykyaqilju' okslal.22Awt Qajaw Jesukrist ten tuk'i'la ex tzajxwit tq'o'n Dyos t-xtalb'il kyib'aje' kykyaqile'.
Qama qokyim tuk'i'l Krist, ex qo anq'il tuk'i'l;12qama tzik'xju' yajb'il qu'n, qo tenb'el toju' tkawb'il; qama kub' qewa'n extzun qojtzqi'n, ex kb'el tewa'n qa ojtzqi'nqo' tu'n;13qatzun min xjapun qokslab'l ti'j Krist, kjapumelte' Krist tyol, qu'n lay kub' ttoqi'nte Krist tyol. Jun b'a'n aq'unal14Na'nxa kye txqantl ex q'manxa kyetwitz Dyos tu'n lalun che wulj. Mixti'te wulje'n tajb'en. A nb'aju' nt-xitu'n kynab'lju' nche b'in.15Q'onk tilila tu'n ttena b'a'n twitz Dyos, kse'n jun aq'unal mixti' tu'n tkub' ch'ixwi, nxi' t-xnaq'tza'n tpakb'al b'a'n axxi'x.16Lalun taq'a anb'il kyeju' yol mixti'x kyajb'en, qu'n aye' nche yolin ikju' nche'xxi'xtl toj il17extzu'n kyxnaq'tzb'il nkub' puqli kse'n jun yab'il nq'ayj kychib'jil xjal tu'n. Ikytzun matxi' kyb'incha Imeney ex Pilet,18mache eltxalpuj ti'ju' ax, nkyma'n qa majx matxi' qo ik' toju' kamik tu'n qten toju' chwinqlal, ex ate'k xitulkye junjun toj kyokslab'l.19Atzunte Dyos oje kub' tq'o'n tq'uqlil ja layx yukchi, tz'ib'a'n yol ti'j kjalu: Tojtzqi'n Dyos alkyeqe'ju' te, ex Kykyaqilju' nche na'nte tb'i Qajaw lalun che b'inchantl il, chij.20Mya tkyaqilju' ti'xti' ati tojun nin ja q'anpwaqqe' ex saqpwaqqe', ex ate' tze ex tx'otx'qe'; ate' junjun tb'anil kyajb'eb'l kyoj q'ij nim kyoklen, atzun txqantl myaxi'x tb'anilqe' nche ajb'en tkyaqil q'ij.21Ikytzun qeju', qama qẍtilsaqib' te il ex te xnaq'tzb'il mya ax, qo okyel se'n jun ti'xti' tb'anil tajb'eb'l, qo ajb'el te Qajaw, b'a'nqo' tu'n tb'inchet tkyaqil b'a'n aq'untl.22Pa'mil tib'a ti'ju' kyachb'il ku'xun, q'onk tilila tnik'alilti'j, okslab'l, tk'u'jlalil ex nak'b'il, junx kyuk'i'lju' nche k'ulun te Qajaw tu'n tkyaqil kyk'u'j.23Lalun taq' anb'ila kye wulje'n mixti'x kynab'l; qu'n naq toj q'oj npona' b'aj.24Jun tmajin Dyos mixti' tu'n tokten q'ojil; atipe' tu'n tok b'a'n xjal kyuk'i'l kykyaqil. B'a'nxi'x tu'n tq'on xnaq'tzb'il; ati tu'n tten tpasens.25Ati tu'n ttzak'una toj me'sb'il kyeju' pi's, qaj xtaq' Dyos anb'il kye tu'n tanjtzti'j kyanmi ex tu'n telkynik' teju' ax,26tu'n tel spiky'e' kyuk'i'l ex tu'n kytzaqpaj toju' xpatxab' jatzyu'na'qe' tu'n tajaw il tu'n kyb'inchante tajb'il. Tqanilju' kyb'incha' xjal toj mankb'il tq'ijlalil1Ex ati tu'n teltnik'a ti'j, tzul nim yajb'il toju' mankb'il tq'ijlalil.2O'kxtzun kb'ajexa' kyk'u'j xjal ti'ju' kyajb'il, o'kx k'okyela'ten kyk'u'j ti'j pwaq, nimal kyib', k'okyel kyq'o'n kyib' nim kyoklen kywitz txqantl. Yasulqe' ti'j Dyos, mib'a'n che b'in kye kyman, mib'a'n che q'on chjonte ex mixti' tchi Dyos kye.3Layx laqjch'i'n kyk'u'j kyi'j xjal, jk'ul yolqe', lay kyjuk' kyib', tx'yanqe' ex ajq'ojqe' ti'j tkyaqil b'a'n.4Che okyel miltz'uj kyi'j kyuk'i'l ex tx'u'j kywi', nimal kyib' ex lay che jyon ti'j Dyos, o'kx kyjya' tajb'il kychib'jil.5K'okyel kyq'o'n kyib' kuxi'xtej okslalqe', atzu'n kyb'inchb'aj mixya okslalqe'.
Lalun tuk'ila tib'a kyuk'i'lju' xjal lu.6Kyuk'i'l qetzun xjal ja'lu aye' nokx kyq'o'n kyib' toj kyja xjal sb'ul kyeju' qya q'o'nkyib' toj il min nkyjk'u'nkyib' tu'n kyachin,7ljo'n kyxnaq'tzan, layxtzun che kane ti'ju' ax.8Kse'n Janes ex Jamb'res e'q'ojin ti'j Moyses, ikyqe'xtzun xjal ja'lu nche q'ojin ti'j pakb'ab'lte ax. Tzkaj kynab'l ex mya okslalqe' te Dyos.9Lay che chmet toju' kyxna'tzb'il, qu'n kykyaqil xjal k'elelkynik' kyi'j qa mixti' kynab'l, ikyqe'xju' se'nqe' kab'e' e'q'ojin ti'j Moyses. B'ajsb'il oqxenb'il te Timotey10Atzunta Timotey, matz'ok lpeya ti'ju' nxinxnaq'tza'ne', ex ti'ju' se'n chin anq'ine', ti'ju' tb'is nk'u'je', ti'ju' wokslab'le', inik'x wu'ne', ati nk'u'je' kyi'j txqantl ex ati nkuwale' tu'n tik'x yajb'il wu'ne',11ex oje yajtiya wuk'i'le' kse'n yajb'il ik'x wu'ne' toj Antyokyiy, Ikonyo es Listra. ¡Ojexi'x chin yajtiye'! Ex ate Qajaw klonweye' tij tkyaqil ja'lu.12Axte', ati tu'n tljonjtz toj kyq'iju' kyajb'il tu'n kyanq'in toj okslab'l ti'j Jesukrist;13aye'tzu'n b'inchal myab'a'n exqe' sb'ul, che b'el b'o'ljxi'xtl toj il, che sb'ul kyi'j xjal ex che b'elsb'u'n kyu'n txqantl.14Atzunta ljonxa toju' matxi' xnaq'tzeta'ya, ex matxi' tz'el tnik'a ti'j. Kanli twitza alkyeqe' e'xi xnaq'tzanteya.15Na'ntza tojtzqiya Xjan Tu'jil atxi'x k'wal toqa, atzun q'olte tnab'lju'ya tu'n tkleta tu'n tokslab'la ti'j Krist Jesus.16Tkyaqilju' tz'ib'a'n toj Xjan Tu'jil a Dyos q'mante ex ati tajb'en te xnaq'tzb'il qe, juk'b'ilqe, tzak'b'il qe ex q'ob'lte qnab'l tu'n qb'inchante tnik'alilti'j,17tu'ntzun b'a'ntl tu'nju' ajb'el te Dyos, b'antnitl tten tu'n, tu'n tb'inchante tkyaqilju' b'a'n.1Kxe'l woqxenine' teya twitz Dyos ex twitz Jesukrist, ju' nimaqkawil tzul toj tajwalil tu'n kyok kykyaqil xjal toj xjel tu'n, e' itz'qe'x exqe' kyimniqe'tl2tu'n txi' tpakb'a'na tpakb'al b'a'n, q'manxa kye xjal qa ati anb'il ex maskye mixti' anb'il teya. Kub'sama ti'j kynab'l, tzak'unqe'xa ex kuwsanqe'xa, lalun siktiya tu'n t-xnaq'tzana kye.3Qu'n kpomel tq'ijlalil mya kyajb'il xjal tu'n kyb'inteju' b'a'n xnaq'tzb'il; a kyajb'ilu' tu'n kyb'inte junxi'tl xnaq'tzb'il, che kyjya' txqantl kyxnaq'tzal tu'n kyq'on xnaq'tzb'il kye axju' kyajb'il tu'n kyb'inte.4Kb'el kyẍkyinsa'n kyib' teju' ax, aju' la'j kxe'l kyb'i'n.5Atzunta tenx tnab'la toj tkyaqil, tzik'xku' yajb'il tu'na, q'onk tilila tu'n tpakb'etju' tpakb'al b'a'n, japunxju' taq'una tu'na.6Naqch'inxtl nkub'yo'nwe' kse'n chojb'il, ch'inxtl tpon kmuj tu'n wik'e' twitz tx'otx'.7Matxi' kub'ti'ju' q'oj wu'ne' tu'n tb'inchet tajb'il Dyos, matxi' japunju wojqeli'ne', machin tene' kukxju' toju' okslab'l.8Tu'ntzunju' machin nimane' te, ati jun oyaj ktzajel tq'o'n Qajaw, Ajkawil tnik'alxi'xti'j, weye' toju' tq'ijlalil tzul. Ex myanaq o'kx weye' ktzajela' tq'o'n, ex ktzajel tq'o'n kye kykyaqilju' nxi'x che ayon te tu'n tkyaqil kyk'u'j ajtul. Chik'b'ab'l tu'n tb'inchante Timotey9Lwix kuttzaja ka'yilweye';10machin kyej tleb'a'ne' Demas, xi' soka' t-xon tk'u'j ti'ju' te twitz tx'otx' ex matxi' Tesalonik. Atzunte Kresent matxi' toj tx'otx' Kalasya, atzun Tito matxi' Dalmasya.11O'kx Lukas ati wuk'i'le'. Jyoma Kuẍ ex k'lentza tuk'i'la, qu'n ati tajb'en tu'n tonin wuk'i'le'.12Matxi nchq'o'ne' Tikyiko toj tnam Epeso.13Ajttzaja, a tzik'a q'ilte npinpa'te' kyej nq'o'ne' tja Karpo toj tnam Troade; exqe' u'j, aye'xi'xpe' wuje' tz'u'n u'j.14Nim taq'wix matxi' tb'incha Ljantr tx'nol k'uxb'il weye'; ate Qajaw kq'olte tu'me'l t-xel te tu'nju' tb'inchb'aj.15Ex ka'yinxtib'a te, qu'n ajq'ojxi'x ti'ju' qpakb'ab'l.16Mix-a'lo'xte jun oninweye' tej txinma'ne' kolb'ilweye' tnejel maj kywitz tzyul kawb'il aj Rom; kykyaqil nkyaj kyleb'ane'. Naqwit lay tz'e'ysa'njtz kywitz tu'n Dyos tu'n tpaju' lu.17Atzunte Qajaw Jesukrist onin wi'je' ex tzaj tq'o'n wipumale' tu'n tb'ent txi' npakb'a'ne' tpakb'al b'a'n te kolb'ilkye xjal min nche niman te Dyos. Ikytzu'n ntkole' Qajaw toj ttzi b'alun,18ex chin tkla'ye' te tkyaqil myab'a'n, chin tkla'ye' ex chin xel tiq'i'ne' toju' tkawb'il toj kya'j. ¡Ajwalinjtzwit tejumajx! Ikxwitju'. Q'olb'eb'l te b'ajsb'il19Q'onxa q'olb'eb'l kye Priska ex Akyila, ex kye toj tja Onesiporo.20Xi'xkyaja' Erast toj Korint, atzun Tropimo yab', makyej nq'o'ne' toj tnam Milet.21Qonk tilila tu'n tula namxku' tetz jb'alil. Nxi' q'olb'e'na kyu'n Ewb'ulo, Pudent, Lino, Klawdyo ex kykyaqilju' okslal.22Awt Qajaw Jesukrist ten tuk'i'la ex tzajxwit tq'o'n Dyos t-xtalb'il kyib'aje' kykyaqile'.
Bible Society in Guatemala