1 Tesalonisenses1
1Ayine' Pawl tuk'i'l Silb'ano ex Timotey, nche'x qq'olb'e'ne' okslalqe'ye' te Qman Dyos ex te Qajaw Jesukrist, ate' toju' nintnam Tesalonik. Awt t-xtalb'il Qman Dyos ex tnak'b'il ten kyib'aje'. Okju' kyokslab'l aj Tesalonik te yek'b'il kye txqantl2Nxi' qq'o'ne' chjonte te Dyos kukxju' kyi'je' kkyaqile', ex nche'x qoqxena'ne' toj qna'j Dyose'.3Ntzaj qna'ne' taq'unb'en kyokslab'le' kukxju', tu'nju' kyk'u'jlalile' ex tu'n in ik'xkyu'ne' tu'nju' q'uqli kk'u'je' ti'j Qajaw Jesukrist twitz Qman Dyos.4E'ntzik ex e'witz'in, k'u'jla'n qe'ye' tu'n Dyos, b'i'n qu'ne' ate jaw sk'on kyeye'.5Qu'n tej txi' qma'ne' tpakb'al b'a'n kyeye', mya naqx tu'n yol, ex xiqyek'u'ne' tipumal Dyos ati quk'i'le' exju' ntb'incha'n Xewb'aj Xjan, tuk'i'l nim t-xtalb'il Dyos. Kanli kwitze' se'n o'anq'ina'ye' kxole', oktililu' tnik'alilti'j qu'ne' tejun b'a'n kyeye'.6Aye'tzunkye', el kykno'ne' qi'je' ex exilpeye' ti'j Qajaw, ex kk'ame' tpakb'al b'a'n tuk'i'l tzalajb'il ntzaj tq'o'n Xewb'aj Xjan kyeye' toju' yajb'il kyi'je'.7Ikytzu'n e'oka'ye' te jun yek'b'il kye kkyaqil okslal kyoju' tx'otx' Masedon ex Akaya.8Ma tzyet-x kyu'ne', matxi' t-xim len tqanilju' tyol Qajaw, mya o'kx kyoj Masedon ex Akaya, ex ikx toj tkyaqil plaj, matxi' b'injtz tqanil kyokslab'le' ti'j Dyos, min nojqelantl tu'n txiqma'ne'.9Aye'xpekye nche q'mante qa o'kk'ame' b'a'n ex b'aj kyej kkolb'e'ne' witzleb'il ex antzkyi'je' tuk'i'l Qman Dyos itz' ex axxi'x, tu'n kyajb'ene' te10ex nche ayone' tu'n tanjtztlti'j Jesus toj kya'j, ju' Tk'wal Dyos, jaw anq'in tu'n Dyos. Ate Jesus klolqe teju' tz'e'ysb'il witzb'aj xob'ajilx tzul. Taq'un Pawl toj Tesalonik1Kanli kywitze' b'a'nxi'x, e'ntzik ex e'witz'in, qa ajb'enju' tej qpone' xb'etzalkyeye'.2Kanlipena' kwitze' eb'jo'k tzaqpaj xjal qi'je' ex ob'aj i'li'ne' tnejel toj Pilipo, ex tzaj tq'o'n Dyos qipumale' tu'n txiqpakb'a'ne' tpakb'al b'a'n kyeye' tuk'i'l qkuwale'.3Qu'n atoqju' ax nxi' qpakb'a'ne' kyeye', myatoq taq'wix qyole' nxiqma'ne' ex mix-a'lo' jun kub' qsb'u'ne'.4Ik'ni pena' twitz Dyos qi'je' ex tzaj tq'o'n qeye' tu'n txiqma'ne' tpakb'al b'a'n, qu'mtzun nxi' qpakb'a'ne'. A noktilil qu'n aju' b'a'n toj twitz Dyos, myaju' b'a'n toj kwitz xjal, qu'n nik' twitz Dyos tiju' toj qanmi.5B'i'ntl kyu'ne', b'ajx txa'qma'nqe' tb'anil yol kyeye', ex b'ajx che kub'a' qsb'u'ne' naqxwit tu'n ttzaj kq'o'ne' pwaq qeye'. Tojtzqi'n Dyos ja'lu.6Mya nqjyo'ne' tu'n qjaw nima'ne': kyu'ne' mujqa kyu'n txqantl.7Maskyepe' ati qoklene' tu'n qjaw knima'ne', chq'o'n qona'qe' tu'n Krist, ok qq'o'n qib'e' te k'wal kxole'. Kse'n jun txub'aj nche tch'isa'n ex nche'x tka'yi'n talku'xi'x.8Ex atixi'x qk'u'je' kyi'je', mya o'kx tu'ntoq txiqpakb'a'ne' tpakb'al b'a'n tu'n Dyos kyeye', ex jaku'toq qaq' qib'e' tu'n qkyime' naqkyu'nele'. ¡Inxi'x qo tzalaje' kyi'je'!9E'ntzik ex e'witz'in, na'n kyu'ne' inxi'xtoq qo aq'unane' ex oktilil qu'ne' tu'n tkanb'et telex qq'ije'. Intoq xiqma'ne' tyol Dyos kyeye' ex intoq qo aq'unane' q'ijtl ex qonik'an, tu'ntoq lalun qo okye' te iqtz kyeye'.10Kanlixi'x kwitze', ex ojtzqi'n tu'n Dyos, b'a'n qb'inchaye', toj ttzinunal ex mixti' jun myab'a'n qb'inchaye' kxole' okslalqe'ye'.11Ex kanli kwitze' e'xiqkuwsa'ne' ex xiqq'uqb'a'ne' kk'u'je', kse'n ntb'incha'n jun manb'aj kye tk'wal.12Xiqoqxe'na'ne' kyeye' tu'n kyanq'ine' kse'nx teku'xi'x Dyos qe'ye', aye' oje che txkonjtz tu'n tten kyoklen toju' tkawb'il ex toj tajwalil.13Tu'ntzunju' nqo q'on chjonteye' te Dyos kukxju', qu'n tej txiqpakb'a'ne' tyol Dyos kyeye', min kymaye' qa tyol xjal, kyk'ame' tyol ku'xi'x Dyos. Axtzunj ate tyol Dyosju', ntq'o'n twitzlalil toj kychwinqlale' aye'ye' matxi' kyokslaye'.14Tej kyajtiye' toj kq'ob' kwnaqile', e'ntzik ex e'witz'in, ax b'aju' kyi'je' kse'n b'aj kyi'ju' okslal te Dyos te Krist qe' toj Juda, qu'n ikxkye ljonjtz toj kq'ij kyu'n kywnaqil aj Juda.15Aye' aj Juda na'j kub' kyb'yo'n Qajaw Jesus, kse'nx tnejel eb'aj kub' kyb'yo'n t-sanjelal Dyos, ex o'etz kxla'ja'ne' kxol. Min nkb'incha'n b'a'n twitz Dyos ex ajq'ojqe' ti'j tkyaqil.16Min nkjo'n tu'n txiqma'ne' tyol Dyos kye mya aj Juda tu'n kklet. Iktzu'n nkchmo'na'xi'xtl kyil. Tu'ntzun tpaj ja'lu tzul tz'e'ysb'il kwitz kuwxi'x tu'n Dyos. Tajb'il Pawl tu'n txi'tl xb'etzalkye okslal aj Tesalonik17E'ntzik ex e'witz'in, tej qik'b'ete' kxole', maskye min nokqka'yi'ntl qwitz, na'nqe'ye' qu'ne' toj qanmiye' kukxju' ex qajb'ilxi'xtoqe' tu'n qpontle' ka'yilkyeye'.18Oxi'toqtzune'; expe' ayine' Pawl, b'a'npunxi'maj intoq chinxe', atzu'n tajaw il nqo tmqo'ne'.19Qu'n ¿altzun qi'j tu'n tqe qk'u'je' ex tu'n qtzalaja'ye' twitz Qajaw Jesus ajtul? ¿Ma myatzun kyi'je' qo tzalajela'ye' tu'n qaq'unb'ene' twitz Qajaw?20Kyi'je' qo nimanjtzela'ye' ex qo tzalajela'ye'.1Mixtzunti' ik'xtl qu'ne' tu'n tex txqantl tq'ijlalil, kub' qxima'ne' tu'n qkyaje' o'kxtzu' toj Atenas2ex tu'n txi' qchq'o'ne' qitz'in Timotey, tmajin Dyos ex onil quk'i'le' tu'n tpakb'et tpakb'al b'a'n tu'n Krist. Xiqchq'o'ne' onilkyeye' ex kuwsal kyeye' toj kyokslab'le',3tu'ntzun mix-a'lo' kub' chukji kyu'n yajb'ilkyeye' lu. Kanli kwitze' ilxi'xti'j tu'n kyik'xju' yajb'il lu qu'n.4Expe' tej ato'xtoqe' kxole', xiqab'tzi'ne' kyeye' qa atitoq tu'n kyi'kxu' yajb'il lu qu'n; kanli kwitze' ikxtzun ik'a'ju'.5Qu'mtzun, ayine', min ik'xtl wu'ne' tu'n tex txqantl tq'ijlalil, xinqani'n tpakb'ale' se'ntoq ta'qeye' toj kyokslab'le', nchin xob'e' qaj nche okku'ye' toj joyb'ilkyi'je' tu'n tajaw il ex jaku' naq kub' naju' qaq'unb'ene'.6Atzu'n ja'lo matxi' tza'ntzti'j Timotey Tesalonik, ex matzul tiq'i'n b'a'n tqanil ti'ju' kyokslab'le' ex kk'u'jlalile'. Matzul tma'n qa nqo tzaj kna'ne' tuk'i'l kk'u'jlalile', ex kyajb'ilxi'xe' tu'n qok kka'yi'ntle' kse'nxqe' qajb'ile' tu'n kyok qka'yi'ntle'.7Qu'mtzun e'ntzik ex e'witz'in, toj tkyaqilju' yajb'ilqeye' ex qb'ise', maqe qk'u'je' b'a'nxi'x tej xqb'inteye' ljo'n kyu'ne' wa'lqe'ye' toj kyokslab'le'.8Matentl qipumale' tej qb'inteye' wa'lqe'ye' toj kyokslab'le'.9¿Se'n tu'me'l jun aq'b'il chjonte tu'n qq'onteye' te Dyos kyi'je' ex tu'nju' ma'xi'x qo tzalaje' twitz Dyos?10Nxi' qqani'ne' te Dyos q'ijtl ex qonik'an tu'n tq'onte anb'il qeye' tu'n kyok ku'xi'x qka'yi'ne' ex tu'n qonine' tu'n tqexi'x kk'u'je' toj kyokslab'le'.11Axwit Qman Dyos ex Qajaw Jesus tz'onin qeye' tu'n tb'ant qxi'ye' ka'yilkyeye'.12Ex che ch'iyxwite' tu'n Qajaw ex tenxwitl kk'u'jlalile' kxolilexe' ex kyi'j kkyaqil, kse'nqe' nche qk'u'jla'ne'.13Awt Qajaw kuwsan kyeye', tenxwit kyanmiye' ẍtilun ex mixti' ktz'ilile' twitz Qman Dyos ajtultl Qajaw Jesus kyuk'i'l kkyaqilju' ttanam xjan. Ikxwitju'. Qo anq'in b'a'n twitz Dyos1Ja'lotzun e'ntzik ex e'witz'in, nxiqkub'sa'ne' ex nxiqma'ne' kyeye' toj tb'i Qajaw Jesus: tu'n kych'iyxi'xtle' atl junjun q'ij toju' che anq'ine' kse'nxju' xnaq'tzb'il xiqq'o'ne' kyeye', tu'n ttzalaj Dyos kyi'je'.2Kyojtzqi'ne' xnaq'tzb'il xiqq'o'ne' kyeye' tu'nju' qoklene' tzaj tq'o'n Qajaw Jesukrist.3Ate Dyos tajb'il tu'n ktene' b'a'n kychwinqlale', mix-a'lo' jun tu'n tajpajin4teyile junjunkye' tu'n tten t-xu'jil ex tu'n tkub' tnima'n,5ati tu'n tjk'u'ntetib', tu'n lalun tb'incha tajb'il tchib'jil kse'n nkb'incha'n xjal min kyojtzqi'n Dyos.6Lalun kb'inchaye' taq'wix ex mix-a'lo' tu'n tkub' ksb'u'ne', intzaj tq'o'n Qajaw tz'e'ysb'il witzb'aj kuwxi'x tu'n tpaj ja'lu.7Min xqo ttxok Dyos tu'n qten toj tz'il, maqo ttxok tu'n qten toj ẍtilun.8Qu'mtzun, alkyete matz'el ik'onte xnaq'tzb'il lu, mya xjal neltik'u'n, aku' Dyos saj q'onte Xewb'aj Xjan kyeye' nel tik'u'n.9Atzu'n ti'ju' tk'u'jlalil kxolilexe', min nojqelan tu'n txi' qtz'ib'a'ntle' kyeye', qu'n aku'te Dyos matxi' xnaq'tzan kyeye' tu'n kk'u'jlante kyib'e' jun te juntl.10Matxina' kb'inchaye' kyuk'i'lju' okslal najlqe' toj tkyaqil Masedon. Intzun xi'qma'ntle' kyeye' ntzik ex e'witz'in, tu'n ttenxi'xtl kk'u'jlalile'.11Kyq'onk tilile' tu'n kyanq'ine' toj nak'b'il, che aq'unanqe'ye' ti'j kyaq'une' ex che aq'unanqe'ye' tu'n kq'ob'e' se'nx oje txiqma'ne' kyeye',12tu'ntzun knimanjtze' kyu'n mya okslalqe', ex tu'n tkanun jni' ati tajb'en kyeye'. Se'n tzula'tl Qajaw13E'ntzik ex e'witz'in, min qajb'ile' mixwitti'x b'i'n kyu'ne' ti'nb'ajkyeju' kyimni, tu'n lalun che b'isune' se'nqe' xjal min q'uqli kk'u'j ti'j Dyos.14Nqoksla'nqe qa kyim Jesus ex jaw anq'intl, ex inqoksla'n qa che jawil anq'in kyimni okslalqe' te Dyos, junx tuk'i'l Jesus tu'n Dyos.15Qu'mtzun nxiqma'ne' kyeye', se'nxju' xnaq'tzb'il tu'n Qajaw, o'yo' itz'qo'x ajtul jumajtl Qajaw, lay qo'x nej kwitzju' oje che kyim.16Qu'n kb'injtzel jun ktzajel yolin tuk'i'l chaq'b'il, jun knejel anjl ktzajel yolin ex ktzajel q'ajti tchun Dyos, ex kb'eletzku' Qajaw toj kya'j. Aye'tzu'n oje che kyim okslalqe' ti'j Krist, nej che jawil anq'in;17yajxi'tzuntl qo jawil q'i'n ayo' itz'qo'x, junx kyuk'i'l toj muj, tu'n qk'lunte qib' tuk'i'l Qajaw toj kyq'iq'; qotenb'eltzuntz tuk'i'l Qajaw tejumajx.18Kkuwsamtzun kyib'e', junjun te junjuntl kyu'nju' yol lu.1Atzu'n kyi'ju' tajlal xjaw mo ajtponju' tq'ijlalil, min nojqelan tu'n txi ntz'ib'a'ne' kyeye' e'ntzik ex e'witz'in.2Kanlixi'xkye' kwitz, mixti'te qnab'en ajtul jumajtl Qajaw, kse'n ajtul jun eleq' qonik'an.3Ajkymante xjal: Nak'b'il tkyaqil ex mixti'te nb'aj, chechi, naqtzun mixknab'en ajttzaju' xitb'il kyib'aj, kse'n ajttzaj k'ixk'oj ajtitz'ji tal jun qya; ex lay b'ent ktzaqpaj.4Aye'tzunkye' e'ntzik ex e'witz'in, min takliqe'ye' toj qlolj, tu'nwt kjaw sak'puje' ajtul jumajtl Qajaw kse'n ajtul jun eleq'.5Kkyaqile' nche anq'ine' toj spik'un ex te q'ijtl. Mya te qonik'anqo' ex mya toj qlolj ta'qo';6qu'mtzun lalun qo wtan kse'nqe' txqantl, qoqe' xq'uqin ex qo anq'in b'a'n.7Aye'kye' nche wtan, qonik'an nche wtan, exqe' nche tx'ojt, qonik'an nche tx'ojt;8ayo'tzunqe' nqo anq'in te qi'jtl, ati tu'n txi' qka'yi'n qib' toj qchwinqlal. Ati tu'n qktxunte qib', kse'n tok jun qkton k'uxb'il, tu'n qokslab'l ex qk'u'jlalil, ex ku'wtloj tokx k'uxb'il k'o'ẍ toj qwi' te kolb'ilqe te il.9Qu'n min o'ttxok Dyos tu'n tkub' ttz'e'ysa'n qwitz, o'ttxok tu'n qklet tu'n Qajaw Jesukrist.10Kyim Jesukrist tu'n qpaj, tu'n qanq'in junx tuk'i'l, qa itz'qo'x mujqa kyimniqo'tl ajtul.11Qu'mtzun, kkuwsam kyib'e' ex kyonim kyib'e' tu'n kych'iye', kse'nx nkb'incha'ntle'. Ntq'o'n Pawl knab'l okslal12Nqo kub'sane' kyeye' ntzik ex e'witz'in, tu'n kynimane' kyeju' nche aq'unan kyxole', nejenelqe' kyxole' ex nq'onjtz kynab'le' kyu'n.13B'a'nku' kyilwi kyu'ne' ex che kk'u'jlame' tu'nju kyaq'un nkb'incha'n. Che anq'inqe'ye' toj nak'b'il kxolilexe'.14Ex nxiqoqxena'ne' kyeye' ntzik ex e'witz'in, tu'n kxi ktzak'u'ne' min nche aq'unan, kyipumalinqe'xe' nche xob', kq'uqb'anxe' kk'u'ju' na'mx tqexi'x kk'u'j ex tenx kpasense' kyi'j kkyaqil.15B'a'nqe'xe', lalun kyaq'e' tu'me'l t-xel taq'wix te juntl qama tb'incha jun taq'wix kyeye'. Kyq'onkpe'kye' tilil tu'n kyb'inchanteye' b'a'n, kyxolilexe' ex kye kykyaqil xjal.16Che tzalajxe' kukxju'.17Lalun qen kyna'n Dyose'.18Kyq'onx chjonteye' te Dyos toj tkyaqil, qu'n atzun tajb'il Dyosju' kyeye' okslalqe'ye' te Jesukrist.19Lalun kyupiye' Xewb'aj Xjan.20Lalun che b'je'l kyik'o'ne' pakb'ab'l.21Tzik' kywitze' ti'j tkyaqil ex kytzyume' o'kxju' b'a'n.22Kyik'umile' tkyaqil taq'wix.23Axwit Dyos te nak'b'il, xjansankyeye' b'a'nxi'x, awt k'u'nte kyamiye' ex kyxmilale' jumajx, tu'ntzun mixti' jun taq'wix kyi'je' ajtul Qajaw Jesukrist.24Axxi'x te Dyos yolin aj txkonkyeye', ex kjapumel tkyaqil ja'lu tu'n. B'ajsb'il yol ex q'olb'eb'l tu'n Pawl25Ex che na'nqe Dyose' qi'je' ntzik ex e'witz'in.26Che kyq'olb'enqe'xe' kykyaqil okslal tuk'i'l jun xjan ma'tz.27Nxi' nkub'sa'ne' kyeye' tu'nju' woklene' tzaj tq'o'n Qajaw, kyẍch'inktze' u'j lu kye kykyaqil okslal.28Awt Qajaw Jesukrist tzaj k'iwlankyeye'.
Bible Society in Guatemala