1 Pedro1
1Ayine' Luch, apostl qine' te Jesukrist, nche'x nq'olb'e'ne' b'je'xniqe'ye' ti'jxi' qtx'otx', xiniqe' sputje' najal kyoj tx'otx' Ponto, Kalasya, Kapadosya, Asya ex B'itinya,2sk'o'nqe'tle' tu'n Qman Dyos t-xetnejel kse'nxju' tb'is tk'u'j. Xjansa'n qe'ye' tu'n Xewb'aj Xjan tu'n kynimane' te Dyos ex tu'n kytx'jete' tu'n tchk'el Jesukrist. Kyk'amxwite' nin t-xtalb'il Dyos ex tnak'b'il. Q'uqb'ab'l qk'u'j lay b'aj3Qajwalinktz Qman Dyos Manb'aj te Qajaw Jesukrist, ma'xi'x tzaj laqj tk'u'j qi'j, maqo tch'exb'e tu'nelju' jawtz anq'in Jesukrist. Matzaj tq'uqb'a'n qk'u'j kukxju',4ex ktzajel tq'o'n Dyos tziya'ntl tu'n qe, k'u'n tu'n toj kya'j, aju' lay kub' xitj, lay b'aj txa'j, ex lay kub' tzqij.5Tu'nju' ati kyokslab'le' ti'j Dyos, klo'n qe'ye' tu'n tipumal tu'n kykanb'anteye' kolb'il atitl tu'n Dyos, aju' ktzajel tyek'u'n toj b'ajsb'il q'ij.6Qu'mtzun inxi'x che tzalaje', maskye mache ik'e' toj ninyajb'il toj jte' q'ij qa nnojqelan.7Qu'n iky kyokslab'l ju'ye' kse'n q'anpwaq: k'ik'el twitzlalil toj q'aq' qa tb'anil. Tb'anilxi'xte' kyokslab'le' kyetwitz q'anpwaq qama tzik'xkyu'ne' toj yajb'il, qu'n okpe' b'ajelte' q'anpwaq. Ajtik' twitzlalil kyokslab'le', kjawil ajwali'n, knimanjtzel ex k'okyel q'o'n toklen ajtul Jesukrist.8Maskye na'mx tok kyka'yi'ne' Jesukrist, in kyk'u'jla'ne' ex inkyoksla'ne' ja'lo, atixi'x kytzalajb'ile' ti'j tb'anilxi'x min nb'ent kymanteye',9qu'n xi' tkanb'etju' kolb'il tu'n kyokslab'le'.10B'aj kyxnaq'tza'n t-sanjelal Dyos ojtxi' ex b'aj kyjyo'nxi'x tnab'lju' kolb'il lu, ex e'yolin ti'ju' ktzajel tq'o'n Dyos kyeye' tu'n t-xtalb'il.11Intoq tzaj tyek'u'npun Xewb'aj Xjan kye t-sanjelal Dyos ojtxi' qa ati tu'n tyajti Krist exju' tajwalil tzultoq yajxi'tl; intoq oktilil kyu'n tu'n telkynik' ti'j alkyetoq Krist ex jtoj tu'n tul.12Atzunte Dyos tzaj tyek'u'n kye qa aju' ntoq kypakb'a'n myatoq kye, te jun b'a'nte' kyeye'. Atzunte matxi' q'manjtzju' kyeye' ja'lo kyu'nxju' e'pakb'ante tpakb'al b'a'n tu'n tipumal Xewb'aj Xjan tzaj chq'o'n toj kya'j. ¡Ex kyajb'ilju' anjl tu'n tok kyka'yi'n ti'xti' lu! Maqo txkonjtz tu'n qanq'in b'a'n13Qu'mtzun, b'a'nqe'xe' ex che ximane' b'a'nxi'x titi' kxel kyb'incha'ne'. Qek kyk'u'je' axxi'x qa ktzajel tq'o'n Dyos tu'n t-xtalb'il kyeye' ajtul Jesukrist.14Che oke' se'n k'walb'aj b'a'n b'in, lalun che anq'ine' kse'nx kyajb'ile' tej na'mxtoq telkynik'e' te Dyos.15Majxpe' kypa'milkye' kyib' ti'j il ex lalun txikyb'incha'ntle', qu'n xjante' Dyos xtxkonkyeye',16qu'n intma'n toj Tu'jil kjalu: Che okkye' xjan, qu'n xjan qinwe', chij.17Qankyma'ne': Taye te Dyos, ju' nche ok kykyaqil xjal toj xjel tu'n, ati tu'n kyyek'u'nteye' ninb'ilte toj tkyaqil kychwinqlale' twitz tx'otx'.18Matxi' che kolpete' tu'n Dyos toju' kychwinqlale' mixti'x tajb'en kyk'ame' kye ojtxi' kychmane'; mya kyu'n ti'xti' nche b'aj, kse'n q'anpwaq mo saqpwaq,19tu'nte' tchk'el Krist xa'wanku'xi'x, kub' q'o'n te chojb'il kse'n jun qpoj tman rit mixti' ttzakajil ex ẍtilun.20Xima'ntltoq tu'n Dyos atxi'x na'mxtoq tkub' tb'incha'n twitz tx'otx' tu'n tyajti Krist, ex matzul toju' mankb'il tq'ijlalil ja'lo te jun b'a'n kyeye'.21Mache okslane' te Dyos tu'nel Krist, aju' jaw anq'in tu'n Dyos ex jaw tajwali'n; qu'mtzun tok kyokslab'le' ti'j Dyos ja'lo ex q'uqli kyk'u'je' ti'j.22Tu'ntzu'n nxi' kynima'ne' tpakb'al b'a'n axxi'x, ma ẍtilset toj kyanmiye' tu'ntzun axxi'x nche kyk'u'jla'ne' okslal. Kyk'u'jlamtzun kyib'e' kyxolilexe' tuk'i'l kyanmiye' ẍtilun ex tu'n tkyaqil kyk'u'je'.23Mache itz'jiye' tkamaji'n, mya kyi'j kymane' te twitz tx'otx', ti'jku' tyol Dyos, itz'xi'x ex ati tejumajx.24Qu'n intma'n toj Tu'jil kjalu:
Kykyaqil xjal ikyqe' kse'n itzaj, extzu'n kyoklen ikyse'n tb'echal itzaj. Nkub' tzqiju' itzaj ex nkub' tz'aq tb'echal.25atzunte' tyol Qajaw ati tejumajx, chiju' tz'ib'a'n.
Atzu'n yol lu aju' tpakb'al b'a'n matxi' b'ajx pakb'a'n kyeye'.1Qu'mtzun kyq'onkje' tkyaqil myab'a'n, tkyaqil sb'ub'l, e'xmletz'il ex tx'a'ltik'u'jb'aj, ex tkyaqil jk'ujyoli'n.2Che okye' se'nqe' ne'ẍ akxtoq kyitz'ji, kyajb'il kych'u', che laqje' ti'ju' ta'l imj ẍnu'l te xewb'aj, tu'n kych'iye' ex tu'n kyklete' tu'n,3matxina' kynik'b'eye' ex matz'el kynik'e' ti'ju' t-xtalb'il Qajaw.4Che lq'ektzune' tk'etz Qajaw, aju' ab'j itz'xi'x elkyik'o'n xjal, sk'o'ntzunte' ex twi' wi'yalxi'x toj twitz Dyos.5Ikxtzunkyeju'ye' mache oke' se'nqe' ab'j itz'qe', mojb'a'n kyib'e' tuk'i'l Krist tu'n kyjaw b'incha'ne' te tja Dyos min q'ancha'l, ex pale qe'ye' xjan te Dyos, tu'n kyq'onteye' oyaj te Dyos min q'ancha'l ex k'mo'n tu'n Dyos tu'nel Jesukrist.6Tu'ntzunju' ex intma'n toj Tu'jil kjalu:
Kb'el nq'o'ne' jun ab'j toj Syon aju' ab'j nimxi'x toklen, sk'o'n ex twi' wi'yalxi'x; alqe matz'ok qe tk'u'j ti'j lay tz'el tch'ixaw, chij.7Nimxi'x toklenju' ab'j lu kyeye' okslalqe'ye'; atzunte' kyeju' min nche okslan te, njapunju' tz'ib'a'n toj Tu'jil kjalu:
Aju' ab'j elkyik'o'n b'inchal ja, matz'ok nimxi'x toklen tzuyb'ilkye ttx'u'k ja, chij.8Ex intma'n toj tu'jil kjalu:
Matz'ok te jun pik, jun nin ab'j tu'n kyjaw tz'aq xjal ti'j, chij.
Nche jaw tz'aqu' xjal lu tu'nju' min nxikyb'i'n tpakb'al b'a'n: Kyexju'lu tu'n Dyos.9Aye'tzunkye' sk'o'nqe'ye' junx kyajile', mache okye' te pale tu'n kyajb'ene' te Nimaqkawil, mache okye' te jun nintnam xjan, jun tnam teku'xi'x Dyos. Tu'n t-xikypakb'a'ne' taq'unb'en Dyos te lab'te'nxi'x; aju' Dyos etzq'inkyeye' toj qlolj tu'n kyoke' toju' t-spik'umal xa'wankuxi'x.10Myatoqpe' tnamqe'ye' tnejel, atzu'n ja'lo ttanam Dyos qe'ye'; mixtoqti' nlaqtk'u'j Dyos kyi'je' nejtl, atzu'n ja'lo nlaqtk'u'j kyi'je'. Che anq'ine' ajb'el qexi'xe' te Dyos11E'ntzik ex e'witz'in, chin kub'sale' kyeye' ku'xwitloj najchaq xjal qe'ye' ex ajb'etunqe'ye' twitz tx'otx', lalun kyaq' anb'ile' kyeju' tajb'il kychib'jile' twitz tx'otx', qu'n aye' nche q'ojinju' ti'j kyanmiye'.12Che anq'ine' b'a'n kyxolju' na'mx telkynik' te Dyos. Maskyetzun nche yolin kyi'je' ja'lu ku'xwitloj b'inchal myab'a'n qe'ye', k'okyel kyka'yi'n b'a'n nkyb'incha'ne' ex kjawil kyajwali'n Dyos toju' q'ij ajkyok kykyaqil xjal toj xjel tu'n Dyos. Che nimanqeye' kye tzyul kawb'il13Tu'nju' okslalqe'ye' te Qajaw, che nimanqe'ye' kye kykyaqil tzyul kawb'il: teju' ninimaqkawil, qu'n ati toju' nimaqxi'x oklenj,14ex kyeju' kawil chq'o'nqe' tu'n, tu'n ttz'e'yset kywitzju' b'inchal myab'a'n ex tu'n kyjaw nimetju' nche b'inchante b'a'n.15Qu'n tajb'il Dyos tu'n kyb'inchanteye' b'a'n, tu'ntzun mixti'te tu'n kymanteju' mixti' kyojtzqib'l ex mixti' kynab'l kyi'je'.16Tzaqpi'n qe'tlkye', naq o'kx lalun tz'ajb'en tzaqpib'l kyu'ne' tu'n kyb'inchanteye' taq'wix. Che anq'ine' tzaqpi'n qe'ye' tu'n kyajb'ene' teku'xi'x Dyos.17Che nimanqe'ye' kye kykyaqil xjal. Che kyk'u'jlame' okslal, kynimame' Dyos, che nimanqe'ye' te ninimaqkawil. Aju' tu'n kyb'inchante majin18E'majin, kyq'om kawi' kyib'e' kye kyajawe', mya o'kx kyeju' b'a'n xjalqe' ex nkane toj kywitz, ex kyeju' mya b'a'nxjalqe'.19Qu'n ntzalaj Dyos qi'j qama tzik'x yajb'il qu'n maskye mya toj tu'me'l, tu'nju' okslalqo' te Dyos.20Qama kub' tz'e'ysa'n kywitze' tu'n tpaj makyb'inchaye' myab'a'n, ¿maktzulo che jawil nima'ne' qama tzik'xkyu'ne'? Qatzun matz'e'ysanjtz kywitze' tu'n tpaj nkyb'incha'ne' b'a'n, ex matzik'xju' yajb'il kyu'ne', atzun b'a'nju' toj twitz Dyos.21Qu'n a ẍetxkonjtza'ju'ye' tu'n Dyos, yajtinate Krist tu'n kypaje', kub' tq'o'n yek'b'il kyeye' tu'n kyxilpeye' ti'j.22Min tb'inchate Krist il ex mix-a'lo' jun kub' t-sb'u'n.23Tej intoq q'manjtz taq'wix ti'j, min jaw wulj; tej intoq yajti, min xob'san kyi'ju' ntoq che yajunte, xi'toq ntoqxena'na' tib' te Dyos, ju' tojxi'x tu'me'l nche oka' xjal toj xjel tu'n.24Aku' Krist xi' iqante qil tej tjaw twitz krus, tu'n qkyim te il, tu'n lalun qo b'inchantl il, ex tu'n qanq'in toj tnik'alilti'j. Ok Krist toj k'ixk'oj tu'n kyq'anet.25Qu'n ikyqe' toqju'ye' kse'nqe' rit tzpeniqe', atzu'n ja'lo matxi' tz'anjtz kyi'je' tuk'i'l Krist, ate k'ik'lel kyi'je' ex nxq'uqin kyi'je'. Se'n tu'n kyanq'ina' mjeb'niqe'1Ex ikxkye' xu'jilb'aj, che b'inqe'ye' kye kychmile', tu'ntzun qa min nche okslan junjun teju' tpakb'al b'a'n, kb'elti'j kynab'l tu'nju' che anq'ine' maskye min xikyma'ne' tyol Dyos kye,2ajtokkyka'yi'n b'a'n kynab'le' twitz Dyos ex nche nimane' kye.3Myawt kyb'anilju'ye' kyka'yinke' kyu'n ti'xti' te'k kyi'je': kse'n b'inchb'ente kywi'ye', e'toj kyẍkyine', e'kyuye' mo kyxmilq'ob'e' q'anpwaq mo tb'anil kyxb'alune',4ate' toj kyanmiye' lay kub'o'lj, xa'wanqeku'ye' tu'n tzalajb'il ex nak'b'il toj kyanmiye'. Atzunte nim toklenju' twitz Dyos.5Ikyqe'toqtzun qya nimal Dyos qe' ojtxi' tb'anilqexi'x; okqe kyk'u'j ti'j Dyos ex e'niman kye kychmil.6Kse'nte Sara, niman te Ab'raam ju' tchmil ex oktq'o'n tb'i taw. Che okyele' ikyju' qama kyb'inchaye' b'a'n ex min nche xob'e'.7Ex ikxkye' chmilb'aj, che kanexe' tekyib'e' kyuk'i'l kyxu'jile', qu'n ikyqe' qya kse'n k'wab'l paxaxan. Kyq'ome' ninb'ilkye b'a'n, qu'n ax kychwinqlalju' tejumajx tzaj ttziya'n Dyos se'nkye'. Che anq'ine' b'a'n kyuk'i'l, tu'n lalun ten maqb'il toju' kyna'j Dyose'. Aye' nche yajti tu'n tpaju' b'a'n8Ikytzu'n, che anq'inqe'ye' junx kynab'le', kyk'u'jlam kyib'e' kyitz'in kuxi'x kyib'e'. Che okxe' b'a'nwnaq ex me's.9Qama tb'incha jun xjal myab'a'n kyeye', lalun kyaq'e' t-xel tuk'i'l myab'a'n, exqa mache ok i'li'ne', lalun txikymojtza'ne' tu'n i'li'n. Kyqaninx pekye' ky'i'wb'il tib'aj, qu'n mache txkonjtze' tu'n Dyos tu'n kyk'monteye' ky'i'wb'il.10Qu'n intma'n toj tu'jil:
Alkye tajb'il tu'n tk'u'jlante tchwinqlal ex tu'n ttzalaj, jk'um taq' tu'n lalun yolin myab'a'n ex tu'n lalun chanyol;11lalun b'inchantl taq'wix ex b'inchanxju' b'a'n, q'onk tilil tu'n tten toj nak'b'il kukxju'.12Qu'n xq'uqi'n qekye' tnik'alkyi'j tu'n Qajaw ex nche tzajtb'in toj kyna'j Dyos, aye'tzu'n b'inchal taq'wix nq'ojin kyi'j, chiju' tz'ib'a'n.13¿Alkye kb'inchal taq'wix kyi'je' qa nkyb'incha'ne' b'a'n kukxju'?14Qatzun ex nche yajtiye' tu'n tpaj nkyb'incha'ne' tnik'alilti'j, ¡k'i'wla'n qexi'xe'! Mix-aloqe tu'n kyxob'a'ye', ex lalun che sak'puje',15Kynimame' Qajaw Krist toj kyanmiye'. B'antnix kytene' kukxju' tu'n txi' kychik'b'a'ne' kye kykyaqilju' mache qaninte kyeye' tiqu'n q'uqli kyk'u'je' ti'j Krist,16naq o'kx kyb'inchame' toj me'sb'il ex ninb'il. Che anq'inqe'ye' toj tu'me'l kse'n ntma'n kyanmiye', tu'ntzun kykub' ch'ixwiju' nche yolin myab'a'n kyi'je' tu'n nche anq'ine' b'a'n.17Ate b'a'n tu'n qyajti tu'n tpaj nqb'incha'n b'a'n, qa a tajb'il Dyosju', kyetwitz tu'n tpaj nqb'incha'n myab'a'n.18Qu'n jumajx kyim Krist tu'n tpaj qil. Min b'inchante il, yajtitzun tu'nqpaj b'inchal myab'a'nqo', tu'n qxitiq'i'n tk'etz Dyos. Kyimju' t-xmilal twitz tx'otx'; ex jaw anq'intl tu'n tipumal Xewb'aj Xjan.19Ikytzu'n xa'ya' pakb'alteju' kub'sb'ilti'j kamik tu'n kyeju' anmi jpu'nqetoq,20aye' min e'niman te Dyos ojtxi', tej intoq ayon Dyos tu'n tanjtzti'j kyanmi toj tq'ijlalil Noe, tej tb'inchetju' b'ark, naq wajxaq xjal e'klet toju' a'.21Atzu'n a' lu intoq techla'n ti'ju' jawsb'il a', ju' xqo klet tu'n ja'lo. Aju' jawsb'il a' lu mya tx'ajb'ilte qxmilal, ate' lu tu'n txiqqani'n te Dyos tu'n t-ẍtilset qnab'l; ex maqo klet tu'n tjawlen anq'in Jesukrist.22Oje japun Jesukrist toj kya'j, q'uqli toj tb'a'nq'ob' Dyos Manb'aj, nkawin kyib'aju' anjl, ex kyib'aju' txqantl xewb'aj ati kyoklen ex ati kyipumal. Qo ajb'en kse'nx qoklen tzaj tq'o'n Dyos1Yajti Jesukrist toj t-xmilal ex kyim tu'nqpaj, ikxtzunkyeye' tu'n kyq'onte kyib'e' tu'n tik'x yajb'il kyu'ne'. Qu'n aju' ma yajti toj t-xmilal, matxi' kub'ti'j il tu'n,2tu'n tanq'inte tajb'il Dyos toju' jni'tl tchwinqlal ex tu'n lalun tb'inchatl tajb'il tchib'jil.3Tk'i'xtzunte myab'a'nju' matxi' kyb'inchaye', axju' nkyb'incha'n xjal min kyojtzqi'n Dyos, tej ate'toqe' toj taq'wixil, toj tajb'il kychib'jile', toj achb'il, intoq che tene' kyoj nimaqwan ex inche tx'ujtiye', inxi'xtoq che k'wan q'e'ne' ex intoq che k'ulune' kye witzleb' taq'wixqexi'x.4Atzun ja'lo myaye' juntlkye' kyuk'i'l toju' kychwinqlal myab'a'n, inche lab'ti ex inche yolin myab'a'n kyi'je'.5Oktzun kyq'a'kye' xjal lu tajlal kyb'inchb'en twitz Qajaw, ju' naqtkub'tl tu'n kyok xjal toj xjel tu'n, e'itz'qe' exqe' kyimniqe'.6Expe' pakb'anjtzju' tpakb'al b'a'n kyeju' oje che kyim, tu'n kyanq'in toj xewb'aj kse'n tajb'il Dyos, maskye matxitoq tz'e'yset kywitz kse'n kykyaqil xjal.7Xi' tul lq'e tq'ijlalil tu'n tb'aj tkyaqil. Qu'mtzun tenx kynab'le' ex kyq'onk tilile' toj na'j Dyos.8A ilxi'xti'ju' tu'n kyk'u'jlantexi'x kyib'e' kyxole', qu'n tu'n tk'u'jlalil nkub'najseta' il.9Kyq'onxe' kyposad txqantl tij kyjaye', ex lalun che yoline' kyi'j.10Tz'ajb'enxju' toklen junjun oje kyk'ame' te Dyos, teyile junjun sipanx kye txqantl kse'nx oje kyk'ame', tu'n kyoke' b'a'n nuk'ulqe'ye'.11Qa ati jun npakb'an, q'manx kse'nx tyol Dyos. Qa ati jun b'a'n tz'oninkye txqantl, onin tuk'i'l tipumal ntzaj tq'o'n Dyos. Tkyaqilju' makyb'inchaye', kyb'inchame' te ajwalb'ilte Dyos tu'nel Jesukrist, qu'n ate ati tu'n tajwalet ex ati tipumal tejumajx. Ikxwitju'. Tu'ntik'x yajb'il qu'n okslalqo'12E'ntzik ex e'witz'in, lalun che lab'tiye' tu'nju' joyb'ilkyi'je' kuwxi'x ntzaj tu'n tel kynik'tzile', qu'n mya oqe'kxe' ntzaj joyb'ilkyi'je'.13Che tzalajx pekye' tu'n tik'xkyu'ne' kse'nte Krist, tu'ntzun kytzalajxi'xe' ajtyek'u'ntetib' Krist toj tajwalil.14K'i'wla'n qekye' qama che ok i'li'ne' tu'n tpaj Krist, qu'n majx atite' T-xew Dyos kyuk'i'le'.15Qama yajti junkye', myawt tu'n tpaj ma b'yonxjal, mo tu'n tpaj teleq', mo tu'n tpaj myab'a'n tb'inchb'aj, mo tu'n tpaj nokx tq'o'ntib' toj kyol txqantl.16Qatzun ma yajti tu'n tpaj okslal ti'j Krist, lalun kub'ch'ixwi, nima'nktz tb'i Dyos tu'nju' okslal ti'j Krist.17Matxi' tzul lq'e tq'ijlalil tu'n ttzyet tz'e'ysb'il witzb'aj kyxolju' tk'wal Dyos. Qatzun matxi' tzyet yajb'ilqe, ¿se'ntzulo che pomela' b'aju' min nxikyb'i'n tpakb'al b'a'n tu'n Dyos?18Qa tuk'i'l yajb'il kkletela' tnik'alti'j, mitzunloyate' xjal b'inchal myab'a'n ex aj il.19Qu'mtzun, aye'ye' nnik'xkyu'ne' kse'nx tajb'il Dyos, ati tu'n kyb'inchanteye' b'a'n kukxju', ex tu'n tkub' kyq'o'n kyib'e' toj tq'ob' Dyos ch'isalkyeye', qu'n njapunte Dyos tyol. Nq'onjtz kynab'l okslal1Wajb'ile' tu'n txinq'o'ne' kynab'lju' tijwnaq kyxole', ex tijwnaq qinwe' kse'nkye, ex kanli nwitze' ik'x yajb'il tu'n Krist, ex ati woklene' tu'n njaw nima'ne' junx kyuk'i'l toj tajwalil Krist ajtul jumajtl.2Kyk'ik'lem qe'ye' trit Dyos e'kyaj q'o'ne' ka'yilkye; kyka'yinqexe' tu'n tkyaqil kyk'u'je' kse'nx tajb'il Dyos, mya tu'nwt chq'o'n qe'ye' ex mya kanb'ab'l txqan pwaq, che ajb'enqe'ye' kyxol tu'n tkyaqil kyk'u'je'.3Lalun tz'ok kyq'o'n kyib'e' ku'wtloj aye'ye' kajawju' rit e'ok q'o'ne' ka'yilkye, che okpekye' jun b'a'n yek'b'il kye.4Ajtzun tulju' nejenel kye k'ik'lel, kyk'ma'ye' kyoklene' toj tajwalil, jun koron layx kub' tzqij.5Ex ikxkye' ku'xun, che nimanqe'ye' te kykawb'il tijwnaq. Kyq'om kawi' kyib'e' jun te juntl toj me'sb'il kykyaqile', qu'n:
Nq'ojin Dyos kyi'ju' nkynima'n kyib' aye'tzu'n me'sqe' nche toni'n tu'n t-xtalb'il.6Kyme'ssa'nku' kyib'e' toju' tkawb'il Dyos nimtipumal, tu'ntzun kyjaw nima'ne' tu'n ajtjapun tq'ijlalil.7Kyq'onku'ye' tkyaqilju' nb'ajx kyk'u'je' ti'j toj tq'ob' Dyos, ka'yi'n qena'kye' tu'n.8Che ximanqe'ye' b'a'nxi'x ex b'a'nqe'xe', qu'n aju' tajaw il kyajq'oje', nxi'x tzanun kse'n jun b'alun, njyon alkye kxel tch'yo'n.9Che we'ku'ye' twitz b'a'nxi'x toj kyokslab'le', b'i'nxi'x kyu'ne' ax yajb'ilju' nik'xkyu'n okslal toj tkyaqil plaj twitz tx'otx' kse'n nik'xkyu'ne'.10Tb'ajlenxi'tzun jte' q'ij yajb'il kyi'je', axte Dyos ktzinsalkyeye', kche tkuwsa'ye' toj kyokslab'le', tu'n tten kyipumale' ex tu'n tqexi'x kyk'u'je' ti'j. Ate Dyos txkonqe tu'nju' nim tk'u'jlalil qi'j, tu'n qten toj tajwalil tejumajx tu'nju' qmujb'ab'l tuk'i'l Jesukrist.11Nimanjtzwit tb'i Dyos ex kawinxwit tejumajx. Ikxwitju'. Qolb'eb'l te b'ajsb'il12Matxi ntz'ib'a'ne' u'j lu tu'n txi' tiq'i'n Silb'ano kyeye', kanli nwitze' njapun tu'n qtzik lu toj taq'un Dyos, tu'n txi' nq'o'ne' kynab'le' ex tu'n tkane toj kywitze' qa aju' ky'i'wb'il matxi' kyk'ame', jun yek'b'il axxi'x qa nche k'u'jlanjtze' tu'n Dyos. ¡Che we'ku'ye' b'a'nxi'x toju' t-xtalb'il!13Nche'x q'olb'e'ne' kyu'n okslal ate' toj B'ab'ilon, aye' e'jaw t-sk'o'n Dyos kse'nxkye, ex nche'x q'olb'e'ne' tu'n Kuẍ ju' nk'wale'.14Kyq'olb'em kyib'e' tu'n jun ma'tz tuk'i'l tk'u'jlalil.
Tenxwit nak'b'il kyxole' kykyaqile' okslalqe'ye' te Krist.
Kykyaqil xjal ikyqe' kse'n itzaj, extzu'n kyoklen ikyse'n tb'echal itzaj. Nkub' tzqiju' itzaj ex nkub' tz'aq tb'echal.25atzunte' tyol Qajaw ati tejumajx, chiju' tz'ib'a'n.
Atzu'n yol lu aju' tpakb'al b'a'n matxi' b'ajx pakb'a'n kyeye'.1Qu'mtzun kyq'onkje' tkyaqil myab'a'n, tkyaqil sb'ub'l, e'xmletz'il ex tx'a'ltik'u'jb'aj, ex tkyaqil jk'ujyoli'n.2Che okye' se'nqe' ne'ẍ akxtoq kyitz'ji, kyajb'il kych'u', che laqje' ti'ju' ta'l imj ẍnu'l te xewb'aj, tu'n kych'iye' ex tu'n kyklete' tu'n,3matxina' kynik'b'eye' ex matz'el kynik'e' ti'ju' t-xtalb'il Qajaw.4Che lq'ektzune' tk'etz Qajaw, aju' ab'j itz'xi'x elkyik'o'n xjal, sk'o'ntzunte' ex twi' wi'yalxi'x toj twitz Dyos.5Ikxtzunkyeju'ye' mache oke' se'nqe' ab'j itz'qe', mojb'a'n kyib'e' tuk'i'l Krist tu'n kyjaw b'incha'ne' te tja Dyos min q'ancha'l, ex pale qe'ye' xjan te Dyos, tu'n kyq'onteye' oyaj te Dyos min q'ancha'l ex k'mo'n tu'n Dyos tu'nel Jesukrist.6Tu'ntzunju' ex intma'n toj Tu'jil kjalu:
Kb'el nq'o'ne' jun ab'j toj Syon aju' ab'j nimxi'x toklen, sk'o'n ex twi' wi'yalxi'x; alqe matz'ok qe tk'u'j ti'j lay tz'el tch'ixaw, chij.7Nimxi'x toklenju' ab'j lu kyeye' okslalqe'ye'; atzunte' kyeju' min nche okslan te, njapunju' tz'ib'a'n toj Tu'jil kjalu:
Aju' ab'j elkyik'o'n b'inchal ja, matz'ok nimxi'x toklen tzuyb'ilkye ttx'u'k ja, chij.8Ex intma'n toj tu'jil kjalu:
Matz'ok te jun pik, jun nin ab'j tu'n kyjaw tz'aq xjal ti'j, chij.
Nche jaw tz'aqu' xjal lu tu'nju' min nxikyb'i'n tpakb'al b'a'n: Kyexju'lu tu'n Dyos.9Aye'tzunkye' sk'o'nqe'ye' junx kyajile', mache okye' te pale tu'n kyajb'ene' te Nimaqkawil, mache okye' te jun nintnam xjan, jun tnam teku'xi'x Dyos. Tu'n t-xikypakb'a'ne' taq'unb'en Dyos te lab'te'nxi'x; aju' Dyos etzq'inkyeye' toj qlolj tu'n kyoke' toju' t-spik'umal xa'wankuxi'x.10Myatoqpe' tnamqe'ye' tnejel, atzu'n ja'lo ttanam Dyos qe'ye'; mixtoqti' nlaqtk'u'j Dyos kyi'je' nejtl, atzu'n ja'lo nlaqtk'u'j kyi'je'. Che anq'ine' ajb'el qexi'xe' te Dyos11E'ntzik ex e'witz'in, chin kub'sale' kyeye' ku'xwitloj najchaq xjal qe'ye' ex ajb'etunqe'ye' twitz tx'otx', lalun kyaq' anb'ile' kyeju' tajb'il kychib'jile' twitz tx'otx', qu'n aye' nche q'ojinju' ti'j kyanmiye'.12Che anq'ine' b'a'n kyxolju' na'mx telkynik' te Dyos. Maskyetzun nche yolin kyi'je' ja'lu ku'xwitloj b'inchal myab'a'n qe'ye', k'okyel kyka'yi'n b'a'n nkyb'incha'ne' ex kjawil kyajwali'n Dyos toju' q'ij ajkyok kykyaqil xjal toj xjel tu'n Dyos. Che nimanqeye' kye tzyul kawb'il13Tu'nju' okslalqe'ye' te Qajaw, che nimanqe'ye' kye kykyaqil tzyul kawb'il: teju' ninimaqkawil, qu'n ati toju' nimaqxi'x oklenj,14ex kyeju' kawil chq'o'nqe' tu'n, tu'n ttz'e'yset kywitzju' b'inchal myab'a'n ex tu'n kyjaw nimetju' nche b'inchante b'a'n.15Qu'n tajb'il Dyos tu'n kyb'inchanteye' b'a'n, tu'ntzun mixti'te tu'n kymanteju' mixti' kyojtzqib'l ex mixti' kynab'l kyi'je'.16Tzaqpi'n qe'tlkye', naq o'kx lalun tz'ajb'en tzaqpib'l kyu'ne' tu'n kyb'inchanteye' taq'wix. Che anq'ine' tzaqpi'n qe'ye' tu'n kyajb'ene' teku'xi'x Dyos.17Che nimanqe'ye' kye kykyaqil xjal. Che kyk'u'jlame' okslal, kynimame' Dyos, che nimanqe'ye' te ninimaqkawil. Aju' tu'n kyb'inchante majin18E'majin, kyq'om kawi' kyib'e' kye kyajawe', mya o'kx kyeju' b'a'n xjalqe' ex nkane toj kywitz, ex kyeju' mya b'a'nxjalqe'.19Qu'n ntzalaj Dyos qi'j qama tzik'x yajb'il qu'n maskye mya toj tu'me'l, tu'nju' okslalqo' te Dyos.20Qama kub' tz'e'ysa'n kywitze' tu'n tpaj makyb'inchaye' myab'a'n, ¿maktzulo che jawil nima'ne' qama tzik'xkyu'ne'? Qatzun matz'e'ysanjtz kywitze' tu'n tpaj nkyb'incha'ne' b'a'n, ex matzik'xju' yajb'il kyu'ne', atzun b'a'nju' toj twitz Dyos.21Qu'n a ẍetxkonjtza'ju'ye' tu'n Dyos, yajtinate Krist tu'n kypaje', kub' tq'o'n yek'b'il kyeye' tu'n kyxilpeye' ti'j.22Min tb'inchate Krist il ex mix-a'lo' jun kub' t-sb'u'n.23Tej intoq q'manjtz taq'wix ti'j, min jaw wulj; tej intoq yajti, min xob'san kyi'ju' ntoq che yajunte, xi'toq ntoqxena'na' tib' te Dyos, ju' tojxi'x tu'me'l nche oka' xjal toj xjel tu'n.24Aku' Krist xi' iqante qil tej tjaw twitz krus, tu'n qkyim te il, tu'n lalun qo b'inchantl il, ex tu'n qanq'in toj tnik'alilti'j. Ok Krist toj k'ixk'oj tu'n kyq'anet.25Qu'n ikyqe' toqju'ye' kse'nqe' rit tzpeniqe', atzu'n ja'lo matxi' tz'anjtz kyi'je' tuk'i'l Krist, ate k'ik'lel kyi'je' ex nxq'uqin kyi'je'. Se'n tu'n kyanq'ina' mjeb'niqe'1Ex ikxkye' xu'jilb'aj, che b'inqe'ye' kye kychmile', tu'ntzun qa min nche okslan junjun teju' tpakb'al b'a'n, kb'elti'j kynab'l tu'nju' che anq'ine' maskye min xikyma'ne' tyol Dyos kye,2ajtokkyka'yi'n b'a'n kynab'le' twitz Dyos ex nche nimane' kye.3Myawt kyb'anilju'ye' kyka'yinke' kyu'n ti'xti' te'k kyi'je': kse'n b'inchb'ente kywi'ye', e'toj kyẍkyine', e'kyuye' mo kyxmilq'ob'e' q'anpwaq mo tb'anil kyxb'alune',4ate' toj kyanmiye' lay kub'o'lj, xa'wanqeku'ye' tu'n tzalajb'il ex nak'b'il toj kyanmiye'. Atzunte nim toklenju' twitz Dyos.5Ikyqe'toqtzun qya nimal Dyos qe' ojtxi' tb'anilqexi'x; okqe kyk'u'j ti'j Dyos ex e'niman kye kychmil.6Kse'nte Sara, niman te Ab'raam ju' tchmil ex oktq'o'n tb'i taw. Che okyele' ikyju' qama kyb'inchaye' b'a'n ex min nche xob'e'.7Ex ikxkye' chmilb'aj, che kanexe' tekyib'e' kyuk'i'l kyxu'jile', qu'n ikyqe' qya kse'n k'wab'l paxaxan. Kyq'ome' ninb'ilkye b'a'n, qu'n ax kychwinqlalju' tejumajx tzaj ttziya'n Dyos se'nkye'. Che anq'ine' b'a'n kyuk'i'l, tu'n lalun ten maqb'il toju' kyna'j Dyose'. Aye' nche yajti tu'n tpaju' b'a'n8Ikytzu'n, che anq'inqe'ye' junx kynab'le', kyk'u'jlam kyib'e' kyitz'in kuxi'x kyib'e'. Che okxe' b'a'nwnaq ex me's.9Qama tb'incha jun xjal myab'a'n kyeye', lalun kyaq'e' t-xel tuk'i'l myab'a'n, exqa mache ok i'li'ne', lalun txikymojtza'ne' tu'n i'li'n. Kyqaninx pekye' ky'i'wb'il tib'aj, qu'n mache txkonjtze' tu'n Dyos tu'n kyk'monteye' ky'i'wb'il.10Qu'n intma'n toj tu'jil:
Alkye tajb'il tu'n tk'u'jlante tchwinqlal ex tu'n ttzalaj, jk'um taq' tu'n lalun yolin myab'a'n ex tu'n lalun chanyol;11lalun b'inchantl taq'wix ex b'inchanxju' b'a'n, q'onk tilil tu'n tten toj nak'b'il kukxju'.12Qu'n xq'uqi'n qekye' tnik'alkyi'j tu'n Qajaw ex nche tzajtb'in toj kyna'j Dyos, aye'tzu'n b'inchal taq'wix nq'ojin kyi'j, chiju' tz'ib'a'n.13¿Alkye kb'inchal taq'wix kyi'je' qa nkyb'incha'ne' b'a'n kukxju'?14Qatzun ex nche yajtiye' tu'n tpaj nkyb'incha'ne' tnik'alilti'j, ¡k'i'wla'n qexi'xe'! Mix-aloqe tu'n kyxob'a'ye', ex lalun che sak'puje',15Kynimame' Qajaw Krist toj kyanmiye'. B'antnix kytene' kukxju' tu'n txi' kychik'b'a'ne' kye kykyaqilju' mache qaninte kyeye' tiqu'n q'uqli kyk'u'je' ti'j Krist,16naq o'kx kyb'inchame' toj me'sb'il ex ninb'il. Che anq'inqe'ye' toj tu'me'l kse'n ntma'n kyanmiye', tu'ntzun kykub' ch'ixwiju' nche yolin myab'a'n kyi'je' tu'n nche anq'ine' b'a'n.17Ate b'a'n tu'n qyajti tu'n tpaj nqb'incha'n b'a'n, qa a tajb'il Dyosju', kyetwitz tu'n tpaj nqb'incha'n myab'a'n.18Qu'n jumajx kyim Krist tu'n tpaj qil. Min b'inchante il, yajtitzun tu'nqpaj b'inchal myab'a'nqo', tu'n qxitiq'i'n tk'etz Dyos. Kyimju' t-xmilal twitz tx'otx'; ex jaw anq'intl tu'n tipumal Xewb'aj Xjan.19Ikytzu'n xa'ya' pakb'alteju' kub'sb'ilti'j kamik tu'n kyeju' anmi jpu'nqetoq,20aye' min e'niman te Dyos ojtxi', tej intoq ayon Dyos tu'n tanjtzti'j kyanmi toj tq'ijlalil Noe, tej tb'inchetju' b'ark, naq wajxaq xjal e'klet toju' a'.21Atzu'n a' lu intoq techla'n ti'ju' jawsb'il a', ju' xqo klet tu'n ja'lo. Aju' jawsb'il a' lu mya tx'ajb'ilte qxmilal, ate' lu tu'n txiqqani'n te Dyos tu'n t-ẍtilset qnab'l; ex maqo klet tu'n tjawlen anq'in Jesukrist.22Oje japun Jesukrist toj kya'j, q'uqli toj tb'a'nq'ob' Dyos Manb'aj, nkawin kyib'aju' anjl, ex kyib'aju' txqantl xewb'aj ati kyoklen ex ati kyipumal. Qo ajb'en kse'nx qoklen tzaj tq'o'n Dyos1Yajti Jesukrist toj t-xmilal ex kyim tu'nqpaj, ikxtzunkyeye' tu'n kyq'onte kyib'e' tu'n tik'x yajb'il kyu'ne'. Qu'n aju' ma yajti toj t-xmilal, matxi' kub'ti'j il tu'n,2tu'n tanq'inte tajb'il Dyos toju' jni'tl tchwinqlal ex tu'n lalun tb'inchatl tajb'il tchib'jil.3Tk'i'xtzunte myab'a'nju' matxi' kyb'inchaye', axju' nkyb'incha'n xjal min kyojtzqi'n Dyos, tej ate'toqe' toj taq'wixil, toj tajb'il kychib'jile', toj achb'il, intoq che tene' kyoj nimaqwan ex inche tx'ujtiye', inxi'xtoq che k'wan q'e'ne' ex intoq che k'ulune' kye witzleb' taq'wixqexi'x.4Atzun ja'lo myaye' juntlkye' kyuk'i'l toju' kychwinqlal myab'a'n, inche lab'ti ex inche yolin myab'a'n kyi'je'.5Oktzun kyq'a'kye' xjal lu tajlal kyb'inchb'en twitz Qajaw, ju' naqtkub'tl tu'n kyok xjal toj xjel tu'n, e'itz'qe' exqe' kyimniqe'.6Expe' pakb'anjtzju' tpakb'al b'a'n kyeju' oje che kyim, tu'n kyanq'in toj xewb'aj kse'n tajb'il Dyos, maskye matxitoq tz'e'yset kywitz kse'n kykyaqil xjal.7Xi' tul lq'e tq'ijlalil tu'n tb'aj tkyaqil. Qu'mtzun tenx kynab'le' ex kyq'onk tilile' toj na'j Dyos.8A ilxi'xti'ju' tu'n kyk'u'jlantexi'x kyib'e' kyxole', qu'n tu'n tk'u'jlalil nkub'najseta' il.9Kyq'onxe' kyposad txqantl tij kyjaye', ex lalun che yoline' kyi'j.10Tz'ajb'enxju' toklen junjun oje kyk'ame' te Dyos, teyile junjun sipanx kye txqantl kse'nx oje kyk'ame', tu'n kyoke' b'a'n nuk'ulqe'ye'.11Qa ati jun npakb'an, q'manx kse'nx tyol Dyos. Qa ati jun b'a'n tz'oninkye txqantl, onin tuk'i'l tipumal ntzaj tq'o'n Dyos. Tkyaqilju' makyb'inchaye', kyb'inchame' te ajwalb'ilte Dyos tu'nel Jesukrist, qu'n ate ati tu'n tajwalet ex ati tipumal tejumajx. Ikxwitju'. Tu'ntik'x yajb'il qu'n okslalqo'12E'ntzik ex e'witz'in, lalun che lab'tiye' tu'nju' joyb'ilkyi'je' kuwxi'x ntzaj tu'n tel kynik'tzile', qu'n mya oqe'kxe' ntzaj joyb'ilkyi'je'.13Che tzalajx pekye' tu'n tik'xkyu'ne' kse'nte Krist, tu'ntzun kytzalajxi'xe' ajtyek'u'ntetib' Krist toj tajwalil.14K'i'wla'n qekye' qama che ok i'li'ne' tu'n tpaj Krist, qu'n majx atite' T-xew Dyos kyuk'i'le'.15Qama yajti junkye', myawt tu'n tpaj ma b'yonxjal, mo tu'n tpaj teleq', mo tu'n tpaj myab'a'n tb'inchb'aj, mo tu'n tpaj nokx tq'o'ntib' toj kyol txqantl.16Qatzun ma yajti tu'n tpaj okslal ti'j Krist, lalun kub'ch'ixwi, nima'nktz tb'i Dyos tu'nju' okslal ti'j Krist.17Matxi' tzul lq'e tq'ijlalil tu'n ttzyet tz'e'ysb'il witzb'aj kyxolju' tk'wal Dyos. Qatzun matxi' tzyet yajb'ilqe, ¿se'ntzulo che pomela' b'aju' min nxikyb'i'n tpakb'al b'a'n tu'n Dyos?18Qa tuk'i'l yajb'il kkletela' tnik'alti'j, mitzunloyate' xjal b'inchal myab'a'n ex aj il.19Qu'mtzun, aye'ye' nnik'xkyu'ne' kse'nx tajb'il Dyos, ati tu'n kyb'inchanteye' b'a'n kukxju', ex tu'n tkub' kyq'o'n kyib'e' toj tq'ob' Dyos ch'isalkyeye', qu'n njapunte Dyos tyol. Nq'onjtz kynab'l okslal1Wajb'ile' tu'n txinq'o'ne' kynab'lju' tijwnaq kyxole', ex tijwnaq qinwe' kse'nkye, ex kanli nwitze' ik'x yajb'il tu'n Krist, ex ati woklene' tu'n njaw nima'ne' junx kyuk'i'l toj tajwalil Krist ajtul jumajtl.2Kyk'ik'lem qe'ye' trit Dyos e'kyaj q'o'ne' ka'yilkye; kyka'yinqexe' tu'n tkyaqil kyk'u'je' kse'nx tajb'il Dyos, mya tu'nwt chq'o'n qe'ye' ex mya kanb'ab'l txqan pwaq, che ajb'enqe'ye' kyxol tu'n tkyaqil kyk'u'je'.3Lalun tz'ok kyq'o'n kyib'e' ku'wtloj aye'ye' kajawju' rit e'ok q'o'ne' ka'yilkye, che okpekye' jun b'a'n yek'b'il kye.4Ajtzun tulju' nejenel kye k'ik'lel, kyk'ma'ye' kyoklene' toj tajwalil, jun koron layx kub' tzqij.5Ex ikxkye' ku'xun, che nimanqe'ye' te kykawb'il tijwnaq. Kyq'om kawi' kyib'e' jun te juntl toj me'sb'il kykyaqile', qu'n:
Nq'ojin Dyos kyi'ju' nkynima'n kyib' aye'tzu'n me'sqe' nche toni'n tu'n t-xtalb'il.6Kyme'ssa'nku' kyib'e' toju' tkawb'il Dyos nimtipumal, tu'ntzun kyjaw nima'ne' tu'n ajtjapun tq'ijlalil.7Kyq'onku'ye' tkyaqilju' nb'ajx kyk'u'je' ti'j toj tq'ob' Dyos, ka'yi'n qena'kye' tu'n.8Che ximanqe'ye' b'a'nxi'x ex b'a'nqe'xe', qu'n aju' tajaw il kyajq'oje', nxi'x tzanun kse'n jun b'alun, njyon alkye kxel tch'yo'n.9Che we'ku'ye' twitz b'a'nxi'x toj kyokslab'le', b'i'nxi'x kyu'ne' ax yajb'ilju' nik'xkyu'n okslal toj tkyaqil plaj twitz tx'otx' kse'n nik'xkyu'ne'.10Tb'ajlenxi'tzun jte' q'ij yajb'il kyi'je', axte Dyos ktzinsalkyeye', kche tkuwsa'ye' toj kyokslab'le', tu'n tten kyipumale' ex tu'n tqexi'x kyk'u'je' ti'j. Ate Dyos txkonqe tu'nju' nim tk'u'jlalil qi'j, tu'n qten toj tajwalil tejumajx tu'nju' qmujb'ab'l tuk'i'l Jesukrist.11Nimanjtzwit tb'i Dyos ex kawinxwit tejumajx. Ikxwitju'. Qolb'eb'l te b'ajsb'il12Matxi ntz'ib'a'ne' u'j lu tu'n txi' tiq'i'n Silb'ano kyeye', kanli nwitze' njapun tu'n qtzik lu toj taq'un Dyos, tu'n txi' nq'o'ne' kynab'le' ex tu'n tkane toj kywitze' qa aju' ky'i'wb'il matxi' kyk'ame', jun yek'b'il axxi'x qa nche k'u'jlanjtze' tu'n Dyos. ¡Che we'ku'ye' b'a'nxi'x toju' t-xtalb'il!13Nche'x q'olb'e'ne' kyu'n okslal ate' toj B'ab'ilon, aye' e'jaw t-sk'o'n Dyos kse'nxkye, ex nche'x q'olb'e'ne' tu'n Kuẍ ju' nk'wale'.14Kyq'olb'em kyib'e' tu'n jun ma'tz tuk'i'l tk'u'jlalil.
Tenxwit nak'b'il kyxole' kykyaqile' okslalqe'ye' te Krist.
Bible Society in Guatemala