1 Crónicas1

Tyajajil Adan

1Aju' Adan tman Set, ex aye' tyajajilju': Enos,2Kaynan, Maalalel, Jered,3Enok, Matusalen, Lamek,4Noe. Tyajajil Noe (Gn 10.1-32)
Aye' tk'wal Noe ja'lu: Sem, Kam Ex Japet.
5Aye' tk'wal Japet ja'lu: Komer, Mawow, Maday, Ja b'a'n, Tub'al, Mesek ex Tiras.6Aye' tk'wal Komer ja'lu: Askyenas, Ripat ex Towarma.7Aye' tk'wal Ja b'a'n ja'lu: Elisa, Tarsis, Kyitim, ex Rodanim.
8Aye' tk'wal Kam ja'lu: Kus, Misraym, Put ex Kanaan.9Aye' tk'wal Kus ja'lu: Seb'a, Ab'ila, Sab'ta, Raama ex Sab'teka. Aye'tzu'n tk'wal Raama aye': Seb'a, ex Dedan.10Ate Kus tman Nimrod, ju' tnejel xjal nimtipumal ten twitz tx'otx'.
11Ti'j Misraym tzajna'qe'ju' ludey, anamey, leab'ita, naptwita,12patrusey, kasluyita, exqe'tzu'n kaptorita, ja tzajna' kyyajil pilistey.
13Ate Kanaan tman Sidon, ju' tnejel tk'wal ex tman Et.14Ti'j Kanaan tzajna' kyyajil jeb'usey, amorey, kyerkyesey,15eb'ey, arasey, siney,16arb'adey, semarey ex amatey.
17Aye' tk'wal Sem ja'lu: Elam, Asur, Arpaksad, Lud ex Aram. Aye' tk'wal Aram ja'lu: Us, Ul, Keter, ex Mas.18Ate Arpaksad tman Sela, atzunte Sela tman Eb'er.19Kab'e' tk'wal Eb'er ten: Pelej tb'iju' tnejel oktq'o'n, qu'n kub' kypa'n kyib'u' xjal toju' tq'ijlalil tej tten, atzunju' titz'in, Joktan tb'i.20Ate Joktan kyman Almodad, Selep, Asar-mab'et, Jera,21Adoram, Usal, Dikla,22Ob'al, Ab'imael, Seb'a,23Opir, Ab'ila ex Job'ab'. Kykyaqil ja'lu tk'wal Joktan qe'. Tyyajajil Sem (Gn 11.10-26)
24Sem, Arpaksad, Sela,25Eb'er, Pelew, Rewu,26Seruw Naor, Tera27ex Ab'ram, aju' Ab'raam. Tyajajil Ismael Ex Kyetura (Gn 25.1-6,12-18)
28Aye' tk'wal Ab'raam ja'lu: Isaak ex Ismael.29Aye' kyyajajil ja'lu: Neb'ayot ju' tnejel tk'wal Ismael, exqe' Kedar, Adb'eel, Mib'sam,30Misma, Duma, Masa, Adad, Tema,31Jetur, Napis ex Kedma. Aye'tzun tk'wal Ismaelju'.
32Aye'tzu'n tal Kyetura tqya Ab'raam, aye': Simran, Joksan, Medan, Madyan, Isb'ak ex Suwa. Aye'tzu'n tk'wal Joksan aye': Seb'a ex Dedan.33Aye'tzu'n tk'wal Madyan aye': Epa, Eper, Anok, Ab'ida ex Eldaa. Kykyaqil ja'lu tyajajil Kyeturaqe'. Tyajajil Esawu (Gn 36.1-43)
34Ate Ab'raam tman Isaak. Aye'tzu'n tk'wal Isaak aye': Esawu ex Israel.35Aye' tk'wal Esawu ja'lu: Elipas, Rewel, Jewus, Jaalam ex Kore.36Aye' tk'wal Elipas ja'lu: Teman, Omar, Sepo, Katam ex Kyenas; atzu'n tuk'i'l Timna a Amalek.37Aye' tk'wal Rewel ja'lu: Naat, Sera, Sama ex Misa.
38Aye' tk'wal Seyir ja'lu: Lotan, Sob'al, Sib'on, Ana, Dison, Eser ex Disan.39Aye' tk'wal Lotan ja'lu: Ori ex Emam. Tanab'toq Lotanju' Timna.40Aye' tk'wal Sob'al ja'lu: Alb'an, Manaat, Eb'al, Sepo, ex Onam. Aye'tzu'n tk'wal Sib'on aye': Aya ex Ana.41A Ana tman Dison. Aye' tk'wal Dison ja'lu: Emdan, Esb'an, Itran ex Kyeran.42Aye' tk'wal Eser ja'lu: B'ilan, Saab'an ex Jaakan. Aye' tk'wal Disan ja'lu: Us ex Aran.
43Aye'tzun nimaqkawil ja'lu e'kawin toj Edom tej na'mxtoq tten kynimaqkawil aj Israel: aju' B'ela tk'wal B'eor; Dinab'a tb'iju' ninttanam.44Tetzunj tkyim B'ela, atl Job'ab' tk'wal Sera kawin te t-xel, ju' aj B'osra toq.45Tetzunj tkyim Job'ab', atl Usam, ju' atitoq toju' tx'otx' Teman, kawin te t-xel.46Tetzunj tkyim Usam, atl Adad tk'wal B'edad, ju' kanb'an kyi'j Madyan toj q'oj toju' tx'otx' Moab', kawin te t-xel; Ab'it tb'iju' ninttanam.47Tetzunj tkyim Adad, atl Samla, ju' aj Masreka, kawin te t-xel.48Tetzunj tkyim Samla, atl Sawul, aj Reob'ot atitoq ttzi a', kawin te t-xel.49Tetzunj tkyim Sawul, atl B'aal-anan tk'wal Akb'or, kawin te t-xel.50Ex tej tkyim B'aal-anan, atl Adad kawin te t-xel; Paw tb'iju' ninttanam. Meetab'el tb'iju' t-xu'jil, tmyal Matred ex tchman Mesaab'.
51Tkyimlenxi'tzu'n Adad, aye' nejenelju' e'ten toj Edom, aye': Timna, Alb'a, Jetet,52Oolib'ama, Ela, Pinon,53Kyenas, Teman, Mib'sar,54Mawdyel ex Iram. Aye'tzun nejenelju' e'ten toj Edom. Aye' tk'wal Israel (Gn 35.22-26)
1Aye' tk'wal Israel ja'lu: Rub'en, Simeon, Leb'i, Juda, Isakar, Sab'ulon,2Dan, Jse, B'enjamin, Neptali, Kad ex Aser. Tyajajil Juda
3Aye' tk'wal Juda ja'lu: Er, Onan, ex Sela. A tmyal Suwa kytxuju' oxe' lu, aj Kanaantoq. Atzunte Er, tnejel tk'wal Juda, majxtoq taq'wixju' tb'inchb'aj ex eltiq'i'n Qman Dyos tchwinqlal.4Ul kab'e' tal Tamar, tlib'x Juda, tuk'i'l, ex aye': Pares ex Sera. Jwe' tk'wal Juda ten tu'n kykyaqil.
5Aye' tk'wal Pares ja'lu: Esron ex Amul.6Aye'tzu'n tk'wal Sera, aye': Simri, Etan, Eman, Kalkol ex Darda, jwe' kyb'aj tu'n kykyaqil.
7Tk'wal Karmi Akar, tu'n tpaj Akar tzaja' taq'wixil tib'aj Israel tej tkub' ttzyu'n ti'xti' tchaq' Dyos tu'ntoq majx tu'n tkub' xitet.8Atzu'n Asariy tk'wal Etan.
9Aye'tzun tk'wal Esron aye': Jerameel, Ram ex Kyelub'ay.
10A Ram tman Aminadab', atzunte Aminadab' tman Naason, nejenel kye tyajajil Juda.11A Naason tman Salma, atzun Salma tman B'oos,12atzun B'oos tman Ob'ed, atzun Ob'ed tman Jese,13atzun Jese tman Elyab', ju' tnejel tk'wal; tkab' Ab'inadab'; toxi'n Sima;14tkyaji'n Natanael; tjwe'yi'n Raday;15twaqaqi'n Osem; ex twuqi'n Dab'i.16Aye'tzu'n kyanab' aye': Seruya ex Ab'ikayl. Oxe' tal Seruya ten, aye': Ab'isay, Joab' ex Asael.17Ten jun tal Ab'ikayl, Amasa tb'i, a tmanju' Jeter, aj Ismael.
18Atzunte Kaleb', tk'wal Esron, ten jun tk'wal tuk'i'l Asub'a ju' t-xu'jil; Jeryot tb'i. Aye' txqantl tk'walju': Jeser, Sob'ab' ex Ardon.19Tetzunj tkyim Asub'a, mje Kaleb' tuk'i'l Eprata, ex ten jun tk'wal tuk'i'l, Ur tb'i.20A Ur tman Uri, atzunte Uri tman B'esalel.
21Tetzunj tetoq oxnaq ab'q'i Esron, mje tuk'i'l tmyal Makyir, tman Kalaad, ex ten jun tk'wal tuk'i'l: Sewub' tb'i.22A Sewub' tman Jayir, aju' ten junaq oxe' (23) nimaqttanam toju' tx'otx' Kalaad.23Aye'tzu'n Kyesur ex Aram kub' kytzyu'n najb'il Jayir, ex Kyenot kyuk'i'lxi' kykojnajb'il; oxnaq nimaqtnam tu'n kykyaqil. Kykyaqilx ja'lu tyajajil Makyir, kyman aj Kalaad.
24Tkyimlenxi'tzu'n Esron, mje Kaleb' tuk'i'l Eprata t-xu'jil Esron ju' tman, ex ten jun kyk'wal, Asur tb'i, aju' tman Tekoa.
25Aye' tk'wal Jerameel ja'lu, ju' tnejel tk'wal Esron: Ram, ju' tnejel tk'wal, exqe' B'una, Oren, Osem ex Ayiy.26Ten juntl t-xu'jil Jerameel, Atara tb'i, aju' ttxu Onam.
27Aye' tk'wal Ram ja'lu, ju' tnejel tk'wal Jerameel: Maas, Jamin ex Ekyer.28Aye' tk'wal Onam ja'lu: Samay ex Jada.
Aye' tk'wal Samay ja'lu: Nadab' ex Ab'isur.29Aju' t-xu'jil Ab'isur atoq tb'iju' Ab'yayil, kytxu Ab'an ex Molid.
30Aye' tk'wal Nadab' ja'lu: Seled ex Apaym. Kyim Seled ex mixti'x ten tk'wal.31A Apaym tman Isi. Atzunte Isi tman Sesan. Atzunte Sesan tman Alay.
32Aye' tk'wal Jada ja'lu, ju' kyitz'inkyib' tuk'i'l Samay, aye': Jeter ex Jonatan. Kyim Jeter ex mixti'x tk'wal ten.33Aye' tk'wal Jonatan ja'lu: Pelet ex Sasa.
Kykyaqil ja'lu tyajajil Jerameel qe'.
34Mixti' tente Sesan tk'wal: o'qe'kx tmyal e'ten. Atitoqtzun jun tmajin lq'o'n tu'n, aj Ejipt, Jara tb'i,35xitq'o'n junju' tmyal te t-xu'jil, ex ten jun kyk'wal, Atay tb'i.36Ate Atay tman Natan, atzu'n Natan tman Sab'ad,37atzu'n Sab'ad tman Eplal, atzu'n Eplal tman Ob'ed,38atzu'n Ob'ed tman Jewu, atzu'n Jewu tman Asariy,39atzu'n Asariy, tman Eles, atzu'n Eles tman Elasa,40atzu'n Elasa tman Sismay, atzu'n Sismay tman Salum,41atzu'n Salum tman Jekamiy, atzu'n Jekamiy, tman Elisama.
42Aye'tzu'n tk'wal Kaleb', ju' kyitz'inkyib' tuk'i'l Jerameel, aye': Mesa, tnejel k'wal, ju' tman Sip, atzu'n tkab' a Maresa, ju' tman Eb'ron.43Aye' tk'wal Eb'ron ja'lu: Kore, Tapuwa, Rekyem ex Sema.44A Sema tman Raam, ju' tman Jorkoam; atzu'n Rekyen tman Samay.45Ate Samay tman Maon, ju' tman B'et-sur.
46A Epa, ju' juntl t-xu'jil Kaleb', kytxu Aran, Mosa ex Kases. A Aran tman Kases.
47Aye' tk'wal Jaday ja'lu: Rewem, Jotam, Kyesan, Pelet, Epa ex Saap.
48Tqya Kaleb'ju' Maaka, kytxu Seb'er ex Tirana.49Ex kytxu Saap, tman Madmana, ex Seb'a, kyman Makb'ena ex Wib'ea. Ex ten jun tmyal Kaleb', Aksa tb'i.
50Aye' tyajajil Kaleb' ja'lu.
Aye' tk'wal Ur, ju' tnejel tk'wal Eprata, aye': Sob'al, tman Kyiryat-jearim;51ex Salma, tman B'elen; ex Arep, tman B'et-kader.
52Aye' tk'wal Sob'al, tman Kyiryat-jearim, aye': Reayiy, kyyajilb'en nik'janju' aj manaetit53aye'tzu'n k'loj kyyajajil Kyiryat-jearim kywitze'lilex kyib' aye': Itrit, Putit, Sumatit ex Misrayit, jatzajna'qe' Soratit ex Estaolit.
54Aye' tk'wal Salma ja'lu: aj B'elen, e'aj Netopatit, aj Atrot-b'et-joab', e' nik'jantl kyyajajil aj Manaetit, e'aj soreyit55exqe' k'loj aj Soperit najlqe'toq Jab'es, aye' aj Tiratey, aj Simatey ex aj Sukatey. Aye'tzun aj Kyenit ja'lu, tzajniqe' ti'j Amat, ju' tman B'et-rekab'. Aye' tk'wal Dab'i (2 S 3.2-5; 5.13-16; 1 Cr 14.3-7)
1Aye' tk'wal Dab'i ja'lu e'itz'ji toj Eb'ron: a Amnon tnejel k'wal, tal Aynoam, ju' aj Jesreel; tkab', a Danyel, tal Ab'ikayl, aj Karmel;2toxi'n Ab'salon, tal Maaka, ju' tmyal Talmay, nimaqkawil toj Kyesur; tkyaji'n Adoniy, tal Awit;3tjwe'yi'n, Sepatiy, tal Ab'ital; twaqaqi'n Itream, tal Ewla, ju' juntl t-xu'jil Dab'i.4Aye'tzun waqaq tk'wal Dab'iju' e'itz'ji toj Eb'ron, ja kawina' wuq ab'q'i tk'i' qaq xjaw. Atzun junaq oxlajoj (33) ab'q'i kawin toj Jerusalen,5jae'itz'ja' kyaje'tl tk'wal, aye': Sima, Sob'ab', Natan ex Salomon, tal B'et-sab'e, ju' tmyal Amyel.6Ex e'ten b'eljojtl tk'wal, aye': Ib'ar, Elisama. Elipelet,7Nowa, Nepej, Japiya,8Elisama, Elyada ex Elipelet.9Kykyaqil ja'lu tk'wal Dab'i qe', ex kyanab'ju' Tamar. Mya qe'tl kyeju' tk'wal kyuky'i'l txqantl tqya. Tyajajil Salomon
10Aye' tyajajil Salomon ja'lu: Rob'oam. Ab'iy, Asa, Josapat, Joram, Okosiy, Joas, Amasiy, Asariy, Jotam, Ajas, Esekyiy, Manases, Amon ex Josiy.
15Aye' tk'wal Josiy ja'lu: tnejel, Joanan; tkab', Joakyim; toxi'n, Sedekyiy; tkyaji'n, Salum.
16Aye' tk'wal Joakyim ju' Jekoniy ex Sedekyiy.
17Aye' tyajajil Jekoniy ja'lu, ju' ex iq'i'n toju' tx'otx', aye': Salatyel, ju' tnejel tk'wal,18exqe' Malkyiram, Pedayiy, Senasar, Jekamiy, Osama ex Nedab'iy.
19Aye' tk'wal Pedayiyju' Sorob'ab'el ex Simi. Aye'tzu'n tk'wal Sorob'ab'el aye': Mesulam ex Ananiy, ex Selomit ju' kyanab',20ex ten jwe'tl tk'wal, aye': Asub'a, Oel, B'erekyiy, Asadiy ex Jusab'-esed.
21Aye' tk'wal Ananiyju' Pelatiy ex Isayiy. Aye' tyajajil Isayiy ja'lu: Repayiy, Arnan, Ab'diy ex Sekaniy.22Aye' tk'wal Sekaniyju' Semayiy, Atus, Iwal, B'ariy, Neariy ex Sapat: Waqaq kyb'aj tu'n kykyaqil.
23Oxe' tk'wal Neariy ten, aye': Elyoenay, Esekyiy ex Asrikam.
24Wuq tk'wal Elyoenay e'ten, aye': Odab'iy, Elyasib', Pelayiy, Akub', Joanan, Delayiy ex Anani. Tyajajil Juda
1Aye' tk'wal Juda ja'lu: Pares, Esron, Karmi, Ur ex Sob'al.2Ate Sob'al tman Reayiy, atzu'n Reayiy tman Jaat, atzu'n Jaat kyman Awmay ex Laad. Aye'tzun k'loj soratit ja'lu kywitze'lilex kyib'.
3Aye' tk'wal Ur ja'lu: Etam, Jesreel, Isma, Idb'as, Penwel, ju' tman Wedor, ex Eser, ju' tman Usa. Atitoq jun kyanab' Aslelponi tb'i. Aye'tzun tk'wal Ur ja'lu, ju' tnejel tk'wal Eprata, ojtxi' kyyajilb'en aj B'elen.
5Kab'e' t-xu'jil Asur ten, ju' tman Tekoa, aye': Ela ex Naara.6A Naara kytxu Awusam, Eper, Temeni ex Aastari. Aye'tzun tal Naaraju'.7Aye'tzu'n tal Ela: Seret, Jesoar ex Etnan.
8A Kos kyman Anub' ex Sob'eb'a, ex ojtxi' kyyajilb'enju' k'loj kyyajajil Aarel, tk'wal Arum.
9Nimxi'x toklen Jab'es ten kyekywitzju' titz'in ex ttzik, Jab'es tb'i oktq'o'n ttxu qu'n tma: Axxi'x, toj k'ixk'oj sitz'ja', chij.10Kub'san Jab'es twitz Qman Dyos Kydyos aj Israel, ex tma: Inchin kub'sane' teya tu'n ntzaj tk'i'wla'na ex q'ontza jun nin tx'otx' weye', chin tonima ex chin tkloma kyeju' myab'a'n, tu'ntzun lalun chin yajtiye', chij. Ex tzaj tq'o'n Dyos te kse'nxju' xitqani'n.
11A Kyelub' kyitz'inkyib' tuk'i'l Suwa, tman Meyir; atzunte Meyir tman Eston;12atzunte Eston kyman B'et-rapa, Pasea ex Teyna, ju' b'inchante nintnam Naas. Aye'tzu'n e'najanju' Reka.
13Aye' tk'wal Kyenas: Otonyel ex Serayiy. Aye' tk'wal Otonyel: aye' Atat14ex Meonotay, aju' tman Opra. A Serayiy tman Joab', ju' ojtxi' kyyajilb'enju' xjal najlqe' toju' b'ya' Arasim, ex atoq kyaq'unju' b'inchal chukchaq ti'xti'.
15Aye' tk'wal Kaleb', ju' tk'wal Jepune, aye': Ir, Ela ex Naam. Ate Ela tman Kyenas.
16Aye' tk'wal Jaaleel ja'lu: Sip, Sipa, Tiriy ex Asarel.
17Aye' tk'wal Esdras: jeter, Mered, Eper ex Jalon. Mje Mered tuk'i'l B'itiy, tmyal paraon ex aye' kyk'wal ja'lu: Mariy, Samay ex Isb'a, tman Estemoa. Ex ten jun t-xu'jil Mered kyxolju' tnej tyajajil Juda, aju' ttxu Jered, kyman Wedor ex Eb'er, kyman soko ex Jekutyel, tman Sanoa.
19Aye' tal t-xu'jil Odiy ja'lu, tanab' Naam, tman Kyeyla, aye': Dalya aj Karmit ex Estemoa aj Maakatey.
20Aye' tk'wal Simon ja'lu: Amnon, Rina, B'en-anan ex Tilon.
Aye' tk'wal Isi: Soet ex B'en-soet.
21Aye' tyajajil Sela, ju' tk'wal Juda, aye': Er, tman Leka, ex Lada, tman Maresa, exqe' k'loj xjal kywitze'lilex kyib' nche aq'unan ti'j q'in chub'i'ntwitz toj B'et-asb'ea,22ex Joakyim, exqe' xjal najlqe' Koseb'a, ex Joas ex Sarap, aye' e'xt'anj mjeb'el kyuky'i'lju' qya aj Moab', ex anjtzkyi'j toj B'elen, kse'nx ntma'n kyoju' ojtxi' tu'jil tqanil kyb'inchb'aju' nimaqkawil.23B'inchal tx'otx' xar ex k'wil qe'toq; najlqe'toq toj Netaym ex Wedera, ex intoq che ajb'en te nimaqkawil. Tyajajil Simeon
24Aye' tk'wal Simeon ja'lu: Nemwel, Jamin, Jarib', Sera ex Sawul.25A Sawul tman Salum; atzu'n Salum tman Mib'sam, atzu'n Mib'sam tman Misma.
26A Misma tman Amwel; atzu'n Amwel tman Sakur, atzu'n Sakur tman Simi.27Qaqlajoj tk'wal Simi ten, atzun waqaq tmyal; aye'tzu'n titz'in ex ttzik mya nim kyk'wal ten, qu'mtzun minti' ech'iyju' k'loj kyyajajil, kse'nqe'ju' tyajajil Juda.28Najlqe'toq kyoj B'eerseb'a, Molada, Asar-swal,29B'ila, Esem, Tolad,30B'etwel, Orma, Siklaw,31B'et-markab'ot, Asar-susim, B'et-b'iray ex Saaraym. Aye'tzun nimaqkytanam ja'lu tzmax tpon toj tq'ijlalil tkawin Dab'i.32Ex ate'toq jwe'tl kytanam, aye': Etam, Ayn, Rimon, Tokyen ex Asan,33kyuk'i'lxi' kykyaqilju' kojb'il ate'toq kyi'jile nimaqtnam lu pomnix jata' B'aalat. Aye'tzun najb'ilju' jae'najana' ex ja tz'ib'a'na' kyb'iju' kyyajajil.
34Aye' junjun nejenel ja'lu: Mesob'ab', Jamlek, Josiy tk'wal Amasiy,35Joel, Jewu tk'wal Josib'iy, ate Josib'iy tk'wal Serayiy, atzu'n Serayiy tk'wal Asyel;36Exqe' Elyoenay, Jaakob'a, Jesoayiy, Asayiy, Adyel, Jesimyel, B'enayiy,37Sisa, tk'wal Sipi, ate Sipi tk'wal Alon, atzu'n Alon tk'wal Jedayiy, atzu'n Jedayiy tk'wal Simri, atzu'n Simri tk'wal Semayiy.38Aye'tzun nejenel ja'lu, kye junjun k'loj kywitze'l kyib'. E'chmet-xi'xju' kyyajajil ex nim txqan kyajlal b'ent,39e'pon jyol kywa kyrit tzmax ttziju' tnam Werar toj tjawetzq'ij teju' b'ya',40nim txqan tb'anil k'ul ex ẍq'ayun knet kyu'n atzu', ex nim twitzu' tx'otx' atzu', mixti'te nb'aj toj ex q'uqlixi'x tk'u'jlalil. Atzuntzu' najlqe'toqju' tyajajil Kam toju' tx'otx' lu,41atzu'n toj tq'ijlalilju' nimaqkawil Esekyiy toj Juda, eb'ju'l kykyaqilju' q'ma'ntl kyb'i jawtl ex majx eb'ajkub' kyb'ajsa'n, kyuk'i'lxi' kyxmuj ex kynajb'il b'je'l yal atzu', e'kyajtentzuntz najal atzu' te kyxel, qu'n atitoq k'ul te kywa kyalu'n.42Expe' e'xi' junk'al jo'naq (500) xjal twi' witz Seyir, tyajajil Simeonqe', chq'o'nqe' kyu'n Pelatiy, Neariy, Repayiy ex Usyel,43ex eb'aj kub' kyb'yo'n jte'tl aj Amalek. Atxi'xtzunj majx e'kyaj najan atzu'. Tyajajil Rub'en
1Aye' tk'wal Rub'en, ju' tnejel tk'wal Israel, aye': Anok, Palu, Erson ex Karmi. Atoqte Rub'en tnejel k'wa'lb'aj, tu'ntzunju' kub'kẍe tuk'i'lu' t-xu'jil tman, qu'mtzun elju' toklen te tnejel k'wa'lb'aj, xi' kyaja'tlju' oklenj lu kyeju' tk'wal Jse, juntl tk'wal Israel. A pena'te Juda nimxi'x tipumal ten kywitzju' titz'in ex ttzik, ex ti'j ela' jun nejenel; atzunju' oklenj te tnejel k'wa'lb'aj tetoq Jse.
4Aye' tyajajil Joel ja'lu: a Semayiy tman Wow, atzu'n Wow tman Simi, atzu'n Simi tman Mikayiy, atzu'n Mikayiy tman Reayiy, atzu'n Reayiy tman B'aal, atzu'n B'aal tman B'eera, ju' nejenel kye tyajajil Rub'en, okx jpu'n tu'n Tiklat-pileser, nimaqkawil toj Asirya.
7Aye' titz'in B'eera ja'lu, kse'nxju' ttxolil tz'ib'a'na' kyb'iju' k'loj kyyajil, aye': Jeyel, ju' nim toklen, ex Sakariy8ex B'ela tk'wal Asas, tchman Sema ju' tk'wal Joel. Kub' najan B'ela toj tnam Aroer ex tzmax pona' b'aju' ttx'otx' jata' Neb'o ex B'aal-meon.9Ex najan tu'me'l tjawetzq'ij tzmax ja ulna' b'aju' chq'ajlaj pomnix ttziju' nin a' Ewprates, ojexi'x e'chmetju' talu'n toj tx'otx' Kalaad.
10Tej tkawin Sawul, e'q'ojinju' tyajajil Rub'en kyuky'i'lju' tyajajil awar, kub'kyi'j kyu'n ex e'kub'ten najal toj tjawetzq'ij teju' tnej tx'otx' Kalaad. Tyajajil Kad
11Aye' tyajajil Kad, ju' e'najan tk'etz kytx'otx' tyajajil Rub'en, toju' tnej tx'otx' B'asan, pomnix toju' nintnam Salka.12Aye': Joel, ju' tnejel, tkab' Sapan, toxi'n Jaanay, atzu'n tkyaji'n Sopat.13Aye' kywitze'l ja'lu, kse'nxju' kyyajajil kyman: Mikael, Mesulam, Seb'a, Joray, Jakan, Siya ex Eb'er, wuq kyb'aj tu'n kykyaqil.14Aye' ja'lu tk'wal Ab'yayil qe', ju' tk'wal Uri, atzunte Uri tk'wal Jaroa, atzunte Jaroa tk'wal Kalaad, atzunte Kalaad tk'wal Mikael, atzunte Mikael tk'wal Jesisay, atzunte Jesisay tk'wal Jado, atzunte Jado tk'wal B'us.15A Ayi tk'wal Ab'dyel ex tchman Wuni, nejenel kye kykyaqilju' kyyajajil.16Kykyaqil ja'lu e'najan kyoju' tx'otx' Kalaad, B'asan ex kyoju' kykojb'il, ex kyoju' tx'otx' te k'ik'leb'l toj Saron, pomnix ttziyile kynaqach.17Kykyaqil ja'lu tz'ib'a'nqe' toju' tu'jil ja tz'ib'a'na'qe' k'loj kyyajajil toju' tq'ijlalil tej kyten Jotam, nimaqkawil toj Juda, ex Jerob'oam, nimaqkawil toj Israel. Tqanil kyi'ju' kab'e' tnej kyyajajil tk'i' nik'jan
18Aye'ju' tyajajil Rub'en ex Kad, kyuk'i'l niky'janju' tyajajil Manases, kuw xjal qe'toq te q'oj, iq'i'mile kykolb'il, kyk'uẍtx'e'nb'il ex kysmaj, xnaq'tza'nqe' b'a'nxi'x tu'n kyq'ojin. Jo'mutx' junlajk'al wajxaqlajnaq (44,760) ichan b'a'nqe' te q'oj.19E' q'ojin kyi'ju' tyajajil Awar, kyi'ju' tyajajil Jetur, tyajajil Napis ex tyajajil Nodad;20atzunte Dyos onin kyi'j, aye'tzu'n tyajajil Awar kyuky'i'lju' kymujb'a'nkyib' kyuk'i'l kub'kyi'j kyu'n, qu'n xikyqani'n te Dyos toju' q'oj lu tu'n tonin kyi'j. Onin Qman Dyos kyi'j qu'n okqe kyk'u'j ti'j.21Ex b'ajx kyiq'i'n kyalu'nju' kyajq'oj, qaqmutx' jok'al (50,000) kamey, junaq junlajoj mutx' jok'al (250,000) rit, ex atzun jok'al (2,000) b'ur. Expe' exi'kyjtz'o'n kab'lajmutx' lajk'al (100,000) xjal tu'n kyokx kyjpu'n.22Nim ajq'oj e'kyim kyu'n, qu'n atoq Dyos nq'ojin. E'kyajtzun tenju' tyajajil Rub'en najal atzu', tzmaxi'j tej kyex iq'i'n toju' kytx'otx'.
23E'kub' najanju' nik'jan tyajajil Manases toju' jun tnej tx'otx' xi'nix toj B'asan ex pomnix toj B'aal-emon, Senir ex twi' witz Ermon, qu'n nimtoq kyb'aj.24Aye' nejenel ja'lu teyile kyyajajil kyman: Eper, Isi, Elyel, Asryel, Jeremiy, Odab'iy ex Jadyel, kykyaqil ja'lu xjalqe' te q'oj min nche xob', nim kyoklen ex nejenelqe' kyeju' kyyajajil kyman.25Jawtzun kyi'nkyib' ti'ju' Kydyos kyyajilb'en ex min e'nimantl te, e'aq'wi k'ulul kywitz kydyosu' tnam, ju' ojetoq che kub' t-xitu'n Dyos ex eb'je'l tiq'i'n kywitz.26Tu'ntzun tpaju', tzaj tchq'o'n Qman Dyosju' Pul, nimaqkawil toj Asirya, axju' Tiklat-pileser, ju' exq'inkyeju' tnej tyajajil Rub'en ex Kad, exqe' nik'jan tnej tyajajil Manases toju' kytx'otx'; e'xitiq'i'n kyoj Ala, Ab'or, Ara ex ttziju' nin a' Wosan, jaekyaja' ten. Kyb'iju' pale tk'wal Leb'i
1Aye' tk'wal Leb'i ja'lu: Werson, Kyeat ex Merari.
2Aye' tk'wal Kyeat ja'lu: Amram, Isar, Eb'ron ex Usyel.3Aye' tk'wal Amram ja'lu: Aaron, Moyses ex Mariy. Aye' tk'wal Aaron ja'lu: Nadab', Ab'yu, Eleasar ex Itamar.4A Eleasar tman Pinees, atzu'n Pinees tman Ab'isuwa,5atzu'n Ab'isuwa tman B'ukyi, atzu'n B'ukyi tman Usi,6atzu'n Usi tman Serayiy, atzu'n Serayiy, tman Merayot,7atzu'n Merayot tman Amariy, atzu'n Amariy, tman Aytub',8atzu'n Aytub' tman Sadok, atzu'n Sadok tman Aymaas,9atzu'n Aymaas tman Asariy, atzu'n Asariy tman Joanan,10atzu'n Joanan tman Asariy, ju' pale ten toju' tja Dyos tchaq' Salomon tu'n tb'inchet toj Jerusalen.11Atzu'n Asariy tman Amariy, atzu'n Amariy tman Aytub',12atzu'n Aytub' tman Sadok, atzu'n Sadok tman Salum,13atzu'n Salum tman Ilkyiy, atzu'n Ilkyiy tman Asariy,14atzu'n Asariy tman Serayiy, atzu'n Serayiy tman Josadak.15Xiq'i'n Josadak tej tex tq'o'n Qman Dyos Juda ex Jerusalen ti'jxi' kytx'otx' toj tq'ob' Nab'ukodonosor. Tyajajil Leb'i
16Aye' tk'wal Leb'iju' Werson, Kyeat ex Merari.
17Aye'tzu'n tk'wal Werson aye' Lib'ni ex Simi.
18Aye'tzu'n tk'wal Kyeat aye' Amram, Isar, Eb'ron ex Usyel.
19Aye'tzu'n tk'wal Merari aye' Mali ex Musi.
Aye'tzun tk'wal Leb'iju'.
20Aye' tyajajil Werson ja'lu: A Werson tman Lib'ni, atzu'n Lib'ni tman Jaat, atzu'n Jaat tman Sima, atzu'n Sima tman Joa, atzu'n Joa tman Ido, atzu'n Ido tman Sera, atzu'n Sera tman Jeatray.22Aye' tyajajil Kyeat ja'lu: A Kyeat tman Aminadab', atzu'n Aminadab' tman Kore, atzu'n Kore tman Asir, atzu'n Asir tman Elkana, atzu'n Elkana tman Eb'yasap, atzu'n Eb'yasap tman Asir, atzu'n Asir tman Taat, atzu'n Taat tman Uryel, atzu'n Uryel tman Osiy, atzu'n Osiy tman Sawul.
25Aye' tk'wal Elkana aye' Amasay ex Aymot, aye'tzu'n tyajajil Aymot ja'lu: A Aymot tman Elkana, atzu'n Elkana tman Sopay, atzu'n Sopay tman Naat, atzu' Naat tman Elyab', atzu'n Elyab' tman Jeroam, atzu'n Jeroam tman Elkana.
28Aye' tk'wal Samwel ja'lu: B'asni, tnejel tk'wal, ex Ab'iy.
29Aye' tyajajil Merari ja'lu: A Merari tman Mali, atzu'n Mali tman Lib'ni, atzu'n Lib'ni tman Simi, atzu'n Simi tman Usa, atzu'n Usa tman Sima, atzu'n Sima tman Akyiyas, atzu'n Akyiyas tman Asayiy. E'b'jo'ktq'o'n Dab'i ajb'itzal toj tja Qman Dyos
31Aye' b'itzal ja'lu e'oktq'o'n Dab'i tu'n kyok ti'ju' b'itz toj tja Qman Dyos atxi'x tej tkub' q'o'n tkaxilju' yol kyejni b'entti'j tu'n Qman Dyos atzu'.32E'b'itzan twitzju' ja te mujb'ab'ltib'il tuk'i'l Dyos tzmax tej tchaq'un Salomon tu'n tjaw b'incha'n tja Qman Dyos toj Jerusalen, ex xi'kyljo'n kyaq'un atzu' kse'nxju' ntoq kyb'incha'n.
33Aye' xjal ja'lu e'ten atzu' kyuk'i'lju' kyk'wal: aye' tyajajil Kyeat, aj b'itzal Eman, tk'wal Joel tk'wal Samwel,34atzunte Samwel tk'wal Elkana, atzu'n Elkana tk'wal Jeroam, atzu'n Jeroam tk'wal Elyel, atzu'n Elyel tk'wal Toa,35Atzunte Toa tk'wal Sup, atzu'n Sup tk'wal Elkana, atzu'n Elkana tk'wal Maat, atzu'n Maat tk'wal Amasay,36atzu'n Amasay tk'wal Elkana, atzu'n Elkana tk'wal Joel, atzu'n Joel tk'wal Asariy, atzu'n Asariy, tk'wal Soponiy,37atzu'n Soponiy tk'wal Taat, atzu'n Taat tk'wal Asir, atzu'n Asir tk'wal Eb'yasap, atzu'n Eb'yasap tk'wal Kore,38atzu'n Kore tk'wal Isar, atzu'n Isar tk'wal kyeat, atzu'n Kyeat tk'wal Leb'iju' tk'wal Israel.
39Atzu'n toj tb'a'nq'ob' Eman intoq kub' tenju' twitze'l Asap tb'i, tk'wal B'erekyiy, atzu'n B'erekyiy tk'wal Sima,40atzu'n Sima tk'wal Mikael, atzu'n Mikael tk'wal B'aaseyiy, atzu'n B'aaseyiy tk'wal Malkyiy,41atzu'n Malkyiy tk'wal Etni, atzu'n Etni tk'wal Sera, atzu'n Sera tk'wal Adayiy,42atzu'n Adayiy tk'wal Etan, atzu'n Etan tk'wal Sima, atzu'n Sima tk'wal Simi,43atzu'n Simi tk'wal Jaat, atzu'n Jaat tk'wal Werson, atzu'n Werson tk'wal Leb'i.
44Atzu'n toj tnayaj Eman intoq kub' tenju' twitze'l tyajajil Merari: aju' Etan tk'wal Kyisi, atzu'n Kyisi tk'wal Ab'di, atzu'n Ab'di tk'wal Maluk,45atzu'n Maluk tk'wal Asab'iy, atzu'n Asab'iy tk'wal Amasiy, atzunte Amasiy tk'wal Ilkyiy,46atzu'n Ilkyiy tk'wal Amsi, atzu'n Amsi tk'wal B'ani, atzu'n Amsi tk'wal Semer,47atzu'n Semer tk'wal Mali, atzu'n Mali tk'wal Musi, atzu'n Musi tk'wal Merari, atzu'n Merari tk'wal Leb'i.
48Aye'tzun junjuntl twitze'l, tyajajil Leb'iqe', e'kyaj q'o'n ka'yilte tkyaqilju' ajb'eb'l toj tja Dyos.
49A Aaron kyuk'i'lju' tyajajil ntoq che kub' tz'e'ysante oyaj tib'aju' q'olb'eb'l tz'e'ysb'il chojb'il k'ok'sb'il ex tib'aju' q'olb'eb'l tz'e'ysb'il sturak. Ex aye' nche ajb'en toju' najb'il xjanxi'x ex tu'n kyk'monte najsb'il kyil aj Israel, kse'nx tkyaqilju' tchaq' Moyses, tmajin Dyos. Tyajajil Aaron
50Aye' tyajajil Aaron ja'lu: A Aaron tman Eleasar, atzu'n Eleasar tman Pinees, atzu'n Pinees tman Ab'isuwa, atzu'n Ab'isuwa tman B'ukyi, atzu'n B'ukyi tman Usi, atzu'n Usi tman Serayiy, atzu'n Serayiy tman Merayot, Merayot tman Amariy, atzu'n Amariy tman Aytub', atzu'n Aytub' tman Sadok, atzu'n Sadok tman Aymaas. Nimaqkytanam aj Leb'i (Jos 21.1-42)
54Aye' najb'il ja'lu, jae'najana' tyajajil Aaron ex tnaqachilu' kytx'otx'. A Eb'ron toju' tx'otx' Juda kyuk'i'lxi' kojb'il te k'ik'leb'l kub' tz'aq kyeju' tyajajil Kyeat.56Atzu'n ttx'otx'ju' nintnam kyuk'i'lxi' tkojb'il, xiq'o'n te Kaleb' tk'wal Jepune.57Kye tyajajil Aaron xa'q'o'n Eb'ron, nintnam te kolb'il, kyuk'i'lxi' kojb'il Lib'na, Jatir, Estemoa,58Iyen, Deb'ir, Asan ex B'et-semes, kyuk'i'lxi' kykojb'il te k'ik'leb'l.60Ex e'xiq'o'n nimaqkytanam tnej tyajajil B'enjamin kye, aye' Keb'a, Alemet ex Anatot, kykyaqil ja'lu kyuk'i'lxi' kykojb'il te k'ik'leb'l. Ikytzu'n, oxlajoj nimaqtnam xiq'o'n kye tyajajil Aaron.
61Aye'tzu'n jun k'lojtl tyajajil Kyeat xiq'o'n lajoj nimaqtnam kye, aye' ate' toj kytx'otx' nik'jan tyajajil Manases, kse'nxu' kub' tz'aq kye,62atzu'n kyeju' tyajajil Werson se'nxju' kyajlaj k'loj kyyajajil, xiq'o'n oxlajoj (13) nimaqtnam kye kyyajajil Isakar, Aser ex Neptali, exju' tyajajil Manases, ju' ojetoq che kub'ten B'asan.
63Atzu'n kye tyajajil Merari, kse'nxju' kyajlal k'loj kyyajajil, xiq'o'n kab'lajoj (12) nimaqtnam kye tnej kyyajajil Rub'en, Kad ex Sab'ulon, kse'nxju' kub' tz'aq kye.
64Aye'tzun nimaqtnamju' exi'kyq'o'n aj Israel kye tyajajil Leb'i kyuk'i'lxi' kykojb'il te k'ik'leb'l.65Exi'kyq'o'n nimaqtnam lu kye, ju' ate' toj kytx'otx' kyyajajil Juda, Simeon ex B'enjamin, kse'nxu' kub' tz'aq kye.66Kye junjun k'loj tyajajil Kyeat ekub'a' tz'aqu' nimaqtnam toj kytx'otx' tnej tyajajil Prayin.67Ex xiq'o'n Sikyem kye, ju' nintnam te kolb'il ati kywi' witz Prayin, kyuk'i'lxi' kykojb'il te k'ik'leb'l, ex Kyeser,68Jokmeam, B'et-oron, Ayalon ex Kat-rimon, kykyaqil kyuk'i'lxi' kykojb'il te k'ik'leb'l.
70Atzu'n kye jte'tl k'loj tyajajil Kyeat, exi' q'o'n nimaqtnam Aner ex B'ileam, ju' kyetoq nik'jan tyajajil Manases, kyuk'i'l kykojb'il te k'ik'leb'l.
71Atzu'n kye tyajajil Werson, kse'nxju' tajlal k'loj kyyajajil, exi' q'o'n nintnam Wolan, ati toj B'asan, exu' Astarot, kyuk'i'lxi' kykojb'il te k'ik'leb'l, ju' kyetoq nik'jan tyajajil Manases.72Ex ikx exi' q'o'n tnam Kyedes, Dab'erat, Ramot ex Anem kyuk'i'lilex kykojb'il te k'ik'leb'l kye, toju' kytx'otx' tnej tyajajil Isakar.74Ex exi' q'o'n tnam Masal, Ab'don, Ukok, ex Reob' kyuk'i'lilexju' kykojb'il te k'ik'leb'l, kye, toj kytx'otx'ju' tnej tyajajil Aser.76Ex exi' q'o'n tnam Kyedes, te Kaliley, ex Amon ex Kyiryataym kyuk'i'lilexju' kykojb'il te k'ik'leb'l, kye, toju' kytx'otx' tnej tyajajil Neptali.
77Atzu'n kyeju' jte'tl tyajajil Merari exi' q'o'n tnam kye: toj kytx'otx' kyyajajil Sab'ulon, Rimon ex Tab'or, teyile junjun kyuk'i'lju' kykojb'il te k'ik'leb'l;78exi' q'o'n tnam B'eser toju' chq'ajlaj, ex Jaas, Kademot ex Mepaat kyuk'i'lilexju' kykojb'il te k'ik'leb'l, kye, toj kytx'otx'ju' tnej tyajajil Rub'en, toj tjawetzq'ij te Jordan, jlaj Jeriko;80exi' q'o'n tnam Ramot te Kalaad, ex Maanaym, Esb'on ex Jaser kyuk'i'lilexju' kykojb'il te k'ik'leb'l, kye, toj kytx'otx'ju' tnej tyajajil Kad. Tyajajil Isakar
1Kyaje' tk'wal Isakar ten, aye': Tola, Pub'a, Jasub' ex Simron.
2Aye' tk'wal Tolaju' Usi, Repayiy, Jeryel, Jamay, Ib'sam ex Samwel, nejenelqe' kyeju' toj tja Tola ex nimaq q'ojil qe'x min nche xob' kytzajlenx kse'nxju' kyyajajil. Japun kyajlal toj kab'mutx' qaqlajk'al lajnaq (22,600) toj tq'ijlalil Dab'i.
3A Israyiy tk'wal Usi. Aye'tzu'n Mikael, Ab'diy, Joel ex Isiy, tk'wal Isarayiy qe'. Jwe' nejenel tu'n kykyaqil.4Tu'ntzu'n b'a'npuntoq kyxu'jil ex kyk'wal, nimqe' kyyajajil e'chmet ex eb'ent jte' tnej xjal te q'oj kyu'n, japun kyb'aj toj kyaje'mutx' lajk'al (36,000) ichan b'a'nqe' q'oj.
5Kykyaqilju' tnej tyajajil Isakar, japun kyajlal toj lajmutx' wuqlajk'al lajnaq (87,000) ichan, kykyaqil q'ojilqe' min nche xob', aju' kyajlal lu, kse'nxju' tz'ib'a'n toj ju' u'j jatz'ib'ana' kyb'iju' xjal. Tyajajil B'enjamin
6Aye' oxe' tk'wal B'enjamin ja'lu: B'ela, B'ekyer ex Jedyael.
7Jwe' tk'wal B'ela ten, aye': Esb'on, Usi, Usyel, Jerimot ex Iri, kykyaqil ja'lu nejenelqe' kyeju' kyyajajil kyman ex q'ojilqe' min nche xob'. Japun kyb'aju' kyyajajil toj kab'mutx' o'lajk'al junaq kyajlajoj (22,034) xjal, kse'nxju' ntma'n toju' u'j ja tz'ib'a'na' kyb'iju' kyyajajil.
8Aye' tk'wal B'ekyer: Semira, Joas, Elyeser, Elyoenay, Omri, Jerimot, Ab'iy, Anatot ex Alamet. Kykyaqil tk'wal B'ekyer qe',9ex kse'nxju' tz'ib'a'n toju' u'j jatz'ib'ana' kyb'i kyyajajil, exqe'ju' nejenel kyeju' kyyajajil kyman, japun kyajlal toj kab'mutx' lajk'al lajnaq (20,200) ichan min nche xob'.
10Ate B'ilan tk'wal Jedyael. Aye' tk'wal B'ilan ja'lu: Jewus, B'enjamin, Eud, Kyenaana, Setan, Tarsis ex Aysaar.11Kykyaqil ja'lu tyajajil Jedyael qe', ex nejenelqe' kyeju' kyyajajil kyman ex q'ojilqe' min nche xob', b'a'n che q'ojin. Kab'mutx' oxk'al (17,200) ichan.
12Aye' tk'wal Ir ju' Supam ex Upam. Atzu'n Usim tk'wal Aer. Tyajajil Neptali
13Aye' tk'wal Neptali: Jaseel, Wuni, Jeser ex Salum. Aye'tzun tyajajil B'ilaju'. Tyajajil Manases
14Aye' tk'wal Manases e'ten tuk'i'l aj Siryo ju' tqya, aye' Asryel ex Makyir, kyman aj Kalaad.15Mje Makyir tuk'i'l jun qya kyxol kyyajajil Upam ex Supam, Maaka tb'i. Aju' tkab' tk'wal Makyir Selopad tb'i, naq tmyal qe' e'ten.16Itz'ji jun tal Maaka ju' t-xu'jil Makyir, Peres tb'i oktq'o'n. Seres tb'iju' titz'in Peres, aye'tzu'n tk'wal: Ulam ex Rekyem.17A Ulam tman B'edan. Aye'tzun tk'wal Kalaadju', tk'wal Makyir, atzu'n Makyir tk'wal Manases.
18A Amolekyet, tanab' Makyir, kytxu Is-od, Ab'yeser ex Maala.
19Aye'tzu'n Ayan, Sikyem, Likyey ex Ayam, tk'wal Semida qe'. Tyajajil Eprayin
20Aye' tyajajil Prayin ja'lu: A Prayin tman Sutela, atzu'n Sutela tman B'ered, atzu'n B'ered tman Taat, atzu'n Taat tman Elada, atzu'n Elada tman Taat, atzu'n Taat tman Sab'ad, atzu'n Sab'ad tman Sutela. E'kub' b'yo'n Eser ex Elad, junjuntl tk'wal Prayin, kyu'n xjal najlqe'toq toju' jun tnej tx'otx' Kat, qu'n e'pon elq'al kyeju' kyalu'n.22Atzunte Prayin, ju' kyman, oktq'o'n ti'j te b'is b'a'npun q'ij, ex e'ponju' twitze'l q'uqb'alte tk'u'j.23Yajxi'tzuntel kub' kẍe tuk'i'lju' t-xu'jil ex kyeju' t-xu'jil ch'onwi', itz'jitzun jun tal ex oktq'o'n tb'i B'erya, qu'n matxi'toq tzaj txqan b'is toj tja.
24Atzunte Seera, tmyal B'erya, e'jaw tb'incha'n B'et-oron ati kub'l ex B'et-oron ati jawl, ex ikxu' Usen-seera.
25Aye' tyajajil B'erya ja'lu: A B'erya tman Repa, atzu'n Repa tman Resep, atzu'n Resep tman Tela, atzu'n Tela tman Taan, atzu'n Taan tman Ladan, atzu'n Ladan tman Amyud, atzu'n Amyud tman Elisama, atzu'n Elisama tman Nun ex a Nun tman Joswe.28A kytx'otx' ja'lu ex kynajb'il: B'etel; Naaran, toj tjawetzq'ij; Kyeser, toj tkub'exq'ij; ex Sikyem, tzmax jata' Aya; kykyaqilju' nimaqtnam lu kyuk'i'lxi' kykojb'il.29Ate'toqju' Taanak, Mewido ex Dor kyuk'i'lxi' kykojb'il toj kyq'ob'ju' tyajajil Manases. Kyojtzu'n najb'il lu e'najana' tyajajil Jse, tk'wal Israel. Tyajajil Aser
30Aye' tk'wal Aser ja'lu: Imna, Isb'a, Isb'i, B'erya ex Sera, ju' kyanab'.
31Aye' tk'wal B'erya ju' Eb'er ex Makyyel, ju' tman B'irsab'it.32A Eb'er kyman Japlet, Semer Otam ex Swa, ju' kyanab'.
33Aye' tk'wal Japlet ju' Pasak, B'imal ex Asb'at.
34Aye'tzu'n tk'wal Semer, ju' titz'in, aye' Rowa, Jewb'a ex Aram.
35Aye'tzu'n tk'wal Otam, ju' titz'in, aye' Sopa, Imna, Seles ex Amal.36Aye'tzu'n tk'wal Sopa aye' Swa, Arneper, Swal, B'eri, Imra,37B'eser, Od, Sama, Silsa, Itran ex B'eera.
38Aye' tk'wal Jeter ju' Jepune, Pispa ex Ara.39Aye'tzu'n tk'wal Ula aye' Ara, Anyel ex Risya.
40Kykyaqil ja'lu tyajajil Aserqe'. Nejenelqe' toj kyja, kyeju' xjal te q'oj kuwqe' ex min nche xob', ex kyeju' xjal nimaq kyoklen. Oxmutx' jo'k'al (26,000) ichan kse'nxu' kyajlal kyyajajil tz'ib'a'n, b'a'nqe' te q'oj. Tyajajil B'enjamin
1A B'enjamin tman B'ela, ju' tnejel tk'wal; tkab', Asb'el; toxi'n Ara;2tkyaji'n Noa, ex tjwe'yi'n Rapa.3Aye' tk'wal B'ela aye' Adar, Wera, Ab'yud,4Ab'iswa, Naaman, Aoa,5Wra, Sepupan ex Iram.
6Aye' tk'wal Eud ja'lu, nejenelqe' kyeju' toj kyja, najlqe'toq toj Web'a ex exi' iq'i'n te majin toj Manaat, a kyb'iju'7Naaman, Ayiy ex Wera, kyman Usa ex Ayud, ju' xiq'inkye.
8E'ten jte'tl tk'wal Saaraym toju' tx'otx' Moab', tkub'lenxi' tpa'ntib' kyuky'i'lu' kab'e' t-xu'jil: Usim ex B'aara.9Aye' tk'walju' e'ten tuk'i'lju' juntl t-xu'jil, Odes tb'i, aye' Job'ab', Sib'ya, Mesa, Malkam,10Jewus, Sakyiy ex Mirma. Aye'tzun tk'walju', nejenelqe' kyxolju' kyyajajil kyman.
11Ojetoq che itz'j tk'wal tuk'i'l Usim ju' t-xu'jil, aye' Ab'itub' ex Elpaal.12Aye' tk'wal Elpaal ju' Eb'er, Misam ex Semed, ju' jaw b'inchankye nimaqtnam Ono ex Lod, kyuk'i'lju' kykojb'il;13exqe' B'erya ex Sema, tk'wal Elpaalqe', nejenelqe' kyeju' kyyajajil najlqe'toq toj Ayalon, ex eb'je'x kyxla'ja'nju' xjal najlqe'toq ojtxi' toj Kat;14exqe' Sasak ex Jeroam, ju' kytziky ex kyitz'in.
15Exqe' Seb'adiy, Arad, Ader,16Mikael, Ispa ex Joa, tk'wal B'eryaqe'.17Aye'tzu'n tk'wal Elpaal aye': Seb'adiy, Mesulam, Iskyi, Eb'er, Ismeray, Jesliy ex Job'ab'.19Aye'tzu'n Jakyim, Sikri, Sab'di,20Elyenay, Siletay, Elyel,21Adayiy, B'erayiy ex Simrat, tk'wal Simiqe'.22Aye'tzu'n Ispan, Eb'er, Elyel,23Ab'don, Sikri, Anan,24Ananiy, Elam, Anatotiy,25Ipdayiy ex Penyel, tk'wal Sasakqe'.26Aye'tzu'n Samseray, Seariy, Ataliy,27Jaresiy, Eliy ex Sikri, tk'wal Jeroamqe'.28Aye'tzun nejenelju' nim kyoklen kye junjun ja kyeylex junjun wiq kyyajajil, e'najan toj Jerusalen. Toj tja Sawul (1 Cr 9.35-44)
29Najlitoq Jeyel tman Kab'aon toju' nintnam Kab'aon. Maakatoq tb'iju' t-xu'jil.30Aye' tk'wal ja'lu: Ab'don, ju' tnejel tk'wal, exqe' Sur, Kyis, B'aal, Ner, Nadab',31Wedor, Ayo, Sekyer32ex Miklot, ju' tman Simi. Ikx kyeju' kse'nx kyeju' kyitz'in ex kytzik, najlqe'toq kyk'etz toj Jerusalen.
33A Ner tman Kyis, atzu'n Kyis tman Sawul, atzu'n Sawul kyman Jonatan, Malkyiswa, Ab'inadab' ex Es-b'aal.34A Jonatan tman Merib'-b'aal, ju' tman Mikaiy.35Aye' tk'wal Mikaiy ja'lu: Piton, Melek, Tarea ex Ajas.36A Ajas tman Joada, atzu'n Joada kyman Alemet, Asmab'et ex Simri; ate Simri tman Mosa,37atzu'n Mosa tman B'ina, ju' tman Rapa, atzu'n Rapa tman Elasa, atzu'n Elasa tman Asel.
38Qaq tk'wal Asel e'ten, aye': Asrikam, B'okru, Ismael, Seariy, Ab'diy ex Anan. Aye'tzun tk'wal Asel ju'.
39Aye'tzu'n tk'wal Esek ju' titz'in, aye': Ulam, ju' tnejel; tkab' Jewus, toxi'n Elipelet.40Aye' tk'wal Ulam xjal qe'toq te q'oj min nche xob', b'a'n che xon tuk'i'l smaj. Nim kyk'wal ex kychman ten, wuqnaq lajoj (150) kyb'aj tu'n kykyaqil, tyajajil B'enjaminqe'.
1Ikytzu'n, kykyaqilu' aj Israel e'kyaj tz'ib'a'n toju' kyuju' nimaqkawil toj Israel. Aye' anjtzkyi'j B'ab'ilon (Neh 11.1-24)
Aye'tzu'n aj Juda exi' iq'i'n te majin toj B'ab'ilon tu'n tpaju' kyb'inchb'en myab'a'n.
2Aye' nejtl anjtzkyi'j najal toju' kytx'otx' ex toj ninkytanam aye' aj Israel, pale, aj Leb'i exqe' ajb'el toj tja Dyos.3E'kub' najanju' kyyajajil Juda, B'enjamin, Eprayin ex Manases, toj Jerusalen.
4Kyxolju' tyajajil Juda, e'ul: Utay, tk'wal Amyud, atzu'n Amyud tk'wal Omri, atzu'n Omri tk'wal Imri, atzu'n Imri tk'wal B'ani, tyajajil Paresqe', ju' tk'wal Juda.5Atzu'n kyxol tyajajil Silon: ul Asayiy, ju' tnejil tk'wal.6Atzu'n kyxol tyajajil Sera: e'ul Jewel exqe' twitze'l, junk'al kyajlajnaq lajoj (690) xjal.
7Atzu'n kyxolu' tyajajil B'enjamin: e'ul Salu, tk'wal Mesulam, atzu'n Mesulam tk'wal Odab'iy, atzu'n Odab'iy tk'wal Senwa;8ex Ib'neyiy, tk'wal Jeroam; ex Ela, tk'wal Usi, atzu'n Usi tk'wal Mikri; ex Mesulam, tk'wal Sepatiy, atzu'n Sepatiy tk'wal Rewel, atzu'n Rewel tk'wal Ib'niy.9Kab'k'al wuqnaq qaqlajoj (956) kyb'aju' twitze'l, kse'nxju' junjun wiq kyyajajil, kykyaqil nejenelqe' kyeju' kyyajajil.
10Atzu'n kyxolju' pale: aye' Jedaiy, Joyarib', Jakyin,11Asariy, tk'wal Ilkyiy, atzu'n Ilkyiy tk'wal Mesulam, atzu'n Mesulam tk'wal Sadok, atzu'n Sadok tk'wal Merayot, atzu'n Merayot tk'wal Aytub', nejenel nim toklen toju' tja Dyos;12ex Adayiy, tk'wal Jeroam, atzu'n Jeroam tk'wal Pasur, atzu'n Pasur tk'wal Malkyiy; ex Masay, tk'wal Adyel, atzu'n Adyel tk'wal Jasera, atzu'n Jasera tk'wal Mesulam, atzu'n Mesulam tk'wal Mesilemit, atzu'n Mesilemit tk'wal Imer;13exqe'tzu'n kywitze'l, kyajk'al wajxaqnaq (1,760) nejenel kyeju' kyyajajil, ichan b'a'nxi'x che aq'unan tu'n kyajb'en toj tja Dyos.
14Atzu'n tyajajil Leb'i: e'ul Semayiy, tk'wal Asub', atzu'n Asub' tk'wal Asrikam, atzu'n Asrikam tk'wal Asab'iy, kyxolju' tk'wal Merari;15exqe' B'akb'akar, Eres, Kalal ex Mataniy, tk'wal Mikaiy, atzu'n Mikaiy tk'wal Sikri, atzu'n Sikri tk'wal Asap;16ex Ab'diy, tk'wal Semaiy, atzu'n Semaiy tk'wal Kalal, atzu'n Kalal tk'wal Jedutun; ex B'erekyiy, tk'wal Asa, atzu'n Asa tk'wal Elkana, ju' najan kyoju' kojb'il kye netopatita.
17Aye'tzu'n xq'uqil ttzi tja Dyos: aye' Salum, Akub', Talmon, Ayman exqe' kywitze'l. A Salum nejenel kyeju' k'loj xjal kywitze'l kyib',18ex majx e'ten jun tq'ijlalil nimtoj xq'uqil ttzi tja nimaqkawil ati tjawetzq'ij. Kse'nxkye ojtxi' kyajilb'en e'xq'uqinteju' kyxmuj aj Leb'i.
19A Salum tk'wal Kore ex tchman Eb'yasap, exqe'tzu'n twitze'l tyajajil Koreqe', e'ok xq'uqil ttziju' ja xjan, kse'nxkye ojtxi' kyyajilb'en xq'uqilqe'toq ttziju' kyxmuj ttanam Qman Dyos.
20Tnejelxi'x a Pinees, tk'wal Eleasar, ten te nejenel kye. ¡Awt Qman Dyos ten tuk'i'l!
21Atoq Sakariy, tk'wal Meselemiy, xq'uqil ttziju' Ja te Mujb'ab'ltib'il tuk'i'l Dyos.
22Lajnaq kab'lajoj (212) japuna' kyajlalju' xjal sk'o'nqe' tu'n kyxq'uqin ttzija, kse'nxju' kyb'i tz'ib'a'n kyoju' tnam janajlqe'toq. Aye' Dab'i tuk'i'l Samwel ju' npon tnab'l tu'n Dyos e'ok q'onkye toju' aq'untl lu, qu'n q'uqli kyk'u'jlalil.23Intoq kych'exb'e'n kyib' kyuk'i'lju' kyk'wal tu'n kyxq'uqinteju' ttzi tja Qman Dyos, ju' ja xjan.24Ate'toq xq'uqil ttzija kyoju' kyaje' plaj: toj tjawetzq'ij, toj tkub'exq'ij, toj tb'a'nq'ob'kya'j ex toj tnayajkya'j.25Aye'tzu'n kytzik ex kyitz'in ju' najlqe'toq toju' kytanam, intoq che pon onilkye, tojchaq wuq q'ij in kych'exb'e'na' kyib'.26Aye'tzu'n kyaje' xq'uqil nim kyoklen, aj Leb'iqe', majxtoq ate'qe' xq'uqilkyeju' ja exqe' k'uwenj toju' tja Dyos.27Intoq ex qonik'an kyu'n inche xq'uqi'n ti'jileju' tja Dyos, qu'n a kyoklenju' tu'n kyxq'uqinte ex tu'n kyjqonte tkyaqil prim.28Ate' junjun kyxol, atoq kyoklenju' ka'yilkye aq'unb'il intoq che ajb'en toj k'u'lb'il, atitoq tu'n kyetz kyiq'i'n ex tu'n tokx kyk'u'ntl, in jawxi' kyiq'i'n kyajlal.29Aye'tzun junjuntl atoq kyoklenju' ka'yilkyeju' txqantl aq'unb'il exqe'ju' ti'xti' xjan, kyib'ajxi'tlju' chen triy, b'in, aseyt, sturak exqe'ju' k'ok'sb'il.30Alchaqxkyeku' kyxolju' pale intoq che b'inchankyeju' k'ok'sb'il;31ex jun aj Leb'i Matatiy tb'i, tnejel tk'wal Salum ju' tyajajil Kore, majxtoq a nb'inchankyeju' wab'j muqin te oyaj.32Ex junjun kywitze'l kyeatitqe'x atoq kyoklenju' b'inchalteju' wab'j xjansa'n intoq che kub'txolb'a'n tkyaqil q'ij te ojlab'l.33Ex ate'toq aj b'itzal, nejenelqe' kyxol aj Leb'i, najlqe'toq kyoju' ja ti'jile tja Dyos, o'kxtoq kyaq'unju', qu'n majxtoq ate'qe' toju' kyajb'eb'l q'ijtl ex qonik'an.
34Aye'tzun nejenelju' kye aj Leb'i, teyile junjun wiq kyyajajil, ju' najlqe'toq toj Jerusalen. Toj tja Sawul (1 Cr 8.29-40)
35Najlitoq Jeyel tman Kab'aon toju' nintnam Kab'aon. Maakatoq tb'iju' t-xu'jil.36Aye' tk'wal ja'lu: A tnejelu' Ab'don; exqe' Sur, Kyis B'aal, Ner, Nadab',37Wedor, Ayo, Sakariy, ex Miklot,38ju' tman Simam. Ex ikx atzu' e'najana' kyk'etzju' kytzik ex kyitz'in toj Jerusalen.
39Ate Ner tman Kyis, atzu'n Kyis tman Sawul, atzu'n Sawul kyman Jonatan, Malkyiswa, Ab'inadab' ex Es-b'aal.40A Merib'-b'aal Tk'wal Jonatan, atzu'n Merib'-b'aal tman Mikaiy.41Aye' tk'wal Mikaiy ja'lu: Piton, Melek, Tarea ex Ajas.42A Ajas tman Jara, atzu'n Jara kyman Alemet, Asmab'et ex Simri; atzu'n Simri tman Mosa,43atzu'n Mosa tman B'ina, atzu'n B'ina tman Repaiy, atzu'n Repaiy tman Elasa, atzu'n Elasa tman Asel.
44Waqaq tk'wal Asel ten, aye': Asrikam, B'okru, Ismael, Seariy, Ab'diy ex Anan. Aye'tzun tk'wal Asel ju'. E'kyim Sawul kyuk'i'l tk'wal toj q'oj (1 S 31.1-13)
1E'ok tzaqpaju' pilistey q'ojil kyi'j aj Israel, ex e'kub' oqju' aj Israel kywitz, qu'n nim e'kyim twi' witz Kyilb'oa.2Aye'tzu'n pilistey e'iky' lpe xla'jalkye Sawul kyuky'i'lju' tk'wal, e'kub' kyb'yo'n Jonatan, Ab'inadab' ex Malkyiswa.3E'oktzun tiljtz q'ojil ti'j Sawul, ex tak' kyu'nju' smajil, k'ixb'i tu'n kych'ut.4Xi'tzun tma'n Sawul teju' onilte: Iq'i'nktzju'ya tk'uẍtx'e'nb'ila ex chin tb'yonku'ya, tu'ntzun lalun chin okye' te kytzeb'lju' xjal lu, nche k'ulun kye txqantl dyos, chij.
Atzunju' onilte minti' taj tu'n tkub' tb'yo'n, qu'n tzaj xob'il ti'j. Atzunte Sawul jawtiq'i'n tk'uẍtx'e'nb'il ex kub' t-xontib' tib'aj.5Tetzunj tka'yinteju' onilte, matxi'toq kyim Sawul, ex ikxte kub' t-xontib'i tib'ajxju' tk'uẍtx'e'nb'il, kyimtzuntz.6Iktzu'n ekyima' Sawul kyuk'i'lju' tk'wal ex kykyaqilju' toj tja, toju' q'ij lu.7Tetzunj kyka'yinte aj Israel, najlqe'toq toju' b'ya', matxi'toq che kyim Sawul kyuky'i'lu' tk'wal, ex matxitoq che kub' oqu' aj Israel, e'kyaj kyq'o'n nimaqkytanam ex e'kub' oq. Epontzun aj Pilistyatz ex e'kyajten najal kyoju' tnam lu.
8Tojtzu'n juntl q'ij, tej kyxi' pilistey iq'imilte tkyaqilju' ti'xti' kyi'ju' matxi'toq che b'ajkyim, okyalu' Sawul kyu'n kyuk'i'lju' tk'wal, woqa'jqe' twi'ju' witz Kyilb'oa.9Eb'je'ltzun kyyiq'i'n ti'j ex xikyiq'i'nju' twi' exqe' tq'ojb'il, ex exi' kychq'o'n xjal q'mal tqanil toj tkyaqilju' kytx'otx' pilistey kyeju' tnam ex kyeju' kydyos.10Ex okx kyq'o'nju' tq'ojb'il Sawul toj kyja kydyos ex jaw kyyob'a'n twi' toj tja Wawon ju' kydyos.
11Tetzunj kyb'inte kykyaqilju' aj Jab'es toju' tx'otx' Kalaad, aju' kyb'incha pilistey ti'j Sawul,12b'entti'j kyu'n kykyaqilju' ichan minti' nche' xob', ex jawkyiq'i'n t-xmilal Sawul ex kyxmilalju' tk'wal ex xikyiq'i'n toju' tnam Jab'es. Atzuntzu' ku'xa' kymqu'n t-xe jun b'ansi. E'mewayintzun wuq q'ijtz.
13Ikytzun kyima' Sawulju', tu'n tpaju' tb'inchb'en myab'a'n, qu'n b'inchan il tej minti' xitnima'nju' tchaq'b'il Qman Dyos ex tej txi' xjelul te jun qya inpon tnab'l14mya tewt Qman Dyos xjeluna'. Qu'mtzun eltiq'i'n Qman Dyos tchwinqlal, atzu'n kawb'il xitq'o'n te Dab'i, tk'wal Jese. A Dab'i nimaqkawil toj Israel ex Juda (2 S 5.1-5)
1B'aj kyb'u'yi'n kyib' kykyaqilju' aj Israel ex exi' yolil tuk'i'l Dab'i toju' tnam Eb'ron. Atzuntzu' xa' kyma'n te ikjalu: qitz'inqib' tuk'i'la,2axxi'x, maskye atoq Sawul nimaqkawil, a na'ta iq'ilkye aj Israel toj q'oj. Expena' oje ttziya Qman Dyos teya qa aya kxel ka'yinkyeju' ttanam aj Israel ex aya kkawil tib'aj, chechij te.
3Ikytzu'n, kykyaqilju' tijwnaq aj Israel e'yolin tuk'i'lu' nimaqkawil Dab'i toj Eb'ron, atzunte Dab'i b'antti'j jun tyol kyuky'i'l twitzku' Qman Dyos. Oktzun kyq'o'n Dab'i toj toklen te nimaqkawil toj Israel, kse'nx ojetoq tma Dyos toj ttzi Samwel. Tzyetju' ipumalj toj Syon tu'n Dab'i (2 S 5.6-10)
4Exi' Dab'i kyuky'i'l kykyaqilju' aj Israel toj Jerusalen ju' ax tb'iju' Jeb'us. Atzu' najlqe'toq jeb'usey toju' tx'otx' lu,5ex xikyma'n te Dab'i: Lay tz'oktzta tzalu, chechij. Atzunte Dab'i kub'ti'ju' ipumalj toj Syon tu'n, ju' okq'o'n tb'i Ninttanam Dab'i.6Ojetoqtzun tma Dab'i: Alkye matz'ok tzaqpaj nejtl q'ojil kyi'ju' jeb'usey k'okyel nq'o'ne' te nejenel nim toklen, chij. A Joab' tk'wal Seruya, nejtl oktzaqpaj q'ojil kyi'j, okq'o'ntzuntz te nejenel.7Okq'o'ntzun Dab'itz toj toklen toju' ja te ipumalj; qu'mtzun okq'o'n tb'i Ninttanam Dab'i.8Tchaq'tzun Dab'i tu'n tjaw b'incha'n nintnam ti'jile, tzajx toju' kub'ni plansa'n ex ti'jile. Atzunte Joab' tchaq' tu'n tjaw b'incha'n jni'tl nintnam.9Xi'toqtzu'n ttenxi'x tipumal Dab'i, ex atitoq Qman Dyos nimtipumal tuk'i'l. E'nimaq q'ojil kyxol t-xjal Dab'i (2 S 23.8-39)
10Aye' t-xjal Dab'i ja'lu kuwqe'xi'x toj q'oj, ju' eonin ti'j toju' tkawb'il ex okkyq'o'n te nimaqkawil junx kyuky'i'l kykyaqilu' aj Israel, kse'nxju' ojetoq tma Qman dyos kye aj Israel.
11Aye' kyb'i tb'anil t-xjal Dab'i ja'lu te q'oj: A Jasob'eam, tk'wal Akmoni, nejenel kyeju' oxe' kuwqe' ex min nche xob', ju' e'kub'tb'yo'n o'lajnaq (300) ichan tu'n tch'ut tej tq'ojin jumaj.12Lepchixju' Eleasar ti'j, tk'wal Dodo ju' aj Aoit, a junju' kyxolju' oxe' kuwqe' ex min nche xob'.13Ten Eleasar tuk'i'l Dab'i toj Tas-damim, tej tkub' kyb'u'yi'n kyib'u' pilistey tu'n kyq'ojin atzu'. Atitoq jun kojb'il toju' tx'otx' lu awa'n seb'ad toj, ex tej kykub' oqu' aj Israel te q'oj kywitzu' pilistey,14axtzu' kyaja' we' Eleasar kywitzu' pilistey toju' kojb'il lu ex klet tu'n, kub'kyi'ju' pilistey tu'n. Ikytzu'n e'kanb'ana' tu'n Qman Dyos.
15Junmaj, e'xt'anj oxe' kyxolju' junaq lajoj (30) kuw qe'xix ex min nchi xob', tk'etz Dab'i toju' jul toj pik, Adulam tbi'. Tkub' toqu' kyxmuj pilistey te q'oj toju' b'ya' Repaym.16Atoqtzu' ta' Dab'i toju' ja te ipumalj, tej ate'toqju' xjal pilistey te q'oj toj B'elen.17Pon tk'u'j Dab'i ex tma: ¡Naqwit alkye jun tzaj q'onte nk'wa'ye' ti'ju' a' toju' xoch ttziju' tnam B'elen!, chij.
18Aye'tzu'n oxe'ju' kuwqe' ex min nche xob', e'okx toju' kykojb'il pilistey ex jatzkyiq'i'n a' toju' xoch ati ttziju' tnam B'elen, tzaj kyiq'i'ntzuntz te tk'wa' Dab'i. Atzunte Dab'i min taj tu'n txi' tk'wa'n, naqkub' tqo'n te jun oyaj te Qman Dyos,19ex tma: ¡Mixwit taja' Dyos tu'n txi' nk'wa'ne'! ¡Ku'xwitloj chin okyeltene' k'walte kychk'elju' ichan lu, qu'n makub' kyq'o'n kychwinqlal ex mache tx'anj q'elte!, chij. Ex mixti'x xitk'wa'n.
Atzun kyb'incha oxe'ju', kuwqe' ex min nche xob' toj q'oj.20Atoq Ab'isay, titz'in mujqa ttzik Joab', nejenel kyeju' junaq lajoj (30) xjal min nche xob', Junmaj oktzaqpaj q'ojil kyi'j o'lajnaq (300) ichan ex e'kub' tb'yo'n tu'n tch'ut. Ikytzu'n tkanb'a toklen kyxolju' junaq lajoj (30),21tk'amxi'xtzun ninb'iltetz kyekywitz, qu'n ok te kynejel. Naq o'kx minti' pon kse'nqe'ju' oxe' nejtl.
22Atzu'n B'enayiy, tk'wal Joyada, najli toj tnam Kab'seel, jun ichan min nxob' nimu' b'aj tb'incha'n. E'kub' tb'yo'n kab'e' tk'wal Aryel aj Moab'. Jun q'ij tej intoq kub' txun che'w, ku'x toj jun xoch, tojtzunju' xoch kub'a' tb'yo'n jun b'alun.23Ex Kub' tb'yo'n jun aj Ejipt nimin twe', kab'e'lo metr tk'i' nik'jan twe' ex iq'i'ntoq jun tch'ut nimin twe' ex lan. Oktzaqpaj B'enayiy ti'j tuk'i'l jun tze, eltiq'i'n tch'ut ex tu'nxtzu'n kub'a' tb'yo'n.24Kyu'ntzu'n tb'inchb'aj B'enayiy lu, tk'wal Joyada, tkanb'a toklen kyxolju' junaq lajoj (30) ichan min nche xob',25ex tk'amxi'xtl ninb'ilte kyekywitz, naq o'kx min pon kse'nqe' oxe' tnejel. Ex oktq'o'n Dab'i toklen te nejenel kyeju' xq'uqilte.
26Aye' xjalju' min nche xob' toj q'oj ja'lu: Asael, ju' kyitz'inkyib' tuk'i'l Joab'; Elanan, tk'wal Dodo, aj B'elen;27Samot, aj Arod; Eles, aj Paltit;28Ira, tk'wal Ikyes, aj Tekoa; Ab'yeser, aj Anatot;29Sib'ekay, aj Usa; Yay, aj Aoit;30Maaray, aj Netopa; Eled, tk'wal B'aana ex aj Netopa;31Itay, tk'wal Rib'ay, aj Wib'ea, ju' ati toj kytx'otx' B'enjamin; B'enayiy, aj Piraton;32Iday, ju' najli ttzi a' Kaas; Ab'yel, ju' aj Arb'a;33Asmab'et, aj B'awrim; Elyab'a, aj Saalb'on;34exqe' tk'wal Jasen, aj Wison; Jonatan, tk'wal Sawe aj Arar;35Ayam, tk'wal Sakar, ararit-x; Elipal, tk'wal Ur;36Eper, aj Mekyera; Ayiy, aj Pelon;37Esray, aj Larmel; Naaray, tk'wal Esb'ay;38Joel, kyitz'inkyib' tuk'i'l Natan; Mib'ar, tk'wal Awray;39Selek, aj Amon; Naaray, aj B'erot, ju' onil ti'j Joab' tk'wal Seruya;40Ira, aj Jatir; Wareb', aj Jatirx;41Uriy, ju' itit; Sab'a, tk'wal Alay;42Adina, tk'wal Sisa, tyajajil Rub'en, nejenel kyeju' tyajajil, extzun junaq lajoj (30) ichan tuk'i'l;43Anan, tk'wal Maaka; Josapat, aj Mitni;44Osiy, aj Astarot; Sama ex Jeyel, tk'wal Otamqe', aj Aroer;45Jedyael, tk'wal Simri, ex Joa ju' kyitz'inkyib' tuk'i'l, aj Tisi;46Elyel, aj Maanaym; Jereb'ay ex Josab'iy, tk'wal Elnaamqe'; Itma, aj Moab';47Elyel, Ob'ed ex Jaasyel, aj Sob'aqe'. Aye' xjal kymujb'a kyib' tuk'i'l Dab'i
1Tej exnitoq oq Dab'i twitz Sawul, ju' tk'wal Kyis, e'pon jun k'loj xjal te q'oj min nche xob' tk'etz Dab'i toj tnam Siklaj, tu'n kymojb'ante kyib' tuk'i'l, ju' oktoq che onil ti'j toj q'oj.2Iq'i'miletoq kysmaju' xjal te q'oj, ex b'a'ntoq che xon ab'j tuk'i'l chik'tze ex tu'n kyxon tuk'i'l smaj, tu'n kyb'a'nq'ob' mujqa tu'n kynayaj. Aye' ja'lu:
Twitze'l Sawul, kyxol tyajajil B'enjamin:3Ayeser, ju' nejenel, ex Joas, tk'wal Semaaqe', najlqe' toju' tnam Wib'ea; Jesyel ex Pelet, tk'wal Asmab'etqe'; B'eraka ex Jewu, najlitoq toj tnam Anatot;4Ismayiy, aj Kab'aon, jun kyxolju' junaq lajoj min nche' xob' ex nejenel kye; Jeremiy, Jaasyel, Joanan, Josab'ad aj Wedera,5Elusay, Jerimot, B'ealiy, Semariy; Sepatiy, ju' aj Arup;6Elkana, Isiy, Asarel, Joeser ex Jasob'eam, tyajajil Koreqe';7ex Joela tuk'i'l Seb'adiy, tk'wal Jeroamqe', ju' aj Wedor.
8Ex kymujb'a kyib' junjun tyajajil Kad tuk'i'l Dab'i tej atitoq toju' ja te ipumalj toj chq'ajlaj. B'a'nqe' te q'oj ex min nche xob', xnaq'tza'nqe' te q'oj ex iq'imiletoq kykolb'il ex kych'ut. Naku'j b'alunqe' ex kuwtoq che ojqelan toj k'ul kse'nte msat.9Aye' ja'lu: tnejel, Eser; tkab', Ab'diy; toxi'n, Elyab';10tkyaji'n, Mismana; tjwe'yi'n, Jeremiy;11tqaqi'n, Atay; twuqi'n, Elyel;12twajxaqi'n, Joanan; tb'eljoji'n, Elsab'ad;13tlajoji'n, Jeremiy; ex tjunlajoji'n, Makb'anay.14Nejenel qe'toqju' tyajajil Kad lu kye xjal te q'oj. Aju' naqch'i'n toklen kyxol, tok toklen kyib'aj jo'naq (100) xjal, atzu'n nim toklen, kyib'aj kab'k'al lajnaq (1,000) xjal.15Aye'tzun e'jlajinju' toju' nin a' Jordan ttzyetlen jb'alil, tej intoq ch'iyju' nin a' ex b'je'x qojl ti'jile, ex eb'aj oq kykyaqilju' ate'toq kyoju' b'ya' toj tjawetzq'ij ex toj tkub'exq'ij kyu'n.
16Expe' e'pon junjun ichan kyyajajil B'enjamin ex Juda toju' ja te ipumalj ex kymujb'a kyib' tuk'i'l Dab'i.17Etztzun Dab'i k'lulkye ex xitma'n kye: Qa toj nak'b'il ẍe tzaja'ye' ex tu'n kyonine' wuk'i'le', kche nk'ma'ye' tuk'i'l tkyaqil nk'u'je' tu'n kymujb'ante kyib'e' wuk'i'le'; qatzun mache ule' tu'n kyjaw miltz'uje' wi'je' ex tu'n nxi' kyq'o'ne' toj kyq'ob' wajq'oje', extzun mixti' wile', ¡awt Qman Dyos tzaj ka'yinte ex tu'n tkub' ttz'e'ysa'n kwitze'! chij.
18Atzunte Amasay, nejenel kyeju' junaq lajoj (30) xjal, noj tu'n T-xew Dyos ex tma:
¡B'a'nwt tena'ya Dab'i, tk'wal Jese! ¡Tenxwita toj nak'b'il! ¡Che tenxwite' toj nak'b'il kyuk'i'lju' inche onin ti'ja, qu'n matxi' tz'oninjtza tu'n Qman Dyos! chij.
Etk'amtzun Dab'i ex xitq'o'n kyoklen kyxolju' nejenel kyeju' t-xjal te q'oj.
19Ex kymujb'a'nkyib' junjun tyajajil Manases tuk'i'l Dab'i, tej txi' najal kyxol pilistey tu'n tq'ojin ti'j Sawul. Expe' mixti' b'ent tonin Dab'i kyi'ju' pilistey tej kyq'ojin ti'j Sawul, qu'n e'yolinju' kawil pilistey ti'j ex kyej b'entti'j kyu'n tu'n tel kypa'n Dab'i kyi'j, qu'n kyma: ¡Jaku' tz'ok miltz'uj Dab'i qi'j ex jaku' tz'anjtlti'j tk'etz Sawul ju' tajaw! chechij.20Aye' ichan ja'lu, tyajajil Manasesqe', kymujb'a kyib' tuk'i'l Dab'i tej txi' toj Siklaj, aye': Adna, Josab'ad, Jedyael, Mikael, Josab'ad, Elyu ex Siletay, nejenelqe' kye nimaqk'loj xjal te q'oj tyajajil Manases.21Aye'tzun e'oninju' ti'j Dab'i, kyuk'i'lu' xjal te q'oj, qu'n kykyaqil nimaq q'ojilqe' min nche xob' ex e'ok te nejenel kyeju' xjal te q'oj.22Atl junjun q'ij ljo'nxi'xtoq kypon txqantl xjal onilte Dab'i, tzmaxi'j tchmet-xi'x kyb'aju' t-xjal te q'oj. T-xjal Dab'i te q'oj
23A kyajlal xjal ja'lu b'incha'n kyten te q'oj kymujb'a kyib' tuk'i'l Dab'i toj Eb'ron, tu'n txi' kyq'o'n tkawb'il Sawul te, kse'nxju' tchaq' Qman Dyos:24Wuqlajk'al (6,800) ichan tyajajil Juda, iq'i'mile kykolb'il ex kych'ut, b'entni kyten tu'n kyq'ojin.25Wuqlajk'al o'lajnaq (7,100) xjal te q'oj tyajajil Simeon, min nche xob', b'entni kyten tu'n kyq'ojin.26Atzun junlajk'al lajnaq (4,600) Kyxolju' aj Leb'i,27tuk'i'ltzun b'eljojk'al jo'naq (3,700) kyxolju' toj tja Aaron, tuk'i'l Joyada, nejenel kye,28ex Sadok, jun ku'xun te q'oj min xob', kyuky'i'l junaq kab'e' (22) nejenel kyxolju' toj tja.29Wuqk'al lajnaq (3,000) ichan tyajajil B'enjamin, aye'xu' tyajajil Sawul, qu'n aye' kynimal minti' e'jaw miltz'uj ti'j Sawul toju' tq'ijlalil tkawb'il.30Kab'mutx' kab'lajk'al (20,800) xjal te q'oj kyxol tyajajil Eprayin, min nche xob', nimxi'x kyoklen kyxolu' k'loj kywitze'l.31Kab'mutx' jo'k'al (18,000) kyxolju' nik'jan tyajajil Manases, q'ma'ntl ti'j tu'n kyb'ajx q'olokte Dab'i te nimaqkawil.32Lajnaq (200) nejenel kyxolju' tyajajil Isakar, aye' npon kynab'l kyi'ju' tq'ijlalil tu'n kyojtzqinte titi' tu'n kyb'inchante aj Israel, kyuky'i'lxi' kykyaqilju' xjal ate' toj kyq'ob' kyxolju' tnej kyyajajil.33Qaqmutx' jo'k'al (50,000) ichan kyxolu' tyajajil Sab'ulon, b'entni kyten tu'n kyq'ojin tuk'i'l tkyaqil kyq'ojb'il, majxkub' kyxima'n tu'n kyonin tuk'i'l Dab'i.34Kab'k'al lajnaq (1,000) nejenel kyxolju' tyajajil Neptali, kyuk'i'l kyajmutx' kab'lajk'al lajnaq (37,000) ichan iq'i'mile kych'ut ex kykolb'il.35Oxmutx' junlajk'al lajnaq (28,600) xjal te q'oj kyxolju' tyajajil Dan.36Jo'mutx' (40,000) xjal te q'oj kyxolju' tyajajil Aser, b'entni kyten tu'n kyq'ojin.37Expe' o'lajmutx' (120,000) ichan jlajxi' nin a' Jordan, kyxolju' kyyajajil Rub'en ex Kad exju' nik'jan tyajajil Manases, iq'i'mile' tkyaqilu' kyq'ojb'il.
38Kykyaqilju' ichan te q'oj lu, b'incha'mile kyten tu'n kyq'ojin, majxkub' kyxima'n ex tu'n tkyaqil kyk'u'j exi' toj tnam Eb'ron q'olokte toklen Dab'i te nimaqkawil tib'aj tkyaqilu' tnam Israel; exqe'ju' txqantl aj Israel axtoq kyximju'.39Oxe' q'ij e'ten atzu' tuk'i'l Dab'i, intoq che wan ex intoq che k'wan, qu'n b'ajkub' b'incha'n kywa kyu'n kywnaqil.40Exqepe'ju' kyb'sin exqe'ju' kyyajajil Isakar, Sab'ulon ex Neptali, pon kyiq'i'n wab'j kye, kyi'j b'ur, kamey, mul ex kyi'j wakx. B'aj pon kyiq'i'n: chen triy, muqin iw, twitz ub'a tzqijsa'n, b'in, aseyt, tman wakx ex rit; nim xikyiq'i'n, qu'n nimxi'xtoq tzalajb'il kyxol aj Israel. T-xima Dab'i tu'n tpon tiq'i'n tkaxil chaq'b'il Jerusalen
1Xjelun Dab'i kye kykyaqilju' nejenel kye xjal te q'oj, aye' chaq'ul kye kab'k'al lajnaq (1,000) exqe' nejenel kye jo'naq (100),2xitma'ntzuntz kye tkyaqilju' tnam Israel: Qa b'a'n toj kywitze' exqa mataq' Qman Dyos anb'il qe, qmanx tqanil kyeju' qwnaqil ate'qe' toj chukchaq najb'il toj tkyaqilu' tx'otx' Israel, ex kye kykyaqilju' pale ex aj Leb'i ate'qe' kyoju' nimaqkytanam ex kyoju' kytx'otx' te k'ik'leb'l, tu'n kytzaj mujb'alkyib' quk'i'l,3tu'ntzun ttzaj qiq'i'nju' kax k'ub'lteju' tchaq'b'il Qman Dyos, qu'n min na'ntl qu'n atxi'xj toj tq'ijlalil tkawb'il Sawul, chij.
4B'a'n ela' toj kywitz kykyaqilju' tnam tu'n tb'inchet ikyju', qu'n tu'me'l toj kywitz. Iky'toqtiq'i'n Dab'i tkaxil tchaq'b'il Dyos (2 S 6.1-11)
5E'tzaj tb'u'yi'n Dab'i kykyaqilu' aj Israel, tzajx Syor ttzi nqach tuk'i'l Ejipt pomnix ttzi Amat, tu'n tetz kyiq'i'n kax k'ub'l tchaq'b'il Qman Dyos toj Kyiryat-jearim.6Jaxtzuntz kyuky'i'l kykyaqil aj Israel toj Kyiryat-jearim ju' ax tb'iju' B'aala ati toj Juda, tu'n tetz kyiq'i'nju' kax k'ub'l tchaq'b'il Qman Dyos atzu', ju' tib'aj ntzaja' na'n tb'i Qman Dyos tkub' tq'uqb'il kyib'aju' kyerb'in.7Kub' kyq'o'nju' kax tib'aj jun karet ak'a'j, iky' kyiq'i'ntzuntz toj tja Ab'inadab'. Aye'toq Usa ex Ayo nejlqe' twitz karet.8Aye'tzunkye Dab'i kyuk'i'l kykyaqilju' aj Israel nejlqe'toq twitz Qman Dyos intoq che b'itzan ex intoq che b'ixin tu'n tkyaqil kyipumal, kyoju' kyq'ojq'ojel chnab' arpa, tzintzin, chilchil, txijtxij ex chun.9Tetzunj kypon toju' najb'il Era toj Kyidon, xitnuqpi'n Usa tq'ob' tzyulteju' kax, qu'n oktokpaj kyqanju' tman wakx.10Atzunte Qman Dyos tzaj ttx'u'jil ti'j Usa tu'n tpaj xitnuqpi'n tq'ob' ti'ju' kax, ex eltiq'i'n tchwinqlal twitzku'.
11Tzaj ttx'u'jil Dab'i, qu'n eltiq'i'n Qman Dyos tchwinqlal Usa, qu'mtzun oktq'o'n tb'iju' najb'il lu Peres-usa, ex majx kyej tenju' tb'i ik'ju'.12Textzunju' q'ij okxi'x tchiylal Dyos te Dab'i ex tma: ¡Mipe' ya b'a'n tu'n tkub' nximane' tu'n txi' wiq'i'nju'ye' kax k'ub'lte tchaq'b'il Dyos!, chij.13Ex min xi'q'i'nju' kax toju' Ninttanam Dab'i, atzu' tchaq'a' tu'n txi' iq'i'n tja Ob'ed-edom, jun ichan aj Kat.14Oxe' xjaw tenju' kax k'ub'lteju' tchaq'b'il Dyos tja Ob'ed-edom, ex e'kub' tky'i'wla'n Qman Dyos toj tja Ob'ed-edom, ex kykyaqilju' ti'xti' te. E'tzaj tchq'o'n Iram t-sanjelal tk'etz Dab'i (2 S 5.11-12)
1E'tzaj tchq'o'n Iram, nimaqkawil toj Tiro, t-sanjelal tk'etz Dab'i, exqepe' b'inchal ja ex aq'unal ti'j tze, tzaj kyiq'i'n tze k'ute tu'n tjaw b'inchetju' tja te kawb'il.2Kanetzuntz toj twitz Dab'i qa axxi'x matxi'toq tma Qman Dyos qa ate nimaqkawil tib'aj Israel, qu'n matxi'toq ch'iyxi'xju' tkawb'il tib'aju' ttanam Israel. Txqantl tk'wal Dab'i (2 S 5.13-16; 1 Cr 3.5-9)
3E'knet txqantl t-xu'jil Dab'i toj Jerusalen, ex e'ten txqantl tk'wal ex tmyal.4Aye' tk'wal ja'lu, e'itz'ji toj Jerusalen: Samuwa, Sob'ab', Natan, Salomon,5Ib'ar, Elisuwa, Elpelet,6Nowa, Nepej, Japiya,7Elisama, Elyada ex Elipelet. Kub'kyi'j pilistey tu'n Dab'i (2 S 5.17-25)
8Tej kyb'inte pilistey qa matxitoq tz'ok q'o'n Dab'i te nimaqkawil tib'aj tkyaqilu' Israel, kykyaqil e'tzaj jyolte; tb'itzu'n Dab'i ex etz k'lulkye.9Epontzu'n pilistey ex b'aj kytxoli'n kyib' tu'n kyq'ojin toju' b'ya' Repaym.10Qu'mtzun xjelun Dab'i te Qman Dyos ikjalu:
—¿Ma b'a'n tu'n nq'ojine' kyi'ju' pilistey? ¿Ma chin kanb'ale' kyib'aj tu'na? chij.
Tzajtzun ttzaq'we'n Qman Dyos te:
—Q'ojina kyi'j, qu'n kkanb'ala wu'ne', chij.
11Jaxtzun Dab'itz toj B'aal-perasim, atzuntzu' kub'a'kyi'j tu'n. Qu'mtzun tma: Majqet nb'eye' tu'n Qman Dyos kyxol wajq'oje', kse'n jun tnimal a', chij. Ex okkyq'o'n tb'iju' najb'il lu, B'aal-perasim.12Expe' b'ajkyej kyq'o'n pilistey kydyos, ex tchaq' Dab'i tu'n kykub' tz'e'ysa'n.
13E'pontzun jumajtl pilistey q'ojil toju' b'ya' Repaym,14xjeluntzun jumajtl Dab'i te Dyos, atzunte Qman Dyos tzaj ttzaq'we'n te:
—Lalun tz'ok tzaqpaja kyi'j kywitzxi', a b'inchamju'ya, txolima kyi'j, k'okyel tzaqpajtzuntza kyi'jxi' ajtpona kyk'etzu' tze b'alsamo.15Ajtzun txi' tb'i'na tq'ojq'ojel toj kyununju' tze, kutok tzaqpajtzuntza q'ojil, qu'n atzun techlalju' qa nejlqine' twitza, tu'n kykub' nb'yo'ne' pilistey te q'oj.
16Tb'incha Dab'i kse'nxju' tchaq' Qman Dyos te, ex kub'kyi'ju' pilistey kyu'n, tzajx Kab'aon pomnix Kyeser,17tu'ntzu'nju' lu, ximlen tyolinjtz kyoj kykyaqilu' txqantl tx'otx' ex tb'incha Qman Dyos tu'n toktchi kyi'j kykyaqilu' nimaqtnam. Pon tiq'i'n Dab'i tkaxil tchaq'b'il Dyos toj Jerusalen (2 S 6.12-23)
1Tchaq' Dab'i tu'n kyjaw b'incha'n tja toju' Ninttanam Dab'i, ex tu'n tb'inchet jun tkub'elju' kax k'ub'lte tchaq'b'il Qman Dyos toj jun ja xb'alun jawtb'incha'n.2Tchaq'tzuntz: Mix-a'lo' juntl, myawt aj Leb'i, tu'n txi' iq'inteju' kax k'ub'lte tchaq'b'il Dyos, qu'n oje che jaw t-sk'o'n Qman Dyos aj Leb'i tu'n kyxi' iq'i'nte, ex tu'n kyajb'en kukxju' te, chij.
3E'b'ajtzun tb'u'yi'n kykyaqilju' aj Israel toj Jerusalen tu'n txi' iq'etju' tkax Qman Dyos toju' tkb'el ojetoq jawtb'incha'n.4Ex e'tzaj tb'u'yi'n tyajajil Aaron exqe' aj Leb'i.5Qaqnaq (120) e' b'uyet kyxolju' tyajajil Kyeat: a Uryel nejenel, exqe'tzu'n twitze'l.6Junlajnaq (220) kyxolju' tyajajil Merari: a Asayiy nejenel, exqe'tzu'n twitze'l.7Qaqnaq lajoj (130) kyxolju' tyajajil Werson: a Joel nejenel, exqe'tzu'n twitze'l.8Lajnaq (200) kyxolju' tyajajil Elisapan: a Semayiy nejenel, exqe'tzu'n twitze'l.9Kyajnaq (80) kyxolju' tyajajil Eb'ron: a Elyel nejenel, exqe'tzu'n twitze'l.10Jo'naq kab'lajoj (112) kyxolju' tyajajil Usyel: a Aminadab' nejenel, exqe'tzu'n twitze'l.
11E' tzajtzun ttxko'n Dab'i ju' pale Sadok ex Ab'yatar, exqe' Uryel, Asayiy, Joel, Elyel, ex Aminadab', aj Leb'iqe',12ex xitma'n kye: Kyxjansam kyib'e' twitz Dyos, e'nejenel kyeju' k'loj aj Leb'i, kyuk'i'lxi' kywitze'le', tu'ntzun tb'ent txi' kyiq'i'ne' tkax Qman Dyos ja matxi' kub'a' nb'incha'ne' tkub'el;13mixnati' kyb'inchaye' ikyju' toju' tnejel maj, qu'mtzun eltiq'i'n Qman Dyos kychwinqlal junjun qxol, qu'n minti' o'xjelun te kse'nxju' tu'me'l, chi Dab'i.
14Kyxjansatzun kyib'ju' pale exqe' aj Leb'i, tu'n txi' kyiq'i'nju' kax te Qman Dyos.15Xikyiq'i'ntzuntz kyuk'i'lju' tqul twi' kysemu'l kse'nxju' tchaq' Moyses tej ttzaj q'ma'n te tu'n Qman Dyos.
16Ex tchaq' Dab'i kyeju' nejenel kye aj Leb'i, tu'n txi' kyma'n kyeju' aj b'itzal kyxolju' kyyajajil tu'n kychinb'an tu'n tkyaqil kyk'u'j kyi'j tzintzin, arpa ex txijtxij te tzalajb'il.17Xi'tzun kyma'n aj Leb'i te Eman tk'wal Joel, ex te Asap tk'wal B'erekyiy, twitze'l Eman; ex te Etan tk'wal Kusayiy, kyxolju' tyajajil Merari ex kywitze'lxju' tnejel;18expe' xikyma'n kye jte'tl kywitze'lx, ju' tok kyoklen te tkab' ajb'el, aye': Sakariy, Jaasyel, Semiramot, Jeyel, Uni, Elyab', B'enayiy, Maaseyiy, Matatiy, Elipelew, Mekneyiy, exqe' xq'uqil ttziju' tja Dyos, aye' Ob'ed-edom ex Jeyel.
19Aye'toqu' aj b'itzal Eman, Asap ex Etan nche q'ajtzankye' txijtxij q'ank'uxb'il.20Aye'tzu'n Sakariy, Asyel, Semiramot, Jeyel, Uni, Elyab', Maaseyiy ex B'enayiy, atiyiletoq kytzintzin tu'n kychinb'an tuk'i'l tq'ojq'ojil wich',21aye'tzu'n Matatiy, Elipelew, Mekneyiy, Ob'ed-edom, Jeyel ex Asasiy, atiyiletoq ky-arpa tu'n kychinb'an tzinun toj twi', tu'n kytzyunteju' b'itz.22Atzu'n Kyenaniy, nejenel kye aj Leb'i tu'n kyxi' iq'inteju' kax, intoq kub'nej ti'ju' b'itz, qu'n atitoq tojtzqib'l ti'j.23Aye'toq B'erekyiy ex Elkana, xq'uqil ttzija teju' kax.24Aye'tzu'n pale Seb'aniy Josapat, Natanael, Amasay, Sakariy, B'enayiy ex Elyeser, intoq che chinb'an kyi'ju' chun twitzju' kax te Dyos. Ex ikx xq'uqilqe'toq Ob'ed-edom ex Jeyiy ttzija teju' kax.
25E'xi'tzun Dab'itz kyuk'i'lju' tijwnaq kyxol aj Israel exqe'ju' nejenel kye junjun tnej xjal te q'oj tuk'i'l tzalajb'il tja Ob'ed-edom, iq'ilteju' kax k'ub'lteju' yol kyejni b'entti'j tu'n Qman Dyos.26Tu'ntzu'n intoq onin Qman Dyos kyi'j aj Leb'i iq'iltetoqju' kax, e'kub' tz'e'ysa'n wuq tal wakx ex wuq rit te chojb'il.27Oksa'ntoq jun t-xb'alun Dab'i tz'umin sed, exqe'ju' aj Leb'i iq'ilteju' kax kyuk'i'lju' aj b'itzal ex Kyenaniy, ju' nejenel tej txi' iq'i'nju' kax; expe' oksa'ntoq jun t-ẍa'y Dab'i sed.28Kykyaqil aj Israel xikyiq'i'n kax k'ub'lteju' yol kyejni b'entti'j tu'n Qman Dyos, tuk'i'l sich' te tzalajb'il ex tuk'i'l kyq'ojq'ojel tuk'a rit, chun, txijtxij, ex kyuky'i'l chnab' tzintzin ex arpa.
29Tetzunj tponju' kax k'ub'lteju' yol kyej b'entti'j tu'n Qman Dyos toju' Ninttanam Dab'i, etz ka'yin Mikal tmyal Sawul toj jun tokexspik'un, tetzunj tka'yinte intoq b'ixin Dab'i tu'n ttzalajb'il, majx eltik'o'n.
1Pon iq'i'nju' kax te Dyos ex kub' q'o'n toj xmuj ojetoq jawtb'incha'n Dab'i. Eb'aj kub'tzun tz'e'ysa'n chojb'il k'ok'sb'il ex chojb'il te mujb'ab'ltib'il twitz Qman Dyos,2Kykub'lenxi'tzunju' chojb'il tu'n Dab'i, tqani b'a'n kyib'aju' tnam toj tb'i Qman Dyos,3ex xitq'o'n kywa kykyaqilju' aj Israel ichan ex qya, junjun wab'j triy, junjun muqin b'incha'n ti'j lob'j ex junjun b'incha'n ti'j ub'a tzqijsa'n.
4Eb'jo'k tq'o'n Dab'i jte' kyxolu' aj Leb'i tu'n kyajb'en tiju' kax te Dyos, tu'n kyik'sante, tu'n txi' kyq'o'n chjonte ex tu'n tjaw kyajwali'n Qman Dyos.5Atoq Asap nejenel, atzu'n Sakariy tkab' nejenel; lepchqe'xju' Jeyel, Semiramot, Jeyel, Matatiy, Elyab', B'enayiy, Ob'ed-edom ex Jeyel, atitoq kychinab' tzintzin ex arpa. Atoq Asap q'ajtzalkyeju' txijtxij,6aye'tzu'n pale B'enayiy ex Jaasyel intoq che chinb'an kukxju' kyi'ju' chun twitzju' kax k'ub'lteju' tyol Qman Dyos kyejni b'entti'j. Tb'itz Dab'i te aq'b'il chjonte (Sal 105.1-15; 96.1-13; 106.47-48)
7Tojxtzu'n q'ij lu tchaq' Dab'i tnejel maj kye Asap exqe'ju' tuk'i'l tu'n tjaw kyajwali'n Qman Dyos kyu'nju' b'itz te aq'b'il chjonte lu:
8¡Qq'onx chjonte te Qman Dyos! ¡Qpakb'anxju' tb'i! Qtx'olb'anxju' tb'inchb'en kyeju' tnam.9Qoqe' b'itzan te ninb'ilte. ¡Qyolinqe'xju' tb'inchb'en nimaq kyoklen!
10Qoqe' tzalajx ti'ju' tb'i xjan. ¡Tzalajx qk'u'j ayo' nqo jyon ti'j Qman Dyos!11Qjyom Qman Dyos exju' tipumal; qqaninx te Qman Dyos tkyaqil q'ij.12Qna'ntzju' nimaq tb'inchb'en te lab'te'nqe'xi'x, exqe'ju' tchaq'b'il kyejni tma'n:13ayo'qo', tyajajil Israel tmajin, ayo'qo', tk'wal Jakob' sk'o'nqo'tl.14Ate Qman Dyosju', Dyos; ¡Ate nkawin tib'aj tkyaqil twitz tx'otx'!15Maskye mache' ik' kab'k'al lajnaq (1,000) wiq kyyajajil xjal, lay tzik'tna'lju' tyol kyejni b'entti'j tu'n,16aju' tyol kyej b'entti'j tuk'i'l Ab'raam, exju' tzajttziya'n te Isaak,17ex tzaj tq'o'n kawb'il te Jakob', jun tyol kyejni b'entti'j tejumajx qe aj Israelqo',18tej tmante: Kxe'l nq'o'ne' tx'otx' Kanaan teya tu'n tok te tetzb'ila, chij.
19Maskye naq jte'xtoq qb'aj, jte' najchaq xjalqo'toq toju' tx'otx'20intoq qo iky' kyojile junjun tnam ex intoq qo iky' kyojile junjun kawb'il,21min taj Dyos tu'n qyajt; expe' xitab'tzi'n kyeju' nimaqkawil:22Lalun tzaq'pon kyq'ob'e' kyi'ju' xjal sk'o'nqe' wu'ne', ex lalun che oktene' yajulkye nsanjelale', chij.
23Qoqe' b'itzan te Qman Dyos, qkyaqil najlqo' twitz tx'otx'; qpakb'anxju' tkolb'il atl junjun q'ij.24Qyolinxju' tajwalil exqe' tb'inchb'en te lab'te'nqe' kye kykyaqilu' tnam ex nimaqtnam,25qu'n nimte Qman Dyos toklen ex o'kxte tu'n tjaw ajwalit, ati tu'n qxob'xi'x twitz kyekywitz kykyaqil kydyos xjal.26Mixti'kye' kydyos txqantl tnam kyajb'en, atzunte Qman Dyos e'kub' tb'incha'n kya'j.27¡Inxi'x qoptz'aju' t-spik'umal! ¡Ati ipumalj ex tzalajb'il toju' tja xjan!
28Kynimsanktze' Qman Dyos najlqe'ye' kyoju' tnam kynimanktze' Qman Dyos tu'nju' tipumal ex tajwalil;29che nimane' te Qman Dyos tu'nju' toklen; kukytzaje' tuk'i'l kyoyaje' twitz; che k'ulun qe'ye' te Qman Dyos toju' tja xjan tb'anilxi'x.30¡Che xob'xwit kykyaqilu' xjal twitz! Kyej tkuwsa'nju' tx'otx' tu'n lalun yukchi.31¡Che' tzalajxju' kya'j exju' tx'otx'! q'manjtzxwit kyoju' nimaqtnam: ¡Ate Qman Dyos nimaqkawil!32¡Tinunxju' ninnjab' kyuk'i'lxi' kykyaqilju' ate' toj! ¡Tzalajxju' kojb'il tuk'i'lxi' tkyaqilju' ati twitz!33¡Che' ẍch'inxju' tze toj k'ul tu'n kytzalajb'il twitz Qman Dyos, ju' tzul kawil twitz tx'otx'!
34Qq'onx chjonte te Qman Dyos, qu'n majx b'a'nte, qu'n tejumajxju' tk'u'jlalil.35Qmanx te: ¡Qo' tkloma Nman Dyos, ju' klolqe'ye'! ¡Qo' tiq'iktza tu'n qklete' kyxolju' nimaqtnam tu'ntzun Qajwalinteju'ye' tb'iya xjan, tu'ntzun qb'itzane' toj tzalajb'il teya!36¡Nimanjtzxwitju' Qman Dyos tejumajx, ju' Qdyos! chij.
Kykyaqiltzunju' tnam xikytzaq'we'n: ¡Ikxwitju'!, chechij, jawkynima'n Qman Dyos.
37Ikytzu'n, e'kyaj tq'o'n Dab'i Asap kyuk'i'lju' tuk'i'l, twitzju' kax k'ub'lteju' yol kyajb'anti'j tu'n kyajb'en kukxju' kse'nxju' nojqelan atl junjun q'ij.38Ex kyej tq'o'n Ob'ed-edom xq'uqil ttzija, kyuk'i'l oxnaq wajxaq tuk'i'l ax kyaq'unju', tuk'i'l Ob'ed-edom, tk'wal Jedutun, ex Osa.39Atzu'n Sadok kyuk'i'lju' tuk'i'l paleqe'x e'kyaj tq'o'n twitzju' pach te Qman Dyos toju' ja xjan ati toj Kab'aon,40tu'n tkub' kyq'o'n chojb'il k'ok'sb'il kukxju' twitz Qman Dyos tib'aju' q'olb'eb'l te chojb'il, prim ex qale, ikxi'x kse'n tz'ib'a'n toju' tkawb'il Qman Dyos kyej tq'o'n kye aj Israel.41Ex ikx e'kyaj tq'o'n Eman, Jedutun kyk'etz kyuky'i'lu' jte'tl sk'o'nqe' ex q'ma'n kye tu'n txi' kyb'itza'n: Kyq'onx chjonteye' te Qman Dyos, qu'n tejumajxju' tk'u'jlalil.42Intoq che chinb'an kyi'j chun, txijtxij ex junjuntl chnab', kyuky'i'lju' intoq che b'itzan te Dyos. Aye'tzu'n tk'wal Jedutun intoq che xq'uqin ttzija.43Tb'ajlenxi'tzun ja'lu, kykyaqil b'aj anjkyi'j kyja, ikxte Dab'i anj q'olb'el kyeju' toj tja. Kyej b'entti'j tyol Dyos tuk'i'l Dab'i (2 S 7.1-29)
1Tetzunj atitltoq Dab'i toju' ja te kawb'il, xitma'n te Natan ju' t-sanjelal Dyos:
—Ka'yintzpe'ya, najlqine' toj jun ja te kawb'il k'ute, atzu'n kax k'ub'lteju' tyol Qman Dyos kyejni b'entti'j, naq kyjaq' jte' tal plaj xb'alun tkub'a', chij.
2Xitzun ttzaq'we'n Natan te:
—B'inchamna'ya tkyaqilju' tb'is tk'u'ja, qu'n atite' Qman Dyos tuk'i'la, chij.
3Textzunju' qonik'an lu, tzaj yolin Dyos te Natan ex tma:
4Kutxi'ya yolil tuk'i'lju' nmajine' Dab'i, ex q'manxa te, qa ayine' Dyos Manb'aj ẍin q'mante ikjalu: Myata kjawil b'inchante jun jatu'n nnajane' toj.5Atxi'xj tej kyetzwiq'i'ne' aj Israel, tzmax ja'lo, b'ajxa' chin najana'ye' kyoj ja te k'u'lb'il, naq toj jun ja xb'alun matxi' chin tenaye' kyoj b'a'npun najb'il.6B'ajx txa' nma'ne' te junju' nejenel kye, ju' e'kub' nq'o'ne' tu'n kykawin kyib'aju' ntaname', ttzalenxi'ju' tq'ijlalil matxi' chin tene' kyuk'i'l, tu'nwt tjaw tb'incha'n jun njaye' k'ute'yile.7Qu'mtzun q'manxa teju' nmajine' Dab'i qa ayine' Dyos Manb'aj nimwipumale', nchin q'mante: Matz'el wiq'i'na ti'j k'ik'lej rit tu'n toka te nejenel teju' ntaname' Israel;8matxi' chin tene' tuk'i'la jaxjaku', oje che b'aj kykyaqilju' tajq'oja wu'ne', aye' e'oktzaqpaj ti'ja, ex matxinq'o'ne' toklena, kse'n kyoklen nimaqxjal twitz tx'otx'.9Expe' oje kub' nb'incha'ne' jun kynajb'ilu' ntaname' aj Israel, atzuntzu' ẍe kub'a' nq'o'ne' tu'n kynajan toj kytx'otx' kyeku', ja mix alo'kye k'okyel ik'lenkye ex lay che yajuntl b'inchal il kyi'j, kse'n tnejel,10tej kyoknq'o'ne' nejenel tu'n kykawin tib'aju' ntaname' Israel. Che b'el nme'ssa'ne' kykyaqilju' tajq'oja. Kxe'l nma'ne' teya qa che tenb'il tyajajila wu'ne',11ajtzun tjapunju' tchwinqlala ajtkyima, k'okyel nq'o'ne' jun kyxolju' tyajajila ex knkuwsa'ye' toju' kawb'il.12Ate kjawil b'inchanteju' njaye', ex knkuwsaju'ye' tkawb'il tejumajx.13Ayine' chin okyel te Manb'aj te, atzunte k'okyel te nk'wale'. Lay tz'el wiq'i'ne' nxtalb'ile' tib'aj kse'n nb'inchaye' teju' ok nejtl twitza,14okpe' ktenb'il wu'ne' toju' njaye' ex toju' nkawb'ile' tejumajx. Ex kjeltenju' tq'uqb'il tejumajx, chiku'ya te Dab'i, chi Dyos.
15Tkyaqil ja'lu xitma'n Natan te Dab'i, ikxi'xu' kse'n matxi'toq til ex tb'i.16Okxtzu'n nimaqkawil Dab'i yolil twitz Qman Dyos, ex tma: Nman Dyos, ¿alkye qintzune' ex titi' kyoklenju' toj njaye' tu'nju' matxi' chin ule' tza'lu tu'na?17¡Ex naqch'i'n ja'lu teya Nman Dyos, expe' matxi' tzaj tma'na titi' kt-se'ya kyuk'i'l tyajajilju' tmajina lu toju' tq'ijlalil tzul ex machin tzaj tka'yi'na naku'j nimaqxjal qine' nimaq toklen!18¿Mixti'tl nyole' tu'n txi' nma'ne' teya, tu'nju' oklenj saj tq'o'na teju' tmajena, tojtzqi'na'teju'ya tmajina lu?19Taye, mache tb'inchaya tkyaqilju' ti'xti' lu tb'anilqexi'x weye' ayine' tmajina, kse'nxju' tb'is tk'u'ja ex tu'n tyek'u'nteya.20Nman Dyos, mixti' juntl kse'n aya, ex mixti' juntl dyos ti'jxi'ya, kse'nxju' oje qb'iye'.21Expe' Israel, ju' ttanama, ¡mix-a'lo' juntl kse'nte, qu'n o'kxte jun tnam toj tkyaqilu' tx'otx'! E' tzaqpet tu'na Nman Dyos tu'n kyok te ttanama, ojexi'x yolinjtza b'a'n tej tb'inchanteqe'ya ti'xti' te lab'te'n ex nimaq kyoklen. E' b'je'l t-xla'ja'na txqantl tnam twitzju' ttanama, tzaqpet tu'na toj Ejipt,22qu'n oktq'o'na Israel te ttanama tejumajx, ex teya Nman Dyos che k'ulula'.
23Ikytzu'n Taye, tziyankjxi'xju'ya tyola tejumajxju' matxi' tmaya teju' tmajina ex kyeju' tyajajil, japunxju' xkyaj ttziya'na.24¡Japunxwitju' tyola b'a'nxi'x xttziyaya ex jawxwit nima'n tb'iya kukxju', ex q'manjtzwit qa aya Dyos Manb'aj nimtipumal Kydyos aj Israel! ¡Che tenxwit tyajajil Dab'i ju' tmajina kukxju' twitza!25Nman Dyos, matxi' tzaj tma'na weye' qa che tenb'elju' nyajajile' twitza; qu'mtzun maskye tmajinqina, chin kub'sale' twitza.26Taye, aya Dyos, nim xtalb'il matxi' tzaj ttziya'na weye' ayine' tmajina;27atzu'n ja'lo matxi' che tzaj tky'i'wla'na nyajajile' tu'n kyten kukxju' te nimaqkawil toj tq'ob'a. Nman Dyos, matxi' che tk'iwlaya, k'i'wla'nqe'tzun ja'lo tejumajx, chi Dab'i te Dyos. Aye' q'oj b'jo'k tu'n Dab'i (2 S 8.1-14)
1Tb'ajlenxi'tzun ja'lu, kub'kyi'j pilistey tu'n Dab'i, e'kub'tq'o'n tjaq' tkawb'il ex eltiq'i'n nintnam Kat kyuk'i'lu' tkojb'il toj kyq'ob'.2Ex kub'kyi'ju' aj Moab' tu'n, e'kyajten tjaq' tkawb'il Dab'i ex eq'on chojb'il te.3Ex kub'ti'j Adad-eser nimaqkawil te Sob'a ju' ati tu'me'l Amat tu'n Dab'i, tej xi'toq txi' q'olku' tkawb'il tib'aju' jun tnej tx'otx' tk'etzju' nin a' Ewprates.4E' tzyet kab'k'al lajnaq (1,000) kykarwaj te q'oj tu'n Dab'i, ex okx tjpu'n wuqlajk'al lajnaq (7,000) xjal te q'oj ti'j chej ex kab'mutx' lajk'al (20,000) tu'n kyqan; expe' b'aj kub' ttoqi'n kyqan kykyaqilju' chej jk'ul karwaj te q'oj, o'qe'kxju' chej jk'ulkye jo'naq (100) karwaj min b'aj ttoqi'n kyqan.5Epontzu'n aj Sirya te Damask onilte Adad-eser, nimaqkawil toj Sob'a, atzunte Dab'i kub'kyi'ju' aj Sirya tu'n, e'kub' tb'yo'n kab'mutx' o'lajk'al (22,000).6Ex e'kub' tq'o'n Dab'i xq'uqil toj Sirya te Damask, aye'tzu'n aj Sirya e'kyajten tjaq' tkawb'il ex e'chjon chojb'il te. Iktzu'n, intoq kanb'an Dab'i tu'n Qman Dyos jaxjaku' matxa'.
7Ex e'kub' tetza'n Dab'i kykolb'ilu' nejenel kye t-xjal Adad-eser, q'ank'uxb'ilqe', ex exitiq'i'n toj Jerusalen.8Ex b'aj tzaj tiq'i'n txqan q'ank'uxb'il kyoju' nimaqtnam Tib'at ex Kun, ju' ate'toq Adad-eser. Tuk'i'ltzu'n q'ank'uxb'il lu kub'a' tb'incha'n Salomon nin pil te tkb'el a', e'tqan exqetzu'n aq'unb'il q'ank'uxb'ilqe' tu'n kyajb'en toju' tja Dyos.
9Tetzunj tb'inte Toy, nimaqkawil toj Amat, qa matxi'toq kub'kyi'j kykyaqilju' t-xjal Adad-eser te q'oj, nimaqkawil toj Sob'a, tu'n Dab'i,10xitchq'o'n Adoram tk'wal kyuk'i'l chukchaq ti'xti' q'anpwaq, saqpwaq ex qa'nk'uxb'il, tu'n tq'olb'enteju' nimaqkawil Dab'i ex tu'n txi' ttzalajsa'n tu'nju' q'ojin tuk'i'l Adad-eser ex kub'ti'j tu'n, qu'n ikxte Toy ojetoq q'ojin tuk'i'l.11Kykyaqilju' ti'xti' lu e'kub' tq'o'n Dab'i twitz Qman Dyos, junx kyuk'i'lju' q'anpwaq ex saqpwaq b'je'l tiq'i'n kye kykyaqilju' nimaqtnam, Edom, Moab' ex kye aj Amon, pilistey ex aj Amalek.
12Expe' ikxte Ab'isay, tal Seruya, kub'kyi'j kab'mutx' jok'al (18,000) aj Edom tu'n toju' b'ya' Atz'an.13E'kub'tzun tq'o'n Dab'i xq'uqil toj Edom, ex kykyaqilju' aj Edom e'kyajten tjaq' tkawb'il; jaxjaku' matxa'toq Dab'i nkanb'an toj q'oj tu'n Qman Dyos. Nimaq ajb'el kyxol t-xjal Dab'i (2 S 8.15-18; 20.23-26)
14Kawin Dab'i tib'aj tkyaqilu' tnam Israel tuk'i'l tnik'alilti'j ex tz'aqlixi'x kyuk'i'l kykyaqilju' ttanam.15Atoq Joab', tal Seruya, nejenel kyeju' t-xjal te q'oj; atoqtzu'n Josapat, tk'wal Aylud, ttz'ib'alju' nimaqkawil.16Aye'tzu'n pale aye'toq Sadok, tk'wal Aytub', ex Aymelek, tk'wal Ab'yatar; atzu'n Sab'sa tz'ib'alte tkyaqil tqanilju' nb'aj,17atzunte B'enayiy, tk'wal Joyada atoktoq te nejenel kyxol Kyeretey ex peletey, xq'uqil te nimaqkawil. Aye'toqtzu'n tk'wal Dab'i tnejel onilkye. Kub'kyi'j aj Sirya ex aj Amon tu'n Dab'i (2 S 10.1-19)
1Yajxi'tzuntel kyim Naas, kynimaqkawil aj Amon, ex atlju' tk'wal kawin te t-xel.2Kub'tzun t-xima'n Dab'i qa oktoq k'okyel majx b'a'n tuk'i'l Anun, tk'wal Naas, qu'n majx b'a'n oka'ju' tman tuk'i'l, e'xitchq'o'n junjun sanjelal tu'n kyxi' q'olb'elte Anun tu'n tkyimlenju' tman. Tetzunj kyponju' ajb'el te Dab'i toju' kytx'otx' aj Amon,3xikyma'n kynejel aj Amon te Anun kjalu: ¿Ma nxitoksla'na nimaqkawil qama che tzaj tchq'o'n Dab'i ichan lu q'olb'el, qa naq tu'n kyniman te tkyimlenju' tmana aya nimaqkawil? ¡Nenul ex ka'yilteju' qtx'otx' ẍe u'la' kye'lu! chechij te.
4Tchaq'tzun Anuntz tu'n kyokx jpu'nju' ajb'el te Dab'i, ex tu'n tb'je'l jonju' kyxmatzi exju' t-xya'mal kywi', ex tu'n tkub' laqu'nju' kyi'j ku'punx twi' kyẍo'p. E'etz tchq'o'ntzuntz.5Tetzunj txi' q'unb'aj te Dab'i aju' b'inchanjtz kyi'ju' ichan lu, tchaq' tu'n kyxi' k'ulb'aj, qu'n matxi'toq tz'el kych'ixaw, ex tu'n txi' q'ma'n kye tu'n kykyaj tenpun toj Jeriko tzmaxi'j aj tch'iy jumajtlju' kyxmatzi, b'a'n kyanjtzuntz.
6Kane toj kywitzu' aj Amon qa matxi'toq che ok ajq'oj ti'j Dab'i, qu'mtzun xikysma'n Anun kyuky'ilu' aj Amon junk'al oxlajnaq (660) kyintal saqpwaq kyoj Mesopotamya, Sirya, Maaka ex Sob'a, tu'n kytzaj majena' karwaj te q'oj, ex tnej xjal te q'oj kyi'j chej,7kyajmutx' (32,000) karwaj te q'oj tzaj kymajena'n, tuk'i'lxi' nimaqkawil toj Maaka kyuk'i'lju' t-xjal te q'oj. E'b'aj pon ex b'ajkub' kychmo'nkyib' tk'etz Medeb'a. Expe' eb'je'tzju' aj Amon kyoju' nimaqkytanam ex b'aj kyb'u'yi'n kyib' tu'n kyq'ojin.8Tb'itzun Dab'i ja'lu, ex xitchq'o'n Joab' kyuky'i'l kykyaqilju' xjal te q'oj.9E'tzaj lq'e aj Amon ex b'aj kyb'incha'n kyten tu'n kyq'ojin ttzi nintnam. Aye'tzu'n nimaqkawil e'tzaj kyuk'i'l e'kyajten toj kojb'il.10Tetzunj tka'yinte Joab' xi'toq kytzaj q'ojil twitzxi' ex ti'jxi', e'jaw t-sk'o'n t-xjal b'a'nxi'x che q'ojin kyxol aj Israel ex tb'inchatib' tu'n tq'ojin kyi'ju' aj Sirya.11Ex e'kub' tq'o'n jni'tl xjal te q'oj tjaq' tkawb'il Ab'isay kyitz'inkyib' tuk'i'l, tu'n kyq'ojin kyuk'i'l aj Amon,12ex xitma'n te: Qa kuwxi'x che q'ojin aj Sirya kye nwitze', ktzajela onilweye', qatzun kuwxi'x che q'ojin aj Amon kyetwitza, chin onile' ti'ja.13Kuwsam tib'a, ex kuwqo'x tu'n qq'ojin tu'nelju' ninqtanam ex kyu'nel nimaqttanam Qman Dyos. ¡Tb'inchaxwittzun Qman Dyos aju' b'a'n toj twitz! chij te.
14Xi'tzu'n Joab' kyuk'i'lju' t-xjal q'ojil kyi'ju' aj Sirya, aye'tzunkye e'kub' oq twitz.15Tetzunj kyka'yinte aj Amon e'kub' oqu' aj Sirya, ex ikxkye e'kub' oq twitz Ab'isay kyitz'inkyib' tuk'i'l Joab', ex eb'jo'kx toju' nintnam. Anjtzun ti'j Joab'tz toj Jerusalen.16Tetzunj kylonte aj Sirya matxi'toq kub'kyi'j kyu'n aj Israel, exi' kychq'o'n jte' xjal q'malte tu'n kytzaju' aj Sirya ate'toq jlajxi' nin a' Ewprates. Atoq Sopak nejenel kye, ju' nejenel kye t-xjal Adad-eser te q'oj.17Xi'tzun q'ma'n ja'lu te Dab'i, eb'ajxtzun tb'u'yi'n kykyaqil aj Israel, e'ik'x jlajin toju' nin a' Jordan, exi'lq'e ex e'kub'ten tu'n kyq'ojin. E'kub' tnk'u'n Dab'i t-xjal te q'oj tu'n kyq'ojin kyi'ju' aj Sirya, ex e'q'ojin aj Sirya kyi'j,18o'kx kykub' oq kywitzu' aj Israel, qu'n jo'mutx' (40,000) kyxjal tu'n kyqan e'kub' tb'yo'n Dab'i, atzun wuqlajk'al lajnaq (7,000) kyoju' kykarwaj te q'oj; expe' kub' tb'yo'n Dab'i Sopak, nejenel kye aj Sirya te q'oj.19Tetzunj kyka'yinteju' mojb'a'ntoq kyib' tuk'i'l Adad-eser matxi'toq kub'kyi'j kyu'n aj Israel, kyma tu'n tten nak'b'il kyxol tuk'i'l Dab'i, e'kyajtentzuntz tjaq' tkawb'il. Atxi'xtzunj, min kyajtlju' aj Sirya tu'n kyonin kyi'ju' aj Amon. Kub'ti'j Rab'a tu'n Dab'i (2 S 12.26-31)
1Jumaj, tej tb'aju' q'ijal ex ttzyet jb'alil, atoq tq'ijlalilju' nche b'je'x nimaqkawil q'ojil, b'aj tnk'u'n Joab' tu'n tex kyuk'i'lju' t-xjal te q'oj ex kub' t-xitu'n kytanam aj Amon. Xi'tzuntz, okkytxoli'n ti'j Rab'a ex e'oktzaqpaj ti'j, ex majx kyej kyxitu'n. Atzunte Dab'i kyejten toj Jerusalen.2Yajxi'tzuntl eltiq'i'n Dab'i q'anpwaq koron toj twi' nimaqkawil aj Rab'a, ate'toq tb'anil ab'j ti'j ex masch'i'n oxnaq kab'lajoj (72.6) lib'r tk'i' nik'jan talal; jax q'o'ntzuntz toj twi' Dab'i. Ex nim ti'xti' twi' wi'yal etztiq'in Dab'i toju' nintnam,3ex eb'je'tz tiq'i'n xjal ate'xtoq toju' nintnam ex eb'jo'ktq'o'n aq'unal ti'j Syer, ti'j cheb'l triy ex ti'j k'uxb'il pab'l toj si. Ax tb'incha Dab'iju' kyi'j kykyaqil nimaqkytanam aj Amon, anjtzuntz kyuk'i'l kykyaqilju' t-xjal te q'oj toj Jerusalen. Q'oj kyi'ju' xjal nimaqkwe' (2 S 21.18-20)
4Yajxi'tzuntel ok jun q'oj kyuk'i'lju' pilistey toj Kyeser. Kub' tb'yo'n Sib'ekay aj Usa ju' Sipay kyyajajilu' xjal nimaq kywe' toju' q'oj lu, ex kub' tme'ssa'n.5Tojtzun juntl q'oj ok kyi'ju' pilistey, a Elanan, tk'wal Jayir, kub' b'yonte Lami, ju' kyitz'inkyib' tuk'i'l Kolyat aj Kat, nimxi'xtoq twe'ju' tch'ut kse'n jun tqul telar.
6Ok juntl q'oj toj Kat. Atitoq jun ichan niminxi'x twe' atzu', waqaqchaq kywi'tq'ob' ex kywi'tqan, junaq kyaje' (24) tu'n kykyaqil. Kyyajajilx toqju' xjal nimaq kywe',7e'oktik'le'n aj Israel, kub' b'yo'ntzuntz tu'n Jonatan, tk'wal Sima, ju' kyitz'inkyib' tuk'i'l Dab'i.8Tyajajiltoq Repa qe'ju' xjal nimaqxi'x kywe', ju' aj Kat, kub'kyi'j tu'n Dab'i ex kyu'n ajb'el te. Jaw kyajlalju' tnam tu'n Dab'i (2 S 24.1-17)
1Jaw tiq'i'ntib'u' tajaw il kyi'ju' aj Israel, okxtq'o'n toj twi' Dab'i tu'n tjawtiq'i'n kyajlalu' aj Israel. 2Tchaq'tzun Dab'i te Joab' ex kyeju' nejenel kye tnam:
—Kukyxi'ye' ex kyiq'i'nktze' kyajlalju' aj Israel, tzajx B'eerseb'a tu'n tpon Dan, Kyiq'intztzuntze' tajlal weye' tu'n nb'inteye' jte' kyb'aj, chij.
3Atzunte Joab' xittzaq'we'n te:
—Awt Qman Dyos chmet-sankye jo'naq majtlju' ttanam kyib'ajxi'ju' ate' ja'lo; ¿Ajb'el qe'na' kykyaqil ja'lu teya nimaqkawil? ¿Tiqu'ntzun tajb'ila'ya tu'n tb'inchet ja'lu nimaqkawil? ¿Tiqu'n kxe'la' tq'o'na tnam Israel toj il? chi Joab'. 
4Ilxi'xtzunti'j kub' tq'o'n nimaqkawil tchaq'b'il, etztzun Joab'tz, xi' toj tkyaqilu' tx'otx' te Israel ex anjtz jumajtlti'j Jerusalen.5Xitq'o'n Joab' kyajlalju' tnam te Dab'i, atitoq qaqnaq wuqlajmutx' lajk'al (1,100,000) ichan b'a'nqe' te q'oj toj tkyaqil Israel, kab'naq wajxaqlajmutx' o'lajk'al (470,000) toj Juda.6Min e'okju' kyyajajil Leb'i ex B'enjamin toju' tajlal lu, qu'n min kub'u' tchaq'b'il nimaqkawil toj twitz Joab'.
7Myab'a'n ela' tkyaqil ja'lu toj twitz Dyos, ex tzaj tq'o'n jun tz'e'ysb'il kywitz aj Israel.8Jatztzun tpa'n Dab'i til twitz Dyos:
—Matxi' nb'incha jun nin ile' tu'n xnb'inchaye' lu. Chin kub'sale' ja'lo tu'n tkub' tnajsa'na wile' ayine' tmajina, qu'n machinokye' xnak twitza, chij.
9Tzajtzun tma'n Qman Dyostz te Kad, ju' janxjeluna' Dab'i:
10Kutxi'ya tk'etz Dab'i ex q'manxa te qa inche kub' nq'o'ne' oxe' ti'xti', tu'n tjaw t-sk'o'n kyxol alkye tajb'il tu'n nb'inchanteye', chi Dyos.
11Xi' Kad tk'etz Dab'i, ex xitma'n te:
—Chi Qman Dyos ikjalu: sk'onktza alkye tajb'ila12ma aju' oxe' ab'q'i we'yaj, mujqa oxe' xjaw tu'n tkub'kyi'je' tu'n k'uẍtx'e'nb'il kyu'n kyajq'oje', mujqa oxe' q'ij yab'il toju' kytx'otx'e' tu'n tk'uẍtx'e'nb'il Qman Dyos, ajtulju' tanjl Qman Dyos xitul toj tkyaqilu' kytx'otx' aj Israel. Ximanku'ya alkye b'a'n toj twitza tu'ntzun txinma'ne' teju' saj chq'o'nweye', chij.
13Xi'tzun ttzaq'we'n Dab'i te Kad:
—Matxi' chin b'o'lje'. Alote b'a'n tu'n nkub' tz'aqe' toj tq'ob' Qman Dyos, mya toj kyq'ob' ichan, qu'n nimxi'xju' t-xtalb'il, chij.
14Tzajtzun tq'o'n Dyos jun tx'u'j yab'il kyib'aju' aj Israel, ex e'kyim wajxaq mutx' o'lajoj kal xjal (70,000).15Tzajtzun tchq'o'n Dyos jun anjl xitulte Jerusalen. Tetzunj toktoq xitulte, tzaj tka'yi'n Qman Dyos, exch'yonju' xitb'il lu toj tk'u'j, ex tchaq' teju' anjl ntoq xitunte: ¡Tky'ixtzu'n, lalun txitljo'ntla! chij.
Atitoqu' tanjl Qman Dyos toju' kmuj lu ja ntriyina'toq Ornan jeb'usey.
16Tetzunj t-xitka'yi'n Dab'i, tilju' tanjl Qman Dyos atitoq kyxolu' kya'j tuk'i'lju' tx'otx', iq'i'ntoq jun tk'uẍtx'e'nb'il jawtznitl toj tja, nik'u'ntz ti'j Jerusalen. Ekub'tzun meje Dab'i kyuk'i'lju' tijwnaq, majx ku'punju' kyplaj twitz tx'otx', toktoq kyi'j jochin te b'is,17xi'tzun tma'n Dab'i te Dyos:
—¡Ayinwe' ẍin q'mante tu'n tjaw kyajlalju' tnam! ¡Ayinweju'ye' ẍin b'inchan il ex ẍin b'inchanteju' myab'a'n! ¿Titi'tzunkye' xjal xkyb'incha lu mixti' kyil? Nman Dyos, chin kub'sale' teya, wib'ajwe' tu'n tkub' tz'aqa' tz'e'ysb'il witzb'aj ex kyib'aju' toj njaye', lalun che tky'ixb'saju'ya ttanama, chij. Jawtb'incha'n Dab'i jun q'olb'eb'l (2 S 24.18-25)
18Tchaq'tzun tanjl Qman Dyostz tu'n txi' tma'n Kad te Dab'i tu'n tjaw tb'incha'n jun q'olb'eb'l te Qman Dyos ja intoq triyina' Ornan jeb'usey.19Xi'tzun Dab'i b'inchalteju' xitma'n Kad te toj tb'i Qman Dyos.20Atzu'n Ornan ju' intoq triyin, tej tanjtz ka'yinti'j, tilju' anjl, aye'tzu'n kyaje' tk'wal ate'toq tuk'i'l matxitoq che kub' ewan.21Tetzunj tpon lq'e Dab'i ja ta'toq Ornan, xitka'yi'n Ornan ju' Dab'i ex etz jatoq in triyina' ex kub'joqe twitz Dab'i.22Xi'tzun tma'n Dab'i te Ornan:
—Q'ontza najb'il jaintriyina'ya weye', tu'n tjaw b'inchet jun q'olb'eb'l te Qman Dyos toj. K'ayintza weye' kse'nxju' twi', tu'ntzun telju' tx'u'j yab'il toju' tnam, chij.
23Atzunte Ornan xittzaq'we'n te:
—Tzyuma nimaqkawil, ex b'inchama aju' b'a'n toj twitza. Che kxe'l nq'o'nwe' tman wakx te chojb'il k'ok'sb'il, exqe' aq'unb'il tu'n tel triy te si, atzu'n triy te oyaj. ¡Tkyaqil ja'lu kxe'l nq'o'ne' teya nimaqkawil! chij.
24Atzunte' nimaqkawil Dab'i xittzaq'we'n te:
—Chjonte teya, naq o'kx ati tu'n nlq'onteye' tkyaqil kse'nxju' twi', qu'n lay tz'el wiq'i'nju'ye' ati teya tu'n txi' nq'o'ne' te Qman Dyos ex tu'n txi' nq'o'ne' jun chojb'il k'oksb'il qa min xnloq'e', chij.
25Iktzu'n, xitchjo'n Dab'i junk'al lajnaq (600) piẍ q'anpwaq te Ornan twi'ju' najb'il,26atzuntzu' tchaq'a' Dab'i tu'n tjaw b'inchet jun q'olb'eb'l te Qman Dyos ex e'kub' tq'o'n chojb'il k'ok'sb'il ex chojb'il te mujb'ab'ltib'il. Kub'santzuntz twitz Qman Dyos, ex tzaj ttzaq'we'n Dyos tuk'i'l q'aq' tzaj t-xon tzmax toj kya'j tib'aju' q'olb'eb'l te chojb'il k'osb'il.27Tchaq'tzun Qman Dyostz teju' anjl tu'n tku'x tk'u'n jumajtlu' tk'uẍtx'e'nb'il. Tkub'el tja Dyos
28Tetzunj tlonte Dab'i matxitoq tzaj tb'i'n Qman Dyos toju' kmoj lu ja intoq triyina' Ornan jeb'usey, kub' tq'o'n chojb'il atzu'.29Maskye toju' ja xjan toj Kab'aon ta'toqju' ja xb'alun, jawtb'incha'n Moyses te Qman Dyos toj chq'ajlaj exju' q'olb'eb'l teju' chojb'il k'ok'sb'il,30min b'ent txi' Dab'i xjelul te Dyos atzu', qu'n oktchi ti'j tej t-xitka'yi'n tk'uẍtx'e'nb'il tanjl Qman Dyos.
1Qu'mtzun tma Dab'i: Atzu' ktenb'ela'te' tja Qman Dyos tzalu, exju' kyq'olb'eb'l aj Israel te chojb'il k'ok'sb'il, chij. B'aj b'u'yi'n ti'xti' tu'n tajb'en te tja Dyos
2Yajxi'tzuntel tchaq' Dab'i tu'n kyb'aj b'u'yi'n te najchaq xjal najlqe'toq toj Israel, ex xitma'n kyeju' pa'l ab'j, tu'n kyb'aj kyb'incha'n ab'j tu'n tjaw b'inchetju' tja Dyos.3Expe' b'ajtb'u'yi'npun txqan k'uxb'il tu'n kyklawẍetju' tjpel ja exqe' tzuyb'ilkye; ex txqan q'ank'uxb'il,4ex txqan tze k'ute, qu'n ojetoq tzaj kyiq'i'n xjal aj Sidon ex aj Tiro txqan tze k'ute.
5Kub' t-xima'n Dab'i: Tzma jun tal ku'xunju' nky'ajule' Salomon, atzunju' tja Dyos kjawil b'inchet nim, tb'anilxi'x ex ati tu'n tyolinjtz toj tkyaqil twitz tx'otx'; qu'mtzun kb'ajel nb'u'yinpunju'ye' k'ajb'el te, chij.
Qu'mtzun nim b'ajpun tb'u'yi'n Dab'i na'mxtoq tkyim.6Tzajtzun ttxko'n Salomon, ju' tk'wal, ex xitoqxena'n te tu'n tjaw tb'incha'n tja Qman Dyos janche k'uluna' aj Israel,7xitma'n te: Nky'ajol, b'isu'ntoq wu'ne' tu'n tjaw nb'incha'ne' jun ja te Qman Dyos.8Atzunte Qman Dyos tzaj tma'n weye' kjalu:
Matxi' wile' nim chik' matxi' qojli tu'na ex nim q'oj matxi' tb'inchaya; qu'mtzun myaya kjawil b'inchanteju' njaye'.9K'itz'jel jun tk'wala ex kb'eltq'o'n nak'b'il; expe' knb'incha'ye' tu'n tkyajq'o'n toj nak'b'il kyu'n tajq'oj toj tkyaqil plaj. Qu'mtzun Salomon tb'i k'okyel. Ktenb'elju' tnam Israel wu'ne' toj nak'b'il toju' tq'ijlalil tkawb'il.10Ate kjawil b'inchante jun njaye'. K'okyel te nk'wale', ayintzunwe' Manb'aj te, ex knkuwsa'ye' tkawb'il tejumajx toj Israel, chi Dyos.11Awt Qman Dyos ten tuk'i'la nky'ajul, tu'n tjaw tb'incha'na ja te Qman Dyos, kse'nxju' oje ttziya tu'n tb'inchanteya.12Awt Qman Dyos tzaj q'onte tnab'la ex tojtzqib'la, tu'ntzun tjapunju' tkawb'il tu'na ajtok q'o'na tu'n toju' kawb'il toj Israel.13Tkyaqilu' ktb'incha'ya k'elelb'a'n qama tz'ok tilil tu'na tu'n kyjapunju' kawb'il ex nuk'b'il tchaq' Qman Dyos te Moyses kye aj Israel. ¡Kuwsam tib'a; lalun kub' numja ex lalun xob'a!.14Ka'yintzpe'ya, matz'oktilil wu'ne' tu'n tb'uyetpun wajxaqmutx' jok'al (66,000) kyintal q'anpwaq, kyajnaq kab'mutx' lajk'al (660,000) kyintal saqpwaq, ex txqan q'ank'uxb'il ex txqan k'uxb'il layx b'ent kyajlet teju' tja Qman Dyos. Ex matxi' b'aj nb'u'yi'npune' tze ex ab'j, ex b'uyim txqantla.
15Expe' nim taq'unala ate'qe' tu'n kyajb'en teya, e' pa'l ab'j, b'inchal ja ex aq'unal tze, ex txqan ichan b'a'n che aq'unan ti'j chukchaq aq'untl, ti'j q'anpwaq, saqpwaq, q'ank'uxb'il ex k'uxb'il. Qu'mtzun ¡Tz'aq'unana, ex awt Qman Dyos tz'oninteya! chi Dab'i te tk'wal.
17Tchaq'tzun Dab'itz kye kykyaqil nejenel kye aj Israel tu'n kyonin ti'j Salomon ju' tk'wal, xitma'n kye:18Ati te Qman Dyos kyuky'i'le' ex matxi' taq' nak'b'il kyeye' toj tkyaqil plaj, qu'n mache kub' tq'o'n kykyaqilju' najlqe' toju' tx'otx' tjaq' nkawb'ile', atzunju' tx'otx' matxi' kyejten tjaq' tkawb'il Qman Dyos exju' ttanam.19Qu'mtzun, kyjyome' Qman Dyos tu'n tkyaqil kyk'u'je'. Kyq'onku'ye' toj kyanmiye' tu'n tjaw kyb'incha'ne' ja xjan te Qman Dyos, tu'ntzun txi' iq'etju' kax k'ub'lteju' tyol Qman Dyos kyejni b'entti'j exqe'ju' aq'unb'il xjanqe' twitz Dyos, toju' ja kjawil b'inchet te Qman Dyos, chij kye. Aye' aj Leb'i ex kyaq'un
1Tetzunj matxi'toq tijinxi'x Dab'i, oktq'o'n toklen Salomon ju' tk'wal te nimaqkawil toj Israel,2ex eb'aj tb'u'yi'n kykyaqilju' nejenel kyxol aj Israel, exqe' pale ex aj Leb'i.3Jawtzun kyajlalu' aj Leb'i, tzajx kyuk'i'lju' te junaq lajoj (30) kyab'q'i, ex japun kyajlal toj kyajmutx' o'lajojk'al (38,000).4Kyxoltzu'n ja'lu, e'okq'o'n oxemutx' (24,000) q'elte ttxa'nju' aq'untl toju' tja Dyos, o'lajk'al (6,000) tu'n kyok te ajb'el toj kawb'il ex te ajkawil,5lajk'al (4,000) tu'n kyok xq'uqil ttzija, ex lajk'al (4,000) tu'n kyb'itzan te Qman Dyos kyuk'i'lju' chnab' xitq'o'n b'incha' Dab'i.6Eb'ajkub' taq'pu'n Dab'i toj tneji'n kse'nxju' kyajlal tk'wal Leb'i: aye' Werson, Kyeat ex Merari.
7Aye' tk'wal Werson ja'lu: Ladan ex Simi.8Oxe' tk'wal Ladan ten: tnejil Jeyel, ex Setam ex Joel.9Ex oxe' tk'wal Simi ten, aye': Selomit, Asyel ex Aran. Aye'tzun nejenelju' kyxolu' tyajajil Ladan.10Kyaje' tk'wal Simi ten, aye': Jaat, Sisa, Jewus ex B'erya.11Atoq tnejelu' Jaat, atzun tkab'u' Sisa; aye'tzunkye' Jewus ex B'erya mya nim kyk'wal ten, qu'mtzun naq te jun ja xjal e'oka' q'o'n toju' ajb'eb'l.
12Kyaje' tk'wal Kyeat ten, aye': Amram, Isar, Eb'ron ex Usyel.13Aye'tzu'n tk'wal Amram aye' Aaron ex Moyses. Ate Aaron jaw t-sk'o'n Dyos tu'n kykub' tq'o'n oyaj xjanqe'xi'x, tu'n tkub' ttz'e'ysa'n sturak twitz Qman Dyos, tu'n tajb'en te ex tu'n txi' kyqani'n ky'i'wb'il kukxju', aju' aq'untl lu tu'n kyb'inchante Aaron kyuk'i'lju' tk'wal kukxju'.14Ex ikx eku'x q'o'n Moyses kyuky'i'lju' tyajajil toj kyajlalju' tnej aj Leb'i.
15Aye' tk'wal Moyses ja'lu: Werson ex Elyeser.16A Seb'wel tnejel tk'wal Werson.17Atzu'n Reab'iy tnejel tk'wal Elyeser, ex mixti' e'tentl tk'wal; atzunte Reab'iy nim tk'wal ten.18A Selomit tnejil tk'wal Isar.19Aye' tk'wal Eb'ron ja'lu: tnejil Jeraiy, tkab' Amariy, toxi'n Jaasyel, tkyaji'n Jekaman.20Aye'tzu'n tk'wal Usyel ja'lu: tnejel Mikaiy, tkab' Isiy.
21Aye' tk'wal Merari aye' Mali ex Musi. Aye'tzu'n tk'wal Mali aye': Eleasar ex Kyis.22Kyim Eleasar ex mixti'x ten jun tk'wal q'a: naq tmyal e'ten, ju' e'mje kyuk'i'lu' tk'wal Kyis ju' kytiy.23Ex oxe' tk'wal Musi ten, aye': Mali, Eder ex Jeremot.
24Aye'tzun tyajajil Leb'iju', kse'nxju' kyb'aj toj junjun ja, tz'ib'a'n kyb'i tej tjawju' kyajlal, nejenelqe', tzajx kyuk'i'lju' te winqi'n kyab'q'i, ju' intoq che ajb'en toju' aq'untl toj tja Dyos.
25Ojetoq tma Dab'i: Matxi' tzaj tq'o'n Qman Dyos nak'b'il teju' ttanam ex atzu' ktenb'ela' tejumajx toj Jerusalen.26Qu'mtzun lay tzik' kyiq'i'n jumajtl aj Leb'iju' ja xb'alun te Dyos exqe' ti'xti' nche ajb'en toj k'u'lb'il, chij.
27Iktzu'n, kse'nxju' b'ajsb'il tyol Dab'i, jaw kyajlalju' aj Leb'i tzajx kyuk'i'lju' matxi'toq che el winqi'n ab'q'i,28e'kyajtentzuntz tu'n kyajb'en kyeju' pale tyajajil Aaron, tu'n kyb'inchanteju' aq'untl toju' tja Dyos, twi' pe'n ex kyoju' ja, ex tu'n kyjsoq'inteqe' ti'xti' xjanqe' ex tu'n kyb'inchante txqantl aq'untl toju' tja Dyos.29Toj kyq'ob' ta'qe'toqu' wab'j xjansa'n intoq kub' txoli'n, e' arin te oyaj ti'j twitz awal k'ok'e'kywitz, e'wab'j muqin mixti' ttx'amal, e'oyaj tzq'ajsa'n toj k'wil k'ok'e' kyxe, e'tq'otjil wab'j, ex tkyaqilju' malb'il ex echb'il.30Expe' ati tu'n kyten tkyaqil q'ij toju' tja Dyos, prim ex qale, tu'n kyq'on chjonte ex tu'n kyajwalinte Qman Dyos,31ex tu'n tkub' kyq'o'n tkyaqilju' chojb'il k'ok'sb'il twitz Qman Dyos kyoju' q'ij te ojb'il, kyoju' ninq'ij te ak'a'j xjaw ex kyoju' ninq'ij nimaq kyoklen, tu'n kyajb'en kukxju' te Qman Dyos kse'nxju' kyajlal nnojqelan.32Ex toj kyq'ob'toq ta' tu'n tka'yitju' ja xb'alun te mujb'ab'ltib'il tuk'i'l Dyos exju' ja xjan, intoq che ajb'en toju' tja Dyos kyuk'i'lju' kyitz'in ex kytzik, tyajajil Aaron.
1Ex e'kub' aq'pu'nju' tyajajil Aaron toj tneji'n. Aye' tk'wal Aaron ju' Nadab', Ab'yu, Eleasar ex Itamar.2Aye'tzunkye Nadab' ex Ab'yu nejtl kykyim twitzju' kyman ex mixti'x ten kyk'wal, qu'mtzun aye' Eleasar ex Itamar e aq'unan te pale.
3Onin Sadok tyajajil Eleasar, ex Aymelek tyajajil Itamar, tuk'i'l Dab'i, tej kykub' taq'pu'n toj b'yoji'n tu'n kych'exb'entechaq kyib' ajkyb'inchante aq'untl.4Eltzun kynik' qa nimxi'xtoq kyb'aju' ichan tyajajil Eleasar kyekywitzu' tyajajil Itamar, e'kub' aq'pu'n ikjalu: qaqlajoj (16) nejenel kyxolju' tyajajil Eleasar, atzun wajxaq kyxolju' tyajajil Itamar.5Eb'ajx nk'u'n tu'n kych'exb'ente kyib' toju' aq'untl kse'nxju' elyal tej kyb'aj aq'pu'n, qu'n ate'toq aq'unal xjansa'nqe', aq'unalqe' te Dyos, kyxolju' tyajajil Eleasar ex kyxolju' tyajajil Itamar, aq'unalqe' te Dyos.
6A Semaiy, tz'ib'al, tk'wal Natanael ex jun aj Leb'i, kub' tz'ib'a'nteju' kyb'i twitzju' nimaqkawil, kywitzju' nejenel, ex pale Sadok, ex Aymelek tk'wal Ab'yatar, ex kywitzju' nejenel kye toj kyja pale ex kywitzju' aj Leb'i. Intoq che ok b'inchalte aq'untl kse'nxju' nkub' tz'aq kye junjun b'yoj, kab'e' b'yoj kyxolju' tyajajil Eleasar, atzun jun kyxolju' tyajajil Itamar.
7Iky nuk'b'enkyeju' tu'n kych'exb'ente kyib' toj b'yoji'n kse'nxju' el yala', tzyet-x tuk'i'lju' tnejil tu'n tpon b'aj tuk'i'lju' tjunaq kyaji'n (24) b'yoj: Joyarib' Jedayiy Arim Seorim Malkyiy Mijamin Kos Ab'iy Jesus Sekaniy Elyasib' Jakyim Upa Jeseb'ab' B'ilwa Imer Esir Pises Petayiy Esekyel Jakyin Kamul Delayiy Maasiy
19Iktzu'n eb'aja' aq'pu'n tu'n kych'exb'ente kyib' toj b'yoji'n tu'n kyajb'en toju' tja Dyos, kse'nxju' tnuk'b'il Qman Dyos tchaq' te Aaron, ju' ojtxi' kyyajilb'en.
20Aye' junjuntl tyajajil Leb'i ja'lu: Sub'ael, kyxolu' tyajajil Amram; Jeediy, kyxolu' tyajajil Sub'ael;21Isiy, ju' tnejel kyxolju' tyajajil Reab'iy;22Selomot, kyxolju' tyajajil Isar; Jaat, kyxolju' tyajajil Selomot;23Atzu'n kyxolju' tyajajil Eb'ron, aye': tnejel, Jeriy; tkab' Amariy; toxi'n Jaasyel; ex tkyaji'n Jekaman.24Exqe': Mikaiy, tk'wal Usyel; Samir, tk'wal Mikayiy;25Isiy, kyitz'inkyib' tuk'i'l Mikayiy; Sakariy, tk'wal Isyiy;26Mali ex Musi, tk'wal Merari qe'; exqe' tk'wal Jaasiy, tk'walx Merari.27Kyxoltzu'n tyajajil Jaasiy, tk'wal Merari, ate' Soam, Sakur ex Ib'ri;28atzu'n kyxol tyajajil Mali: a Eleasar, ju' mixti' ten tk'wal,29ex Kyis; Jerameel, tk'wal Kyis;30exqe' tk'wal Musi, aye': Mali, Eder ex Jerimot.
Aye'tzun aj Leb'iju' teyle junjun ja.31Ex ikxkye e'kub' aq'pu'n, kse'nxju' b'je'l yal tej kykub' nk'u'n, ax b'inchanjtzu' kye toj kyja tnejel k'wa'lb'aj ex toj kyja ch'i'p, ex kyeju' kywitze'l, ju' tyajajil Aaron, twitzju' nimaqkawil Dab'i ex kywitzju' pale Sadok, Aymelek ex kywitzju' nejenel kye toj kyja pale ex toj kyja aj Leb'i. Aye' aj chnab' ex aj b'itzal
1Aye'tzu'n Dab'i kyuk'i'lju' nejenel kyi'ju' ajb'eb'l toj k'u'lb'il, e'kub' kyq'o'n kyk'wal Asap, Eman ex Jedutun, kyoju' aq'untl nim kyoklen, intoq xikyma'nju' intoq tma'n Qman Dyos tu'n kyb'inchante, kyuk'i'l chnab' arpa, tzintzin ex txijtxij. Aye'tzu'n ate'toq kyoju' ajb'eb'l lu, a kyb'iju' tz'ib'a'n lu.
2Kyxolju' tk'wal Asap, aye': Jakur, Jse, Netaniy ex Asarela. Atoq Asap ju' kyman nejenel kye, intoq q'mante yol intzajtma'n Dyos te tjaq' tkawb'il nimaqkawil.
3Aye' waqaq tk'wal Jedutun ja'lu: Wedaliy, Seri, Isayiy, Simi, Asab'iy ex Matatiy. Atoq Jedutun ju' kyman nejenel kye, ju' intoq xitma'n yol intoq tzaj tma'n Dyos te, tuk'i'l chnab' arpa te aq'b'il chjonte ex tu'n tajwalit Qman Dyos.
4Aye'tzu'n tk'wal Eman aye': B'ukyiy, Mataniy, Usyel, Seb'wel, Jeremot, Ananiy, Anani, Elyata, Widalti, Romamti-eser, Josb'ekasa, Maloti, Otir ex Maasyot.5Kykyaqil ja'lu tk'wal Eman, t-aj tnab'lil nimaqkawil, kse'nxju' yol tzaj ttziya'n Dyos te, qa ktzajel tq'o'n nimtipumal; ex tzaj tq'o'n Dyos kyajlajoj tk'wal Eman ex oxe' tmyal.6Atoqu' kyman nejenel kye ajkyb'itzan kyuk'i'l txijtxij, tzintzin ex arpa toj k'u'lb'il toj tja Dyos.
Ate'toq Asap, Jedutun ex Eman tjaq' tkawb'il nimaqkawil.7Kyajlajnaq wajxaq (288) kyb'aju' aj chnab' b'a'n che chinb'an kyuk'i'lxi' txqantl kyuk'i'l xnaq'tza'nqe' tu'n kyb'itzan te Qman Dyos.
8E'kub' aq'pu'n tu'n kych'exb'ente kyib' toju' ajb'eb'l, kse'nxju' elyal tej kyaq'pet, qa nimaq kyoklen mujqa ch'i'n, xnaq'tzalqe' mujqa in kyxnaq'tza'n kyib'.
9Ikyb'je'la' yal nuk'b'enkye ja'lu tu'n kych'exb'ente kyib', tzajx tuk'i'lju' tnejel tu'n tpon tuk'i'lju' tjunaq kyaji'n (24): Jse Wedaliy Sakur Isri Netaniy B'ukyiy Jesarela Isayiy Mataniy Simi Asarel Asab'iy Sub'ael Matatiy Jeremot Ananiy Josb'ekasa Anani Maloti Elyata Otir Widalti Maasyot Romamti-eser
Kab'lajoj (12) chaq kyb'aj teyile junjun kyuk'i'lxi' kyitz'in ex kyk'wal. Xq'uqil ttzija ex txqantl nejenel toj kawb'il
1Tej kyb'aj aq'pu'n xq'uqil ttzija tu'n kych'exb'ente kyib', e'kyaj kjalu:
Kyxolju' tyajajil Kore, aye' Meselemiy tk'wal Kore, tk'wal Eb'yasap.2Aye' tk'wal Meselemiy ja'lu: tnejel, Sakariy; tkab', Jedyael; toxi'n, Seb'adiy; tkyaji'n, Jatnyel;3tjwe'yi'n, Elam; twaqaqi'n, Joanan; atzu'n twuqi'n Elyeoenay.
4Aye' tk'wal Ob'ed-edom ja'lu: tnejel, Semaiy; tkab', Josab'ad; toxi'n, Joa; tkyaji'n, Sakar; tjwe'yi'n, Natanael;5twaqaqi'n, Amyel; twuqi'n, Isakar; twajxaqi'n, Pewltay. Qu'n matxi'toq ky'iwlanjtz Ob'ed-edom tu'n Dyos, tu'nju' txqan tk'wal.
6Kab'e' tk'wal Semayiy ten, ju' tk'wal Ob'ed-edom, intoq che kawin kyib'aju' toj kyja kyman, qu'n atitoq kyipumal ex kynab'l.7Aye' tk'wal Semaiy ja'lu: Otni, Rapael, Ob'ed, Elsab'ad, Elyu ex Samakyiy, kuw qe'ju' ichan lu.8Kykyaqil ja'lu, tyajajil Ob'ed-edom qe', kuw qe'ju' kyk'wal exqe' kyitz'in ex kytzik tu'nju' kyipumal intoq kyyek'u'n toju' kyajb'eb'l. Oxnaq kab'e' (62) kyb'aju' tyajajil Ob'ed-edom tu'n kykyaqil.
9Wajxaqlajoj kyb'aju' (18) tk'wal Meselemiy, e' ttziky ex titz'in, kykyaqil kuw xjal ex ati kynab'l.
10Aye' tk'wal Osa, tyajajil Merari: Somri, ju' nejeneltoq, maskye myatoq tnejel k'wa'lb'aj, okq'o'n te nejenel tu'n tman;11tkab', Ilkyiy; toxi'n, Teb'aliy; tkyaji'n, Sakariy. Oxlajoj (13) kyb'aju' tk'wal Osa ex titz'in tu'n kykyaqil.
12Aye'tzun b'yoju' in kych'exb'e'n kyib' xq'uqil ttzija. Atoq kyaq'un nejenelju' exqe' kyuky'i'l tu'n kyajb'en toju' tja Dyos.13Teyile junjun ja, e'nimaq ex k'ok'e', e'kyaj xq'uqil junjun ttzija kse'nxju' elyal tej t-sipanjtz kyxol.
14Ate Selemiy elyal tu'n t-xq'uqinteju' ttzija toj tjawetzq'ij, atzu'n Sakariy ju' tk'wal, q'ol nab'l atixi'x tnab'l, tu'n t-xq'uqin teju' toj tb'a'nq'ob'kya'j.15Atzu'n Ob'ed-edom tu'n t-xq'uqinteju' toj tnayajkya'j, aye'tzu'n tk'wal tu'n kyxq'uqinteju' k'ub'l ti'xti' te tja Dyos.16Atzu'n Osa tu'n t-xq'uqin toj tkub'exq'ij, jata' ttzija Salekyet tb'i, toju' b'e tk'u'j witz.
Eb'aj nk'u'nju' kyajb'eb'l junjun b'yoj ikjalu:17atl junjun q'ij, ate'toq waqaq xq'uqil toju' plaj tjawetzq'ij, kyaje' toj tb'a'nq'ob'kya'j ex kyaje' toj tnayajkya'j, atzun kakab' ti'j junjunju' k'ub'l ti'xti'.18Ate'toq kyaje' xq'uqilteju' b'e nim twitz twipe'n tkub'exq'ij, atzun kab'e' teku' pe'n.19Iktzu'n sipana' kyaq'unju' xq'uqil ttzija kyyajajil Kore Ex Merari.
20Junjuntl tyajajil Leb'i intoq che kyxq'uqi'n k'uwenj toju' tja Dyos exqe' k'ub'l oyaj xjansa'nqe'.21Atzu'n kyxolju' tk'wal Ladan, ju' tzajni kyyajil kyi'j Werson ex Jeyel,22exqe' tk'wal Jeyel ex kyk'wal Setam ex Joel ju' kyitz'inkyib' kyuky'i'l, toj kyq'ob'toq ta'qe' k'uwenj toj tja Dyos.
23Atzu'n kyxolju' kyyajajil Amram, Isar, Eb'ron ex Usyel,24atoq Seb'wel, kyyajajil Werson ex Moyses, nejenel kyib'aju' k'uwenj.
25Aye'tzu'n kywitze'l, tyajajil Elyeser aye' Reab'iy, tk'wal Elyeser; Isayiy, tk'wal Reab'iy; Joram, tk'wal Isayiy; Sikri, tk'wal Joram; ex Selomit, tk'wal Sikri.
26Atzu'n Selomit kyuk'i'lju' ttzik mo titz'in, toj kyq'ob'toq ta' kykyaqilu' k'ub'l ti'xti' xjanqe', ju' ojetoq che eltpa'n Dab'i te Qman Dyos kyuky'i'lju' nejenel kye junjun ja, nejenel kye nimaq tnej xjal te q'oj, nejenel kye lajnaq (200) xjal te q'oj, ex nejenel nimaq kyoklen kyeju' xjal te q'oj.27Aye' ti'xti' ekanb'et kyu'n toj q'oj ex ojetoq kub' kyq'o'n tu'n kyajb'en toju' tja Dyos.28Ex atitoqju' kub'ni kyxjansa'n Samwel, ju' inel tnik', ex Sawul tk'wal Kyis, ex Ab'ner tk'wal Ner, ex Joab' tk'wal Seruya, atzu'. Toj kyq'ob'toq Selomit kyuky'i'lu' ttzik mo titz'in ta' tkyaqilju' ti'xti' xjansa'n.
29Aye'toq Kyenaniy kyuky'i'lju' tk'wal kyxolju' tyajajil Isar, onil kawil ex ajkawil kyi'ju' k'aẍjel kyuk'i'l txqantl tnam.
30Atzu'n kyxolju' tyajajil Eb'ron, aye' Asab'iy kyuky'i'lju' twitze'l, kyajk'al jo'naq (1,700) ichan min nche xob' ex ati kynab'l, intoq che ka'yin kye aj Israel toj tkub'exq'ij te a' Jordan, toj tkyaqilju' taq'un Qman Dyos ex ajb'eb'l te nimaqkawil.
31B'aj jyo'n kyojile junjun ja xjal kyxolu' tyajajil Eb'ron toj tkab'naqi'n (40) ab'q'i nkawin Dab'i, ex elyal ate'toq ichan min nche xob' ex ati kynab'l kyxol, toj Jaser te Kalaad. Atoq Jeriy nejenel kyxolju' tyajajil Eb'ron;32qaqk'al o'lajnaq (2,700) nejenel kye junjun jatu'n kykyaqil, ichan min nche xob' ex ati kynab'l, junx kyuk'i'lju' kywitze'l. E'oktq'o'n nimaqkawil Dab'i kyib'aju' kyyajajil Rub'en ex Kad ex nik'jan tyajajil Manases, tu'n kyka'yinte tkyaqilju' nb'inchet te Dyos ex teju' nimaqkawil. Nuk'b'il kye tnam ex kye xjal te q'oj toj tkawb'il Dab'i
1Atl junjun xjaw tojile junjun ab'q'i, ntoq che ajb'en junjun aq'pun aj Israel te xjal te q'oj, te oxmutx' (24,000) chaq kyb'aj. Ate'toq nejenel kye k'loj xjal kywitze'l kyib' kyxol, e'nejenel kye xjal te q'oj, exqe' aq'unal nim kyoklen nche ajb'en te nimaqkawil. Intoq che ajb'en tjaq' kychaq'b'ilju' xjal lu:
2Atoq Jasob'eam tk'wal Sab'dyel nejenel kyeju' tnejel aq'pun, xq'uqil toju' tnejel xjaw,3tyajajil Pares ex chaq'ul kye kykyaqilju' nejenel kyeju' tnej xjal te q'oj intoq che ajb'en toju' tnejel xjaw.
4Atzu'n Doday, aj Aoyit, nejenel kyeju' juntl aq'pun xq'uqil toj tkab' xjaw.5Atzu'n B'enayiy tk'wal Joyada kynejel pale, nejenel kye juntl aq'pun xq'uqil toj toxi'n xjaw,6ajuntoq kyxolju' junaq lajoj min nche xob' exu' nejenel kye. Atzu'n Amisab'ad ju' tk'wal intoq chaq'un kyeju' aq'pun lu.
7Juntl aq'pun xq'uqil toj tkyaji'n xjaw: a Asael titz'in Joab', nejenel kye. Yajxi'tzuntl atl Seb'adiy ju' tk'wal kyej te t-xel.
8Juntl aq'pun xq'uqil toj tjwe'yi'n xjaw: atoq Samut, aj Isray, nejenel kye.
9Juntl aq'pun xq'uqil toj tqaqi'n xjaw: atoq Ira, tk'wal Ikyes, aj Tekoa, nejenel kye.
10Juntl aq'pun xq'uqil toj twuqi'n xjaw: atoq Eles, aj Paltita, tyajajil Eprayin, nejenel kye.
11Juntl aq'pun xq'uqil toj twajxaqi'n xjaw: atoq Sib'ekay, aj Usa, tyjajil Sera, nejenel kye.
12Juntl aq'pun xq'uqil toj tb'eljuji'n xjaw: atoq Eb'yeser, aj Anatot, tyajajil B'enjamin, nejenel kye.
13Juntl aq'pun xq'uqil toj tlajoji'n xjaw: atoq Maaray, aj Netopa, tyajajil Sera, nejenel kye.
14Juntl aq'pun xq'uqil toj tjunlajoji'n xjaw: atoq B'enayiy, aj Piraton, tyajajil Eprayin, nejenel kye.
15Juntl aq'pun xq'uqil toj tkab'lajoji'n (12) xjaw: atoq Elday, aj Netopa, tyajajil Otonyel, nejenel kye.
16Aye' nejenel ja'lu kye junjun tnej tyajajil Israel: a Elyeser, tk'wal Sikri, nejenel kye tyajajil Rub'en; atzu'n Sepatiy, tk'wal Maaka, nejenel kye tyajajil Simeon;17atzu'n Asab'iy, tk'wal Kyemwel, nejenel kye tyajajil Leb'i; atzu'n Sadok nejenel kye tyajajil Aaron;18atzu'n kye tyajajil Juda, a Elyu, jun titz'in Dab'i; atzu'n Omri tk'wal Mikael, nejenel kye tyajajil Isakar;19atzu'n Ismayiy, tk'wal Ab'diy, nejenel kye tyajajil Sab'ulon; atzu'n Jerimot, tk'wal Asryel, nejenel kye tyajajil Neptali;20atzu'n Osey, tk'wal Asariy, nejenel kye tyajajil Eprayin; atzu'n Joel, tk'wal Pedayiy, nejenel kye nik'jan tyajajil Manases;21atzu'n Ido, tk'wal Sakariy, nejenel kyeju' nik'jantl tyajajilju' ate'toq toj Kalaad; atzu'n Jaasyel, tk'wal Ab'ner, nejenel kye tyajajil B'enjamin;22atzu'n Asarel, tk'wal Jeroam, nejenel kye tyajajil Dan. Aye'tzun nejenelju' kyeju' junjun tnej tyajajil Israel.
23Min jawtiq'i'n Dab'i kyajlalju' na'mxtoq kyjapun toj winqi'n kyab'q'i, qu'n ojetoq tzaj ttziya'n Qman Dyos qatoq che chmetilxi'xju' aj Israel tu'n kse'n kyajlal che'w twitz kya'j.24Aq'wi Joab' iq'iloktzte kyajlal, ex mixti' ponb'aj tu'n, qu'n tu'n tpaj ja'lu tzaj jun xitb'il kyib'aj aj Israel. Qu'mtzun min tz'ib'a'n toju' tu'jil tqanil ti'ju' nimaqkawil Dab'i.
25Atoq Asmab'et, tk'wal Adyel, k'u'l pwaq toj tja nimaqkawil, aye'tzu'n k'ub'l ate'toq toj kojb'il, kyoj nimaqtnam ex kyoj tnam, ex kyoju' nqach, toj tq'ob'toq Jonatan, tk'wal Osiy ta'qe'.
26Atzu'n Esri, tk'wal Kyelub', nejenel kyeju' aq'unal ti'j awal.27Atzu'n Simi, aj Ramat, nejenel kyeju' awal ub'a, atzu'n Sab'di, aj Sepam, b'uyilte b'in kyoju' k'ub'lkye.28Atzu'n B'aal-anan, aj Weder, nejenel kyi'ju' tqan olib'o ex tqan iw nche tzaj ch'iy, ju' atitoq toju' plan tx'otx'.29Atzu'n Sitray, aj Saron, nejenel kyi'ju' alu'mj intoq che k'ik'lenjtz toj Saron, atzu'n Sapat, tk'wal Adlay, nejenel kyi'ju' alu'mj intoq che k'ik'lenjtz kyoju' b'ya'.30Atzu'n Ob'il, tyajajil Ismael, nejeneltoq kyi'ju' kamey; atzu'n Jeediy, aj Meronot, nejenel kyi'j ttxu b'ur;31atzu'n kyeju' rit, atoq Jasis, tyajajil Awar. Kykyaqil ja'lu nejenelqe' ex nuk'ul kyi'ju' ati te nimaqkawil Dab'i.
32A Jonatan, ttiy Dab'i, q'ol nab'l, atixi'x tnab'l ex xnaq'tza'n, atzu'n Jeyel, tk'wal Akmoni, majxtoq ati kyuk'i'lju' tk'wa' nimaqkawil.33Ex ikx Aytopel, q'ol nab'ltoq te nimaqkawil, atzu'n Usay, aj Arkyit, majxtoq q'uqli tk'u'ju' nimaqkawil ti'j.34Aye' Joyada, tk'wal B'enayiy, ex Ab'yatar, e'kyaj te t-xel Aytopel. Atzu'n Joab' nejenel kye t-xjal nimaqkawil te q'oj. Ok Salomon te t-xel Dab'i
1E'tzaj tb'u'yi'n Dab'i toj Jerusalen kykyaqilju' ati kyoklen toj kawb'il toj Israel: e'nejenel kye junjun tnej kyyajajil, kye junjun aq'pun xjal te q'oj nche ajb'en te nimaqkawil, kye chaq'ul kye b'a'npun k'loj xjal te q'oj ex kye nimaq tnej, exqe' nejenel nk'ul aq'untl toj tkyaqilju' ttx'otx' nimaqkawil ex talu'n, ex kyeju' tk'wal, e'xjal nimaqxi'x kyoklen ex kykyaqilju' b'a'nxi'x kyu'n kyxolu' xjal te q'oj.
2Jawtzun we' Dab'i ex tma: Chin kyb'intze' witz'in ex ntanam: Xima'ntoq wu'ne' tu'n tjaw nb'incha'ne' jun najb'il tu'n ttenju' kax k'ub'lteju' yol kyejni b'entti'j tu'n Qman Dyos ex awtloju' ja matzaja' tka'yi'n Qman Dyos, ex matxi'toq b'aj nb'u'yine' aju' nojqelan tu'n tb'inchet.3Atzunte Dyos tzaj tma'n weye': Myata kjawil b'inchante jun ja weye', qu'n jun xjal q'ojil ta ex matxi' qojli chik' tu'na, chij.4Tu'npetzunju', machin jaw t-sk'o'ne' Qman Dyos, nkyk'u'n aj Israel, kyxol kykyaqilju' toj njaye', tu'n wokye' te kynimaqkawil aj Israel tejumajx. Jaw t-sk'o'nju' tnej tyajajil Juda tu'n tkawin; kyxoltzu'n tyajajil Juda jaw t-sk'o'nju' njaye'; ayintzune' ẍin jaw t-sk'o'n kyxolju' ntzike' tu'n wokye' te nimaqkawil tib'aj tkyaqil Israel.5Atzu'n ja'lo, kyxol kykyaqilju' nk'wale', nim kyb'aj saj tq'o'n Dyos weye', matxi' jaw t-sk'o'n Qman Dyos nk'wale' Salomon tu'n tokx qe toju' q'uqb'il te tkawb'il Qman Dyos tib'aj Israel.6Ex tzaj tma'n Qman Dyos we'ye':
A Salomon ju' tk'wala kjawil b'inchante ja weye' exqe' tpen, qu'n matxi' jawnsk'o'ne' te nk'wale', ayintzunwe' Manb'aj te,7ex knkuwsa'ye' tkawb'il tejumajx, qa matz'oktilil tu'n, tu'n kyjapunju' nchaq'b'ile' ex nyole' tu'n kse'n ntb'incha'n ja'lo, chi Dyos.
8Atzu'n ja'lo, twitz Qman Dyos in b'in qe ex kywitze' kykyaqile' aj Israel toju' b'uyjtib'il te Dyos, tz'oktililx kyu'ne' tu'n kyjapun tkyaqilju' tchaq'b'il Qman Dyos, tu'ntzun ttenju' tx'otx' lu tb'anilxi'x toj kyq'ob'e' kukxju' ex tu'n tkyej kyq'o'ne' te kyetzb'il kyk'wale'.9Atzunta nky'ajul, Salomon, tz'elx tnik'a ti'ju' Dyos janchin k'uluna'ye' ayine' tmana, tz'ajb'ena te tu'n tkyaqil tk'u'ja ex tu'n tk'u'ja, qu'n inb'aj tka'yi'n te Qman Dyos tkyaqilju' ati qoj ex inel tniky' ti'j alkyexku' qxim. Ikytzu'n, qama jyona ti'j, kknetel tu'na; qatzun matz'el tpa'ntib'a ti'j, k'elel ik'o'na tu'n tejumajx.10Na'nku'tzun tu'na qa matxi' jaw sk'o'na tu'n Qman Dyos tu'n tjaw tb'incha'na jun ja te tja xjan. Qu'mtzun, ¡Kuwsam tib'a ex b'incha'nktza! chi Dab'i.
11Xi'tzun tq'o'n Dab'i ju' tilb'ilalu' ja te Salomon ju' tk'wal, kse'n ktenb'ela' tja Dyos, exqe'ju' txqantl ja, e' k'ub'l ti'xti', e'mqo'n ate'qe'ktz jawl, e'mqo'n tojxi' exu' najb'il xjanxi'x.12Ex xitq'o'n Dab'i jun yek'b'il ti'j tkyaqilju' xima'ntoq tu'n, tu'n kyb'inchetju' tpen tja Dyos exqe' mqo'n tu'n kyten ti'jile, e'k'uwenj ex e'k'ub'lkye oyaj xjansa'nqe',13exqe'ju' mqo'n jatu'n kych'exb'ente kyib'u' pale ex tyajajil Leb'i ex te tkyaqilju' ajb'eb'l teju' tja Dyos, ex kykyaqilju' ti'xti' tu'n kyajb'en toju' k'u'lb'il toj tja Dyos.
14Ex xitq'o'n txqan q'anpwaq ex saqpwaq te, tu'n kyb'inchetju' ti'xti' q'anpwaq ex saqpwaqqe' tu'n kyajb'en toju' k'u'lb'il;15tu'n kyb'inchetju' kykb'el kandil, q'anpwaq ex saqpwaqqe', kse'nxju' talal teyile junjun;16ex ikx tu'n kyb'inchetju' mes, q'anpwaq ex saqpwaqqe', jatu'n kykub' txoleta' wab'j xjansa'n.17Ex xitq'o'n q'anpwaq te, tu'n kyb'inchetju' xokb'il, nimaqlaq, xar, ex xitq'o'n txqan q'anpwaq ex saqpwaq te tu'n kyb'inchetju' k'wab'l, kse'nxju' talal junjun.18Ex xitq'o'n txqan q'anpwaq tb'anilxi'x tu'n tb'inchetju' q'olb'eb'l tz'e'ysb'il sturak, ex xitq'o'n q'anpwaq tu'n tb'inchetju' kykarwaj kyerb'in lik'u'n kyxik' te kutxb'ilte' kax k'ub'lteju' yol kyejni b'entti'j tu'n Qman Dyos.
19Tkyaqil ja'lu tz'ib'a'ntoq tu'n Dab'i kse'nxju' tzaj tyek'u'n Qman Dyos te, ja chik'b'a'na' tkyaqilu' aq'untl tu'n tb'inchet kse'nxju' yek'u'n toj tilb'ilal.
20Xi'tzun tma'n Dab'itz te Salomon: ¡Kuwsam tib'a ex we'ku'ya, tz'aq'unantzuna! ¡Lalun tz'anjtzti'j tk'u'ja ex lalun xob'a, qu'n ktenb'il te Qman Dyos tuk'i'la! Lay kyej q'o'na ex lay kyej kolb'e'na tu'n tzmaxi'j ajtjapun b'aj tkyaqilju' aq'untl tu'n kyajb'en toju' tja Dyos.21Luqe' pale ex tyajajil Leb'i, nk'u'n kyten tu'n kych'exb'ente kyib', naq ate'qe'tl tu'n kyajb'en toju' tja Dyos; ex ate'qe' chukchaq xjal nkyq'o'n kyib' tu'n kyonin tuk'ila, tu'n kyb'inchetju' chukchaq aq'untl, atixi'x b'a'n kyu'n ti'j chukchaq ajb'eb'l; ex luqe' nejenel ex tkyaqilju' tnam ate' tu'n kyajb'en teya, chi Dab'i.
1Yajxi'tzuntl xitma'n Dab'i kye kykyaqilju' tnam: Naq o'kxku' nk'wale' Salomon xjaw t-sk'o'n Dyos, tzma ku'xun, namx tok tnab'l, atzu'n aq'untl nim, qu'n tu'n tb'inchetju' ja te Qman Dyos, mya jun ja te tkawb'il jun ichan.2Matz'oktilil wu'ne' tu'n tb'u'yetju' nojqelan ti'ju' ja te Qman Dyos: e'q'anpwaq, saqpwaq, q'ank'uxb'il, k'uxb'il ex tze tu'n kyb'inchet junjun ti'xti'. Ex tb'anil ab'j kornalina tb'i, ab'j tu'n kymojb'et toj kykb'el, tlo', ab'j nche qoptz'aj ex chukchaq che ka'yin, chukchaq ab'j tb'anilqexi'x ex txqan poqlaj.3Tib'ajxi'tzu'n tkyaqilju' matxi' b'aj nb'u'yine' teju' tja Dyos, kxe'l nq'o'ne' q'anpwaq ex saqpwaqju' we'ku'ye', tu'nju' nk'u'jlalile' ti'ju' tja Qman Dyos:4jo'k'al lajnaq (2,200) kyintal q'anpwaq tb'anilxi'x, kab'lajk'al oxlajnaq (5,060) kyintal saqpwaq tb'anilxi'x tu'n kyb'aj ktxetu' kytapiyilju' ja.5Tkyaqilju' q'anpwaq ex saqpwaq tu'n kyb'inchet tkyaqilju' ti'xti' chukchaq k'uxb'il kytx'otx'al in ojqelan, ex te tkyaqilju' aq'untl tu'n kyb'inchante aq'unal. Atzu'n ja'lo, ¿alkye jun tajb'il tu'n tq'onte jun toyaj tu'n tk'u'j te Qman Dyos? chi nimaqkawil Dab'i.
6Aye'tzu'n nejenel kye junjun ja xjal, nejenel kye junjun tnej kyyajajil aj Israel, nejenel kye b'a'npun tnej xjal te q'oj, ex kye nimaq tnej, exqe' nejenel kyi'ju' aq'untl te nimaqkawil, kub' kyq'o'n kyoyaj tu'n kyk'u'j,7b'eljojk'al junaq lajoj (3,630) kyintal q'anpwaq ex junmutx' jok'al (10,000) medi q'anpwaq xikyq'o'n tu'n tb'inchetju' aq'untl ti'j tja Dyos, wajxaqlajk'al oxnaq (7,260) kyintal saqpwaq, ex ch'inxmi junmutx' oxlajk'al (13,200) kyintal q'ank'uxb'il ex b'eljojmutx' junk'al lajnaq (72,600) kyintal k'uxb'il.
8Exqe' atitoq tb'anil kyab'aj xikyq'o'n toju' k'ub'l pwaq toj tja Dyos, ju' atitoq toj tq'ob' Jeyel, tyajajil Werson.
9E' tzalaju' xjal tu'n kyoyaj, qu'n b'ajkub' kyq'o'n ti'xti' lu tu'n tkyaqil kyk'u'j te Qman Dyos. Ex ojexi'x tzalaju' nimaqkawil Dab'i.
10Jawtzun tnima'n Dab'i Qman Dyos kywitz kykyaqilju' tnam, tma: ¡Nimanjtzxwita Nman Dyos tejumajx, ju' xk'lunjtza tu'n ojtxi' qyajilb'ene' Israel!11¡Taye, te teju'ya ninb'il, ipumalj, ajwalil, kawb'il ex aya kawil! Qu'n teya tkyaqilju' ati twitz kya'j ex twitz tx'otx'. Ex teju'ya kawb'il, qu'n aya Nman Dyos, nimxi'x toklena kywitz kykyaqil.12Aya ntzaj q'onte q'inumal ex oklenj. Aya nkawina tib'aj tkyaqil. Toj tq'ob'a ta' ipumalj ex oklenj, ex aya ntzaj q'onte kyipumal ex kyoklen kykyaqil xjal.13Qu'mtzun in qq'o'ne' chjonte teya ja'lo Nman Dyos ex in qajwali'ne' tb'iya nim toklen;14qu'n, ¿titi' woklene' ex titi' tik'lenju' ntaname' tu'n tb'ent txi' qq'o'ne' txqan ti'xti' teya? Axxi'x, tkyaqil aya intzaj q'onte ex o'kx inxi' qq'o'nju'ye' teya aju' intzaj tq'o'na qeye'.15Ik qo'ju'ye' kse'nqe' ajb'etun twitza, naq inche ik' anj, kse'n ẍe' b'jik'a' ojtxi' qyajilb'ene', ex iky qchwinqlale' twitz tx'otx' kse'n leku'n, mixti'x q'uqli tk'u'jlalil.
16¡Nman Dyos, te teya tkyaqil ex aya saj q'onte tkyaqilju' q'inumal matxi' b'aj qb'u'yi'ne' tu'n tjaw b'inchet jun ja te tb'iya xjan!17B'i'n wu'ne' Taye, inb'aj tka'yi'na ati toj qanmiye' ex intzalaja kyi'ju' toj tu'me'l nche b'eta'. Qu'mtzun, tu'n tkyaqil nk'u'je' xxi' nq'o'ne' tkyaqil ja'lu teya. Ex inchin tzalaje' kyi'ju' ttanama b'uyi'nkyib' tzalu, in nka'yine' matxi' kub' kyq'o'n kyoyaj tu'n tkyaqil kyk'u'j.18Nman Dyos, teya ẍe k'uluna' Ab'raam, Isaak ex Israel, ju' ojtxi' qyajilb'ene', q'onkju'ya b'a'n xim lu kukxu' toj kyanmiju' ttanama ex ẍaqluma kynab'l tu'n kyoklpe ti'ja.19Ex q'onku'ya jun b'a'n xim toj tanmiju' nk'wale' Salomon, tu'ntzun kyjapunju' tchaq'b'ila, tnuk'b'ila ex tkawb'ila tu'n, tu'n tanq'inte ex tu'n tjaw tb'incha'n ja teya xb'aj nb'uyi'ne' nnojqelan te, chi Dab'i toj tna'j Dyos.
20Ex xitma'ntl Dab'i kye kykyaqilju' tnam b'u'yi'nkyib': Kyajwali'nktze' Qman Dyos ja'lo, chij. Kykyaqiltzunju' tnam jawkyajwali'n Qman Dyos jaẍe k'uluna' ojtxi' kyyajilb'en, ex mejlqe' majx ku'punju' kyplaj twitz tx'otx' twitz Qman Dyos ex twitzju' nimaqkawil.21Tojtzu'n jun q'ijtel, b'ajkub' kyq'o'n chojb'il ex chojb'il k'ok'sb'il twitz Qman Dyos: kab'k'al lajnaq (1,000) qpoj tman wakx, kab'k'al lajnaq (1,000) rit ex kab'k'al lajnaq (1,000) qpoj tal rit, kyuk'i'lju' oyaj b'in ex txqan chojb'il kyu'n kykyaqil aj Israel.22E'wan toju' q'ij lu ex e'k'wan tu'n kytzalajb'il twitz Qman Dyos. Yajxi'tzuntl, okkyq'o'n jumajtl toklen Salomon, tk'wal Dab'i, te nimaqkawil, ex kub' kyxjansa'n twitz Qman Dyos tu'n tok nimaq toklen, ex ikx Sadok te pale.23Ikytzu'n, okx qe Salomon te nimaqkawil toju' q'uqb'il toj tkawb'il Qman Dyos te t-xel Dab'i, ju' tman, ex b'a'n xa'ya' toj tkyaqil. Kykyaqil aj Israel eb'in te.24Kykyaqiltzu'n nejenel ex nimaq q'ojil, ex kykyaqilju' tk'wal nimaqkawil Dab'i xi'ktziya'n qa nche tzalaj ti'ju' nimaqkawil Salomon.25Tb'incha Qman Dyos tu'n tjaw nima'nxi'x Salomon kywitz kykyaqil aj Israel, ex mixti'xi'toq jun nimaqkawil toj Israel tenwit tkawb'il ikyju'. Kyim Dab'i (1 R 2.10-12)
26Kawin Dab'i, tk'wal Jese, tib'aj tkyaqil Israel.27Kab'naq (40) ab'q'i ten te nimaqkawil tib'aj Israel, wuq ab'q'i kawin toj Eb'ron atzun junaq oxlajoj (33) ab'q'i toj Jerusalen.28B'a'n kyima' tu'n tijil, nim tab'q'iyil tchwinqlal, txqan tq'inumal ex toklen. Atl Salomon ju' tk'wal kawin te t-xel.
29Tz'ib'a'n tqanil ti'ju' nimaqkawil Dab'i, tej ttzaj qe ex tpon b'aj, kyoju' tu'jil tqanil ti'j Samwel ju' t-sanjelal Dyos, kyoju' tu'jil tqanil ti'j Natan t-sanjelal Dyos, ex kyoju' te Kad ju' sanjelal,30tuk'i'lxi' tqanil ti'j tkyaqilju' tkawb'il ex tipumal, exqe'ju' b'aji ti'j, kyi'j aj Israel ex kyi'j txqantl tnam.

Bible Society in Guatemala

https://app.library.bible/content/aea9d9099feb3a24

expand_more
chevron_leftالفصل السابق
chevron_rightالفصل التالي