Ruth2
1बैतलहम में एगो आदमी हलन जे नाओमी के मरल पति के परिवार हलन। ऊ धनी आउर महत्वपूर्ण हलन, आउर एलीमेलेक के वंश के सदस्य हलन। उनकर नाम बोअज हल।2एक मोआबी दिन रूत के औरत नाओमी से कहलन, “हमरा खेतवन में जाय दऽ, कि जौन हमरा अनुग्रह के नजर हमरा पर करे, कि कटनी करेवालन अनाज के जे बाल छोड़ दे हथन ओकरा हम उठा लेम। हम कोई भी कटनी करेवालन के पीछे-पीछे जाम जे हमरा इजाजत देतन।” नाओमी जबाब देलन, “जा हमर बेटी।” 3तऽ रुत चल गेल। जब ऊ खेतवन में पहुँचल, तऽ ऊ फसल कटनी करे वाला के पीछा कईलक आउर अनाज उठइलक। अईसन होल कि खेतबन के ऊ हिस्सा बोअज, एलीमेलेक के रिश्तेदार के हल।4कुछ समय बाद बोअज बैतलहम शहर से अईलन। ऊ कटनी करेवालन के अभिनंदन कईलन आउर कहलन, “यहोवा तोहनी के साथे रहतन!” ओखनी जबाब देलन, “यहोवा तोरा आशीष देतन!”5“तऽ बोअज रुत के देखलन, आउर अपन सरदार से पूछलन, ऊ किनकर लड़की हथन?”6सरदार जबाब देलन, ऊ मोआब से एगो जवान औरत हे जे नाओमी के साथे लौट अईलन हे।7ऊ हमरा से कहलन, “कृपा कर के हमरा ऊ अनाज लेवे दऽ जे कटनी काटे वाला छोड़ देथन। ऊ बड़ी भोरे से अभी तक काम कर रहलन हे। आउर अखनी ई शरणस्थान के नीचे कुछ आराम करे लागी रुकलन हे।”8तऽ बोअज रुत से कहलन, जवान लड़की! कृपया हमर सुनऽ। तोर अनाज जमा करे ला कोई आउर खेत में चाहे कहीं आउर जाई के जरुरत नऽ हे। हमर दासियन के साथे हींए रहऽ।9देखऽ जहाँ “मरद कटनी कर रहलन हे, उहाँ हमर दासियन के साथे चलिहऽ। हम कटनी करेवालन से कहली हे कि तोरा नऽ सतईतन। जब तोरा पियास लगत तऽ जईहऽ आउर ऊ बरतनमन से पानी पी लिहऽ जेकरा हमर नौकरवन भरलक हे।”10रुत बोअज के सामने माथा जमीन से छुआ के ठेहुनियाँ मारलन। ऊ बोअज से कहलक कि “तूँ हमरा प्रति एतना दयालु काहे हऽ? हमरा नऽ लगऽ हल कि तूँ हमरा पर एतना ध्यान देवऽ काहेकि हम परदेशी ही!”11बोअज जबाब देलन, “लोगवन हमरा ऊ सभे कुछ बतईलन जे तूँ अपन पति के मरे के बाद अपन सास लागी कईलन हे। ओखनी हमरा बतईलन कि तूँ अपन माय-बाप आउर अपन जन्मभूमि के छोड़ देलऽ आउर ईहाँ ऊ लोगवन के बीच रहे लगलऽ जिनका तूँ पहिले नऽ जानऽ हलऽ।12हम प्रार्थना करऽ ही कि यहोवा, तूँ जे कईलऽ हे ओकर लागी ईहाँ बढ़ियाँ हे। हाँ, यहोवा इस्राएल के परमेश्वर, जेकर तूँ सुरक्षा लागी विश्वास करऽ हऽ, पूरा-पूरा प्रतिफल देतन।”13रुत जवाब देलन, “महोदय, हमरा आशा हे कि हम तोरा खुश रखम। तूँ हमरा पर दया कर के सांत्वना देलऽ हे, तोर दासी, आउर अभी तक हम तो तोर एगो दासी, में से भी नऽ ही।”14जखनी दोपहर के खाई के समय होल, बोअज रुत के बतयलन, “ईहाँ आवऽ आउर कुछ खाइला लऽ। ई रोटी के लऽ सिरका में डूबा के खा।” तऽ जखनी ऊ कटनी करेवालन के साथ बैठ गेल, तऽ बोअज ओकरा कुछ भूंजल अनाज देलन। रुत जेतना खाइला चाहऽ हल ऊ खईलक आउर कुछ बचा भी लेलक।15ओकर बाद जब ऊ काम पर वापस जाई ला खड़ी होल, बोअज अपन सेवकवन के आदेश देलन, “भले ही अपन ऊ अनाज के पूला में से जे तोहनी काट लऽ हे कुछ अनाज जमा करत” ओकरा रोके के कोशिश नऽ करिहऽ।16एकरा से भी जादे, हम चाहऽ ही कि तूँ कुछ अनाज के डंठल के गठरियन से बाहरे खींच के जमीन पर छोड़ दिहऽ ताकि ऊ ओकरा उठा के आउर ओकरा नऽ डांटिहऽ।17अईसे रूत सांझ ला खेत में अनाज जमा कईलन। ऊ जौ के बालियन जे ऊ जमा कईलन हल, भूसी से अलग करे ला छाँटलन। ऊ जौ एगो बड़कागो टोकरी भरे ला काफी हल। 18रुत ओकरा वापस शहर लेके गेल आउर अपन सास के देखइलक ऊ केतना जमा कईलक हे। ऊ अपन सास के भुंजल अनाज भी देलक जे दुपहर में खाई से बचल हल।19ओकर सास ओकरा से पूछलक, “आज तूँ ई सभे अनाज कहाँ से जमा कईलऽ? केकर खेत में तूँ काम कईलऽ? हम प्रार्थना करऽ ही कि परमेश्वर ऊ आदमी के आशीर्वाद देतन जे तोरा पर एतना दया कईलन।” तऽ रुत उनका ऊ आदमी के बारे में बतईलक जहाँ ऊ काम कर के अईलक हल, ऊ कहलक, “जहाँ हम आज काम कईली ऊ खेतवन के मालिक के नाम बोअज हे।”20नाओमी अपन बहू से कहलन, “यहोवा उनका आशीर्वाद देतन! काहेकि यहोवा हमनी जिन्दा के प्रति करुणा देखा के अपन काम बंद नऽ कईलन, आउर हमनी के पतियन के प्रति भी जे मर गेलन हे।” तऽ ऊ कहलन, “ऊ आदमी एलिमेलेक के नजदीकी रिश्तेदार हथन, सच में, ऊ हमनी के परिवार के जमीन छोड़ावे के अधिकार हे।” 21तऽ रुत अपन सास के बतईलक, जे मोआबी औरत हल, कहलक, “ऊ हमरा से ई भी कहलन, 'हमर मजदूरवन के साथे तब ला रहऽ जब ला कि ऊ खेत से हमर सभे अनाज के ले नऽ आवे।”22नाओमी अपन बहु रुत के जबाब देलन, “हमर बेटी, तोरा ला ई अच्छा होत जदि तूँ ओकर दासियन के साथ ओकर खेत में जईबऽ, काहेकि जदि तूँ कोई आउर के खेत में जईबऽ तऽ कोई आदमी तोरा हानि पहुँचा सकल हे।”23तऽ रुत बोअज के दासियन के जौरे काम करलक। रुत अनाज के सिरा के जमा कईलक जब ला मजदूरवन जौ आउर गेहूँ दूनो के कटनी खतम नऽ कईलन। ऊ घड़ी के दौरान, ऊ नाओमी के साथे रहे ला चालू रखलन।
Bridge Connectivity Solutions Pvt. Ltd.