Ruth1
1ऊ घड़ी के दौरान में न्यायी लोग इस्राएल पर राज्य करऽ हलन, ऊहाँ इस्राएल देश में अकाल पड़ल। इस्राएल देश के यहूदा इलाका में बैतलहम शहर के एगो आदमी छोड़ देलन आउर कुछ साल लागी मोआब देश में चल गेलन। ओकर मेहरारू आउर उनकर दूगो बेटवन उनका साथे गेलन। 2ऊ आदमी के नाम एलीमेलेक हल आउर उनकर मेहरारू के नाम नाओमी हल। उनकर दूनो बेटवन के नाम महलोन आउर किल्योन हल। यहूदा के बैतलहम के एप्राती वंश से हलन। ऊ मोआब के जमीन पर अईलन आउर ऊहाँ बस गेलन।3कुछ समय बाद नाओमी के मरद मोआब में हलन एलीमेलेक के मौत हो गेल, आउर नाओमी के साथे खाली ओकर दूगो बेटा हल जे ओकरा साथे हलन।4बाद में दू बेटवन महलोन आउर किल्योन मोआबी लईकीयन से बियाह कईलन। एगो मेहरारू के नाम ओर्पा आउर दूसरकी मेहरारू के नाम रुत हल। ओकर बाद जब ऊ, ऊ इलाका में दस साल तक रह चुकलन हल, 5ओकर बाद, महलोन आउर किल्योन भी मर गेलन। येहीगुने फिरु नाओमी अपन बेटवन आउर मरद के बिना अकेलहीं रह गेल।6थोड़ा दिन बाद नाओमी मोआब में हलन, ऊ सुनलन कोई कह रहलन हे कि यहोवा अपन लोगवन के सहायता कईलन हल आउर ई घड़ी इस्राएल में खूब भोजन हे। येहीगुने ऊ अपन दूनो बहुअन के साथे बेथलेहेम जाय लागी तईयार हो गेलन। 7ओखनी ऊ जगह के छोड़ देलन जहाँ ऊ रह रहलन हल आउर यहूदा के देश लागी वापसी यात्रा शुरू कईलन।8जखनी ऊ चल रहलन हल, नाओमी अपन दूनो बहू ओर्पा आउर रुत से कहलन, “तोहनी दूनो के लौटे के चाही आउर अपन माय के घरे वापस लौट जाई के चाही। हम यहोवा से प्रार्थना कर रहली हे कि ऊ तोरा साथे ओईसहीं विश्वासयोग्य रहतन जईसन विश्वासयोग्य ऊ हमर मरल मरद के साथे आउर हमरा ला हथन, यहोवा तोरा उपर कृपा करतन।9हम यहोवा से मांग रहली हे कि ऊ तोहनी दूनो के अपन-अपन एगो आउर मरद पावे के इजाजत देतन जेकरा साथे तोहनी के एगो सुरक्षित घर होवे।” तऽ नाओमी ओखनी दूनो पुतोहीयन के चूमलन, आउर विदा कईलन।10ऊ दूनो कहलन, “नऽ, हमनी तोरे साथे तोरे परिवार भीर वापस जाम।”11बाकि नाओमी कहलन, “नऽ, हमर बेटियन, घरे लौट जा। हमरा साथे आवे से तोरा कुछ फायदा नऽ होतो! हमरा ला ई संभव नऽ कि हमर आउर बेटा होत जे तोर पति बन सकत।12तोरा वापस लौट जाय के चाही, हमर बेटियन। हमरा ला बड़ी देरी हो गेल हे कि हम अपना लागी एगो आउर पति करम, भले हम उमीद कर हली कि हमरा एगो आउर पति रहतन हल आउर आजे रात बियाह हो जाय आउर बड़ा बेटा भी हो जाय,13तूँ ओकरा बड़ा होवे तक इंतेजार नऽ करबऽ, तूँ तहिया ला बिन बियाहल नऽ रह सकबऽ! नऽ, हमर बेटियन! यहोवा हमर जिंदगी में दुःख दे के हमरा मारलन हे। बाकि तोर जिंदगीयन में अईसन दुःखी होवे के जरुरत नऽ जईसन हमर जिंदगी में।”14तऽ रूत आउर ओर्पा फिन जोर-जोर से रोलन। ओर्पा अपन सास के चूम के विदागी कईलन आउर वापस घर चल गेलन, बाकि रूत नाओमी के साथे रहलन।15नाओमी रुत से कहलन, “देखऽ! तोर जेठानी अपन परिवारवन आउर अपन देऊतवन भीर वापस जा रहल हे! तूँ भी ओकर पीछे-पीछे अपन घर वापस चल जा!”16बाकि रूत जबाब देलक, “नऽ!” कृपया तोरा छोड़े आउर हमरा वापस जाय ला जोर मत दऽ! जहाँ तूँ जइबऽ, उहाँ हमहूँ जाम। तोर परिवार हमर परिवार होतन, आउर हम ऊ परमेश्वर के आराधना करम जौन परमेश्वर के तूँ आराधना करऽ हऽ।17जहाँ तूँ मरबऽ उहाँ हमहूँ मरम आउर ओखनी हमरा उहीं दफनैतन। जदि हम मरे से पहिले तोरा छोड़म तऽ यहोवा हमरा कड़ाय से दण्डित करतन।18जब नाओमी के मालूम होल कि रूत उनका साथहीं रहे ला चाहऽ हथन, तऽ ऊ ओकरा से घरे लौटे ला काहेकि ला बंद कर देलन।19येहिगुने ओखनी दूनो औरतिअन चले ला शुरू रखलन जब ला कि दूनो बैतलहम नऽ पहुँचलन, जब ऊ उहाँ पहुँचलन, तऽ शहर के सभे कोई ओकरा देख के ओकर बारे में औरतियन एक दूसरा से कहलन। शहर के औरतियन अचरज से एक दूसरा से कहलन, “ई विश्वास करे ला मुश्किल हे कि ई नाओमी हथन!”20नाओमी ऊ सभे से कहलन, “तोहनी के हमरा नाओमी नऽ कहे के चाही काहेकि एकर मतलब हे 'सुखिया'। एकर अलावे हमरा मारा कहऽ, काहेकि एकर मतलब हे 'दुखिया'। सर्वशक्तिमान परमेश्वर हमर जिंदगी के ढेर दुखी बनईलन हे।21जहिया हम ईहाँ से छोड़ के गेली, हमरा भीर सभे कुछ हल जे हम चाहऽ हली, बाकि यहोवा हमरा बापिस लेके अईलन बिना कोई चीज के। हमरा नाओमी मत कहऽ। यहोवा हमरा विरोध कईलन हे। सर्वशक्तिमान परमेश्वर हमरा साथे बुराई जईसन व्यवहार कईलन हे।”22ई तरह से नाओमी अपन बहु रुत के साथे बैतलहम लौट अईलन जे मोआब के औरत हल। जब ऊ बैतलहम पहुँचलन तऽ जौ के कटनी के अभी सुरुआते होल हल।
Bridge Connectivity Solutions Pvt. Ltd.