Ruth3
1एक दिन, नाओमी रुत से कहलन, हमर बेटी, हमरा तोरा लागी एगो सुरक्षित घर आउर एगो अच्छा पति नऽ जोगाड़ करे के चाहऽ ही।2ई घड़ी तूँ बोअज के दासियन के साथ काम कर रहलऽ हे। जईसन कि तूँ जानऽ हऽ, ऊ हमर नजदीकी रिश्तेदार हथन। येहिगुने ध्यान से सुनऽ। आज रात में ऊ जगह पर होतन खलिहान में जौ के छाँटतन। ऊ अनाज के भूसी के भी अलग करतन।3नहा के आउर इत्र लगावऽ। अपन पूरा ऊपर के पोशाक पहिनऽ। फिरु ऊ खलिहान पर जा जहाँ ऊ अनाज के छाँटऽ हथन। बाकि उनका तोरा उहाँ होवे के पता नऽ लगे जब ला ऊ खाना आउर पीना खत्म नऽ कर लेतन।4जखनी ऊ सुते ला लेटतन, ध्यान दिहऽ कि ऊ कहाँ सुतऽ हथन। तऽ उनका भीर जईहऽ, उनकर गोड़वन भीर से कपड़ा हटईहऽ, आउर उहाँ सूत जईहऽ। “जखनी ऊ उठतन, तऽ तोरा बता देतन कि का करे ला हे।” 5रुत उनका जबाब देलक, “हम ऊ सभे कुछ करम जे तूँ हमरा करे ला कहलऽ हे।”6तब ऊ ऊ खलिहान पर गेल जहाँ ऊ अनाज छाँटऽ हलन। ऊहाँ ऊ सभे कुछ कईलन जे ओकर सास ओकरा करे ला कहलन हल।7जब बोअज खाय पीये ला खतम कर लेलन, तऽ उनका बढियाँ लग रहल हलऽ। ऊ अनाज के ढेरी से बड़ी दूर अंतिम ला चल गेलन, उहाँ पड़ गेलन आउर सूत गेलन। तऽ रुत छिप के उनका भीर पहुँचल। ऊ उनकर गोड़वन के कपड़ा हटईलक आउर सूत गेल।8आधा रतिया में, ऊ अचानक उठ गेलन। ऊ बैठ गेलन आउर महसूस कईलन कि एगो औरत उनकर गोड़ तर सूत गेल हे।9ऊ ओकरा से पूछलन, “तूँ कौन हऽ?” ऊ जबाब देलन, “हम तोर दासी रुत ही। काहेकि तूँ एगो छोड़ावे वाला करीबी रिश्तेदार हऽ हमर देख भाल करे के जिम्मेवारी तोर हे, एहिगुने हमरा से बियाह कर लऽ।”10बोअज जबाब देलन, हमर प्रिय, यहोवा तोरा आशीष देतन! पहिले ही, तूँ अपन सास लागी दयालु हलऽ, बाकि अखनी आउर जादे दया देखा रहलऽ हे कि तूँ वियाह लागी कोई जवान के पीछा नऽ कर रहलऽ हे चाहे ऊ अमीर होतन चाहे गरीब।11अखनी, हमर प्रिय, जे कुछ तूँ माँगबऽ ऊ सभे कुछ हम पूरा करम। डेराऽ मत, काहेकि ई शहर में सभे लोगवन के पता हे कि तूँ एगो इज्जतदार औरत हऽ।12जबकि, जबकि हम नाओमी के छोड़ावे वाला नजदीकी परिवारवन में से एगो ही, आउर, येहिगुने, तोहनी दूनो ला जिम्मेवार ही, एगो आउर आदमी हथन जे तोरा ला हमरा तुलना में जादे जिम्मेवार हथन काहेकि ऊ नाओमी के जादे करीबी रिश्तेदार हथन।13तूँ रात लागी हींए रहऽ। बिहान सवेरे हम ऊ आदमी के तोरा बारे में बताम। जदि ऊ तोरा छोड़इतन, तऽ ठीक होत, ऊ तोरा से बियाह कर सकलन हे। बाकि जदि ऊ तोरा खियाल रखे ला तैयार नऽ हथन तऽ हम जिन्दा यहोवा कि शपथ ले ही कि, निश्चित रूप से जईसे यहोवा जिन्दा हथन, हम “तोरा से बियाह करम आउर खुद तोरा खियाल रखम। येहिगुने ईहे ठहरल रहऽ जब ला बिहान नऽ होवे।”14फिर रुत बोअज से कहलन, “ई बड़ी बढ़ियाँ होत जदि कोई नऽ जानत कि खलिहान में एगो औरत ईहाँ आयेल हल। येहिगुने रुत बड़ी सवेरे ला उनकर गोड़वन भीर सुतल रहल आउर बड़ी इंजोर हो जाय से पहिलहीं जाय ला उठ गेल कि लोग ओकरा पहचान लेतन।”15तऽ बोअज ओकरा से कहलन, “हमरा भीर अपन चादर लावऽ आउर पसारऽ।” जब ऊ अईसने कईलन, तऽ ऊ ओकरा में अपन दरियादिली से 24 किलोग्राम अनाज देलन आउर ओकरा उनकर पीठ पर रख देलन। फिन ऊ शहर चल गेल। 16जब रुत अपन सास भीर पहुँचल, तऽ नाओमी पूछलन, “का ई तूँ हऽ, हमर बेटी?” तऽ रुत उनका सभे कुछ बतईलन जे बोअज कहलन हल आउर ओकरा लागी कईलन।17ऊ नाओमी से एहु कहलन, “ऊ हमरा ई सभे जौ देलन, ई कहते भर में, 'हम नऽ चाहऽ ही कि तूँ अपन सास भीर खाली हाथ जा।”18तऽ नाओमी कहलन, “हमर बेटी, अखनी ईहाँ इंतेजार करऽ, जब ला हम देखम कि का होवऽ हे। ऊ आदमी पक्का तौर से आज इनकर ध्यान रखतन।”
Bridge Connectivity Solutions Pvt. Ltd.