Judges21
1आउर बिन्यामीन से लड़ाई से पहिले इस्राएल में से हरेक आदमी मिस्पा में मिललन आउर ई कह के खुद ही ई किरिया खईलन, कि हमनी में से कोई अपन बेटी बिन्यामीन के नऽ बियाहम।2बिन्यामीन से लड़ाई के बाद लोग बेतेल में अईलन, आउर साँझ तक सच्चा परमेश्वर के सामने बैठल रहलन। ओखनी अपन आवाज ऊँचा कईलन आउर फूट-फूट के रोवे लगलन।3ओखनी कहलन, हे यहोवा इस्राएल के परमेश्वर, इस्राएल में अईसन काहे होल, कि आज इस्राएल में एगो गोत्र लोप हो गेल हे?4अब दूसरा दिन अईसन होल कि लोग सबेरे उठलन, आउर ऊ उहाँ एगो वेदी बनईलन, आउर होमबलि आउर मेलबलि चढ़ईलन।5इस्राएलियन एक दूसरा से कहलन, कौन हे जौन इस्राएल के सभे गोत्र में से मण्डली सहित यहोवा भीर नऽ गेलन हल? काहेकि जौन कोई मिस्पा में यहोवा भीर जा के नऽ कहे, पक्का ऊ मारल जाय, उनकर खिलाफ भारी किरिया खायल गेल हल।6तब इस्राएली के अपन भाई बिन्यामीन पर दया आयेल। ऊ कहलन, "आज इस्राएल से एगो गोत्र खतम हो गेल हे।7हम उनका ला का कर सकऽ ही, मतलब कि ओखनी ला जौन बच गेलन हे, ओखनी के मेहरारू लागी का कर सकऽ ही, काहेकि हम यहोवा के शपथ खईली हे, कि हम ओखनी के अपन बेटियन से बियाह नऽ करम?"8ऊ कहलन, इस्राएल के गोत्र में से कौन हे, जौन मिस्पा में यहोवा भीर नऽ गेलन? अब देखऽ, गिलाद के याबेश शहर से कोई भी छावनी में मतलब कि सभा में नऽ गेलन।9आउर जब लोग खुद के देखलन, तऽ का देखलन, कि गिलाद के याबेश के रहवईयन में से कोई उहाँ नऽ हल।10तब झुण्ड उहाँ सेना में से अपन दल में से बारह हजार आदमी भेजलन, आउर ओखनी के ई आज्ञा देलन, कि जा के गिलाद के याबेश के रहवईयन के, औरतियन आउर बच्चवन के भी तलवार से मार डालऽ।11“आउर ई ऊ काम हे जौन तोरा करे के चाही: हरेक आदमी, आउर हरेक औरत के, जौन कोई आदमी के साथे बिछौना पर गेलन होत, ओकरा नाश कर दिहऽ।”12आउर ओखनी गिलाद के याबेश के रहवईयन में से चार सौ कुंवारी मिलल, जौन कोई आदमी से प्रेम नऽ रखऽ हल, आउर ओखनी के कनान देश के शीलो के छावनी में ले अईलन।13आउर सऊँसे मण्डली आगे बढ़ के बिन्यामीन के बेटवन से जौन रिम्मोन नाम के चट्टान पर हलन, बात कईलन, आउर उनका से मेल मिलाप के संधि कईलन।14ऊ घड़ी बिन्यामीन लौट अईलन, आउर ओखनी के गिलाद के याबेश के औरतियन में से जौन औरत जिन्दा रहलन, ओकरा ओखनी के दे देलन। तइयो ऊ ओखनी लागी जादे नऽ हल।15आउर प्रजा के बिन्यामीन के चलते दुःख होल, काहेकि यहोवा इस्राएल के गोत्र के बीच में फूट डाल देलन हल।16तब मण्डली के पुरनियन कहलन, "जब बिन्यामीन औरतियन नाश हो गेल हे, तऽ बचलकन लोग ला मेहरारू के कईसे उपाय करल जाय?"17फिन ओखनी कहलन, बिन्यामीन के बचलकन लागी एगो भाग जरुर होवे के चाही, अईसन नऽ होवे कि इस्राएल में से एगो गोत्र मिट जाय।18बाकि हम ओखनी के अपन बेटियन में से औरत के नऽ दे सकम, काहेकि इस्राएल ई कह के किरिया खईलन हे, कि जौन कोई बिन्यामीन के औरत देतन ऊ श्रापित हे।19आउर ओखनी विचार कर के कहलन, “देखऽ, शीलो में जौन बेतेल के उत्तर दने जौन रहिया बेतेल से शकेम के जा हे, ओकरा पर सूरज उगे के दिशा दने शीलो में समय-समय पर यहोवा लागी परब होवऽ हे, जे लबोना शहर के दक्खिन में हे।”20आउर इस्राएली अगुवन बिन्यामीन के बेटवन के ई आज्ञा देलन, कि जा के दाख के बारी में लूक के इनतेजार करऽ।21आउर तूँ देखते रहऽ, आउर जब शीलो के लड़कियन नाचे ला निकसऽ हे, तब तूँ दाख के बारी में से निकस आवऽ। तूँ शीलो के लड़कियन में से अपन-अपन मेहरारू के पकड़ लिहऽ, आउर फिन बिन्यामीन के देश में लौट जईहऽ।22अईसन होत, कि जब ओखनी के बाप चाहे भाई हमरा से झगड़ा करे अईतन, तब हम उनका से कहम, 'उनका कृपा कर के हमरा दे दऽ, काहेकि हम लड़ाई में एक्को आदमी लागी औरत नऽ बियाहली। बाकि तूँ उनका ऊ घड़ी नऽ देलऽ, येहिसे तूँ दोषी होवऽ।23बिन्यामीन के बेटवन ओईसहीं कईलन। ऊ नचनिया औरत में से अपन गिनती के मोताबिक बड़ी सा औरतियन के उठ के ले गेलन, जेकरा ओखनी छीन लेलन हल। तब ऊ चल गेलन आउर अपन निज भाग में लौट अईलन। आउर ओखनी नगर के फिन से बसाके ओकरा में रहे लगलन।24तब ओही घड़ी इस्राएली उहाँ से अपन-अपन गोत्र आउर कुल में बाँट देवल गेलन। ई तरह से ऊ उहाँ से अपन-अपन निज भाग के चल गेलन।25ऊ दिन में इस्राएल में कोई राजा नऽ हल। सब कोई ओही करऽ हलन जौन उनकर नजर में ठीक हल।
Bridge Connectivity Solutions Pvt. Ltd.