Romans5
1येहिसे, विश्वास के द्वारा धर्मी ठहरावल जाय के चलते, आवऽ, हमनी अपन प्रभु यीशु मसीह के द्वारा परमेश्वर के साथे शान्ति बना के रखऽ,2जेकरा से ऊ विश्वास के द्वारा ऊ अनुग्रह तक हमनी के पहुँच भी होल जेकरा में हम खड़ा ही, आउर हम परमेश्वर के महिमा के आशा के आधार पर घमण्ड करऽ ही।3आउर खाली येही नऽ, बाकि हम अपन दुःख में भी घमण्ड करऽ ही, ई जान के कि ई दुःख से धीरज पैदा होवऽ हे;4आउर ई धीरज से चरित्र; आउर ई चरित्र से आशा।5आउर ऊ आशा निराश नऽ करऽ हे, काहेकि जे पवित्र आत्मा हमनी के देवल गेल हे ओकर जरिये से परमेश्वर के प्रेम हमनी के मन में उण्डेलल गेल हे।6काहेकि हम तऽ आज ला कमजोर ही हली, तईयो मसीह भक्तिहीन लोग के तरफ से सही समय पर मरलन।7काहेकि कोई धर्मी जन के तरफ से कोई आदमी बड़ी मुश्किल से मरलन। जबकि, हो सकऽ हे कि भला आदमी के तरफ से कोई आदमी मरे के हिम्मत कर सकऽ हे।8बाकि हमनी के प्रति अपन प्रेम के परमेश्वर ई रीति से प्रकट करऽ हथन, कि हमनी के पापी होवे पर भी, मसीह हमनी ला मरलन।9फिन उनका से भी बढ़ के, अखनी उनकर लहू से धर्मी ठहरावल जाय के चलते, हम उनका द्वारा गोस्सा से बचावल जायेम।10काहेकि जदि, दुश्मन होके, उनकर बेटा के मरे के जरिये परमेश्वर से हमनी के मेल-मिलाप होल, तऽ ओकरा से बढ़ के मेल-मिलाप हो गेलऽ बाकि, हमनी उनकर जिनगी के द्वारा बच जायेम।11खाली येही नऽ, बाकि हमनी अपन प्रभु यीशु मसीह के माध्यम से परमेश्वर पर घमण्ड भी करऽ ही, जेकर जरिये अखनी हमनी मेल-मिलाप पईली हे।12ई चलते, जईसे एगो आदमी के द्वारा पाप संसार में प्रवेश करलक, आउर पाप के जरिये, मौत, ओईसहीं मौत भी सभे आदमियन में फैल गेल, जेकरा चलते सभे पाप करलन। 13काहेकि व्यवस्था तक, पाप जगत में हल, बाकि ऊहाँ व्यवस्था के नऽ होवे के चलते, पाप पर दोष नऽ लगावल गेल।14फिन भी, आदम से लेके मूसा तक मौत ओखनी सभे पर भी राज करलक, जौन आदम के अपराध के जईसन पाप नऽ करलन, जौन आवे वाला के प्रतिरूप हे। 15बाकि अनुग्रह के वरदान अपराध के जईसन नऽ हे। काहेकि जब एगो आदमी के अपराध से बड़ी सा लोग मरलन, तऽ परमेश्वर के अनुग्रह आउर एगो आदमी, मतलब कि यीशु मसीह के अनुग्रह से जौन वरदान मिलल, ऊ बड़ी लोग पर केतना जादे होल!16आउर ई वरदान ऊ आदमी के द्वारा नऽ, जौन पाप करलन हे। काहेकि सच में, ऊ एगो से आवे वाला न्याय, दण्ड देवे लागी होवऽ हे, बाकि ई अनुग्रहकारी वरदान बड़ी सा अपराधवन के द्वारा धर्मी ठहरावे लागी हे।17काहेकि जदि, एगो के अपराध के चलते, मौत ऊ एगो के द्वारा राज करलन, तऽ जौन अनुग्रह आउर धार्मिकता के वरदान बहुतायत से पावऽ ही, ऊ सभे ऊ एगो से, मतलब कि यीशु मसीह के द्वारा जिनगी में राज करतन। 18येहिसे फिन, जईसे एगो अपराध के जरिये से सभे आदमियन के दण्ड दने ले जायल गेल, ओईसहीं एगो धार्मिक काम के जरिये से भी सभे आदमियन के जिनगी में धर्मी ठहरावल जाय ला ले जायल गेल।19काहेकि जईसे एगो आदमी के आज्ञा नऽ माने के जरिये से बड़ी सा लोग पापी हो गेलन, ओईसहीं एगो आदमी के आज्ञा माने के जरिये से भी बड़ी सा लोग धर्मी हो जईतन। 20अब व्यवस्था येहिसे आयेल ताकि अपराध बढ़ल। बाकि जहाँ पाप बढ़े, ऊहाँ अनुग्रह ओकरा से भी कहीं जादे होल21ताकि जईसे पाप मौत में होके राज करलक, ओईसहीं यीशु मसीह हमर प्रभु के माध्यम से अनुग्रह भी हमेशा लागी जिनगी धार्मिकता के जरिये से राज करत।
Bridge Connectivity Solutions Pvt. Ltd.