Romans6
1तऽ फिन हम का कहीं? का हमनी के पाप में बनल रहे के चाही ताकि अनुग्रह बढ़त? कदापि नऽ2अईसन कहियो नऽ होत! हमनी जे पाप लागी मर गेली हे, तऽ अखनी भी हमनी ओकरा में कईसन जिनगी बितायेम?3आउर का तूँ नऽ जानऽ हऽ कि जेतना लोग मसीह यीशु में बपतिस्मा लेलन, ओखनी उनकर मौत के बपतिस्मा लेलन?4फिनो उनकर मौत में बपतिस्मा लेवे के द्वारा, हमनी उनकर साथे गाड़ल गेली, जईसे पिता परमेश्वर के महिमा के द्वारा मसीह मरलकन में से जिलावल गेलन, ओईसहीं हमनी भी नया जिनगी के जईसन चाल चलम।5काहेकि जदि हमनी उनकर मौत के समानता में एक साथे गाड़ल गेली, तऽ जरुर हमनी भी उनकर पुनरुत्थान के भागी हो जायेम।6ई जान के, कि हमनी के पुरनका आदमियन उनकर साथे क्रूस पर चढ़ावल गेल, जेकरा से कि पाप के देह बेकार हो जाय, कि ऊ हमनी अब पाप के दास नऽ बना के रखत।7काहेकि जे मर गेलन ऊ पाप से आजाद होके धर्मी गेलन हे। 8बाकि जदि हमनी मसीह के साथे मर गेली, तऽ हम विश्वास करऽ ही कि हमनी उनका साथे जीयम भी,9ई जानते भर में कि मसीह, मरल में से जी उठ के, अब नऽ मरतन; मौत अखनी ओकरा पर प्रभुता नऽ करतन।10काहेकि मसीह जे मर गेलन, तऽ ऊ पाप लागी एक बार ही मर गेलन आउर फिन कहियो नऽ। बाकि ऊ जे जिन्दा हे, तऽ ऊ परमेश्वर लागी जिन्दा हे।11ई रीति से, तोहूँ अपने आप के पाप के लागी सचमुच मरल, बाकि परमेश्वर लागी मसीह यीशु में जिन्दा मानऽ।12येहिगुने, पाप के तोहनी के नश्वर देह में राज नऽ करे ला दऽ, कि उनकर लालसावन के पालन करऽ।13आउर अपन अंगवन के अधर्म के हथियार के रूप में पाप के सामने पेश नऽ करते रहऽ। बाकि अपने आप के मरलकन में से जी उठल के रूप में परमेश्वर के सामने पेश करऽ, आउर अपन अंगवन के धार्मिकता के हथियार के रूप में परमेश्वर के सामने पेश करऽ।14काहेकि पाप तोरा पर प्रभुता नऽ कर पावे, काहेकि तूँ व्यवस्था के अधीन नऽ, बाकि परमेश्वर के अनुग्रह के अधीन हऽ।15तऽ फिनो का? का हमनी के ई लागी पाप करे के चाही काहेकि हमनी व्यवस्था के अधीन नऽ, बाकि अनुग्रह के अधीन ही? अईसन कहियो नऽ होवे!16का तूँ नऽ जानऽ हऽ कि जेकर आज्ञाकारिता लागी तूँ अपन आप के दास के रूप में पेश करते रहऽ हऽ, तऽ तूँ ओकरे दास हो गेलऽ हे जेकर तूँ आज्ञा पालन करऽ हऽ चाहे ऊ मौत के तरफ ले जाय वाला पाप होत, चाहे फिनो धार्मिकता के तरफ ले जाय वाला आज्ञाकारिता होवे?17बाकि परमेश्वर के धन्यवाद होवे कि तूँ तऽ पाप के दास हलऽ, बाकि तोहनी के शिक्षा के ऊ प्रतिरूप के मन से सुनलऽ जे तोहनी के देवल गेल हल।18आउर पाप से स्वतंत्र होके, तूँ धार्मिकता के दास हो गेलऽ हे।19हम तोहनी के देह के कमजोरी के कारण आदमी के सामने बोलऽ ही। काहेकि जईसे तोहनी अपन अंगवन के अशुद्धता आउर जादे से जादे अधर्म के काम दास के रूप में सौंपलन हल, ओईसन ही अखनी अपन अंगवन के पवित्रता के तरफ ले जाय वाला धार्मिकता के दास के रूप में पेश करऽ।20काहेकि जखनी तूँ पाप के दास हलऽ, तऽ तूँ धार्मिकता के बारे में स्वतंत्र हलऽ।21बाकि जे बात के कारण तूँ अखनी लज्जित होवऽ हऽ, ओकरा से ऊ समय तूँ का फल पावऽ हल? काहेकि ऊ बात के फल तऽ मौत हे।22बाकि अखनी, पाप से आजाद होके आउर परमेश्वर के दास बन के, तोहनी के पवित्रता के तरफ ले जाय वाला तोहनी के फल प्राप्त होल, आउर ओकर नतीजा अनन्त जिनगी हे।23काहेकि पाप के मजदूरी तऽ मौत हे, बाकि परमेश्वर के अनुग्रहकारी वरदान हमनी के प्रभु यीशु मसीह में अनन्त जिनगी हे।
Bridge Connectivity Solutions Pvt. Ltd.