Romans4
1तऽ फिन हम का कहीं कि हमर पुरखा अब्राहम, देह के मुताबिक केकर खोज करलन?2काहेकि जदि अब्राहम के काम के द्वारा धर्मी ठहरावल जायेत, तऽ उनका घमण्ड होत, बाकि परमेश्वर के सामने नऽ।3काहेकि पवित्रशास्त्र का कहऽ हे? “आउर अब्राहम परमेश्वर पर विश्वास करलन, आउर ई उनका लागी धार्मिकता के रूप में गिनल गेल।” 4अखनी काम करे वाला के मजदूरी देवे ला दान अनुग्रह के मुताबिक नऽ, बाकि जबाबदेही के मुताबिक गिनल जा हे।5अखनी जे काम नऽ करऽ हे, बाकि भक्तिहीन के धर्मी ठहरावे वाला पर विश्वास करऽ हे, तऽ ओकर विश्वास धार्मिकता के रूप में गिनल जा हे।6ईहाँ ला कि दाऊद भी ऊ आदमी के धन्य होवे के बात करऽ हथन, जेकरा परमेश्वर काम से अलग धार्मिकता के नाम दे हथन:7“धन्य हथन ऊ, जिनकर अधर्म के काम मांफ करल गेल हे, आउर जिनकर पाप ढाँपल गेल हे।8धन्य हथन ऊ आदमी, जिनकर पापवन के प्रभु निश्चित रूप से नऽ गिनतन।” 9तऽ फिनो का ई धन्य होवे ला खतना वालन पर ही आवऽ हे, चाहे बिन खतना पर भी आवऽ हे? काहेकि हम कहऽ ही कि, “अब्राहम लागी उनकर विश्वास धार्मिकता के जईसन गिनल गेल।”10तऽ फिनो ई कईसे गिनल गेल? खतना के हालत में, कि बिन खतना के हालत में? ई खतना के हालत में नऽ, बाकि बिन खतना के हालत में हल।11आउर ओखनी खतना के चिन्ह पईलन, कि ऊ विश्वास के धार्मिकता पर छाप होवे, जे ओखनी अपन बिन खतना के हालत में करलन हल, कि ऊ ओखनी सभे के पिता रहतन जे बिन खतना के हालत के माध्यम से विश्वास करऽ हे, कि ओखनी लागी धार्मिकता गिनल जाय; 12आउर ओखनी खतनावालन के पिता हो जईतन जे नऽ खाली खतनावालन में से हे, बाकि उनकर भी जे बिन खतना के हालत में हमर पिता अब्राहम के विश्वास के पदचिन्ह के अनुकरण करऽ हे।13काहेकि जे प्रतिज्ञा अब्राहम चाहे उनकर वंश के देवल गेल हल कि जगत के वारिस होतन, ऊ व्यवस्था के माध्यम से नऽ, बाकि विश्वास के धार्मिकता से देवल गेल हल।14काहेकि जदि वारिस व्यवस्था से हे, तऽ विश्वास खाली हो गेल आउर प्रतिज्ञा बेकार हो गेल। 15काहेकि व्यवस्था परमेश्वर के गोस्सा पैदा करऽ हे, बाकि जहाँ व्यवस्था नऽ हे, ऊहाँ पर अपराध भी नऽ हे।16एही कारण ई विश्वास से हे, ताकि ई अनुग्रह के मुताबिक होवे, जेकरा से कि ई प्रतिज्ञा पूरा वंश लागी जरुर होवे खाली ओकरा लागी नऽ, जे व्यवस्था से हे, बाकि ओखनी लागी भी जे अब्राहम के विश्वास से हे, जे हमनी सभे के आत्मिक पिता हथन,17जईसे कि ई पवित्रशास्त्र में लिखल हे, "हम तोरा बड़ी मनी जातियन के पिता बनईली हे, ऊ परमेश्वर के मौजूदगी में जेकरा पर ऊ विश्वास करलन हे, जे मरल के जिन्दा करऽ हे आउर जे चीज अस्तित्व में नऽ हे, उनका अईसन पुकारऽ हथन कि जईसे ऊ अस्तित्व में हे; 18जे आशा के खिलाफ आशा के आधार पर विश्वास करलन, ताकि जे कहल गेल हल ओकर मुताबिक अब्राहम बड़ी मनी जातियन के पिता हो जईतन कि, “तोर वंश अईसहीं होत।”19आउर ऊ अपन देह के पहिले से मरल मान के लगभग सौ साल के उमर के होके, आउर सारा के गर्भ के मरल अवस्था से विश्वास में कमजोर नऽ होलन। 20बाकि परमेश्वर के प्रतिज्ञा के प्रति ऊ अविश्वाश में डगमगईलन नऽ, बाकि परमेश्वर के महिमा दे के, विश्वास में स्थिर होलन।21आउर पूरा रीति से आश्वस्त होलन कि जौन बात के ऊ प्रतिज्ञा करलन हे, ओकरा पूरा करे में ऊ सक्षम भी हे।22आउर येहिगुने, “ई ओकरा लागी धार्मिकता के जईसन गिनल गेल।” 23अब ई खाली ओकर लागी नऽ लिखल गेल हल, ई ओकरा लागी सम्मान देवल गेल हल,24बाकि हमनी लागी भी, जिनका लागी ई गिनल जाय वाला हे, आउर ओखनी लागी जे उनका पर विश्वास करऽ हथन, जे यीशु हमनी के प्रभु के मुरदा में से जिलईलन,25जे हमनी के अपराध लागी छोड़ देवल गेलन, आउर हमनी के धर्मी ठहरावल जाय लागी जिलावल गेलन।
Bridge Connectivity Solutions Pvt. Ltd.