Romans13
1सभे प्राणी शासकीय अधिकारियन के अधीन रहतन, काहेकि कोई अधिकार अईसन नऽ हे, जे परमेश्वर के तरफ से नऽ हथन, आउर जे अधिकार अस्तित्व में हे ऊ परमेश्वर के द्वारा नियुक्त करल गेल हे। 2येहिगुने फिन, ऊ अधिकार के विरोध करे वाला परमेश्वर के आज्ञा के विरोध करलन हे, आउर जे ओकर विरोध करऽ हे, ओखनी अपना ऊपर न्याय लावऽ हे।3काहेकि शासक अच्छा काम ला नऽ, बाकि बुरा काम लागी डर के कारण होवऽ हे। अब जदि अधिकारी से निडर रहे ला चाहऽ हऽ? भलाई करऽ, तऽ उनका दने से तोर बड़ाई होत,4काहेकि ऊ तोर भलाई लागी परमेश्वर के सेवक हथन। बाकि जदि तूँ बुराई करवऽ, तऽ डरिहऽ; काहेकि ऊ बे-मतलब के तलवार उठईले नऽ रहऽ हथन, काहेकि ऊ परमेश्वर के सेवक हथन, जे बुराई पर अमल करे वाला पर गोस्सा होके बदला ले हथन। 5येहिगुने, अधीन रहे ला नऽ खाली गोस्सा के कारण जरुरी हे, बाकि विवेक के कारण भी हे।6काहेकि येही कारण तूँ चुंगी भी दे हऽ; काहेकि ऊ परमेश्वर के सेवक हथन, आउर एही काम में लगल रहऽ हथन।7सभे कोई के प्रति अपन जिम्मेवारी के निर्वाह करऽ: जिनका चुंगी देवे ला हे उनका चुंगी दऽ, जे निजी कर देवे ला हे, उनका निजी कर दऽ, जेकरा से डरेला हे ओकरा से डरऽ, जिनका सम्मान करे ला हे उनका सम्मान करऽ।8एक दोसर के प्रति प्रेम के अलावे, कोई बात में कोई के कर्जदार नऽ होवे के चाही, काहेकि जे अपन पड़ोसी से प्रेम रखऽ हथन ऊ व्यवस्था के पूरा करलन हे।9काहेकि ई कि “तूँ व्यभिचार नऽ करिहऽ, तूँ हत्या नऽ करिहऽ, तूँ चोरी नऽ करिहऽ, तूँ लालच नऽ करिहऽ” आउर जदि कोई दोसर आज्ञा होवे, तऽ ओकर निचोड़ ई बात में हे, “तूँ अपन पड़ोसी से अपना जईसन प्रेम करिहऽ।” 10पड़ोसी ला प्रेम बुराई के काम नऽ करऽ हे। येहिगुने, प्रेम व्यवस्था के पूरा करऽ हे।11आउर ई, समय के जान लऽ, कि तोहनी लागी नींद से जाग उठे के घड़ी आ गेल हे। काहेकि जखनी हमनी विश्वास करली हल, ओकर तुलना में अब हमनी के उद्धार सभे से निकट हे।12रात बीत गेल हे, आउर बिहान हो गेल हे। येहिगुने आवऽ, हमनी अंधार के काम के उतार दऽ, आउर आवऽ, हमनी ज्योति के हथियार पेहेन लऽ।13आवऽ हमनी शालीनतापूर्वक अईसन चलम, जईसन कि दिन में, नऽ कि नशा के जश्न चाहे पियक्कड़पन में, नऽ व्यभिचार आउर भोग-विलास में, नऽ झगड़ा आउर जलन में।14बाकि प्रभु यीशु मसीह के पेहेन लऽ, आउर देह के अभिलाषा के विषय में पहिले से विचार मत करऽ।
Bridge Connectivity Solutions Pvt. Ltd.