Romans12
1येहिगुने हे हमर भईवन, हम तोहनी से परमेश्वर के दया द्वारा निवेदन करऽ ही, कि अपन देह के जिन्दा, पवित्र, आउर परमेश्वर के भावे वाला बलिदान कर के चढ़ावा, जे कि तोर सच्चा आत्मिक सेवा हे।2आउर ई संसार के जईसन नऽ बनऽ, बाकि अपन मन के फिन से नया हो जाय से बदल जा, जेकरा से कि तूँ ओकरा परख सकऽ, जे परमेश्वर के भला आउर भावे वाला आउर सिद्ध इच्छा हे।3काहेकि हमरा देवल गेल परमेश्वर अनुग्रह से, हम ओखनी सभे से कहऽ ही जे तोहनी के बीच में हथन कि जे उनका समझे के चाही ओकरा जादे बढ़ के कोई भी अपने आप के नऽ समझतन, बाकि शान्त मन से विचार करतन, जईसे कि परमेश्वर सभे के एक जईसन विश्वास देलन हे।4काहेकि जईसे हमनी भीर एगो देह में बड़ी सा अंग हे, बाकि सभे अंग के एक ही जईसन काम नऽ हे,5ओही रीति से, हमनी, जे बड़ी ही, मसीह में एक देह ही आउर ई देह निजी रूप से एक दोसर के अंग हे।6बाकि हमनी के देवल गेल परमेश्वर के अनुग्रह के मुताबिक हमनी भीर अलग-अलग अनुग्रह करे वाला वरदान हे; जेकरा भविष्यद्वाणी के वरदान हे, तऽ ओकर विश्वास के अनुकूल करतन;7जदि सेवा वरदान हे, तऽ सेवा करतन; जदि कोई के शिक्षक के हे, तऽ ऊ शिक्षा देवे में रहतन;8जदि कोई के उपदेशक के हे, तऽ उपदेश देवे में लगल रहतन; कोई के दान देवे के हे, तऽ उदारता से देतन; कोई के अगुवाई के हे, तऽ उत्साह से ओकरे में लगल रहतन; कोई के दया देखावे ला हे तऽ खुशी से देखईतन।9प्रेम बिना कपट के होवे, दुष्ट से घिन करऽ, भलाई के पकड़ले रहऽ; 10भाईचारा के प्रेम में, एक दोसर के प्रति प्रेम रखऽ; आदर करे में एक दोसर से आगे बढ़ जा।11मेहनत करे में, असकत नऽ करऽ; आत्मा के जोश में, उत्साह से भरल रहऽ; प्रभु के सेवा करते रहऽ।12आशा में आनन्दित रहऽ; दुःख में धीरज धईले रहऽ; प्रार्थना में, हमेशा लगल रहऽ;13पवित्र लोग के जरुरत में साझा करऽ; अतिथि-सत्कार करे में लगल रहऽ।14अपन सतावे वाला के आशीष दऽ; आशीष दऽ बाकि श्राप मत दऽ15जे आनन्द करे वाला हथन उनका जौरे आनन्द करऽ; जे रोवे वाला हथन उनका जौरे रोवऽ; 16एक दोसरा के प्रति एक ही विचार रखऽ, आउर बड़का-बड़का बात के विचार मत करऽ, बाकि दिन-दुःखी से मिलते जुलते रहऽ। अपने आप में बुद्धिमान मत बनऽ; 17कोई के बुराई के बदला में बुराई मत करऽ; जे बात सभे आदमी के नजर में अच्छा हे ओकरा पर सावधानी से विचार करऽ।18जदि हो सकत, तऽ जे तोरा दने से हे ओकरा से सभे आदमी के जौरे शान्ति में होके जिनगी बितावऽ।19हे प्रिय, अपने आप बदला मत लऽ, बाकि परमेश्वर के कोप करे के मौका दऽ, काहेकि अईसन लिखल हे, “प्रभु कहऽ हथन, बदला लेवे ला हमर काम हे, हमहीं बदला लेम।” 20बाकि “जदि तोर दुश्मन भूखल हे, तऽ ओकरा खाना खिलावे। जदि ऊ पियासल हे, तऽ ओकरा पानी पिलावऽ। काहेकि अईसन कर के, तूँ ओकर माथा पर आग के अंगारा के ढेर लगावऽ।” 21बुराई से मत हारिहऽ, बाकि भलाई से बुराई के जीत लिहऽ।
Bridge Connectivity Solutions Pvt. Ltd.