Romans11
1फिन हम कहऽ ही, परमेश्वर अपन लोगवन के छोड़ नऽ देलन, का ऊ करलन? अईसन कहियो नऽ होवे! काहेकि हमहूँ खुद तऽ एगो इस्राएली ही, जे अब्राहम के वंश बिन्यामीन के गोत्र के ही। 2परमेश्वर अपन लोगवन के छोड़ नऽ देलन, जिनका ऊ पहिले से जानऽ हलन। का तूँ नऽ जानऽ हऽ कि पवित्रशास्त्र एलिय्याह के बारे में का कहऽ हे, कि कईसे ओखनी इस्राएल के विरोध में परमेश्वर से विनती करलन हल? 3“हे प्रभु, ओखनी तोर भविष्यद्वक्तावन के मार देलन, ओखनी तोर वेदी के ढाह देलन; आउर हम अकेलहीं पीछे छोड़ देवल गेली हे, आउर ओखनी हमर प्राण के खोज में हे।” 4बाकि दिव्य जबाब ओखनी से का कहऽ हे? “हम अपना लागी अईसन सात हजार आदमी सभे के बचा के रखली हे, जे बाल के आगे घुटना नऽ टेकलन।” 5फिन, अईसहीं, ई आजकल के समय में भी परमेश्वर अनुग्रह के चुनाव के मुताबिक कुछ लोग बाकि हथन।6बाकि जदि ई अनुग्रह के द्वारा हे, तऽ अब ई काम के द्वारा नऽ रहल। नऽ तऽ ई अनुग्रह, फिन अनुग्रह नऽ रह जायेत।7फिन का? जे चीज के इस्राएली बड़ी लगन से खोजऽ हलन, ओही ओखनी के नऽ मिलल, बाकि परमेश्वर के चुनल गेल के मिलल आउर ओखनी में के बाकि लोग कठोर हो गेलन।8जईसन कि ई पवित्रशास्त्र में लिखल हे: “परमेश्वर ओखनी के सुस्ती के आत्मा, नऽ देखे वाला आँख, आउर नऽ सुने वाला कान देलन हे, जे आज के दिन तक हे।” 9आउर दाऊद कहऽ हथन, “ओखनी के मेज ओखनी लागी जाल आउर फन्दा, आउर ठोकर आउर अनादर बन जायेत। 10ओखनी के आँख पर अंधार छा जाय ताकि नऽ देखतन, आउर उनकर पीठ हमेशा झुकल रहत।” 11फिन हम कहऽ ही, “ओखनी ठोकर नऽ खईलन जेकरा से कि ओखनी गिर पड़तन, का ओखनी खईलन?” अईसन कहियो नऽ होवे! एकर बदले, ओखनी के अपराध के द्वारा, ई उद्धार अन्यजातियन के मिलल हे, जेकरा से कि उनका जलन करे लागी उसकावल जाय। 12अब जदि उनकर अपराध दुनियाँ के दौलत हे, आउर ओकर हानि अन्यजातियन के दौलत हे, तऽ ओकर भरपूरी केतना जादे बढ़ के होत?13अब हम तोहनी अन्यजातियन से बात कर रहली हे। येहिगुने जेतना कि हम खुद अन्यजातियन लागी एगो प्रेरित ही, तऽ हम अपन सेवकाई के महिमा करऽ ही,14जदि कोई रीति से हम अपन खुद के देह के जलन लागी उसकईयई आउर ओखनी में से कुछ के बचा लेम।15काहेकि जदि इस्राएलियन नकारल जायला संसार के मेल-मिलाप हे, तऽ उनकर अपनावल जायला जदि मरलकन में से जिनगी नऽ हे तऽ का हे?16अब जदि पहिला फल पवित्र हे, तऽ आटा के पिण्ड भी हे। आउर जदि जड़ी पवित्र हे तऽ डाली भी हे।17बाकि जदि डालियन में से कुछ तोड़ देवल जाय, आउर तूँ, जंगली जैतून के डाली होके, ओकरा में साटल गेल, आउर जैतून के पेड़ के जड़ी के बड़ी जादे में उनका जौरे सहभागी होल,18तऽ डालियन पर घमण्ड नऽ करिहऽ। बाकि जदि तूँ घमण्ड करिहऽ तऽ तूँ खुद जड़ी के सहारा नऽ दे हऽ, बाकि जड़ी तोरा सहारा दे हे।19फिन तूँ कहवऽ, “डाली तोड़ देवल गेल जेकरा से हमनी खुद साटल जायेम।”20ई सच हे। ऊ तऽ अविश्वाश में तोड़ल गेल, बाकि तूँ खुद विश्वास में मजबूत रहऽ हऽ। घमण्ड के बात पर विचार मत करऽ, बाकि डर मानऽ!21काहेकि जदि जब परमेश्वर स्वभाविक डालियन के नऽ छोड़लन, तऽ ऊ तोहनी के भी नऽ छोड़त।22फिन, परमेश्वर के दयालुता आउर कठोरता के देखऽ जे गिर गेल हे ओखनी पर कठोरता, बाकि तोहनी पर परमेश्वर के भलाई, जदि तूँ उनकर भलाई में बनल रहवऽ। नऽ तऽ तूँ खुद भी काट देवल जईवऽ।23बाकि ओखनी, जदि ऊ अविश्वाश में बनल नऽ रहतन तऽ ऊ साटल जईतन। काहेकि परमेश्वर उनका फिन से साटे के लायक हथन।24काहेकि जदि तूँ, जे स्वभाव से जंगली जैतून के पेड़ हे ओकरा से कटल गेल हे, आउर स्वभाव के विरोध में अच्छा जैतून के पेड़ में साटल गेल, तऽ ई जे स्वभाव के मुताबिक हे, अपने खुद के जैतून के पेड़ में काहे नऽ साटल जईतन।25काहेकि हे भईवन, हम नऽ चाहऽ ही कि तूँ ई भेद से अनजान रहऽ, जेकरा से कि तूँ अपने आप में बुद्धिमान नऽ बन जा, कि जखनी तक अन्यजाति सभे के परिपूर्णता नऽ आ जाय, तब तक इस्राएल में थोड़ा सा कठोरता आ गेल हे;26आउर अईसे सभे इस्राएल बचावल जईतन, जईसन कि ई लिखल हे, “छोड़ावे वाला सिय्योन से अईतन। ऊ अभक्ति के बात के याकूब से दूर करतन। 27आउर जब हम ओकर पाप सभे के दूर कर देम, तब ई उनका लागी हमरा जौरे वाचा होत।” 28सचमुच में, सुसमाचार के मुताबिक, तोहनी लागी ओखनी दुश्मनी हे, बाकि चुन लेवल जाय मुताबिक, ओखनी उनकर पुरखा लागी प्रिय हथन।29काहेकि परमेश्वर के अनुग्रहकारी वरदान आउर बोलाहट पछतावा के बिना होवऽ हे।30काहेकि जईसन तूँ खुद भी पहिले परमेश्वर के प्रति अनज्ञाकारी हलन, बाकि अब इनकर अनाज्ञाकारिता में तोरा पर दया देखावल गेल,31ओईसहीं, अब ई भी तोर दया में अनज्ञाकारी हो गेलन जेकरा से कि अब उनका भी दया देखावल जाय।32काहेकि परमेश्वर सभे लोग के अनाज्ञाकारिता में बंद कर देलन ताकि ऊ सभे लोग पर दया देखा सकतन।33आहा! परमेश्वर के धन आउर बुद्धि आउर ज्ञान केतना गहराई हे! उनकर न्याय कईसे समझ से बाहर हे, आउर उनकर मार्ग अगम हे!34काहेकि “प्रभु के मन के कौन जानलन, चाहे उनकर मंत्री कौन होलन?” 35चाहे “कौन उनका देलन, कि ओकर बदला उनका देतन?” 36काहेकि सभे चीज उनकर तरफ से आउर ओकरे माध्यम से आउर उनका लागी हे। उनकर महिमा युगानुयुग होवे। आमीन।
Bridge Connectivity Solutions Pvt. Ltd.