Romans10
1हे भईवन, हमर मन के भली प्रसन्नता आउर परमेश्वर से हमर प्रार्थना ओखनी के तरफ से उद्धार लागी हे।2काहेकि हम उनकर बारे में गवाही दे ही कि ओखनी में परमेश्वर के धून तऽ हे, बाकि पूरा ज्ञान के मुताबिक नऽ।3काहेकि परमेश्वर के धार्मिकता के बारे में नऽ जान के, आउर अपन धार्मिकता के स्थापित करे के खोज कर के, ओखनी खुद के परमेश्वर के धार्मिकता के अधीन नऽ करलन।4काहेकि मसीह सभे कोई लागी जे विश्वास करऽ हे धार्मिकता लागी व्यवस्था के परिपूर्णता हे।5काहेकि मूसा ऊ धार्मिकता के बारे में जे व्यवस्था से मिलल हे, ई लिखल हे: “जौन आदमी ई कामवन के कर लेलन ऊ एकरा से जिन्दा रहतन।” 6बाकि विश्वास के द्वारा मिले वाला धार्मिकता अईसे कहऽ हे, “अपन मन में ई नऽ कहिहऽ कि, ‘स्वर्ग पर कौन चढ़त?’” मतलब कि, मसीह के नीचे लावे लागी;7चाहे, “अधोलोक में कौन उतरतन?” मतलब कि, मसीह के मरलकन में से ऊपर लावे लागी।8बाकि ऊ का कहऽ हे? “वचन तोर निकट हे, ऊ तोर मुँह में आउर तोर मन में हे।” ई विश्वास के वचन हे, जेकर हमनी प्रचार करऽ ही। 9काहेकि जदि तूँ अपन मुँह से स्वीकार करवऽ कि, यीशु प्रभु हथन, आउर अपन मन में विश्वास करवऽ कि परमेश्वर उनका मरलकन में से जिलईलन हे, तऽ तूँ उद्धार पईवऽ।10काहेकि धार्मिकता लागी कोई आदमी मन से विश्वास करऽ हे, आउर उद्धार लागी कोई आदमी मुँह से स्वीकार करऽ हे।11काहेकि पवित्रशास्त्र कहऽ हे, “जे कोई उनका पर विश्वास करऽ हे ऊ लज्जित नऽ होवऽ हे।” 12काहेकि यहूदियन आउर यूनानियन में कोई भेद नऽ हे; काहेकि सभे के प्रभु एक ही हथन, आउर ओखनी सभे लागी धनी हथन जे उनका पुकारऽ हथन।13काहेकि “जे कोई प्रभु के नाम पुकारत, ओखनी सभे उद्धार पईतन।”14फिनो जेकरा पर ओखनी विश्वास नऽ करलन ओखनी उनकर नाम कईसे पुकारतन? आउर जेकरा ओखनी नऽ सुनल ओखनी उनका पर कईसे विश्वास करतन? आउर कोई के प्रचार नऽ करतन, तऽ ओखनी कईसे सुनतन?15आउर जब ला ओखनी भेजल नऽ जईतन, तऽ ओखनी कईसे प्रचार करतन? जईसे कि ई पवित्रशास्त्र लिखल हे, “ओखनी के पाँव केतना सुन्दर हे, जे अच्छा बात के सुसमाचार सुनावऽ हे!” 16बाकि ओखनी सभे इस्राएलियन ऊ सुसमाचार पर विश्वास नऽ करलन। काहेकि यशायाह पवित्रशास्त्र में कहऽ हथन, “हे प्रभु, हमनी के सुसमाचार पर कौन विश्वास करलन हे?” 17येहिगुने, ई विश्वास सुनला से हे, आउर ई सुनना मसीह के वचन से होवऽ हे।18बाकि हम कहऽ ही, “का ओखनी पूरा रीति से नऽ सुनलन?” हाँ, सचमुच में सुनलन। “उनकर आवाज समूचे धरती पर, आउर उनकर वचन दुनियाँ के छोर ला चल गेल हे।” 19बाकि हम कहऽ ही, “का इस्राएल ठीक से नऽ जानलन?” पहिले तऽ मूसा कहऽ हथन, “हम खुदे तोहनी के एगो दोसर जाति से जलन करे ला लागी उकसायेम; हम तोहनी के एगो मूरख जाति के माध्यम से क्रोध लागी उकसायेम।” 20अखनी यशायाह बड़ी हिम्मत के साथ कहऽ हथन, “जे हमरा खोज नऽ रहलन हल, ओखनी हमरा पा लेलन, आउर जे हमरा लागी पूछ नऽ रहलन हल ओखनी पर हम प्रकट हो गेली।”21बाकि इस्राएल से ऊ कहऽ हथन “हम पूरा दिन अनज्ञाकारी आउर विरोधाभासी लोगवन के तरफ अपन हाथ पसारले रहली।”
Bridge Connectivity Solutions Pvt. Ltd.