Romans9
1हम मसीह में सच कहऽ ही। हम झूठ नऽ बोलऽ ही हमर विवेक भी पवित्र आत्मा में होके हमर साथे गवाही दे हे,2कि हमरा लागी हमर मन में बड़ी दुःख आउर लगातार पीड़ा होवऽ हे।3काहेकि हम अपन यहूदी भईवन लागी, जे देह के मुताबिक हमनी के जाति के हथन, मसीह से अलग होके श्रापित हो जाय लागी चाहली,4ओखनी इस्राएली हथन, जेकरा से लेपालकपन, आउर महिमा, आउर वाचा, आउर एगो व्यवस्था देवल गेल, आउर सेवा, आउर प्रतिज्ञा भी; 5आउर ओखनियो में से पिता हथन आउर जिनका से मसीह हथन, मतलब कि देह के मुताबिक, जे सभे के ऊपर हथन। अनन्तकाल के परमेश्वर धन्य हथन। आमीन।6बाकि ई अईसन बात नऽ हे कि परमेश्वर के वचन असफल हो गेल हे। काहेकि सभे लोग इस्राएल से नऽ हथन, कि येही इस्राएली हथन।7आउर नऽ ही सभे सन्तान अब्राहम के वंश हे। बाकि, “इसहाक ही से तोर वंश कहलईतन।” 8मतलब कि, देह के संतान, ई परमेश्वर के सन्तान नऽ हे। बाकि प्रतिज्ञा के संतानवन के वंश के रूप में मानल गेल हे।9काहेकि प्रतिज्ञा के वचन ई हे: “हम येही समय आयेम, आउर सारा के एगो बेटा होत।” 10अखनी खाली ईहें नऽ, बाकि रिबका भी एगो औरत, हमनी के पुरखा इसहाक से गर्भधारण करलन हल। 11काहेकि अखनी ला नऽ जनम लेलक, आउर नऽ ही सचमुच में कुछ भला चाहे बुरा करलन, जेकरा से परमेश्वर के मकसद चुनाव करे के मुताबिक स्थिर रहत,12कामवन के द्वारा नऽ, बाकि पुकारे वाला के द्वारा, उनका से कहल गेल हल कि, “जेठा छोटका के दास होतन।” 13ई अईसहीं हे जईसन कि ई लिखल हे, “हम याकूब से प्रेम करली, बाकि एसाव से हम दुश्मनी रखली।” 14तऽ फिनो हम कौची कहीं? परमेश्वर में कोई अधर्म पाप नऽ हे का हे? अईसन कभी नऽ होत!15काहेकि परमेश्वर मूसा से कहलन हे, “हम जे कोई पर दया करे ला चाहम, हम दया करम, आउर हम जे कोई पर करुणा करे ला चाहम, तऽ हम करुणा करम।” 16येहिगुने फिनो ई नऽ तऽ चाहे वाला के हे, आउर नऽ ही दौड़े वाला के हे, बाकि दया करे वाला परमेश्वर के हे।17काहेकि पवित्रशास्त्र फिरौन से कहऽ हे, “हम तोरा येही मकसद लागी खड़ा करली हे: जेकरा से हम तोरा में अपन सामर्थ के प्रदर्शन करम, आउर जेकरा से हमर नाम के प्रचार पूरा धरती पर होवे।” 18येहिगुने फिनो, ऊ जेकरा पर चाहऽ हथन ओकरा पर दया करऽ हथन, बाकि जेकरा ऊ चाहऽ हथन, ऊ कठोर हो जा हथन।19फिन तूँ हमरा से कहवऽ, “फिनो काहे ऊ अखनियो गलती खोजऽ हथन? काहेकि कौन कहिया उनकर इच्छा के विरोध करलन हे?”20हे आदमी, तूँ असली में कौन हऽ, जे परमेश्वर के विरोध में जबाब दे रहलऽ हे? ढालल गेल चीज अपन ढालेवाला से ई नऽ कहऽ हे कि, “तूँ हमरा अईसे काहे बनईलऽ हे?” का ऊ कहऽ हे?21आउर का कुम्हार के मट्टी पर अधिकार नऽ हे कि एक ही लोंदा से अईसन बरतन बनईतन जौन आदर के काबिल हे, बाकि अईसन भी जौन अनादर लागी हे? 22बाकि का होल जदि परमेश्वर, अपन गोस्सा प्रकट करे आउर अपन सामर्थ प्रकट करे के इच्छा से, नाश करे ला तईयार करल गेल गोस्सा के बरतन के, बड़ी धीरज के साथे सह लेलन; 23आउर जेकरा से ऊ दया के बरतन पर अपन महिमा के सम्पति प्रकट कर सकतन, जेकरा ऊ पहिले से महिमा लागी तईयार करलन हल।24ईहाँ तक कि हमनी जेकरा ऊ बोलईलन हे, नऽ खाली यहूदियन में से हे, बाकि अन्यजातियन में से भी हे। 25जईसे कि ऊ होशे में भी कहऽ हथन, “जौन हमर लोग नऽ हलन, उनका 'अपन लोग' कहम, आउर जिनका से प्रेम नऽ करल गेल, उनका 'प्रिय' कहम। 26आउर अईसन होत कि जौन जगह में उनका ई कहल गेल हल कि ‘तूँ हमर लोग नऽ हऽ’, ओही पर ऊ ‘जिन्दा परमेश्वर के बेटा’ कहलईतन।” 27बाकि यशायाह इस्राएल के बारे में कहऽ हथन, “जबकि इस्राएल के बेटवन के गिनती समुद्र के बालू के समान हो जायेत, बाकि के बचावल जायेत, 28काहेकि प्रभु धरती पर अपन वचन के काम में लाके, ओकरा पूरा करतन आउर ओकरा छाँट के छोटा करतन।” 29आउर जईसे यशायाह पहिले भी कहलन हल, “जदि सेनाओं के प्रभु हमरा ला एक्कोगो गो वंश नऽ छोड़तन हल, तऽ हम सदोम के जईसन हो जईती हल, आउर हम गमोरा के जईसन बना देवल जईती हल।” 30तऽ फिन हम का कहीं? कि अन्यजातियन, जौन धार्मिकता के पीछा नऽ करऽ हलन, धार्मिकता पा लेलन, बाकि ऊ धार्मिकता जौन विश्वास के द्वारा मिलऽ हे।31बाकि इस्राएल, जौन धार्मिकता के व्यवस्था के पालन करऽ हलन, ओकरा व्यवस्था के द्वारा पा नऽ सकलन।32काहे? काहेकि ई विश्वास के द्वारा नऽ, बाकि मानऽ कि करम के द्वारा हल। ओखनी ऊ ठोकर के पत्थर पर ठोकर खईलन,33जईसे कि ई पवित्रशास्त्र में लिखल हे, “देखऽ, हम सिय्योन में ठोकर के पत्थर, आउर ठेस लगे के चट्टान रखऽ ही, आउर जौन उनका पर विश्वास करतन ऊ लज्जित नऽ होतन।”
Bridge Connectivity Solutions Pvt. Ltd.