Revelation20
1फिन हम एगो स्वर्गदूत के स्वर्ग से उतरते देखली, ओकरा भीर गहरा अथाह कुण्ड के कुँजी हल, आउर ओकर हाथ में एगो बड़का सिकड़ हल।2स्वर्गदूत अजगर के पकड़ लेलक। ऊ अजगर ओही पुराना साँप हे शैतान, मतलब शैतान। स्वर्गदूत ओकरा जंजीर से बाँध देलन। ऊ जंजीर ओकरा एक हजार साल तक बाँधले रखत।3ओकर बाद स्वर्गदूत उनका गबड़ा, अथाह कुण्ड में फेंक देलन। ऊ कुण्ड के दुआरी के बंद कर देलन, आउर कोई के भी ओकरा खोले से रोकेला मुहर बंद कर देलन। ऊ अईसन येहिसे करलन जेकरा से शैतान एक हजार साल पूरा होला के बाद तक कई लोगवन के धोखा नऽ दे सकत। ऊ घड़ी, परमेश्वर शैतान के थोड़ा समय लागी छोड़ देतन।4फिन हम सिंहासन देखली जेकरा पर लोग बईठल हलन। परमेश्वर ऊ लोगवन के न्याय करे ला बनईलन। हम ऊ लोगवन के आत्मा के भी देखली जिनकर शत्रु उनकर मुड़ी काट के ओकरा मार देलक हल। उनकर दुश्मन अईसन येहिसे करलन काहेकि ओखनी यीशु के बारे में परमेश्वर के तरफ से सच गवाही बोललन हल। हम ऊ लोगवन के आत्मा के भी देखली जिनकर दुश्मन उनका नऽ मारलन हल बाकि जे जानवर चाहे ओकर मूर्ति कि आराधना करे से इंकार कर देलन हल। ऊ जानवर के सेवकवन के जानवर के चिन्हासी अपन माथा चाहे हथवन पर नऽ लगावे देलन हल। ऊ सभे फिन से जिन्दा हो गेलन आउर ओखनी ऊ एक हजार साल लागी मसीह के जौरे शासन करलन।5ई ऊ लोग हलन जे पहिला बार मरल के जिन्दा करलऽ के बाद फिन से जिन्दा होलन हल। बाकि जे लोग मर गेलन हल, ऊ हजार साल के बाद ही पुनरुत्थान होतन।6धन्य आउर पवित्र ऊ हे, जौन ई पहिला पुनरुत्थान के भागी हे, अईसन लोग पर दोसरा मौत के कुछ भी अधिकार नऽ हे, पर ऊ परमेश्वर आउर मसीह के याजक होतन, आउर उनका साथे हजार साल तक राज करतन।7बाकि हजार साल के अंतिम में, परमेश्वर शैतान के गहरा, अंधार कुण्ड के कैद से छोड़ईतन।8आउर शैतान पूरा धरती पर विद्रोही लोगवन के झुण्ड के धोखा देवे लागी निकसतन। ई ऊ देश हे जिनका भविष्यद्वक्ता यहेजकेल गोग आउर मागोग कहलन हल। शैतान ओकरा परमेश्वर के लोगवन के खिलाफ लड़े लागी जमा करत। परमेश्वर के लोगवन के खिलाफ लड़े वालन समुद्र के रेत के जईसन एतना सारा लोग होतन कि कोई भी उनका गिन नऽ पईतन, जईसे कोई भी समुद्र के किनारे के बालू के कण के नऽ गिन सकत।9आउर ओखनी धरती के चौड़ाई पर चले आउर पवित्र लोगवन के छौनी आउर प्रिय नगर के घेर लेलन, बाकि स्वर्ग से आग उतरल आउर ओखनी के निगल गेल। 10फिन परमेश्वर शैतान के, जे ओखनी लोगवन के धोखा देलक हल, जलते गंधक के झील में फेंक देतन। ईहें पर परमेश्वर जानवर आउर झूठा भविष्यद्वक्ता के भी फेंकलन हल। नतीजा, ऊ हमेशा लागी गंभीर रूप से दुःखी रहतन। 11फिन हम एगो बड़का उजला सिंहासन देखली जेकरा पर परमेश्वर बईठल हलन। ऊ एतना भयानक हल कि जखनी ऊ प्रकट होलन तऽ धरती आउर आसमान पूरा तरह से गायब हो गेल। 12फिन हम देखली कि हर तरह के लोग जे मर गेलन हल, बाकि अब फिन से जिन्दा हो गेलन हे, परमेश्वर के सिंहासन के सामने खड़ा हथन। परमेश्वर ऊ किताब के खोललन जेकरा में ऊ लोगवन के काम के बखान करऽ हे। परमेश्वर एगो आउर किताब भी खोललन, जेकरा जिनगी के किताब कहल जा हल। परमेश्वर ऊ पुस्तक में ऊ लोगवन के नाम लिखल हे जिनका भीर अनन्त जिनगी हे। परमेश्वर ऊ लोगवन के न्याय करलन जे मर चुकलन हल आउर जे अखनी फिन से जिन्दा हो गेलन हल, उनकर काम के मुताबिक, जे उनकर किताब में लिखल गेल हल। 13जे लोग समुद्र में हलन ऊ फिन से जिन्दा हो गेलन, आउर जे लोग जमीन के अधोलोक में हलन ऊ भी फिन से जिन्दा हो गेलन। ऊ सभे परमेश्वर के सिंहासन के सामने खड़ा होलन, आउर परमेश्वर ओकरा से हरेक के उनकर काम के मुताबिक फईसला करलन।14तऽ परमेश्वर ऊ जगह के ले लेलन जेज्जा आत्मावन शारीरिक रूप से मरला के बाद जा हल आउर ऊ अधोलोक के जलते आग के झील में फेंक देलन। जलते आग के झील ऊ जगह हे जेज्जा लोग आध्यात्मिक रूप से मरला के बाद जा हल।15तऽ परमेश्वर देखलन कि ऊ ऊ लोगवन के नाम ऊ किताब में लिखलन हे जेकरा में अनन्त जिनगी पावेवालन के सूचि हे। जदि कोई के नाम ऊ पुस्तक में नऽ हल, तऽ परमेश्वर ओकरा जलते झील में फेंक देलन।
Bridge Connectivity Solutions Pvt. Ltd.