Revelation2
1तऽ यीशु मसीह हमरा से कहलन इफिसुस शहर के विश्वासियन के कलीसिया के स्वर्गदूत के ई लिखऽ: हम ओही ही जे अपन दहिना हाथ में सातगो तरेगन के पकड़ले ही आउर जे सातगो सोना के दीवट के बीच में चलऽ ही। हम तोरा से ई कहऽ ही:2“हम जानऽ ही कि तूँ का-का करलऽ हे। हम जानऽ ही कि तूँ हमरा लागी केतना मेहनत करलऽ हे। हम जानऽ ही कि तूँ केतना संतोष से कड़ा समय के सामना करलऽ हे। हम ई भी जानऽ ही कि तूँ दुष्ट लोगवन के मंजूर नऽ करऽ हऽ। जब लोग झूठ बोल के असली प्रेरित होवे के दावा करऽ हथन, तऽ तूँ साबित करऽ हऽ कि ऊ झूठ बोल रहलन हे।3हम जानऽ ही कि तूँ केतना संतोष से सहन करलऽ हे। हम ई भी जानऽ ही कि तूँ हमर नाम लागी दुःख सह हऽ। हम ई भी जानऽ ही कि तूँ हमरा पर अपन विश्वास नऽ छोड़लऽ हे, जबकि तूँ दुःख सह लऽ हे।4तईयो, हमरा एगो तोर बात पर तोर खिलाफ ई कहेला हे: अखनी तूँ हमरा से ओईसन प्रेम नऽ करऽ हऽ जईसन तहिया करऽ हलऽ जब तूँ हमरा पर पहिला बार विश्वास करलऽ हल।5येहिसे याद रखऽ तूँ हमरा से पहिले कईसे प्रेम करऽ हऽ। अखनी से पहिले के जईसन हमरा से प्रेम करऽ। अब जदि तूँ मन फिरईवऽ आउर ओईसहीं प्रेम नऽ करवऽ तऽ हम तोरा दोषी ठहरायेम आउर हम तोरा विश्वासियन के दीवट में बने रहे के अनुमति नऽ देम।6तईयो, हम तोर प्रशंसा करऽ ही कि तूँ बढ़ियाँ काम कर रहलऽ हे। तूँ नीकुलइयन के चेलवन के काम के कबूल करे से मना करऽ हथन। ऊ चेलवन मूर्तियन चढ़ावल खाना खा हथन आउर ऊ यौन पाप करऽ हथन। हम खुद उनकर कामवन के पूरा तरह से मना करऽ ही। 7जौन कोई आत्मिक रूप से समझदार हथन, उनका गौर से सूने के चाही कि पवित्र आत्मा विश्वासियन के कलीसिया से का कहऽ हथन। हम हर ऊ आदमी के जे कोई विजय होतन, हम उनका स्वर्ग में जिनगी देवे वाला पेड़ से फल खाय के आज्ञा देम। ऊ पेड़ परमेश्वर के बगईचा में हे।” 8तऽ यीशु मसीह हमरा से कहलन अखनी स्मुरना नगर के विश्वासियन के कलीसिया के स्वर्गदूत के ई संदेश लिखऽ: हम ही पहिला ही जे सभे कुछ शुरु करली आउर जे कुछ सभे खतम भी करम। हम ही अंतिम ही जे मर गेली हल आउर फिनो से जिन्दा हो गेली। हम तोरा से ई कहऽ ही9“हम जानऽ ही कि लोगवन तोरा सतईलक हे। हम जानऽ ही कि तूँ गरीब हऽ, जबकि तोरा भीर आत्मिक रूप से जरुरत के हर चीज हे। हम जानऽ ही कि लोग तोरा निन्दा कर रहलन हे। ऊ लोग यहूदी होवे के दावा करऽ हथन, बाकि ऊ अईसन वर्ताव नऽ करऽ हथन मानऽ कि ऊ सच में परमेश्वर के हथन। जब ऊ एक जौरे जमा होवऽ हथन, तऽ ऊ परमेश्वर के सेवा करे के बदले शैतान के आराधनालय हथन आउर मदत करऽ हथन। 10ऊ लोग तोरा दुःख पहुँचावे वाला हथन। डरऽ मत, बाकि सावधान रहऽ! शैतान जल्दी उनका तोर कुछ लोगवन के जेल में डाले लागी ले जईतन। शैतान ई देखावे लागी चाहऽ हे कि जदि तूँ हमरा चलते दुःख सहवऽ तऽ तूँ हमरा पर अपन विश्वास छोड़ देवऽ। तोरा दस दिन तक दुःख सहे पड़त। बाकि हमरा प्रति वफादार बनल रहऽ। भले ही तोरा मरे पड़े। बाकि तूँ अईसन करवऽ, तऽ हम तोरा मुकुट के रूप में अनन्त जिनगी देम।11हर एक आदमी जे आत्मिक रूप से समझदार हथन, उनका गौर से सुने के चाही कि पवित्र आत्मा विश्वासियन के समूह से का कहऽ हथन। जे कोई विजय होतन, उनका कोई क्षति नऽ होत आउर ऊ दोसरा बार नऽ मरतन।”12तऽ फिन यीशु मसीह हमरा से कहलन पिरगमुन शहर के विश्वासियन के कलीसिया के स्वर्गदूत के ई लिखऽ: हम ओही ही जेकरा भीर दू धार वाला तलवार हे। हम तोरा से ई कहऽ ही:13“हम जानऽ ही कि तूँ कहाँ रहऽ हऽ। ई एगो अईसन जगह हे जेज्जा शैतान सिंहासन से लोगवन के काबू करऽ हे। हम ई भी जानऽ ही कि तूँ हमरा नाम के प्रति बड़ी वफादार हऽ। तूँ हमरा पर अपन विश्वास तईयो नऽ छोड़लऽ जब लोगवन तोर दोस्त अन्तिपास पर हमला करलन। ऊ दोसरा के हमर बारे में बतईलन आउर ऊ हमरा प्रति विश्वासयोग्य गवाह रहलन। लोगवन ओकरा तोरा सामने मार देलक, काहेकि तोर नगर में शैतान के एतना असर हे।14तईयो, हमरा कुछ बात के बारे में तोर चर्चा करे के चाही। तोर कलीसिया में कुछ लोग दृढ़ता से मानऽ हथन कि उनका ओही करे के चाही जे प्राचीन भविष्यद्वक्ता बिलाम सिखईलन हल। ई बिलाम ही हलन जे बालाक मोआब के राजा के देखईलन कि इस्राएल के लोगवन के पाप करे ला ठोकर के कारण बने लागी कईसे लोभावल जाय। बालाक इस्राएलियन मूर्तियन लागी बलि चढ़ावल गेल मांस के खाय लागी प्रेरित करलन। बालाक इस्राएलियन के यौन अनैतिक करवावे लागी प्रेरित करलन। 15जईसन बालाक बिलाम के सलाह मानलन, ओईसहीं तोर झुण्ड के कुछ लोग मजबूती से मानऽ हथन कि ऊ भी नीकुलइयन के चेलवन के शिक्षा के पालन कर सकऽ हथन। ऊ मूर्तियन के चढ़ावल गेल बलि खाना खा हथन आउर ऊ यौन पाप करऽ हथन।16बाकि नीकुलइयन के चेलवन के शिक्षा गलत हे। येहिसे तोर झुण्ड के सभे लोग के मन फिरावे के चाही! अब जदि तोहनी में से कुछ लोग अईसन करे लागी बंद नऽ करतन हल, तऽ हम तुरन्त ऊ लोगवन के फईसला करम आउर उनकर खिलाफ फईसला सुनायेम आउर उनका सजा देम।17जे कोई आत्मिक रूप से समझदार हथन, उनका धियान से सुने के चाही कि पवित्र आत्मा विश्वासियन के कलीसिया से का कहऽ हथन। जे विजय होतन, उनका हम उनका ला छिपावल खास रोटी देम। हम उनका एगो उजला पत्थर भी देम, जेकरा पर हम उनकर एगो नया नाम लिखल होत। ई नाम कोई नऽ जान पईतन, अलावे उनकर जेकरा हम ई नाम देम।” 18तऽ फिन यीशु मसीह हमरा से कहलन थुआतीरा नगर के विश्वासियन के कलीसिया के स्वर्गदूत के ई लिखऽ: हम परमेश्वर के बेटा ही, जिनकर आँख आग के ज्वाला के जईसन चमकऽ हे आउर जिनकर गोड़ पीतल के तरह चमकऽ हे। हम तोरा से ई कहऽ ही: 19“हम जानऽ ही कि तूँ जे कुछ कर रहलऽ हे, ऊ सभे हम जानऽ ही। हम जानऽ ही कि तूँ एक दोसरा से प्रेम करऽ हऽ काहेकि तूँ हमरा से प्रेम करऽ हऽ। हम जानऽ ही कि तूँ हमरा प्रति बड़ी वफादार हऽ। हम जानऽ ही कि तूँ कौन तरह हमर सेवा कर रहलऽ हे। हम जानऽ ही कि तूँ संतोष से सहन कर रहलऽ हे। आखिर में, हम जानऽ ही कि तूँ अब ओकरा से कहीं जादे कर रहलऽ हे जे तूँ तऽ करलऽ हल जब तूँ हमरा पर पहिला बार विश्वास करलऽ हल।20तईयो, हमरा एगो तोर बात पर चर्चा करे के चाही। तूँ अपन सभा में एगो औरत के बर्दाश्त करऽ हऽ, जे पुराना नियम में ऊ दुष्ट रानी के जईसन हे जेकर नाम ईजेबेल हे। ऊ झूठा दावा करऽ हथन कि ऊ परमेश्वर के तरफ से भविष्यद्वक्तिनी हथन आउर सच्चाई सिखावऽ हथन। बाकि सच में, ऊ हमर सेवक के जे सिखावऽ हथन, ओकरा से ऊ ऊ लोगवन के गुमराह कर रहल हे जे हमरा पर विश्वास करऽ हथन। ऊ उनका यौन अनैतिक पाप करवावे आउर दोसर लोगवन से मूर्तियन के चढ़ावल मांस के खाय लागी सिखा रहलन हे। 21जबकि हम उनका ई सभे बात सिखावे लागी मना कर देली हे, फिन भी ऊ रुके ला तईयार नऽ हे। ऊ व्यभिचार काम करे से नऽ मन फिरईलन।22धियान रखऽ, हम ओकरा भयानक बेमारी से खटिया पर डाले जा रहली हे। आउर जे लोग उनकर जईसन व्यभिचार काम करऽ हथन, हम ओखनी के भी बड़ी दुःख पहुँचायेम जे ओखनी जईसन अनैतिक काम करऽ हथन जदि ऊ ओकर काम से नऽ मन फिरईतन, जे ऊ करऽ हथन।23आउर उनकर खिलाफ न्याय के रूप में, हम ओकर बच्चवन के मार डालम उनकर यौन अनैतिकता के नतीजा। तऽ विश्वासियन के सभे कलीसिया ई जान लेतन कि हम हर कोई के हृदय आउर मन के परखऽ ही। हम तोरा से हर एक के उनकर योग्यता के मुताबिक सजा चाहे इनाम दे। 24बाकि थुआतीरा नगर के बाकि विश्वासियन ई औरत के शिक्षा के पालन नऽ करलन हे। आउर तूँ ऊ सभे गुप्त काम में भाग नऽ लेलऽ हे, जेकरा ऊ शैतान द्वारा सिखईलन हल। हमरा तोरा से भी कुछ कहेला हे। हम तोरा खाली एगो काम करे लागी कहम।25जखनी ला हम वापस नऽ आयेम, तब ला जे सच्चा शिक्षा तोरा मिलल हे, ओकरा पालन करते रहऽ।26जे विजय होतन, आउर जे हमर आदेश के पालन करते रहतन, आउर मरते दम ला करते रहतन, हम उनका धरती के लोग पर राज करे के अधिकार देम।27आउर जईसे मट्टी के बरतन चकनाचूर हो जा हे, ओईसहीं ऊ लोहा के राजदण्ड से उनका पर राज करतन।,' 28ऊ एतना तागत से राज करतन काहेकि हम उनकर जौरे ऊ अधिकार साझा करम जे हमरा अपन पिता परमेश्वर से मिलल हे। हम उनका ई तसल्ली भी देम कि परमेश्वर एगो अनोखा नया युग के शुरुआत कर रहलन हे।29सभे कोई जे आत्मिक रूप से समझदार हथन, उनका धियान से सुने के चाही कि पवित्र आत्मा विश्वासियन के कलीसियावन से का कहऽ हथन।”
Bridge Connectivity Solutions Pvt. Ltd.