Revelation17
1सात स्वर्गदूतवन में से एगो, जिनका भीर कटोरा हल, हमरा भीर अईलन आउर हमरा से कहलन, “हमरा साथे आवऽ। हम तोर देखावे लागी चाहऽ ही कि परमेश्वर ऊ दुष्ट वेश्या के कईसे सजा देतन जेकरा तूँ बड़का नदी के किनारे बईठल देख लऽ हल।2धरती के सभे राजा यौन व्यभिचार करलन हे जिनकर पूजा ऊ चाहऽ हलन। जे लोगवन पर ऊ शासन करऽ हथन, ओखनी भी ऊ यौन अनैतिकता करलन हे। अईसन लगऽ हे कि ऊ दाखरस के नशा में हलन जे ऊ उनका देलन हल।”3फिन पवित्र आत्मा हमरा प्रेरित करलन जेकरा से हम दर्शन में चिजवन के देख आउर सुन सकम। स्वर्गदूत हमरा एगो सुनसान इलाका में ले गेलन। ऊहाँ हम एगो औरत के देखली जे एगो लाल जानवर पर सवार हल। जानवर अपन पूरा देह पर नाम लिखले हल। ऊ नाम परमेश्वर के नाम के निन्दा करऽ हल। जानवर के सातगो माथा आउर दसगो सींग हल।4अखनी ऊ औरत बैंगनी आउर लाल रंग के कपड़ा पेहेनले हल। ओकरा भीर कीमती पत्थर आउर मोतियन से जड़ल सोना के गहना हल। उनकर हाथ में एक सुनहरा प्याला हल। ऊ प्याला पिये लागी कुछ अशुद्ध आउर घिनामन चिजवन से भरल हल जे ऊ औरत के द्वारा करल गेल भयानक काम के देखावऽ हे जब ऊ यौन व्यभिचार करते घड़ी करऽ हलन।5आउर उनकर माथा पर एगो नाम लिखल हल। ऊ नाम के एगो गुप्त मतलब हल: महान बेबीलोन, वेश्या के माय आउर धरती में घिनामन चिजवन के माता। 6हम देखली कि ऊ औरत नशा में हल काहेकि ऊ परमेश्वर के पवित्र लोगवन आउर यीशु के गवाहवन के लहू पियलन हल। ऊ लोगवन के यीशु के बारे में सच्चाई के प्रचार करे के वजह से तकलीफ झेले पड़ल हल। जब हम ओकरा देखली तऽ हम पूरा तरह हैरान रह गेली।7स्वर्गदूत हमरा से कहलन, “ई बात से तोरा हैरान नऽ होवे के चाही। हम तोरा ऊ औरत आउर ऊ पशु के रहस्य समझायेम जेकरा पर ऊ सवार हल। ऊ जानवर के सात माथा आउर दसगो सींग हल।8ऊ जानवर जेकरा तूँ पहिले देख लऽ हल, ऊ अब जिन्दा नऽ हे। बाकि ऊ अथाह कुण्ड से वापस आवे वाला हथन। आखिरकार परमेश्वर ओकरा बर्बाद कर देतन। बाकि ई जानवर पहिले जिन्दा रहे आउर फिन मरला के बाद फिन से जिन्दा होत। ओकरा देख के धरती पर रहे वालन लोग चकित हो जईतन, जिनकर नाम परमेश्वर दुनियाँ बनावे से पहिले जिनगी के किताब में नऽ लिखलन हल।9लोगवन के एकरा समझे लागी समझदारी से सोचे के जरुरत हे: जौन जानवर पर ऊ औरत सवार हे ओकर सातगो माथा सातगो पहाड़ियन के अगुवाई करऽ हे। ई सातो पहाड़ियन ऊ शहर के हे जेकरा औरत अगुवाई कर रहल हल। माथा सातगो राजा के भी देखावऽ हे।10ऊ शासकवन में से पाँचगो मर चुकलन हल, एगो अखनियो जिन्दा हथन, आउर सातवाँ शासक अखनी ला नऽ अईलन हे, आउर जब अईतन, तऽ ऊ थोड़ा समय लागी शासन करतन।11ऊ जानवर जे पहिले जिन्दा हल आउर फिन मर गेलन, आठवाँ शासक होत। ऊ सच में ऊ सात शासकवन में से एगो हे। परमेश्वर पक्का ओकरा नाश कर देतन।12आउर जे दस सींग तूँ देख लऽ, ऊ दस राजावन के देखावऽ हथन जे अखनी तक शासन करे ला शुरु नऽ करलन हल। जबकि ऊ जानवर के जौरे मिल के लोगवन पर अधिकार करतन, जबकि खाली थोड़ा समय लागी, बाकि ऊ जानवर के साथ मिल के ओकरा पर शासन करतन। 13ऊ सभे शासक एक ही काम करे ला सहमत होतन आउर नतीजा ऊ ऊ पशु के शासन करे के शक्ति दे देतन।14शासक आउर पशु मेम्ना के खिलाफ लड़तन। ऊ उनका हरा देतन काहेकि ऊ प्रभु हथन जे सभे प्रभु पर शासन करऽ हथन आउर राजा हथन जे सभे राजा पर शासन करऽ हथन। जे लोग उनकर जौरे हथन ऊ ऊ हथन जिनका परमेश्वर चुनलन हे आउर अपना भीर बोलईलन हे आउर जे विश्वासयोग्यता से उनकर सेवा करऽ हथन।”15तऽ स्वर्गदूत हमरा से कहलन, “तूँ ऊ शहर में जे पानी देखलन हल जेज्जा वेश्या बईठल हल, ऊ कई अलग-अलग जगहवन से आयेल लोग के एगो बड़का संख्या के देखावऽ हे।16आउर जे दस सींग तूँ देख लऽ ऊ शासकवन के देखावऽ हे। ऊ आउर जानवर वेश्या से घिन करतन। येहिसे ऊ शहर के लूट लेतन आउर ओकरा में कुछ भी नऽ छोड़तन। फिन ऊ शहर के ओही तरह से नाश कर देतन जईसे एगो जंगली जानवर दोसरा जानवर के मांस खा जा हथन। ऊ शहर के पूरा तरह से जला देतन।17ऊ अईसन येहिसे करतन काहेकि परमेश्वर उनकर मन में ओही करे ला प्रेरित करलन हे जे ऊ उनका से करवावे ला चाहऽ हथन। येहिसे ऊ सभे मिल के तय करतन कि जब ला परमेश्वर अपन वादा पूरा नऽ कर लेतन, तखनी ला ऊ जानवर के अपन राज करे देतन।18आउर ऊ वेश्या जे तोरा देखलक ऊ ओही बुरा शहर के देखावऽ हे जेकर अगुवा धरती के दोसर राजावन पर शासन करऽ हथन।”
Bridge Connectivity Solutions Pvt. Ltd.