Philippians4
1येहिगुने, हे हमर भईवन, प्रिय, आउर जिनका लागी हम ललायित ही, जे हमर आनन्द आउर मुकुट हथन, हे प्रिय, ई रीति से प्रभु में स्थिर खड़ा रहऽ।2हम प्रभु में अईसन ही सोचे लागी यूओदिया से विनती करऽ ही आउर सुन्तुखे से भी विनती करऽ ही।3हाँ, हे सच्चा साथी, हम तोरा से भी विनती करऽ ही, कि ऊ औरतियन के मदत करऽ, जे सुसमाचार में हमरा जौरे मेहनत करलन हे, साथही क्लेमेंस आउर हमर बाकि के सहकर्मी, जिनकर नाम जिनगी के किताब में लिखल हे।4प्रभु में सदा आनन्दित रहऽ। हम फिन से कहम, आनन्दित रहऽ।5तोर कोमलता सभे आदमियन के पता होवे। प्रभु के आत्मा निकट हथन।6कोई बात के चिंता मत करऽ, बाकि सभे बात में, प्रार्थना आउर याचना के द्वारा धन्यवाद के साथ, तोर अनुरोध परमेश्वर के पता होवे,7आउर परमेश्वर के शान्ति, जे सभे समझ से बढ़ के हे, मसीह यीशु में तोर हृदय आउर तोर मन के सुरक्षित रखतन। 8जे बाकि के लोग हे, हे भईवन, जेतना बात सच हे, जेतना माननीय हे, जेतना न्यायसंगत हे, जेतना शुद्ध हे, जेतना धर्मी हे, जेतना प्यारा हे, जेतना सम्मानित हे, जदि कुछ भी धार्मिक हे, आउर जदि कुछ भी सराहनीय हे, तऽ ई बात के बारे में सोचऽ।9आउर जे तूँ हमरा से सिखलऽ आउर ग्रहण करलन आउर सुनलन आउर देख लऽ, ऊ बात के करऽ, आउर परमेश्वर के शान्ति तोरा जौरे बनल रहत।10अब हम प्रभु में बड़ी ही आनन्दित ही, काहेकि अब आखिर में तूँ हमर बारे में तोर विचार के फिन से नया करलक हे, जेकरा लागी तूँ सच में चिंतित हलऽ, बाकि मौका के कमी हल।11अईसन नऽ हे कि हम जरुरत के मुताबिक बोलऽ ही, काहेकि हम खुद ई सीखे लेली हे कि जे हालत में ही ओकरा में संतुष्ट रहम।12हम ई दूनो बात जानऽ ही कईसे दिन होवे के हे, आउर हम जानऽ ही कि कईसे विकल होवे के हे। सभे स्थिति आउर सभे हालत में, हम दूनो बात के सीख लेली हे, तृप्त होवऽ आउर भूखा रहऽ, आउर विकल होईहऽ आउर जरुरत में होईहऽ।13मसीह में होके हम सभे काम के कर सकऽ ही जे हमरा सामर्थ दे हथन।14जबकि, हमर दु:ख में सहभागी होके तूँ अच्छा करल।15अब तूँ फिलिप्पी के लोग ई भी जानऽ हऽ कि सुसमाचार के शुरु में, जब हम मकिदुनिया प्रान्त से निकलली, तऽ देवे आउर लेवे के बारे में खाली तोरा अलावे कोई कलीसिया हमरा जौरे भागीदारी नऽ करलक,16काहेकि ईहाँ तक कि थिस्सलुनीके शहर में भी, एक बार आउर दू बार तूँ हमर जरुरतवन लागी भेजलऽ।17अईसन नऽ हे कि हम भेंट के खोज में रहऽ ही, बाकि ऊ फल के खोज रहऽ ही जे तोर खाता में बढ़ते जा हे।18अब हमरा पास सभे चिजवन भरपूर से हे, आउर हम भरपूर ही। इपफ्रुदीतुस से तोर तरफ से आयेल ऊ चिजवन के प्राप्त कर के हम तृप्त हो गेली हे, जे परमेश्वर लागी एगो सुगन्ध, एक मधुर गंध, ग्रहणयोग्य, प्रसन्न करे वाला बलिदान हे। 19अब हमर परमेश्वर अपन ऊ धन के मुताबिक जे महिमा सहित मसीह यीशु में हे तोर सभे जरुरत पूरा करत।20अब हमनी के परमेश्वर आउर पिता के महिमा हमेशा-हमेशा ला होते रहे। आमीन।21मसीह यीशु के हरेक पवित्र सन्त के नमस्कार करिहऽ। जे भाई हमरा जौरे हे तोरा नमस्कार करऽ हथन।22सभे पवित्र सन्त तोरा नमस्कार करऽ हथन, बाकि खास कर के जे कैसर के घराना के हे। 23प्रभु यीशु मसीह के अनुग्रह तोर आत्मा के जौरे बनल रहे। आमीन।
Bridge Connectivity Solutions Pvt. Ltd.