Philippians3
1जे बाकि के लोग हथन, हे हमर भईवन, प्रभु में आनन्दित रहऽ। येही बात के तोरा लिखे में हमरा कोई कष्ट नऽ होवऽ हे, आउर ई तोर विश्वास के सुरक्षा लागी हे।2कुत्तवन से सावधान रहऽ, बुरा काम करे वालन से सावधान रहऽ, अंगभंग करे वालन से सावधान रहऽ। 3काहेकि हम तऽ खतना वाला ही अईसन लोग जे परमेश्वर के आत्मा के द्वारा आराधना करऽ हथन आउर मसीह यीशु पर गर्व करऽ ही आउर देह पर भरोसा नऽ रखतन,4जबकि हमरा तऽ देह पर भी भरोसा हे। जदि कोई दोसर जन देह पर भरोसा रखे के विचार करऽ हथन, तऽ हम आउर जादे करऽ ही:5आठवाँ दिन हमर खतना होल, इस्राएल के देश से, बिन्यामीन के गोत्र के, इब्रानियन के इब्रानी ही; यहूदी व्यवस्था के मुताबिक, फरीसी ही;6उत्साह के मुताबिक, कलीसिया के सतावे वाला; धार्मिकता के मुताबिक जे व्यवस्था में हे, तऽ बेकसूर ठहरवऽ ही।7जे बात हमरा लागी फईदा के हल, हम ऊ बात के मसीह के चलते हानि के समझ लेली हे।8बाकि एकर उल्टा, हम अपन प्रभु मसीह यीशु के ज्ञान के अनुपम मूल्य के कारण सभे बात के भी हानि के मानऽ ही, जेकर कारण हम सभे बात के हानि उठईली हे आउर हम ओकरा कूड़ा मानऽ ही जेकरा से हम मसीह के प्राप्त कर सकम9आउर ओकरा में पावल जायेम, ऊ धार्मिकता के प्राप्त कर के नऽ के व्यवस्था से हे, बाकि जे मसीह पर विश्वास करे के द्वारा हे विश्वास के द्वारा परमेश्वर के तरफ से मिलल धार्मिकता10कि ऊ आउर उनकर पुनरुत्थान के सामर्थ के आउर उनकर दुःखवन के सहभागिता जे सुनम, जे उनकर मृत्यु के अनुरूप होवऽ हे,11जदि, कोई रीति से, हम ऊ पुनरुत्थान के प्राप्त कर सकम जे कि मरलकन में से हे।12अईसन नऽ हे, कि हम एकरा पहिले ही प्राप्त कर लेली हे, चाहे पहिले ही सिद्ध कर देवल गेली हे, बाकि हम एकर पीछे लगल ही, जदि सम्भवतः हम भी ऊ बात के पकड़े जायेम, जेकरा लागी मसीह यीशु द्वारा हमरा भी पकड़ल गेल हल।13हे भईवन, हम नऽ मानऽ ही कि हम एकरा पकड़ लेली हे। बाकि एक बात हे: जे पीछे हे ओकरा भूला के आउर जे आगे हे ओकरा लागी खिंचल चलऽ जायेम,14हम मसीह यीशु में परमेश्वर के ऊपर बोलावल जाय के पुरस्कार के लागी लक्ष्य के तरफ आगे बढ़ते जा ही।15येहिगुने, जियतन सिद्ध हथन उनका येही रीति से सोचे के चाही; आउर जदि तूँ कोई बात के बारे में अलग रूप से विचार करऽ हऽ, तऽ परमेश्वर ओकरा भी तोरा पर प्रकट कर देतन।16जबकि, जे हम प्राप्त करली हे, हमनी के ओकरे में जिनगी बितावे के चाही।17हे भईवन, हमर अनुकरण करे वालन बनऽ, आउर उनका धियान से देखऽ जे ई ढंग से चलऽ हथन, जईसन तोहनी भीर हम एगो उदाहरण के जईसन ही।18काहेकि ढेरमनी आदमी जिनकर बारे में हम हमेशा तोरा बतईली हे, बाकि ई घड़ी भी रोते, हम कहऽ ही मसीह के क्रूस के दुश्मन जईसे चाल चलऽ हथन19ओकर अन्त विनाश हे, ओकर पेट ओकर ईश्वर हे, आउर उनकर महिमा उनकर लज्जा में हे, जो धरती के चिजवन के बारे में सोचऽ हथन।20बाकि हमर नागरिकता स्वर्ग में मौजूद हे, जहाँ से आवे लागी हम भी आतुर होके उद्धारकर्ता, प्रभु यीशु मसीह के प्रतीक्षा करऽ ही।21जे अपन महिमामय देह के अनुरूपता में, उनकर सामर्थ के मुताबिक सभे चिजवन के अपन अधीन करे लागी हमर दीन देह के बदल देत।
Bridge Connectivity Solutions Pvt. Ltd.